Sport sohasidagi eng muhim xabarlar haftalik dayjesti
O‘yinlardan chetlatilib, jarima to‘lagan murabbiy va futbolchilar, Venesuyela bilan o‘rtoqlik uchrashuvi o‘tkazadigan futzalchilar, keyingi jang sanasi aniq bo‘lgan Fazliddin G‘oibnazarov va Shohjahon Ergashev, 10 ta medalni qo‘lga kiritgan para-dzyudochilar — «Gazeta.uz» ning haftalik sport yangiliklari dayjestida.
Toshkent va Moskva «Sputnik V»ni O‘zbekistonda ishlab chiqarishga kelishib oldi
Toshkent va Moskva O‘zbekiston hududida «Sputnik V» vaksinasini ishlab chiqarishni yo‘lga qo‘yishga kelishib oldi, deya ma’lum qildi RF Sog‘liqni saqlash vaziri Mixail Murashko. O‘zbekiston tomoni ushbu taklifni 2020 yilning dekabridayoq bildirgandi. O‘shanda ishlab chiqarish maydoni sifatida Tashkent Pharma Park hududi taklif etilgan.
O‘zbekiston U-21 jamoasi Ukrainadagi xalqaro turnirda g‘olib bo‘ldi
Futbol bo‘yicha O‘zbekiston U-21 jamoasi Ukrainada Valeriy Lobanovskiy xotirasiga xalqaro turnirda g‘olib bo‘ldi.
«Ilojsizlikdan yolg‘on ko‘rsatma bergan». IIV Andijonda 5 oylik kelinning zo‘rlangani yuzasidan rasmiy ma’lumot berdi
IIV Andijonda 5 oylik kelinning zo‘rlangani holati bo‘yicha tergov harakatlari davomida aniqlangan ma’lumotlarni e’lon qildi. Unga ko‘ra, «ayol ayrim shaxslar majbur qilgani uchun ilojsizlikdan yolg‘on ko‘rsatma berganini aytgan». Sud tibbiy ekspertizasi esa jabrlanuvchi badanida zo‘rlik alomatlari yo‘qligini aniqlagan. Jinoyat ishining olti nafar gumondorga tegishli qismi tugatiladi.
Xorazmdagi ikkita avariya oqibatida 5 nafar maktab o‘quvchisi vafot etdi
Xorazm viloyatining Yangiariq tumanida Nexia avtomobili 11 nafar yuqori sinf o‘quvchilarini urib ketdi. Olgan tan jarohatlari oqibatida ulardan uch nafari voqea joyida, yana bir nafari shifoxonada olamdan ko‘z yumgan. Urganch tumanida sodir bo‘lgan boshqa bir YTHda yuk mashinasi 2-sinf o‘quvchilarini urib yuborgan, ulardan biri voqea joyida vafot etgan.
«Odamlar O‘zbekistonda korrupsiya yo‘qligiga ishonishi kerak» — prezident
«Endi tizim bundan ham qattiq bo‘ladi, mana shuni bilinglar. Qonun ustuvor — jazo muqarrar bo‘lishi kerak. Odamlar O‘zbekistonda korrupsiya yo‘qligiga ishonishi kerak. Hamma hokim xulosa qilishi kerak», — deya ta’kidladi Shavkat Mirziyoyev. Prezident korrupsiyaning oldini olish uchun sohalarni raqamlashtirish zarurligini qayd etdi.
Senatorlar Saylov kodeksiga o‘zgartish va qo‘shimchalar kiritishni ma’qulladi
Senatning 15 yalpi majlisida Saylov kodeksiga o‘zgartish va qo‘shimchalar kiritishga oid qonun loyihasi ma’qullandi. Unga ko‘ra, endilikda saylov byulletenida nomzodning egallab turgan lavozimi, ish joyi ko‘rsatilmasligi, qolaversa, fuqarolar ovoz berishda nafaqat pasport, balki ID-kartalar orqali ham o‘z shaxsini tasdiqlashi mumkin.
O‘zbekistonda 15 aprel madaniyat va san’at xodimlari kuni etib belgilanadi
Senatorlar 15 aprel sanasini O‘zbekiston madaniyat va san’at xodimlari kuni etib belgilashga oid qonunni ma’qulladi. Mazkur sana 1935 yil 15 aprelda Vashingtonda imzolangan «Rerix pakti» xalqaro shartnomasi bilan bog‘liq. Shuningdek, qonun bilan soha fidokorlari ayni shu kuni «Madaniyat va san’at fidokori» ko‘krak nishoni bilan takdirlanishi ko‘zda tutilmoqda.
Nima tayyorlaymiz: salqin ichimliklar
Qulupnayli moxito, bananli kokteyl, mevali limonad va kompot — Zira.uz salqin ichimliklar retseptlari ro‘yxatini taqdim etadi.
2000 dan ziyod uy markazlashtirilgan issiqlik tarmoqlariga ulanadi
Shavkat Mirziyoyev 2000 dan ortiq uyni markazlashtirilgan issiqlik tarmoqlariga ulashni topshirdi. Qozonxonalarni modernizatsiya qilish ishlari doirasida issiqlik tarmoqlaridagi yo‘qotishlarni kamaytirish va energiya samaradorligini oshirish rejalashtirilmoqda. Prezidentning so‘zlariga ko‘ra, Toshkentda yopiq issiqlik ta’minoti tizimiga o‘tish yiliga 670 mlrd so‘mni iqtisod qilishga imkon beradi.
