Buxoroda kuchli shamol va yog‘ingarchilikni prognoz qilishda ko‘maklashuvchi meteolokator o‘rnatildi
O‘zgidromet tomonidan Kogon tumanida kuchli shamol va yog‘ingarchilikni prognoz qilishda ko‘maklashuvchi meteolokator o‘rnatildi. U 200 km radiusda mavjud va kutilayotgan ob-havo xodisalari to‘g‘risida, jumladan bulutlar oqimi, shamol tezligi va yo‘nalishi, yog‘inlar miqdori va turi, uning davomiyligi haqida ma’lumot beradi.
Toshkentda isitish mavsumi yakunlanmoqda
Toshkentda iliq kunlar boshlangani munosabati bilan 1 apreldan issiqlik ta’minoti o‘chiriladi.
Davlat organlariga yil yakunigacha avtomobil, mebel va ofis anjomlari xarid qilish taqiqlandi
Prezident budjet xarajatlarini 10 trln so‘mga qisqartirish zarurligini ta’kidladi. Shunga ko‘ra, yil yakuniga qadar barcha hokimlik, vazirlik va idoralarga bino ta’mirlash, avtomobil, mebel, ofis anjomlari xarid qilish taqiqlandi. Qolaversa, ular moliyaviy manbasi aniq bo‘lmagan qurilishlarni boshlamasligi kerak.
Shavkat Mirziyoyev — O‘zbekiston iqtisodiyotini qo‘llab-quvvatlash va tashqi xatarlarni yumshatish haqida
Prezident jahondagi nobarqaror vaziyatda O‘zbekiston iqtisodiyotini qo‘llab-quvvatlash va tashqi xatarlarni yumshatish bo‘yicha topshiriqlar berdi. Jumladan, ayrim oziq-ovqat mahsulotlari importiga aksiz solig‘i va bojxona bojlari qayta ko‘rib chiqiladi, tadbirkorlarga 10 trln so‘m «revolver» kreditlar beriladi. Yil yakunigacha Rossiya, Ukraina va Belarus bilan ishlayotganlarning debitor qarzdorligi uchun jarima va penya qo‘llanilmaydi.
OIIB O‘zbekistonga «Buxoro-Xiva» temir yo‘lini elektrlashtirish uchun 108 mln dollar ajratadi
Osiyo infratuzilmaviy investitsiyalar banki O‘zbekiston bilan «Buxoro — Miskin — Urganch — Xiva» temir yo‘l liniyasini elektrlashtirishga qaratilgan 108 mln dollarlik kredit shartnomasini imzoladi.
«Hokimlar va prokurorlar qayoqqa qaragan?» — prezident shakar «ajiotaji» haqida
Shavkat Mirziyoyev Jizzax, Samarqand hamda Toshkent shahrida zaxiralar o‘z vaqtida tarqatilmagani sababli, shakar narxi keskin oshganini tanqid qildi. «Ushbu hududlarning hokimlari va prokurorlari qayoqqa qaragan?», — dedi u. Ta’kidlanishicha, Ramazon oyida narxlarning barqarorligini ta’minlash uchun tadbirkorlarga amaliy yordam ko‘rsatiladi.
«Valyuta bozorida keskin tebranishlarning oldini olish uchun zaxiralarimiz yetarli» — Shavkat Mirziyoyev
Prezident videoselektor yig‘ilishida valyuta bozori barqarorlashgani, birjada rubl va yuan bo‘yicha savdolar boshlanganini aytdi. «Valyuta bozorida keskin tebranishlarning oldini olish uchun zaxiralarimiz yetarli», — dedi Shavkat Mirziyoyev. Ta’kidlanishicha, ekspertlar jahondagi hozirgi murakkab vaziyat uzoq davom etishini prognoz qilmoqda. Shundan kelib chiqib, bosh vazir boshchiligida Respublika shtabi tuziladi.
“Guliston neft bazasi"da qariyb 3,2 mlrd so‘mlik kamomad, 2,7 mlrd so‘mlik manfaatlar to‘qnashuvi holatlari aniqlandi
“Guliston neft bazasi"da 24,7 mlrd so‘mlik debitor qarzdorlikning 9 mlrd so‘mi “umidsiz” qarzdorlikka aylangani ma’lum bo‘ldi. Shuningdek, jamiyatda 3,2 mlrd so‘mlik kamomad hamda 2,7 mlrd so‘mlik manfaatlar to‘qnashuvi holatlari ham aniqlandi.
Diyor Imomxo‘jayev 4 yilga PFL bosh direktori bo‘ldi
2020 yildan beri Professional futbol ligasi bosh direktori vazifasini bajaruvchi bo‘lib ishlab kelayotgan Diyor Imomxo‘jayev 4 yil muddatga tashkilotga bosh direktor etib saylandi.
