Toshkent tibbiyot akademiyasining ta’lim dasturlari xalqaro akkreditatsiyadan o‘tkaziladi
2024/2025 o‘quv yilidan boshlab Toshkent tibbiyot akademiyasining ta’lim dasturlari xalqaro akkreditatsiyadan o‘tkaziladi. Shuningdek, tibbiyot OTMlarining 200 nafar bitiruvchisi magistratura va klinik ordinatura dasturlari asosida yetakchi xorijiy OTMlar va markazlarda o‘qitiladi.
Yuk va yo‘lovchilarni tashishda avtotransportlarga yo‘l varaqalari endi elektron yuritiladi
O‘zbekistonda endi yuk va yo‘lovchilarni tashishda avtotransportlarga yo‘l varaqalari elektron yuritiladi. Elektron yo‘l varaqalari tizimi shaxsiy yengil avtomobilida yo‘nalishsiz taksi sifatida yo‘lovchilarni tashish bilan shug‘ullanuvchi jismoniy shaxslar uchun amal qilmaydi.
Onix turar joy majmuasi 2 sotix maydonga ega kottejlarni 1,6 sotix narxida taklif qiladi
Onix turar joy majmuasi mijozlarga uyda qulaylik va energiya samaradorligini ta’minlaydigan zamonaviy texnologiyalar bilan jihozlangan 1,6 dan 2 sotixgacha bo‘lgan uy maydonini tanlash imkoniyatini beradi.
Shavkat Mirziyoyev Xitoyning Guandun muzofotiga bordi
Prezident Xitoyning aholi soni bo‘yicha uchinchi shahri va Guandun muzofotidagi maxsus iqtisodiy zona hisoblangan Shenchjenga bordi. Muzofot partiya qo‘mitasi kotibi Xuan Kunmin bilan o‘tgan uchrashuvda hamkorlikni, birinchi navbatda, yuqori texnologik tarmoqlarda kengaytirish masalalari muhokama qilindi.
Toshkent viloyatidagi koloniya mahkumi yirik miqdordagi firibgarlikda gumonlanib ushlandi
Ohangaron tumanidagi manzil koloniyasi mahkumi 28,5 ming dollar olayotganda qo‘lga olindi. Unga sheriklikda gumonlangan ikki shaxs avvalroq 29 ming dollar olayotganida ushlangan. Ular qurilish kompaniyasiga Xorazmda 72,5 mlrd so‘mlik suv tarmog‘i tortish loyihasini tendersiz olib berishini aytgan.
“Ezgulik” jamiyati raisi Navoiyda Dauletmurat Tojimuratov bilan uchrashdi
O‘zbekiston inson huquqlari “Ezgulik” jamiyati raisi Abdurahmon Tashanov Nukus voqealari bo‘yicha qamalgan Dauletmurat Tajimuratov bilan uchrashdi. Mahkum xat va banderollarning kechikib kelayotganidan, o‘zining xatlari tashqariga chiqishi qiyin bo‘layotganidan shikoyat qildi.
Reuters: Isroil va HAMAS 30 kunlik sulh bo‘yicha prinsipial kelishuvga erishdi
Isroil va HAMAS garovga olingan isroilliklar va falastinlik asirlarni ozod qilish evaziga G‘azoda bir oy davomida o‘t ochishni to‘xtatishga prinsipial jihatdan kelishib oldi. Bitimga tomonlar o‘rtasidagi urushni qanday tugatish bo‘yicha kelishmovchiliklar to‘sqinlik qilmoqda, deb yozdi Reuters.
Qoraqalpog‘istondagi elektromobil avtosalonida yong‘in sodir bo‘ldi
Chorshanba kuni tunda Beruniy tumanidagi elektromobil avtosalonida yong‘in sodir bo‘ldi. Hodisa oqibatida avtosalonning 90 kvadrat metr maydonining tom qismi va bir dona BYD avtomobili yonib zararlandi.
Qirg‘izistonda zo‘rlashga oid ishlarni tomonlarning yarashuvi tufayli yopish taqiqlandi
Qirg‘iziston hukumati tomonlarning yarashuvi tufayli zo‘rlash bilan bog‘liq sud ishlarini yopishni taqiqladi. Jinoyatlarning da’vo muddati va garov evaziga ozod qilish imkoniyati ham bekor qilindi.
Zo‘ravonlik qilgan pedagoglar har qanday vaziyatda ham javobgarlikka tortilishi kerak — bolalar ombudsmani
Bolalar ombudsmani Surayyo Rahmonovaning aytishicha, bolalarga nisbatan zo‘ravonlik, nomunosib muomalaga yo‘l qo‘yayotgan tarbiyachi va pedagoglar ota-onalar noroziligini bildirish yo bildirmasligidan qat’i nazar, har qanday vaziyatda javobgarlikka tortilishi kerak.
Antikorrupsiya agentligi SSVning 435 mln so‘mlik tenderida qonun talablari buzilganini aniqladi
Korrupsiyaga qarshi kurashish agentligi Sog‘liqni saqlash vazirligining 435 mln so‘mlik tenderida qonun talablari buzilganini aniqladi. Avvalroq “Gazeta.uz” mazkur tender bir korxona ta’sischilari ishtirokida o‘tkazilgani haqida yozgandi.
