O‘zbekiston va AQSH «Jekson-Venik» tuzatishini bekor qilishni ko‘rib chiqdi
O‘zbekiston va AQSH «Jekson-Venik» tuzatishini bekor qilish masalalarini ko‘rib chiqdi. Shuningdek, JSTga a’zo bo‘lishda rivojlanayotgan iqtisodiyot maqomini olish ham rejalashtirilmoqda.
Shimoliy Makedoniya NATO safiga qo‘shildi
NATOga a’zo davlatlar Shimoliy Makedoniyani harbiy ittifoqning o‘ttizinchi a’zosi sifatida qutlab olishdi. Mamlakat o‘z nomini o‘zgartirgandan keyin bu imkoniyatga ega bo‘ldi.
Karantin qoidalariga amal qilmaslik bilan bog‘liq holatlar 22 mingdan oshdi
O‘zbekistonda karantin qoidalariga amal qilmaslik bilan bog‘liq jami 22286 ta holat aniqlandi. Bir kun davomida eng ko‘p qoidabuzarlik Qashqadaryo viloyati (+390), Toshkent shahri (+344) va Farg‘ona viloyatida (+250) qayd etildi.
Jahon banki Afg‘onistonga koronavirusga qarshi kurash uchun 100 mln dollar ajratdi
Jahon banki Afg‘onistonga COVID-19 koronavirus infeksiyasiga qarshi kurash uchun 100,4 million dollarlik grantni ma’qulladi. Bundan tashqari, Tojikiston va Qirg‘izistonga mos ravishda 11,3 va 12,15 million dollar ajratiladi.
Aprel oyida ob-havo qanday bo‘ladi?
Aprel oyida ob-havoning beqaror bo‘lishi kutilmoqda: quruq va iliq davr yomg‘irli kunlar bilan o‘rin almashadi. Kunduzgi harorat 25−30 daraja issiq atrofida bo‘ladi.
O‘zbekistonda Covid-19 koronavirus bemorlari soni 221 kishiga yetdi
O‘zbekistonda koronavirus infeksiyasi aniqlangan bemorlar soni 16 kishi oshib, 221 nafarni tashkil etmoqda. 17 nafar bemorda pnevmoniya belgilari kuzatilgan, 4 nafarining ahvoli og‘ir, 2 nafari nisbatan og‘ir.
«Elektr energiyasi narxining oshirilishi rejalashtirilmagan» — Energetika vazirligi
O‘zbekistonda elektr energiyasining narxi oshirilishi yaqin orada kutilmayapti. Energetika vazirligi davlat-xususiy sherikligi bo‘yicha loyihalarning elektr energiya qiymatiga ijobiy ta’sir ko‘rsatayotganligini ma’lum qildi.
Koronavirus holatlari soni 200 dan oshdi
O‘zbekistonda tasdiqlangan koronavirus holatlari soni 15 taga ko‘payib, jami 205 taga yetdi.
AQSH O‘zbekistonga koronavirusga qarshi kurashda qo‘shimcha yordam ko‘rsatadi
AQSH hukumati keng qamrovli tahlil o‘tkazish uchun laboratoriya tizimlarini yaratish, tibbiyot muassasalarida infeksiyalar profilaktikasi va nazorati, epidemiologik nazoratni yaxshilash hamda koronavirus haqidagi dezinformatsiyaga qarshi kurashda O‘zbekistonga ko‘maklashadi. Ushbu tadbirlar uchun O‘zbekistonga 848 ming dollar ajratiladi.
O‘zbekiston Afg‘onistonda muzokara olib boruvchi jamoa tuzilganini olqishladi
O‘zbekiston Afg‘oniston rahbariyatining inklyuziv muzokara jamoasini shakllantirish to‘g‘risidagi kelishuvini olqishladi. Avvalroq prezident Ashraf G‘ani va uning siyosiy raqibi Abdulloh Abdulloh o‘rtasidagi kelishmovchiliklar sababli Tolibon bilan o‘zaro kelishuv va mahbus almashuvi bo‘yicha muzokaralar qoldirilgan edi.
