Toshkentda Matiz “peshexod"dan o‘tayotgan 83 yoshli fuqaroni urib ketdi
Toshkent shahri Yunusobod tumanida Matiz tartibga solinmagan piyodalar o‘tish joyidan kesib o‘tayotgan 83 yoshli fuqaroni urib yubordi. YTH oqibatida piyoda shifoxonaga yotqizildi.
Toshkentda KHAYning Maxtumquli ko‘chasi bilan kesishmasi bir oyga yopiladi
Yashnobod tumanida yo‘l qurilish ishlari sababli KHAYning Maxtumquli ko‘chasi bilan kesishmasidagi yondosh qismi 5-dekabrgacha yopiladi.
Toshkent — Nyu-York reysi ikkinchi marta favqulodda to‘xtadi — bu safar erta to‘lg‘oq tufayli
Uzbekistan Airways’ning HY101 “Toshkent — Nyu-York” reysi ikkinchi marta manzilga yeta olmadi. Ertalab samolyot yo‘lovchilardan birining sog‘lig‘i yomonlashgani sababli Toshkentga qaytgandi. Keyinroq u yo‘lovchidagi erta to‘lg‘oq tufayli Kanadaga qo‘ndi.
O‘zbekistonda “kelishilgan o‘yinlar” uchun jinoiy javobgarlik joriy etildi
Sport musobaqasi qatnashchi va tashkilotchilarining pora olishi, ularni moddiyat evaziga og‘dirib olish uchun jinoiy javobgarlik belgilandi. Bu katta miqdordagi jarima, 3 yilgacha ayrim huquqlardan mahrum qilish, 3 yilgacha (og‘irlashtiruvchi holatlarda — 8 yil) ozodlikdan cheklash yo mahrum qilish bilan jazolanadi.
Yaponiya dunyodagi birinchi yog‘och sun’iy yo‘ldoshni koinotga uchirdi
Yaponiyada yaratilgan dunyodagi birinchi yog‘och sun’iy yo‘ldosh — LignoSat koinotga uchirildi. U Yerdan taxminan 400 km balandlikda orbitaga chiqariladi. “O‘zimiz ishlab chiqara oladigan yog‘ochlar yordamida uylar qurish, kosmosda abadiy yashash va ishlash qobiliyatiga ega bo‘lamiz”, — deydi uning yaratuvchilari.
Chernogoriyadagi boks bo‘yicha yoshlar o‘rtasidagi JCHda O‘zbekiston 13 medalni qo‘lga kiritdi (+foto)
Chernogoriyada boks bo‘yicha yoshlar o‘rtasidagi jahon chempionati yakunlandi, unda O‘zbekiston terma jamoasi 13 medalni qo‘lga kiritdi. Erkaklar jamoasi umumjamoa hisobida 9 ta sovrin bilan birinchi o‘rinni egalladi, qizlar 4 ta medal oldi.
Prezident energetika korxonalarining kuz-qish mavsumiga tayyorgarligini muhokama qildi
Prezident yig‘ilishida O‘zbekiston energetika tarmog‘i korxonalarining kuz-qish mavsumiga tayyorgarligi muhokama qilindi. Davlat rahbari aholini gaz va elektr energiyasi bilan o‘tgan yillarga nisbatan barqarorroq ta’minlash bo‘yicha topshiriqlar berdi.
Oila kambag‘alligi tufayli bolalarni mehribonlik uylariga joylashtirish amaliyoti bekor qilinadi
Prezidentga ijtimoiy himoyaga muhtoj bolalarni qo‘llab-quvvatlash choralari taqdim etildi. Bolani tarbiyaga berishda oila muhitini saqlab qolishga ustuvorlik beriladi, muassasa so‘nggi chora bo‘ladi. Davlat rahbari bolalarni zo‘ravonlikning barcha shakllaridan himoya qilish to‘g‘risidagi qonunni imzoladi.
Chirchiq hokimi o‘rinbosari 1 mln dollar pora bilan ushlandi
Chirchiq shahri hokimi o‘rinbosari hokimlik zaxirasidagi 20 ga yerni auksionga chiqarib, egalik huquqini rasmiylashtirishda yordam berishini aytgani va bu uchun 1 million dollar pora olgani aniqlandi. U qamoqqa olindi, jinoyat ishi qo‘zg‘atildi.
Shavkat Mirziyoyev Qirg‘izistonga yetib bordi
O‘zbekiston prezidenti amaliy tashrif bilan Qirg‘iziston poytaxti Bishkekka yetib bordi. U ertaga Turkiy davlatlar tashkiloti sammitida ishtirok etadi.
