Jahon yangiliklari dayjesti
Germaniya kanslerining koronavirus ikkinchi to‘lqiniga munosabati, XVJ direktorining jahon iqtisodiyoti zarar ko‘rishi haqidagi bayonoti, Xiaomi`ning yangi Apple smartfoniga kulgili izohi va boshqa yangiliklar — «Gazeta.uz»ning jahon yangiliklari dayjestida.
Farg‘onada niqob taqmagan shaxslar kamera orqali aniqlanadi
Farg‘ona viloyatida 17 oktyabrdan niqob taqmagan shaxslar kamera orqali aniqlanadi. Ushbu shaxslarga nisbatan bayonnoma tuzilib, jarima pochta orqali jo‘natiladi.
GAZ O‘zbekistonda tijorat transport vositalarini ishlab chiqarishni yo‘lga qo‘yadi
Rossiyaning «Gruppa GAZ» kompaniyasi O‘zbekistonda tijorat transport vositalarini yig‘ish bo‘yicha qo‘shma korxona tashkil qiladi. Birinchi bosqichda yiliga 3000 tagacha avtomobil ishlab chiqarish rejalashtirilgan.
YeI Navalniy ishi bo‘yicha Rossiyaga qarshi sanksiyalar e’lon qildi
Yevropa Ittifoqi muxolifatchi Aleksey Navalniyning zaharlanishiga aloqador deb hisoblagan rossiyaliklarga qarshi sanksiyalar joriy qildi. Sanksiyalar Yevropa Ittifoqi mamlakatlariga sayohat qilishni taqiqlash va Yevropa banklaridagi moliyaviy aktivlarni muzlatish kabi cheklovlarni o‘z ichiga oladi.
Qaysi ma’lumotnomalar ko‘p so‘ralayotgani va qaysi idoralari ularni talab qilayotgani aniqlandi
DXM qaysi ma’lumotnomalar ko‘p so‘ralayotgani va qaysi davlat idoralari ularni talab etayotganini o‘rgandi. Monitoring natijasida ushbu hujjatlar asosan sog‘liqni saqlash, ichki ishlar organlariga ishga kirish hamda kredit olish uchun uchun so‘ralayotgani ma’lum bo‘ldi.
«Aholimizni ko‘proq yurish, to‘g‘ri ovqatlanishga odatlantiramiz» — sog‘liqni saqlash vaziri
Sog‘liqni saqlash vaziri Oqoltin tumanida o‘tkazilishi rejalashtirilayotgan aholi o‘rtasida yurish va to‘g‘ri ovqatlanish bo‘yicha tajriba to‘g‘risida so‘zlab berdi. U sog‘lom turmush tarzi koronavirusga qarshi kurashda eng samarali yo‘l ekanini ma’lum qildi.
Abdulla Aripov Qirg‘iziston bosh vazirini tabrikladi
O‘zbekiston bosh vaziri Abdulla Aripov Sadir Japarovni Qirg‘iziston bosh vaziri etib tayinlangani bilan tabrikladi.
Qirg‘iziston prezidenti iste’foga chiqishini e’lon qildi
«Men hokimiyatni ushlab turmayapman. Men Qirg‘iziston tarixida o‘z fuqarolari qonini to‘kib, ularga o‘q uzgan prezident sifatida qolishni istamayman». Qirg‘iziston prezidenti Sooronbay Jeenbekov iste’foga chiqishini e’lon qildi.
DSQ kompaniyalar to‘g‘risidagi ayrim ma’lumotlar taqdim etilmagani bo‘yicha izoh berdi
Davlat statistika qo‘mitasi saytida ro‘yxatdan o‘tgan yuridik shaxslarning rahbari va ta’sischilari to‘g‘risidagi ma’lumotlar taqdim etilmayotgani haqida xabarlar tarqaldi. Qo‘mita saytning yangilanayotganligi va nosozliklar tuzatilganligini ma’lum qildi.
«Eksport kerak. Qanday yo‘l bilan bo‘lsa ham mahsulotlarni jo‘natishimiz kerak» — prezident
Prezident eksport bo‘yicha tashabbus va takliflar yetishmayotgani uchun viloyatlar va tarmoqlar rahbarlarini tanqid qildi. «Uch oy vaqt qoldi yil yakunigacha. Eksport kerak. Qanday yo‘l bilan bo‘lsa ham mahsulotlarni jo‘natishimiz kerak», — deya ta’kidladi Shavkat Mirziyoyev.
