Fransiyaning Veolia kompaniyasi 30 yil davomida Toshkentning issiqlik ta’minoti tizimini boshqaradi. Kompaniya poytaxtning ikki tumanida sinov loyihasini amalga oshirmoqda. Tariflar isitish tizimini modernizatsiya va rekonstrutsiya qilish xarajatlarini hisobga olgan holda tuziladi va har yili 1 maygacha kengash tomonidan tasdiqlanadi. Pasaytirilgan tariflarni qo‘llash natijasida yetkazilgan zararlar mahalliy budjet subsidiyalari hisobidan qoplanadi.
OTBning 2021 yilgi yangilangan prognozlariga ko‘ra, O‘zbekiston iqtisodiyoti 2021 yilda 5 foiz, 2022 yilda esa 5,5 foizga o‘sishi kutilmoqda. OTB 2021 va 2022 yillar uchun inflyatsiya prognozlarini mos ravishda 10 va 9 foiz darajasida saqlab qoldi. Shuningdek, joriy hisob defitsiti bo‘yicha prognozlarini oshirganini ma’lum qildi.
IKEA kompaniyasi O‘zbekistonda tovar belgisini ro‘yxatdan o‘tkazish uchun ariza yubordi. Kompaniyaning arizasi Intellektual mulk agentligi tomonidan ko‘rib chiqilmoqda.
Qashqadaryo viloyati Chiroqchi tumanida homilador ayol o‘zini zo‘rlamoqchi bo‘lgan qo‘shni erkakni pichoqlab o‘ldirdi. Ayolga nisbatan jinoiy ish qo‘zg‘atildi. Avvalroq erkakning yaqinlari prokuror bilan uchrashish uchun g‘alayon ko‘targan edi.
Prezident 1 oktabrgacha «Ochiq budjet» axborot portalidagi takliflar soni 100 tadan ortiq bo‘lgan tuman va shaharlarga qo‘shimcha 59,5 mlrd so‘m mablag‘ ajratish bo‘yicha qaror qabul qildi. Unga ko‘ra, 2022 yildan ichki yo‘llarni ta’mirlashga ajratiladigan 50 foiz mablag‘ «Ochiq budjet» axborot portalida aholi ko‘p ovoz bergan hududlarga yo‘naltiriladi.
“Mening yurtim” telekanali kino ishlab chiqaruvchilar assotsiatsiyasi a’zolariga tegishli bo‘lgan kinofilmlarni ruxsatsiz va shartnoma tuzmasdan efirga uzatgani uchun ma’muriy javobgarlikka tortildi.
Toshkent shahrida metroda 13 yoshli qizga behayo harakatlari uchun qidiruvda bo‘lgan erkak qo‘lga olindi. Fuqaro ilgari bir necha jinoyatlarni sodir etganligi uchun sudlangan.
Dollarning so‘mga nisbatan rasmiy kursi 9,05 so‘mga pasayib, 10 670,00 so‘m etib belgilandi. Shuningdek, yevro kursi pasaydi, rubl kursi esa ko‘tarildi.
Oliy ta’lim vazirligi respublika OTMlari tasarrufidagi akademik litseylarga kirish imtihonlarining yakuniy natijalarini e’lon qildi.
“Olmazor” — “Sergeli” yo‘nalishida poyezdlar qatnovi 25 sentabr soat 21:00 dan 26 sentabr soat 07:00 gacha vaqtincha to‘xtatiladi. Metropoliten yo‘lovchilari ushbu yo‘nalishda yo‘lga qo‘yiladigan avtobuslardan yo‘l kira xaqqisiz foydalanishi mumkin.
Yanvar-avgust oylarida ichimlik suvi ta’minoti tarmoqlari va kanalizatsiya tizimlariga 2798 ta noqonuniy ulanish holatlari aniqlangan. Mazkur qonunbuzarliklar oqibatida davlat budjetiga jami 8,4 mlrd so‘mlik zarar yetkazilgan. Toshkent shahrida suv ta’minoti tarmoqlariga noqonuniy ulanish hamda qarzdorlik tufayli tarmoqdan uzilish holatlarining 90 foizi yuridik shaxslar hissasiga to‘g‘ri keladi.
