MIB ishiga aralashganlik uchun ma’muriy va jinoiy javobgarlik belgilandi
Qonunchilikka sud hujjatlarining majburiy ijrosiga aralashganlik uchun ma’muriy va jinoiy javobgarlik kiritildi. MIB ishiga aralashish holati ma’muriy jazo qo‘llanilganidan keyin ham sodir etilsa, 1 yildan 3 yilgacha ozodlikni mahrum qilish bilan jazolanishi mumkin.
Xususiy tibbiyot muassasalarining litsenziya olish tartibi soddalashtiriladi
Prezident farmoni bilan xususiy tibbiyot muassasalarining litsenziya olish tartibi soddalashtiriladi. Qolaversa, xorijlik shifokorlarga O‘zbekistonda faoliyatini amalga oshirish tasdiqnomasi uchun yig‘im 6 baravarga kamaytiriladi, 1 oyga kelgan shifokorlardan esa tasdiqnoma talab etilmaydi. Qolaversa, davolanish maqsadida kelgan xorijliklar turistik yig‘imdan ozod etiladi.
Toshkentdan Qozog‘istonga avtobus qatnovlari yo‘lga qo‘yildi
12 apreldan boshlab Toshkentdan Qozog‘iston shaharlariga avtobus qatnovlari tiklanadi. Transport vazirligi beshta shaharga reyslar jadvali va chiptalar narxlarini e’lon qildi.
Farg‘onada Olimpiya kolleji bosh hisobchisi 4,3 mlrd so‘m pulni qimorga tikkanligi aytilmoqda
Farg‘ona viloyati Olimpiya zaxiralari kolleji bosh hisobchisi 3 yil davomida 4,3 mlrd so‘mlik mablag‘larni asossiz ravishda o‘zlashtirganlikda gumon qilinmoqda. U o‘zlashtirilgan mablag‘larni internet orqali qimor o‘yinlariga tikib, sarflab yuborgan. Bosh hisobchiga nisbatan «qamoqqa olish» ehtiyot chorasi qo‘llanilgan.
«Xalq bu kuchdir». Toshkent aholisi yana bir bolalar maydonchasini himoya qilishga erishdi
Toshkentning Yunusobod tumani Markaz-5 dahasi aholisi quruvchi bilan kurashda yangi bino qurilishi ko‘zda tutilgan joydagi bolalar maydonchasi va yashil hududni himoya qilishga muvaffaq bo‘ldi. Mojaro vaqtida ayrim aholi vakillari va faollar jarohatlandi. Hodisa poytaxt hokimi Jahongir Ortiqxo‘jayev aralashuvi bilan hal etildi.
Pulli yo‘llar, aeroportlar, yashil elektr stansiyalari. DXSH uchun loyihalar ro‘yxati
O‘zbekistonda davlat-xususiy sheriklik shartlari asosida bir qator pulli yo‘llar, shamol va quyosh elektr stansiyalarini qurish rejalashtirilmoqda. Xususiy kompaniyalar Toshkent va boshqa shaharlarning xalqaro aeroportlari va infratuzilmasini modernizatsiya qilishga ham jalb etiladi.
OTP Bank Ukrainadagi urush tufayli «Ipotepa-bank» ulushini sotib olishni kechiktirdi
«Ipoteka-bank»ning 75 foiz davlat ulushini sotib olishni rejalashtirgan Vengriyaning OTP Bank banki O‘zbekistondan bitimni kechiktirishni so‘radi. Kechikishga Ukrainadagi urush sabab qilib keltirildi.
Farg‘ona vodiysida yagona aeroport qurish taklif qilinmoqda
Farg‘ona vodiysida hududdagi uchala viloyat uchun yagona xalqaro aeroport qurilishi mumkin. Prezidentga ko‘rsatilgan loyihalar taqdimotida bu haqda so‘z boradi.
Shahboz Sharif Pokiston bosh vaziri etib saylandi
Pokiston parlamenti Shahboz Sharifni mamlakatning yangi bosh vaziri etib sayladi. U ishonchsizlik votumi e’lon qilinib, lavozimidan chetlatilgan Imron Xon o‘rnini egalladi.
11 aprel kuni O‘zbekistonda sodir bo‘lgan eng muhim xabarlar dayjesti
Humo kartalaridagi uzilishlar, prezident bilan bog‘liq xabarlar ostidagi “o‘quvchilarimiz” izohlari, desantchilarning parashyutda sakrash mashg‘ulotlari videosini e’lon qilgan Mudofaa vazirligi, kutilayotgan issiq kunlar, Ukrainaga gumanitar yordam yuborgan O‘zbekiston va boshqalar — “Gazeta.uz” ning 11 apreldagi eng muhim xabarlari dayjestida.
Uzbekistan Airways samolyoti portlash xavfi sababli Moskvada qo‘ndi
Minskdan Toshkentga uchayotgan Uzbekistan Airways samolyoti portlash xavfi sababli Moskvaning Domodedovo aeroportiga qo‘ndi. Havo kemasiga bomba qo‘yilganligi haqidagi xabar o‘z tasdig‘ini topmadi, deyiladi aviakompaniya xabarida.
