“Ispaysoy” mikro GESi ishga tushirildi
28-iyul kuni “O‘zbekgidroenergo” AJ tomonidan Toshkent viloyati Bo‘stonliq tumanida Pskem daryosining chap irmog‘i hisoblangan Ispaysoyda yangi mikroGESning ochilishi marosimi tashkil etildi.
“Global qaynash davri kirib keldi” — BMT rahbari
“Global isish davri tugadi, global qaynash davri kirib keldi”, — deya ma’lum qildi BMT rahbari. Meteorologlarning fikricha, joriy yilning iyuli kuzatuvlar tarixidagi eng issiq oy bo‘ladi. Bu oyda eng issiq uch hafta va eng issiq uch kun qayd etildi.
YPX xodimlari endi dislokatsiya joyi uchun emas, balki hudud uchun javobgar bo‘ladi
YHXBB “dislokatsiya”dan voz kechadi, deya ma’lum qildi prezident. Ularning ko‘chalarda patrullik qilishni boshlash-boshlamasligiga aniqlik kiritilmadi. Hokimliklarga yo‘l infratuzilmasini yaxshilash uchun maslahatchilarni jalb etish topshirildi. Prezident yer usti va yerosti o‘tish joylari masalasini ham tilga oldi.
28-iyul kuni O‘zbekistonda sodir bo‘lgan eng muhim voqealar dayjesti
Bog‘cha bolalariga ma’ruza o‘qigan IIB xodimlarini tanqid qilgan prezident, ishdan olingan mutasaddilar, Abduqodir Mo‘minov sudi, nashida sabab 3 yilga qamalgan yigitga chiqarilgan hukm o‘zgartirilgani, shoshilinch murojaatlar uchun yagona 112 raqami va boshqalar — “Gazeta.uz”ning kun dayjestida.
Kolonka: Ortiqcha to‘langan QQS qaytariladimi yoki yo‘qmi? Qaytarilmaydiganga o‘xshaydi
Toshkentdagi korxonalardan birida direktor bo‘lib ishlayotgan muallifimiz Vladimir Srapionov “O‘zgalar qarzining og‘irligi” ruknida ortiqcha to‘langan QQSni qaytarish bilan bog‘liq noaniq vaziyat mavzusini davom ettiradi.
Ayol kishining jasadi topilgan lift nosoz bo‘lgan — Bosh prokuratura
Toshkentda ayol kishining jasadi topilgan lift nosoz bo‘lgan, deb xabar qildi O‘zbekiston Bosh prokuraturasi. Sanoat xavfsizligi qo‘mitasi elektr ta’minotidagi uzilish tufayli lift to‘xtab qolganini ma’lum qildi. “RES” esa elektr o‘chirilmaganini bildirdi. Lift ro‘yxatdan o‘tkazilmagan bo‘lgan.
Nashida tufayli 3 yilga qamalgan yigitga chiqarilgan hukm ozodlikni cheklash jazosiga o‘zgartirildi
Oliy sud Jinoyat ishlari bo‘yicha sudlov hay’ati kassatsiya instansiyasi nashida tufayli 3 yilga qamalgan 21 yoshli Jahongir Ulug‘murodovga nisbatan chiqarilgan hukmni 3 yil muddatga ozodlikni cheklash jazosiga o‘zgartirdi. Jahongir Ulug‘murodov darhol jazoni ijro etish joylarida qamoqdan ozod qilinishi belgilandi.
Muammoli qarzlar bo‘yicha tavsiyalar bankirlar dam olish kunlarida ishlashining oldini olish uchun ishlab chiqilgan — MB raisi
Markaziy bank raisi bank va qarzdorlar munosabatlarini tartibga soluvchi tavsiyalardan asosiy maqsad bankirlarning ishdan tashqari vaqtida ishlamasligini ta’minlash ekanini ta’kidladi. Shuningdek, regulyator rahbari muammoli qarzlar bilan ishlash bo‘yicha eng samarali tizimlardan biri Rossiyaniki ekanini aytdi.
O‘ta og‘ir jinoyatlarning 43 foizini Qo‘qondagi voyaga yetmaganlar sodir etgan — prezident
Farg‘ona viloyatida og‘ir jinoyatlarning 20 foizini, o‘ta og‘ir jinoyatlarning 43 foizini esa aynan Qo‘qonda yashovchi voyaga yetmaganlar sodir etgan. Prezident bu butun respublika bo‘yicha eng yomon ko‘rsatkich ekanini aytdi.
Toshkent tibbiyot akademiyasida “Sport shifokori” va “Sport diyetologiyasi” bo‘yicha magistratura mutaxassisliklari ochiladi
Prezident qarori bilan Toshkent tibbiyot akademiyasida “Sport shifokori” va “Sport diyetologiyasi” bo‘yicha magistratura mutaxassisliklari joriy etiladi. Shuningdek, O‘zbekiston davlat jismoniy tarbiya va sport universiteti huzurida tashkil etilgan tibbiyot fakulteti TTAning Chirchiq filialiga aylantiriladi.