Ekopartiya rahbari va prezidentlikka nomzod Narzullo Oblomurodov turli xil bahonalar bilan va aholini ogohlantirmasdan daraxtlarning kesilayotganligini tanqid qildi. U daraxtlar kesilishi yo boshqa joyga ko‘chirilishi bilan bog‘liq holatlarda jamoatchilik muhokamasini o‘tkazish amaliyotini yo‘lga qo‘yishga chaqirdi. 17 sentabr kuni Sirdaryoda «salomatlik yo‘lakchalari»ni qurish uchun 13 ta daraxt qo‘porilgan edi.
5 oktabrdan boshlab Moskvadan O‘zbekiston shaharlariga doimiy aviaqatnovlar oshiriladi. Bunda Moskva — Toshkent yo‘nalishi bo‘yicha haftasiga 4 tagacha reys, Moskva — Samarqand, Buxoro bo‘yicha haftasiga 2 ta reys yo‘lga qo‘yiladi.
Xalq demokratik partiyasi deputati Ra’no Turdiboyeva O‘zLiDePdan prezidentlikka nomzod Shavkat Mirziyoyevning ishonchli vakili bo‘ldi. XDP axborot xizmatining “Gazeta.uz"ga ma’lum qilishicha, Ra’no Turdiboyeva 3 oy avval partiya a’zoligidan chiqqan.
«Ijtimoiy fikr» markazining prezidentlik saylovi bo‘yicha so‘rovi fuqarolar saylovoldi dasturlari bilan to‘liq tanishishga hali ulgurmaganini ko‘rsatdi. Respondentlarning deyarli yarmi nomzodlar orasidagi ochiq teledebatlarni dasturlar haqida ma’lumot olishning eng jozibali shakli deb atashdi.
Moliya vaziri o‘rinbosari Ahadbek Haydarovning ma’lum qilishicha, 2020 yilda koronavirus inqirozi sababli davlat xarajatlari keskin o‘sgan. Endilikda uni pandemiyagacha bo‘lgan davrdagi darajaga — YAIMga nisbatan 27% ga tushirish rejalashtirilmoqda. Bundan tashqari, hukumat kelgusi yillarda davlat qarzi darajasini 50%, budjet taqchilligini 2% chegarada ushlab turishni rejalashtirmoqda.
Approve.com tadqiqotiga ko‘ra, dunyoning eng yirik 16 ta kompaniyalarining bozor qiymati keyingi besh yillikda 1 trln dollarga yetishi kutilmoqda. Ular orasida Tesla, Netflix, Berkshire Hathaway, Visa, Alibaba Group kabi kompaniyalar o‘rin olgan.
Kecha kun davomida O‘zbekistonda 531 kishida koronavirus infeksiya qayd etildi. 4 nafar COVID-19 bemori vafot etdi. Shuningdek, chorshanba kuni 118 kishida pnevmoniya qayd etildi, 1 nafar pnevmoniya bemori vafot etdi.
Prezidentlikka nomzodlar maktablarda bepul ovqatlanishni taklif qilishi, Toshkentda “Tungi velosayr” festivali o‘tkazilishi, Mo‘ynoqda yashovchi oilalarga 5 mln so‘mdan tarqatilishi — “Gazeta.uz"ning 22 sentabrdagi eng muhim xabarlari dayjestida.
Islomoboddan Londonga uchgan British Airways samolyoti 83 yoshli yo‘lovchining aholi yomonlashib qolgani sababli erta tongda Toshkentga qo‘ndi. Ayol samolyot qo‘nganidan ko‘p o‘tmay olamdan o‘tdi. Yo‘lovchilar hali ham aeroportda qolishmoqda.
Qo‘shimcha imkoniyatlardan foydalanish uchun saytda ro‘yxatdan o‘ting