Green Card anketasini to‘ldirish 7-noyabrgacha davom etadi
AQShning “Turli millatga mansub immigrantlar vizasi — DV” (Green Card) dasturida qatnashish uchun anketa to‘ldirish 7-noyabrgacha davom etadi. Avvalroq to‘ldirish muddati 5-noyabrda yakunlanishi xabar qilingandi.
Lahorda havo ifloslanishi ortidan maktablar vaqtincha yopildi
Pokistonning Lahor shahrida havoning xavfli sifati tufayli boshlang‘ich maktablar bir haftaga yopildi. Dam olish kunlarida ifloslanish rekord darajaga yetdi. Pokiston bunda “Hindiston shamollari”ni ham ayblamoqda. Hududda xodimlarning yarmi uydan ishlash tartibiga o‘tdi. Qator cheklovlar joriy etildi.
Toshkent viloyatida ishlar sifatsiz bajarilgani uchun “dom” qurilishi to‘xtatildi
Toshkent viloyati Yangiyo‘l shahrida ko‘p qavatli turar-joy majmuasi qurilishi ishlar sifatsiz bajarilgani uchun to‘xtatildi. Binoning ayrim qismlarida g‘isht mustahkam terilmagani aniqlangan.
“Yallama” chegara bojxona posti xodimi huquqbuzarga yordam berish evaziga $1300 pora olgani aytilmoqda
“Yallama” chegara bojxona posti inspektor-surishtiruvchisi mamlakatga taqiqlangan tovar olib kirgan odamdan yordam evaziga $1300 olgani ma’lum bo‘ldi. Xodim firibgarlik, pora berishda ishtirok etishda ayblanib qamoqqa olindi. DXX viloyatda yana boshqa pora olgan MIB, soliq organi xodimlarini qo‘lga oldi.
Turkiya Qirg‘izistonning tashqi qarzidan “yashil” loyihalar evaziga kechdi
Turkiya Qirg‘izistonning 58,8 mln dollarlik tashqi qarzidan “yashil” loyihalarni amalga oshirish evaziga kechib yubordi. Avvalroq Qirg‘iziston rahbari Sadir Japarov moliya tashkilotlari va davlatlarga davlat qarzini “yashil” tashabbuslarga ayirboshlashni bir necha bor taklif qilgandi.
2025-yilning fevralidan avtoturargohlarning kamida 5 foizi elektromobillarni quvvatlantirish stansiyasi bilan jihozlanadi
2025-yil fevralidan O‘zbekistondagi barcha avtoturargohlarda elektromobillarni quvvatlantirish stansiyalarini o‘rnatish boshlanadi. Shuningdek, ko‘p qavatli uylar yaqinida, jumladan, ularga eng yaqin avtoturargohlar yaqinida maksimal quvvati 22 kVt bo‘lgan stansiyalarni o‘rnatish rejalashtirilmoqda.
Zulfiya nomidagi davlat mukofoti talabgorlarini tanlash tartibi belgilandi
Zulfiya nomidagi davlat mukofotiga talabgorlarni tanlash va ularning hujjatlarini taqdim etish tartibi to‘g‘risidagi nizom tasdiqlandi.
Sirdaryoda 6,7 kg tilla taqinchoqni chegaradan yashirincha olib kirishga urinish fosh etildi
Sirdaryo viloyatidagi “Malik” chegara o‘tkazish punktida 6,7 kg miqdordagi qimmatbaho zargarlik buyumlarini noqonuniy ravishda olib kirishga bo‘lgan urinish fosh qilindi.
Namanganda yana o‘quvchilar ijaraga olingan mashinada avariyaga uchradi
Namangan shahrida ikki nafar 9-sinf o‘quvchisi Gentra mashinasida YTHga uchradi. Ular mashinani 150 ming so‘mga vaqtincha ijaraga olgan. Bir oycha avval xuddi shu shaharda ijaradagi avtomobilda avariyaga uchragan 3 nafar bola vafot etgandi.
Qamchiq dovonida yana yuk mashinasi yonib ketdi
Qamchiq dovonida old g‘ildiragi chiqib ketishi oqibatida yuk mashinasi yonib ketdi. Hodisa sabab dovon yo‘li vaqtincha yopildi.
Qo‘shimcha imkoniyatlardan foydalanish uchun saytda ro‘yxatdan o‘ting