Toshkentda prokuratura tergovchisi pora olayotgan vaqtda qo‘lga olindi
Uchtepa tumani prokuraturasi tergovchisi 50 ming AQSh dollarini pora tariqasida olgan vaqtda ushlandi. Holat yuzasidan jinoyat ishi qo‘zg‘atilgan.
Iste’molchilarga yil boshidan buyon 72,3 mlrd so‘m keshbek qaytarildi
Soliq qo‘mitasi yanvar-mart oylari uchun iste’molchilarga yana 4,2 mlrd so‘m keshbek to‘lab berdi. Yil boshidan buyon iste’molchilarga to‘langan summa 72,3 mlrd so‘mga yetdi.
Qishloq xo‘jaligiga mo‘ljallangan yerlarni ijaraga berish soddalashdi
Viloyat hokimliklari Qishloq xo‘jaligi vazirligi bilan talab yuqori bo‘lgan yerlar bo‘yicha ochiq tanlov o‘tkazadi. Fuqarolardan yerni tanlovga chiqarish bo‘yicha takliflarni ko‘rib chiqish muddati 3 ish kuni etib belgilandi. Bundan tashqari, tanlovga chiqarilgan yerni olmoqchi bo‘lgan talabgorlar 1 martdan keyin xorijdan kelgan mehnat migrantlari bo‘lsa, zakalat puli to‘lashdan ozod etiladi.
Abramovich «Chelsi» klubini sotish bo‘yicha kelishuvga erishdi, bitim summasi: 4,25 mlrd funt
Siyosiy vaziyat sabab «Chelsi» klubini sotishga qaror qilgan Roman Abramovich uni amerikalik va shveysariyalik milliarderlar guruhiga sotish bo‘yicha kelishuvga erishdi. Umumiy kelishuv summasi 4,25 mlrd funtni tashkil etdi. Endi kelishuvni Britaniya hukumati va Angliya Premer-ligasi rahbariyati tasdiqlashi kerak.
«Qamchiq» dovonida sel sababli qulab tushgan tayanch ustuni qayta tiklandi
4 may kuni kechasi «Qamchiq» dovonida kuzatilgan sel oqibatida poyezdni elektr quvvati bilan ta’minlovchi tayanch ustuni qulab tushgan. Tezkor shtab tomonidan elektr tayanch ustuni va yo‘l ostidan qo‘shimcha sel o‘tkazgich qurildi.
2021-yilda maktab direktorlari eng ko‘p majburiy mehnatga yo‘l qo‘ygan
Davlat mehnat inspeksiyasi 2021-yilda mehnat bilan bog‘liq 52,5 mingta qonunbuzilish holatlarini aniqladi. 75 nafar mansabdor shaxs majburiy mehnatga yo‘l qo‘ygani uchun jarimaga tortilgan. Ularning orasida eng ko‘pi maktab direktorlari bo‘lgan.
Klasterlar, qayta ishlash, R&D markazlari. Elektrotexnika ishlab chiqarish va uni eksport qilishni qanday oshirish mumkin?
Prezident 2023 yilda elektrotexnika mahsulotlari eksportini 1 mlrd dollarga yetkazish vazifasini qo‘ydi. Hududlarda umumiy qiymati 100 million dollardan kam bo‘lmagan elektrotexnika loyihalarini ishga tushirish, Toshkent shahridagi «Texnopark» kabi klasterlar tashkil etish, misni qayta ishlashni ko‘paytirish, «Elektroapparat», «Texnopark», Artel va Uzkabel kabi qo‘shma korxonalarda tajriba-konstruktorlik va R&D markazlarini tashkil etish va boshqa chora-tadbirlar ko‘rish bo‘yicha topshiriqlar berdi.
Yana bir hokim yordamchisi pora olayotganda ushlandi
Toshkent shahri Yunusobod tumanidagi hokim yordamchisi tadbirkordan 35 ming dollar pora olayotgan vaqtida ushlandi.
Shuxrat Rasulov “O‘zagrosug‘urta” kompaniyasi rahbari etib tayinlandi
“Oʻzagrosugʻurta” kompaniyasi kuzatuv kengashi qarori bilan Shuxrat Rasulov tashkilot boshqaruv raisi vazifasini bajaruvchisi etib tayinlandi. U bunga qadar “Agrobank” boshqaruvi raisining birinchi oʻrinbosari lavozimida ishlagan. “Oʻzagrosugʻurta” kompaniyasini 2019 yildan buyon Sarvar Otamurodov boshqarib kelayotgan edi.
Nima tayyorlaymiz: Qulupnayli pishiriqlar
Italyancha qulupnayli pirog, qulupnayli brauni, banan-qulupnayli tort, qulupnayli muss, «Magnoliya» shirinligi va tvorogli tort — Zira.uz qulupnaydan tayyorlanadigan pishiriqlar retseptlari ro‘yxatini taqdim etadi.