“Erishgan yutuqlarimizni saqlab qolishimiz kerak”. Nozim Xusanov — bolalar va majburiy mehnatga chek qo‘yilgani haqida
Mehnat vaziri Nozim Xusanov mamlakat yutug‘ining 50 foizi bolalar va majburiy mehnatga chek qo‘yishga erishilganida bo‘lsa, qolgan 50 foizi uni saqlab qolishga bog‘liqligini aytdi. Senat raisi Tanzila Narbayeva esa “odamlar yaratilgan sharoitlar, mehnatga haq to‘lash, ijtimoiy himoya tizimidan qoniqishi kerakligini” ta’kidladi. Bunga erishish uchun O‘zbekiston xalqaro Better Work dasturidan foydalanishni rejalashtirmoqda. Shuningdek, ayrim sohalar bosqichma-bosqich 5 kunlik ish haftasiga o‘tkazilishi ham mumkin.
YPX xodimini xizmat faoliyati jarayonida s’yomka qilishga qarshiman — Svetlana Artikova
Bosh prokuror o‘rinbosari Svetlana Artikova ham yo‘lovchi, ham «pogonli shaxs» sifatida YPX xodimlarini xizmat vaqtida tasvirga olishga qarshi ekanini ma’lum qildi.
MOQ sportchilar manfaatlarini himoya qilish maqsadida sportchilardan iborat komissiya tuzdi
Milliy olimpiya qo‘mitasi tarkibida sportchilar manfaatlarini himoya qilish maqsadida Atletlar komissiyasi tuzildi. Unga 7 nafar sportchi kirdi. Dmitriy Shokin komissiyaga rahbar etib tasdiqlandi, Oksana Chusovitina va Bekzod Abdurahmonov esa uning o‘rinbosarlari bo‘ldi.
Tibbiyot xodimlariga hijob va boshqa diniy liboslarda yurishga taqiq olib tashlandi
Sog‘liqni saqlash vaziri buyrug‘i bilan tibbiyot xodimlariga hijob va boshqa diniy kiyim-boshlarda yurishga taqiq olib tashlandi.
O‘zbekiston 2 oyda 228 ta elektromobil import qildi
O‘zbekiston yanvar-fevral oylarida qiymati 5,9 mln dollarlik 228 ta elektromobil import qildi. Ularning 95 foizga yaqini Xitoydan keltirilgan. 2021 yilning mos davriga nisbatan 150 taga ko‘proq elektromobil olib kelingan.
Olmaliqda MCHJ rahbarining 219,2 mln so‘mlik nasoslarni yaroqsizga chiqarib, o‘zlashtirgani aniqlandi
Olmaliqda korxona rahbari tekshirish uchun berilgan 219,2 mln so‘mlik 30 ta nasos agregatini yaroqsizligi to‘g‘risida soxta dalolatnomalarni rasmiylashtirib, o‘zlashtirgani aniqlandi.
Ramazon oyi qachon boshlanadi?
O‘zbekiston Musulmonlari idorasining tarovih namozlarida xatm qilinadigan Qur’oni karim taqsimoti jadvalida tarovih namozlari 1 apreldan boshlanishi ko‘rsatilgan. Bu — Ramazon oyi 2 apreldan kirib kelishini anglatadi. Biroq O‘zbekistonda Ramazon oyi qachon boshlanishi haqida rasmiy xabarlar e’lon qilingani yo‘q. Qoraqalpog‘istonda esa Ramazon 2 apreldan boshlanishi rasman ma’lum qilindi.
O‘zbekiston va FTA sanitariya va chorvachilik loyihalari bo‘yicha ikkita shartnomani imzoladi
O‘zbekiston hukumati va Fransiya taraqqiyot agentligi o‘rtasida Navoiy va Qashqadaryoda suv ta’minoti infratuzilmasini rivojlantirish hamda chorvachilik tarmog‘iga iqlimiy investitsiyalarni moliyalashtirish bo‘yicha qo‘shma ishlarni amalga oshirishga qaratilgan ikkita bitim imzolandi.
Davlat ekologiya qo‘mitasi barcha avtomobillarni elektromobillarga almashtirishni rejalashtirgan
Davlat ekologiya qo‘mitasi 10 ta elektromobil xarid qildi va kelajakda barcha xizmat mashinalarini elektromobillarga almashtirishni rejalashtirmoqda.
O‘zbekiston va Turkiya mudofaa vazirliklari qanday kelishuvlarga erishdi?
O‘zbekiston va Turkiya mudofaa vazirliklari o‘rtasida imzolangan harbiy va harbiy-texnikaviy hamkorlik to‘g‘risidagi bitim jangovar tayyorgarlik va mudofaa sanoati sohasidagi sheriklik masalalarini ham qamrab oladi.
O‘zbekistonda Markaziy Yevroosiyo mintaqasida birinchi bo‘lib Space Technology Conference o‘tkaziladi
«O‘zbekkosmos» may oyida Toshkentda Markaziy Yevroosiyo mintaqasidagi birinchi Space Technology Conference o‘tkazadi. Unda kosmik faoliyat sohasidagi yetakchi kompaniyalar — Maxar, SpaceX, Viasat (AQSh), Airbus (Fransiya) va boshqa kompaniyalar vakillari ishtirok etadi.
Qo‘shimcha imkoniyatlardan foydalanish uchun saytda ro‘yxatdan o‘ting