Toshkent uchun 1 trln so‘mga 300 ta elektrobus sotib olish rejalashtirilmoqda
Transport vazirligi Toshkent shahri uchun 300 dona elektrobus sotib olishni taklif qildi. 3 yil davomida xarid qilinadigan transportlarning umumiy qiymati 1 trln so‘m atrofida bo‘ladi.
ITSV xodimlarining mehmonxonada yashaganiga izoh berdi
Investitsiyalar va tashqi savdo vazirligi o‘z xodimlarining poytaxtdagi «Interkontinental» mehmonxonasida yashashi uchun 2 mlrd so‘m to‘ladi. Vazirning birinchi o‘rinbosari to‘lov byudjet mablag‘lari hisobidan amalga oshirilmaganini ma’lum qildi.
O‘zbekistonda koronavirus holatlari soni 62 mingtadan oshdi
O‘zbekistonda aniqlangan koronavirus holatlari soni 62 mingdan, sog‘aygan bemorlar soni 59 mingdan oshdi. COVID-19 asoratlaridan vafot etganlar bo‘yicha rasmiy ko‘rsatkich esa 514 nafarga yetdi.
Xitoy raisi Si Szinpinning O‘zbekistonga davlat tashrifiga tayyorgarlik ko‘rilmoqda
O‘zbekistonda XXR raisi Si Szinpinning bo‘lajak davlat tashrifiga tayyorgarlik ko‘rilmoqda. Yil oxiriga qadar Shavkat Mirziyoyevning Janubiy Koreya prezidenti bilan onlayn sammit o‘tkazilishi ham rejalashtirilmoqda.
Pedagogika universiteti rektori sud qarorini bajarmagani uchun jarimaga tortildi
TDPU rektori Alisher Umarov sud qarori ijrosini ta’minlamagani uchun BHMning 10 baravari miqdorida jarimaga tortildi. Unga noqonuniy ishdan bo‘shatilgan kafedra mudirini lavozimiga qayta tiklash yuklatilgan edi.
Jahon yangiliklari dayjesti
Rossiyada koronavirusga qarshi ikkinchi vaksina ro‘yxatdan o‘tgani, Xitoy iqtisodiyotining yangi rekordi, Nursultonda yangi karantin choralari va boshqa yangiliklar — «Gazeta.uz»ning jahon yangiliklari dayjestida.
«Toshkentning kelajagi — Sirdaryo» — G‘ofurjon Mirzayev
Toshkent kengaygani sari zavod va fabrikalarni chekka hududlarga ko‘chirish zarurati paydo bo‘ladi. Sirdaryo viloyati hokimi G‘ofurjon Mirzayevning fikricha, Sirdaryo ushbu korxonalarni qabul qilish uchun eng qulay joy. Shuningdek, u Sirdaryoni «ikkinchi Amerika» deb atash bilan nimani nazarda tutganini aytib o‘tdi.
Ta’lim sifatini baholaydigan nodavlat tashkilot tuziladi
O‘zbekistonda umumiy o‘rta ta’lim tashkilotlarida o‘qitish sifatini baholashga muqobil shakllarni tatbiq etish maqsadida «Bilim va ko‘nikmalarni baholash markazi» nodavlat ta’lim tashkiloti tashkil etiladi.
Davlat soliq qo‘mitasi raisi ijtimoiy tarmoqlarda tarqalgan audioyozuv bo‘yicha izoh berdi
Davlat soliq qo‘mitasi raisi Sherzod Kudbiyev ijtimoiy tarmoqlarda tarqalgan audioyozuv bo‘yicha izoh berar ekan, o‘z harakatlarini tan oldi. U audioyozuvdagi gaplar tadbirkorga ortiqcha to‘langan QQS o‘z vaqtida to‘lanmagani va asossiz ravishda xisob raqami band qilinib, undagi mablag‘lar undirilmoqchi bo‘lgani uchun aytilganini ma’lum qildi.
Respublika umumta’lim maktablarida bosqichma-bosqich inklyuziv ta’lim tizimi joriy qilinadi
Davlat rahbarining 2020−2025 yillarda respublikada inklyuziv ta’limni rivojlantirish, boshlang‘ich tayanch korreksion sinflarni ochish va maktab-internatlarni optimallashtirishga oid qarori qabul qilindi.
Qo‘shimcha imkoniyatlardan foydalanish uchun saytda ro‘yxatdan o‘ting