Pekinda O‘zbekiston tasviriy va xalq amaliy san’ati ko‘rgazmasi bo‘lib o‘tmoqda
Pekindagi Xitoy san’ati va hunarmandchiligi milliy muzeyida O‘zbekiston tasviriy va xalq amaliy san’ati ko‘rgazmasi bo‘lib o‘tmoqda. Bu Shavkat Mirziyoyevning mamlakatga tashrifi vaqtiga to‘g‘ri keldi. Ko‘rgazmada zamonaviy rassomlarning 50 ta surati va hunarmandlar mahsulotlari namoyish etilmoqda.
O‘zbekiston va Xitoy hukumatlari o‘rtasida 15 dan ortiq hujjat imzolandi
O‘zbekiston va Xitoy hukumatlari atrof-muhitni muhofaza qilish, inson resurslarini rivojlantirish, kambag‘allikni qisqartirish, Xitoydan Yevropaga temir yo‘l ekspresslari yo‘nalishidagi hamkorlikni kengaytirish va “Havo ipak yo‘li"ni birgalikda qurish bo‘yicha hamkorlik qilishga kelishib oldi.
O‘zbekiston va Xitoy o‘zaro tovar ayirboshlash hajmini 20 milliard dollarga yetkazmoqchi
O‘zbekiston va Xitoy rahbarlari muzokaralarida Shavkat Mirziyoyev hamkorlarni O‘zbekiston davlat korxonalari va banklarini xususiylashtirishda ishtirok etishga chaqirdi. Tomonlar hududlar kengashini tuzishga kelishib oldi va Xitoy-Qirg‘iziston-O‘zbekiston temiryo‘li qurilishini tezroq boshlash muhimligini ta’kidladi.
Toshkentdagi Matbuot uyining rekonstruksiyasi 2026-yilda bitkaziladi — loyiha
Toshkentda “Gazeta korpusi” nomi bilan tanilgan Matbuot uyi rekonstruksiya qilinmoqda. Hozirda binoning ayrim qismlari demontaj qilinmoqda. Ta’mirlash ishlarini 2026-yilda yakunlash rejalashtirilgan. Ta’kidlanishicha, ishlar yakunlangach, gazeta va jurnallarning tahririyatlari binoga qaytariladi.
Click orqali kommunal to‘lovlarni qanday qilib tez va foyda bilan amalga oshirish mumkin
Click orqali har qanday kommunal to‘lovlarni tez va qulay amalga oshirish, to‘lov uchun keshbek va hatto qog‘ozli kvitansiyalar olish mumkin.
Toshkent va Namangan viloyatlarida qor ko‘chish xavfi e’lon qilindi
O‘zgidromet 25−31-yanvar kunlari Toshkent va Namangan viloyatlarining tog‘li hududlarida qor ko‘chish xavfidan ogohlantirdi. Avvalroq mamlakatning shimoli-g‘arbiy hududlariga Volgabo‘yi hududlaridan nam va sovuq havo massalari kirib kelishi haqida xabar berilgandi.
“Ular buni suiiste’mol qilishga o‘tib oldi”. Prezident yerlar to‘liq o‘zlashtirilmaguncha hokimlarga sanoat zonalarini kengaytirishni taqiqladi
Prezident hokimlarga iqtisodiy zonalardagi yerlar to‘liq o‘zlashtirilmagunicha ularning maydonini kengaytirishni man qildi. O‘tgan yili Namangan va Buxoro viloyatlari hokimlari sanoat zonalarida bo‘sh yerlar ko‘p bo‘lishiga qaramay, kengaytirgan. Auksiondagi savdolarda 59 foizga yaqin yer nominal qiymatda sotilgan.
JSST Yevropa va Markaziy Osiyoda qizamiqqa qarshi zudlik bilan emlanishga chaqirdi
Yevropa va Markaziy Osiyo mamlakatlarida qizamiq bilan kasallanishning “tashvishli o‘sishi” kuzatilmoqda. JSST shoshilinch emlash ishlarini olib borishga chaqirmoqda. O‘zbekistonda o‘tgan yili qizamiq bilan kasallanish bo‘yicha 1026 ta holat qayd etilgan bo‘lsa, 2022-yilda ko‘rsatkich atigi sakkiztani tashkil etgan.
Bloger Otabek Sattoriy bahorda ozodlikka chiqishi mumkin
Qarshidagi manzil koloniyada Otabek Sattoriy bilan uchrashgan “Ezgulik” jamiyati a’zosi Abdurahmon Tashanov bloger “aprel oxiri, mayning boshlarida” ozodlikka chiqishi mumkinligini ma’lum qildi. Bloger ozodlikka chiqqach, “tinchgina axborot texnologiyalari sohasida ishlamoqchi” ekanini aytgan.
Qo‘shimcha imkoniyatlardan foydalanish uchun saytda ro‘yxatdan o‘ting