Qirg‘iziston bosh vaziri O‘zbekistonga insonparvarlik yordami uchun minnatdorchilik bildirdi
2 aprel kuni O‘sh viloyatiga O‘zbekiston tomonidan yuborilgan insonparvarlik yuklari yetib bordi. Qirg‘iziston bosh vaziri O‘zbekiston hukumatiga yordam uchun minnatdorchilik bildirdi.
Moskva aeroportlarida o‘zbekistonliklar yo‘q — elchixona
O‘zbekistonning Moskvadagi elchixonasi 160 nafarga yaqin o‘zbekistonliklarni charter reyslari qayta tiklangunga qadar xostellarga joylashtirdi. Rossiya poytaxtidagi aeroportlarda fuqarolar to‘plangani yo‘q.
Koronavirusga chalingan yana 13 bemor sog‘aydi
Koronavirusga chalingan yana 13 bemorning sog‘aygani xabar qilindi. Ularning ikki nafari mart o‘rtasida xorijdan kelgan, 11 nafari esa infeksiya yuqtirgan fuqarolar bilan muloqotda bo‘lgan. Shunday qilib, O‘zbekistonda COVID-19 infeksiyasidan tuzalganlar soni 25 kishiga yetdi.
BMT: Koronavirus sababli jahon iqtisodiyoti 1 foizga kamayishi mumkin
BMTning yangi hisobotiga ko‘ra, COVID-19 pandemiyasi jahon iqtisodiyotini 1 foizga kamaytirishi mumkin. Bu ko‘rsatgichni kamaytirish uchun mamlakatlar moliyaviy rag‘batlantirish chora-tadbirlarni sog‘liqni saqlash sohasiga va kam daromadli tabaqalarni qo‘llab-quvvatlashga yo‘naltirishi kerak.
O‘zbekistonda «Yevro-4» va «Yevro-5» dizel yonilg‘ilari ishlab chiqarish yo‘lga qo‘yildi
30 martdan boshlab Buxoro neftni qayta ishlash zavodida O‘zbekistonda ilk bora «Yevro-4» va «Yevro-5» sinfli ekologik toza hamda sifatli dizel yonilg‘isining ishlab chiqarilishi yo‘lga qo‘yildi.
Dizel yonilg‘isining narxi 300 so‘mga pasaydi
3 apreldan boshlab, «O‘zbekneftgaz» yoqilg‘i quyish shoxobchalarida dizel yonilg‘isi narxi 300 so‘mga arzonlashadi. Buxoro neftni qayta ishlash zavodida «Yevro-4» va «Yevro-5» sinfli ekologik toza hamda sifatli dizel yonilg‘isi ishlab chiqariladi.
Bloger «Mehr-shafqat va salomatlik» jamg‘armasiga 30 mln so‘m xayriya qildi
Huquqshunos va bloger Xushnudbek Xudoyberdiyev Telegram-kanalida o‘tkazgan reklama aksiyasidan tushgan 30 mln so‘mni «Mehr-shafqat va salomatlik» jamg‘armasiga o‘tkazib berdi.
Maktab bitiruvchilari uchun Yagona test sinovlari joriy etilishi mumkin
O‘zbekistonda maktab bitiruvchilari uchun yakuniy imtihonlar va bakalavriatga kirish sinovlari birlashtirilishi mumkin. Yagona test sinovlarida qoniqarli natija ko‘rsatgan bitiruvchilar qo‘shimcha test sinovlarisiz OTMlarga kirish tanlovida qatnashadi.
Karantin qoidabuzarligi bilan bog‘liq holatlar 19 mingdan oshdi
O‘zbekistonda karantin qoidalariga amal qilmaslik bilan bog‘liq jami 19 843 ta holat aniqlandi.
Turkiya o‘zbek furalariga mamlakatga kirishga ruxsat berdi
Gruzin-turk chegarasida ushlanib qolgan o‘zbek fura haydovchilariga O‘zbekistondan chiqqan kunlaridan boshlab 14 kun o‘tganidan keyin Turkiyaga kirishga ruxsat berildi.
Qo‘shimcha imkoniyatlarga ega bulish uchun saytda ro‘yxatdan o‘ting