Rossiyaning Ukrainaga bosqini O‘zbekistonda iqtisodiy o‘sishni 3,6% gacha sekinlashtiradi — Jahon banki
Jahon banki hisob-kitoblariga ko‘ra, Rossiyaning Ukrainaga bostirib kirishi oqibatlari O‘zbekistonda iqtisodiy o‘sish darajasini 3,6% gacha sekinlashtiradi, inqirozgacha bu ko‘rsatkich 6% ga baholangan edi. Ayni paytda xomashyo eksportidan olinadigan daromadlar va xususiylashtirishdan tushumlarning nisbatan yuqoriroq bo‘lishi pul o‘tkazmalariga qaram bo‘lgan uy xo‘jaliklarini moddiy jihatdan qo‘llab-quvvatlash maqsadlaridagi yuqori ijtimoiy soha xarajatlarini qoplaydi, pul o‘tkazmalari qisqarishi va mehnat migrantlarining uylariga qaytishi ortidan mamlakatda kambag‘allik darajasi keskin o‘sishining oldini oladi.
Toshkentda $6900 qalbaki kupyuralarni sotishga uringan shaxslar ushlandi
Toshkent shahrida 6900 dollar qalbaki kupyuralarni sotishga uringanlikda gumonlangan uch kishi qo‘lga olindi. Toshkent viloyatida esa ikki fuqaro 11 ming dollarni noqonuniy tarzda 125,4 mln so‘mga sotmoqchi bo‘lganida ushlandi.
Har yili Yoshlar kuni va “Yoshlar forumi” doirasida besh bosqichli sport musobaqalari o‘tkaziladi
Prezident qaroriga muvofiq, har yili an’anaviy tarzda 30 iyun — Yoshlar kuni va “Yoshlar forumi” doirasida sportning 9 ta turi bo‘yicha besh bosqichli ommaviy sport musobaqalari o‘tkaziladi. Bu orqali yil oxirigacha 6 mln nafar yoshlarni sport bilan qamrab olish reja qilingan. Bundan tashqari, 2023 yil 1 martdan olimpiya, noolimpiya va milliy sport turlari, qolaversa, maktab va OTMlar doirasida ham musobaqalar tashkillashtiriladi.
Dollarning rasmiy kursi pasayishda davom etmoqda
Dollarning so‘mga nisbatan rasmiy kursi pasayishda davom etib, 11 329,38 so‘mga teng bo‘ldi. Rubl kursi pasaydi, yevro kursida esa o‘sish kuzatildi.
«Bolalarga nisbatan zo‘ravonlikni to‘xtating» — Bola ombudsmani
Qoraqalpog‘istonda o‘z farzandlariga jismoniy va ruhiy tazyiq o‘tkazgan ayolga nisbatan jinoyat ishi qo‘zg‘atildi. Bola ombudsmani Aliya Yunusova esa «bolalarga nisbatan zo‘ravonlikni to‘xtatishni» so‘rab chiqdi. «Biz jamiyat sifatida bu haqiqatni qabul qilmasligimiz kerak. Bolalarni shafqatsiz muomala va zo‘ravonlikdan asrash uchun barcha imkoniyatlarni ishga solishimiz lozim», — dedi u. Vakil holatni o‘z nazoratiga oldi.
Tinkoff kompaniyasi CloudPayments savdo belgisini O‘zbekistonda ro‘yxatdan o‘tkazmoqda
Tinkoff Global kompaniyasi O‘zbekistonda CloudPayments savdo belgisini ro‘yxatdan o‘tkazishni boshladi. Onlayn to‘lov xizmatini ko‘rsatuvchi tizim allaqachon kompaniyani ro‘yxatdan o‘tkazgan va mahalliy korxonalar bilan muzokaralarni boshlagan.
Uyushmalarga berilgan imtiyozlar sohadagi barcha ishlab chiqaruvchilarga tadbiq etiladi
«O‘zbekipaksanoat», «O‘zcharmsanoat» va boshqa uyushmalar tomonidan qo‘llanilayotgan soliq va bojxona imtiyozlari mazkur tarmoqlarning barcha subyektlariga ham tatbiq etiladi. Mazkur imtiyozlar 2017−2019 yillarda berilgan bo‘lib, ularning muddati 2023 yil 1 yanvarda tugaydi. «Gazeta.uz» ushbu imtiyozlar va sohalar ro‘yxatini e’lon qiladi.
Qozog‘iston 15 apreldan bug‘doy va un eksportiga cheklovlar joriy etadi
Qozog‘iston ichki bozorda taqchillik yuzaga kelmasligi uchun 15 apreldan 15 iyungacha bug‘doy va un eksportiga cheklovlar joriy etmoqda.
British Management University Foundation 2022 dasturiga qabul davom etmoqda
Britaniya menedjment universiteti bitiruvchilari ikkita diplom, IT va biznes tahlili bo‘yicha qo‘shimcha mutaxassislik hamda ACCA, CFA, PMI va boshqa xalqaro sertifikatlarga ega bo‘lishlari mumkin.
Qo‘shimcha imkoniyatlardan foydalanish uchun saytda ro‘yxatdan o‘ting