Toshkentda hali ishlab chiqarilmagan Onix mashinasini va’da qilgan lizing kompaniyasi aniqlandi
Toshkentda Start cars lizing kompaniyasi direktori va menejeri qo‘lga olindi. Ular mijozlariga O‘zbekistonda hali ishlab chiqarilmagan Chevrolet Onix mashinasini 2023 yilning yanvarigacha yetkazib berishni va’da qilgan.
Axborot texnologiyalaridan foydalanib sodir etilgan firibgarlik uchun javobgarlik kuchaytirildi
Endi axborot texnologiyalaridan foydalanib firibgarlik sodir etgan shaxslar BHMning 300−400 baravarigacha jarima to‘lash yoki 5−8 yilgacha ozodlikdan mahrum qilish bilan jazolanadi. Madaniy meros obyektlariga nisbatan hurmatsizlik bilan munosabatda bo‘lganlar esa BHMning 20−30 baravarigacha jarima to‘laydi.
O‘zbekistonda 9 oyda 216 mingta avtomobil ishlab chiqarildi, ularning har uchinchisi Cobalt
O‘zbekistonda to‘qqiz oyda jami 216 380 dona yengil avtomobil ishlab chiqarildi. Ushbu davrda eng ko‘p Cobalt (69 816 dona), Gentra (64 074 dona) hamda Damas (52 673 dona) yig‘ilgan.
Qishloq xo‘jaligi iqtisodiyotning to‘rtdan bir qismini tashkil qiladigan muhim soha — Shavkat Mirziyoyev
Shavkat Mirziyoyev agrar soha, yer-suv resurslaridan samarali foydalanish va fermerlarning moliyalashtirish imkoniyatlarini kengaytirish borasidagi vazifalarga bag‘ishlangan yig‘ilish o‘tkazdi. «Buning zamirida xalqimiz farovonligi, narx-navo barqarorligi, qancha ish o‘rinlari yotibdi», — dedi prezident.
19 oktabr kuni O‘zbekistonda sodir bo‘lgan eng muhim xabarlar dayjesti
Toshkentda 22 oktabrdan isitish mavsumi boshlanishi, «Jahon hunarmandlar shahri» maqomi beriladigan Marg‘ilon, 1800 dan ortiq kadrni ishga qabul qilgan UzAuto Motors, Samarqanddagi YTHda haydovchi va yangi tug‘ilgan chaqaloq vafot etgani va boshqalar — «Gazeta.uz»ning kun dayjestida.
Termiz xalqaro aeroporti 2 oyga yopiladi
Yangi aerodrom majmuasining ochilishiga tayyorgarlik ko‘rilayotgani munosabati bilan Termiz xalqaro aeroporti 1 noyabrdan 25 dekabrga qadar yopiladi.
Shavkat Mirziyoyev YeIning Markaziy Osiyo bo‘yicha maxsus vakili Terxi Xakalani qabul qildi
O‘zbekiston prezidenti 19 oktabr kuni Yevropa Ittifoqining Markaziy Osiyo bo‘yicha maxsus vakili Terxi Xakalani qabul qildi. Uchrashuvda Afg‘onistondagi vaziyatni tez fursatda tinch yo‘l bilan tartibga solish va uning iqtisodiy tiklanishiga ko‘maklashish masalalari ko‘rib chiqildi.
Marg‘ilonga «Jahon hunarmandlar shahri» maqomi beriladi
Marg‘ilonga Butunjahon hunarmandlar Kengashi qarori bilan «Jahon hunarmandlar shahri» maqomi beriladi. Bu shaharning World Crafts Council tarmog‘iga kirishini ta’minlaydi. Marg‘ilon ushbu ro‘yxatga O‘zbekistondan qo‘shilgan uchinchi shahar bo‘ldi.
Qoraqalpog‘iston va Sirdaryodagi tumanlarga yangi prokurorlar tayinlandi
Qoraqalpog‘istonning Taxiatosh va Nukus hamda Sirdaryo viloyati Mirzaobod tumaniga prokuror tayinlandi.
UzAuto Motors ochiq tanlov asosida 1800 dan ortiq kadrni ishga qabul qildi
Chevrolet Onix va Tracker avtomobil modellarini ishlab chiqarish uchun UzAuto Motors`ga Andijon, Farg‘ona va Namangan viloyatlaridan fuqarolar to‘rt bosqichda saralab ishga olindi.