Prezident Rossiya sog‘liqni saqlash vazirini qabul qildi
O‘zbekiston prezidenti Rossiya sog‘liqni saqlash vaziri Mixail Murashko bilan sog‘liqni saqlash sohasida qo‘shma dastur va loyihalarni amalga oshirish, jumladan telemeditsinani rivojlantirish masalalarini muhokama qildi. U pandemiyaga qarshi kurashishda ko‘rsatilgan ko‘mak uchun minnatdorlik bildirdi.
28 may kuni O‘zbekistonda sodir bo‘lgan eng muhim xabarlar dayjesti
Xorijda mehnat qilayotgan o‘zbekistonliklar soni, 2020 yilda O‘zbekiston tashqi qarzni nimalarga sarflagani, bolalar gematologiyasi, onkologiyasi va klinik immunologiyasi markazi tashkil etilishi, Pirogov nomidagi Rossiya tibbiyot universitetining filiali ochilishi, prezidentning videoselektorda bergan topshiriqlari — “Gazeta.uz"ning 28 maydagi eng muhim xabarlari dayjestida.
Jahon yangiliklari dayjesti
Germaniyaning Namibiyadagi genotsidni rasman tan olgani, Rossiyaning Belarus hududini chetlab o‘tayotgan Yevropaning samolyotlariga Moskvaga qo‘nishni ruxsat bermayotgani, 34 mingdan ziyod gonkonglikning Buyuk Britaniyaga ko‘chib o‘tishga murojaat qilgani va boshqa yangiliklar — «Gazeta.uz»ning jahon yangiliklari dayjestida.
2 yilda 100 ga yaqin uy-joy kommunal xizmat ko‘rsatish sohasidagi mansabdorlar korrupsiyada ayblangan
2 yil davomida uy-joy kommunal xizmat ko‘rsatish sohasidagi 100 ga yaqin mansabdor korrupsiyaviy jinoyatni sodir etgani uchun javobgar bo‘lgan. Andijon uy-joy kommunal xizmat ko‘rsatish boshqarmasi rahbarlari 240 mln so‘m, Namangan «Ta’mirlash tiklash xizmati» korxonasi mansabdorlari 250 mln so‘m va Surxondaryo Suv ta’minoti boshqarmasi xodimlari 540 mln so‘mni o‘zlashtirgan.
«Banklarga „pul ber“ deb o‘rganib qolgansizlar, ularni qaytarish haqida kim o‘ylaydi?» — Shavkat Mirziyoyev
Prezident videoselektorda uy-joy shirkatlarining muddati o‘tgan kreditorlik qarzi 1,4 trln so‘mdan ortib ketganini tanqid qildi. Ularning kredit muddati uzaytirilgani bilan 52 foizi so‘ndirilmagani aytildi. «Bu banklarning puli-ku. Sizlar banklarga „pul ber“ deb o‘rganib qolgansizlar, ularni qaytarish haqida kim o‘ylaydi?», — dedi davlat rahbari.
Toshkentda kar-soqov ayolni kaltaklagan shaxs ushlandi
Toshkentda 24 yoshli kar-soqov bo‘lgan ayolni kaltaklab, tan jarohati yetkazgan shaxs qo‘lga olindi. Jabrlanuvchiga himoya orderi berildi.
«Barcha sohalar va hududlarda ishlar bir xilda sifatli bajarilayapti, deb bo‘lmaydi» — prezident dasturlar haqida
Shavkat Mirziyoyev videoselektorda «Obod qishloq» va «Obod mahalla» dasturlari doirasidagi qurilish va ta’mirlash ishlari barcha hududlarda ham birdek sifatli olib borilmayotganini tanqid qildi. Yig‘ilishda qoloqliklar mavjud viloyatlarga prezident Administratsiyasi, Hukumat, Hisob palatasi va vazirliklar mas’ul rahbarlari yil yakuniga qadar biriktirilishi ta’kidlandi.
Korrupsiyaga qarshi kurashga 10 balldan 8 ball bergan bo‘lardim — Akmal Burxonov
Korrupsiyaga qarshi kurash agentligi Akmal Burxonov O‘zbekistonda korrupsiyaga qarshi kurashni 10 ballik tizimda baholadi. «Qilingan ishlarni 10 ballik tizimda baholash kerak bo‘lsa, qo‘rqmasdan 8 ball bergan bo‘lardim», — deydi u.
Cyenat 2030 yilga qadar gender tenglikka erishish strategiyasini qabul qildi
Cyenatning 15 yalpi majlisida O‘zbekistonda 2030 yilga qadar gender tenglikka erishish strategiyasi qabul qilindi. Hujjat Pekin Deklaratsiyasi, Xotin-qizlar huquqlari kamsitilishining barcha shakllariga barham berish to‘g‘risidagi Konvensiya hamda BMTning Barqaror rivojlanish maqsadlarini bajarishga ko‘maklashadi. Senatorlar strategiya xotin-qizlarga nisbatan tazyiq va zo‘ravonlikka barham berishiga ishontirmoqda.
Abdulla Aripov Minsk shahriga tashrif buyurdi
Bosh vazir Abdulla Aripov MDH hukumat rahbarlari Kengashining navbatdagi yig‘ilishida ishtirok etish maqsadida Minsk shahriga tashrif buyurdi. Hukumat rahbarlari avvaliga, Belarus prezidenti Aleksandr Lukashenko qabulida bo‘lishgan. «Belarusga internet orqali bo‘layotgan hujumlarga qaramasdan, o‘zingiz ko‘rib turganingizdek, bu yerdagi vaziyat tinch», — degan u.
Qo‘shimcha imkoniyatlardan foydalanish uchun saytda ro‘yxatdan o‘ting