O‘zbekiston TIV Aleksandr Lukashenkoning OAVda tarqalgan so‘zlariga munosabat bildirdi
O‘zbekiston Tashqi ishlar vazirligi Sputnik`ning mamlakat Rossiya va Belarusdan iborat Ittifoq davlatiga qo‘shilishi mumkinligi haqidagi xabariga javob berdi. Prezident Aleksandr Lukashenko sobiq SSSR respublikalari ittifoqqa qo‘shilishiga ishonch bildirgan.
6 may kuni O‘zbekistonda sodir bo‘lgan eng muhim xabarlar dayjesti
Osiyo va Paraosiyo o‘yinlarining bir yilga qoldirilgani, tendersiz tanlangan Toshkentdagi muzeylarni rekonstruksiya qiladigan loyihachi va pudratchilar, o‘zbek-qirg‘iz chegarasidan noqonuniy o‘tgani uchun otilgan 3 qirg‘izistonlik, keyingi haftada kutilayotgan sel va toshqinlar, 9 mayda otiladigan bayram salyuti va boshqalar — «Gazeta.uz»ning 6 maydagi eng muhim xabarlari dayjestida.
«Aeroflot» Moskvadan Toshkentga parvozlarni tiklamoqda
Rossiyaning «Aeroflot» aviakompaniyasi 20 maydan boshlab Moskva — Toshkent yo‘nalishi bo‘yicha parvozlarni tiklamoqda. Parvozlar Airbus A330 laynerlarida ular lizingiga YeI sanksiyalari yumshatilgani ortidan amalga oshiriladi.
Kreditlar, Afg‘oniston, Ukraina. Yaponiya TIV rahbarining O‘zbekistonga tashrifining asosiy mavzulari
Yaponiya tashqi ishlar vaziri Yosimasa Xayasi Toshkentga tashrifi chog‘ida 200 mln dollargacha kredit ajratilishini ma’lum qildi, O‘zbekiston bilan Afg‘onistonda inklyuziv siyosiy tizimni yaratish va qizlar ta’limini tezroq tiklash, Ukrainadagi vaziyat bo‘yicha hamkorlik qilish istagini bildirdi. O‘zbekiston Yaponiya sun’iy yo‘ldoshlari va texnologiyalari yordamida iqlim o‘zgarishi oqibatlariga qarshi kurashishni rejalashtirmoqda.
Samarqanddagi 60 o‘rinli maxsus qabulxonada 160 kishi saqlanayotgani aniqlandi
Samarqand viloyatidagi 60 o‘rinli ma’muriy tartibda hibsga olingan shaxslarni saqlash uchun maxsus qabulxonada 161 kishi saqlanayotgani aniqlandi. Ombudsmanning mintaqaviy vakili tomonidan saqlanuvchi shaxslarning yashash va mehnat sharoitlari o‘rganildi. Ularning bir kunlik daromadi o‘rtacha 40 500 so‘mni tashkil qiladi.
O‘zbekiston va Qirg‘iziston TIV rahbarlari chegaradagi hodisani muhokama qildi
O‘zbekiston tashqi ishlar vaziri v. b. Vladimir Norov va Qirg‘iziston tashqi ishlar vaziri Jeenbek Kulubayev telefon orqali muloqotda chegaradagi otishmani muhokama qildi.
O‘zbekiston aholisi 35,4 mln kishiga yetdi
Yanvar-mart oylarida O‘zbekistonning doimiy aholisi 130 ming kishiga ko‘payib, 35,4 mln kishiga yetdi. Yil davomida o‘zbekistonliklar soni 738,3 ming kishiga yoki 2,1 foizga o‘sdi. Yilning dastlabki uch oyida tug‘ilishlar soni keskin — 13,4 foizga o‘sdi, o‘lim darajasi esa 0,5 foizga oshdi va koviddan avvalgi ko‘rsatkichdan yuqoriligicha qolmoqda.
9−13-may kunlari 9 ta viloyatga sel kelish xavfi bor
O‘zgidromet kuchli yomg‘irlar tufayli dushanbadan-jumagacha respublikaning tog‘ oldi va tog‘li hududlarida sel-suv toshqinlari bo‘lishi mumkinligi haqida ogohlantirdi.
Notarius ruhiy-asab kasalliklari dispanserida davolanayotgan shaxsning uyini sotib yuborishda gumonlanmoqda
Qibray tumanida davlat notarial idorasi notariusi ruhiy-asab kasalliklari dispanserida davolanayotgan shaxsning uyini sotib yuborganlikda gumon qilinmoqda.
COVID-19 tufayli Xitoy mezbonlik qiladigan Osiyo va Paraosiyo o‘yinlari qoldirildi
10−25 sentabr kunlari Xitoyning Xanchjou shahri mezbonlik qilishi rejalashtirilgan XIX Osiyo va Paraosiyo o‘yinlari mamlakatdagi COVID-19 bilan bog‘liq murakkab epidemiologik vaziyat tufayli bir yilga kechiktirildi.
Qo‘shimcha imkoniyatlardan foydalanish uchun saytda ro‘yxatdan o‘ting