2024 yil 1 yanvargacha yer ajratish haqida qarori bo‘lmagan yer uchastkalarini rasmiylashtirish yakunlanadi
Ko‘chmas mulkka bo‘lgan huquqlarning hisobini yuritishda shaffoflikni ta’minlash, shuningdek, kadastr sohasidagi ayrim ma’muriy tartib-taomillarni takomillashtirish bo‘yicha Hukumat qarori qabul qilindi. Unga ko‘ra, 2024 yil 1 yanvarga qadar yer ajratish haqida qarori yo‘q yer uchastkalarini rasmiylashtirish yakunlanadi.
Kamharakatlik sabab 2030-yilgacha 500 mlndan ortiq kishi yuqumli bo‘lmagan kasalliklarga chalininishi mumkin
2020-yildan 2030-yilgacha kamharakatlik tufayli dunyo bo‘ylab 500 milliondan ortiq odam yuqumli bo‘lmagan kasalliklarga chalinishi mumkin. Hozirda o‘smirlarning 81 foizi va kattalarning 27,5 foizi faol bo‘lmagan turmush tarzini olib boradi.
Sankt-Peterburg politexnika universiteti bepul ta’lim olishga taklif qiladi
O‘zbekistonlik abituriyentlar Buyuk Pyotr nomidagi Sankt-Peterburg politexnika universitetida kvota asosida bepul o‘qishlari mumkin. Bu imkoniyat “Open Doors” olimpiadasi g‘oliblariga ham taqdim etiladi.
Samarqanddagi YTHda haydovchi va yangi tug‘ilgan chaqaloq vafot etdi
Jomboy tumanida Nexia va Spark to‘qnashuvi oqibatida tug‘ruqxonadan olib ketilayotgan 3 kunlik chaqaloq hamda haydovchi vafot etdi.
Zararli yoki xavfli ishlarda ishlaydigan xodimlar tibbiy ko‘rikdan o‘tkaziladi
Hukumat qarori bilan elektr energetikasi obyektlariga kiruvchi uskuna va inshootlarni nazorat qiluvchi korxonalar xodimlari hamda qurilish-montaj, ta’mirlash ishlarini bajaruvchilar dastlabki va davriy tibbiy ko‘rikdan o‘tkaziladi.
Farg‘onada Lacetti va Matiz to‘qnashuvi oqibatida 2 kishi vafot etdi
Farg‘ona viloyatida Lacetti qarama-qarshi yo‘nalishga chiqib ketib, Matiz bilan to‘qnashdi. Oqibatda Matiz haydovchisi va yo‘lovchisi vafot etdi, 3 kishi jarohatlandi.
Markaziy bank raisiga birinchi o‘rinbosar tayinlandi
Nodirbek Saydullayev Markaziy bank raisining birinchi o‘rinbosari etib tayinlandi. Bungacha u Asaka bank boshqaruv raisi sifatida faoliyat yuritgan.
Buxoroda xonadonda gaz portlashi oqibatida 2-sinf o‘quvchisi vafot etdi
Qorako‘l tumanidagi xonadonlarning birida gaz chaqnashi sodir bo‘ldi. Oqibatda 2-sinf o‘quvchisi olgan tan jarohatlari sabab shifoxonada vafot etdi. Holat yuzasidan tuman prokuraturasi tomonidan tergovga qadar tekshiruv harakatlari olib borilmoqda.
Moskvadan Urganchga uchayotgan samolyot Samaraga favqulodda qo‘ndi
Moskvadan Urganchga uchayotgan «Azimut» kompaniyasining SSJ-100 samolyoti yo‘lovchining sog‘lig‘i yomonlashgani sababli Samaraga favqulodda qo‘ndi. Hozir reys Urganchga yetib bordi.
Tijorat banklari 19-oktabr uchun dollarning sotuv kursini yangiladi
Markaziy bank 19-oktabr kungi o‘zbek so‘mining AQSh dollariga nisbatan rasmiy kursini 11 157,43 so‘m etib belgiladi. Banklar ham o‘z takliflarini yangiladi.
Qo‘shimcha imkoniyatlardan foydalanish uchun saytda ro‘yxatdan o‘ting