Prezident YHXX boshlig‘i Olim Saidovga hayfsan berdi
Prezident Yo‘l harakati xavfsizligi xizmati boshlig‘i Olim Saidovga hayfsan berdi va uch viloyat YHXB rahbarlarini ishdan bo‘shatdi. Uning ta’kidlashicha, hokimliklar va “O‘zavtoyo‘l” yo‘l harakati xavfsizligi masalalariga e’tibor bermay, faqat asfalt yotqizish bilan ovora.
Mahalla raislari va fermerlarni so‘kkan Bandixon prokurori ishdan olindi
Shavkat Mirziyoyev IIVning kengaytirilgan yig‘ilishida qator huquq-tartibot idoralari rahbarlarini ishdan oldi. Ular orasida MFY raislari va fermerlarni haqoratlagan audiosi bilan tanilgan Bandixon tumani prokurori Soatmurod Maxmanov ham bor.
Qoraqalpog‘istonda eri bilan janjallashgani sabab farzandini urgan ayolga nisbatan jinoiy ish ochildi
Qorao‘zak tumanida Qozog‘istonda ishlovchi turmush o‘rtog‘i bilan janjallashishi oqibatida farzandini urib haqorat qilgan ayolga nisbatan jinoyat ishi ochildi. Bolalar ota qaramog‘iga topshirildi.
Milliy gvardiya qo‘mondonining birinchi o‘rinbosari ishdan olindi
Milliy gvardiya qo‘mondonining jamoat xavfsizligini ta’minlash bo‘yicha birinchi o‘rinbosari Inamjon Ibragimov lavozimidan ozod etildi. U 2021-yil noyab oyida ushbu lavozimga tayinlangandi.
“Vaziyat qanchalik og‘irligini ko‘rsatib turibdi”. Shavkat Mirziyoyev Farg‘onada 11 yoshli qizcha o‘ldirib ketilgani haqida
O‘zbekiston prezidenti yaqinda Farg‘onada 11 yoshli qizchaning murdasi zo‘rlash va qotillik alomatlari bilan topilganini tilga oldi. “Bu holat vaziyat qanchalik og‘irligini ko‘rsatib turibdi”, deya ta’kidlagan Mirziyoyev ayrim mahallalarda xotin-qizlar faollari instituti kutilgan natijani bermayotganini qayd etdi.
“Hokimlar klasterlarning mashinasida yuribdi”. Sirdaryo viloyati hokimi nega 16 ta Tracker sotib olinayotgani haqida
Sirdaryo viloyati hokimi Akmal Mahmudaliyev o‘z o‘rinbosarlari, tuman va shahar hokimlariga 4 mlrd so‘m evaziga 16 ta Tracker xarid qilinayotganiga izoh berdi. “Ayrim tumanlarda hokimlar klasterlarning mashinasida yuribdi. Ulardan talab qilishim uchun, avvalo, shart-sharoit yaratib berish kerak”, — dedi hokim.
Aholining tezkor va shoshilinch murojaatlari uchun yagona 112 raqami ishga tushadi
O‘zbekistonda 2024-yildan bosqichma-bosqich aholining barcha tezkor va shoshilinch murojaatlarini hal qilish maqsadida yagona 112 tezkor raqami (AQShdagi 911 kabi) va dispetcherlik tizimi ishga tushiriladi.
Prezident 15 nafar IIB boshlig‘i va 5 nafar prokurorni ishdan oldi
Prezident 15 ta tuman (3 tasi poytaxtda) IIB boshliqlari va 5 ta tuman prokurorlarini lavozimidan ozod qildi. Bosh prokuror birinchi o‘rinbosari va IIV rahbarining ikki o‘rinbosariga hayfsan berildi, raqamlashtirish uchun mas’ul o‘rinbosar Najmiddin To‘raxojayev egallab turgan lavozimidan ozod qilindi.
“Nima ish qilish kerakligini bilmaydi”. Prezident bog‘cha bolalariga ma’ruza o‘qigan IIB xodimlarini tanqid qildi
Prezident Farg‘onadagi yig‘ilishda “Nima ish qilish kerakligini bilmagan ayrim profilaktika inspektorlari bog‘chalarga borib, 3−4 yoshli bolakaylarga „oq-qorani farqlash“ bo‘yicha ma’ruza o‘qish bilan band”, deya yaqinda bolalar bog‘chasida sodir bo‘lgan voqeani esladi. U kadrlar tanlash tizimini qoniqarsiz deb atadi.
“Ayrim ichki ishlar rahbarlari shaxsiy manfaatlarini kasbiy majburiyatlaridan ustun qo‘ymoqda” — Shavkat Mirziyoyev
Prezident Farg‘onada IIVning kengaytirilgan yig‘ilishida ishtirok etmoqda. Uning so‘zlariga ko‘ra, o‘tgan 6 oy davomida oldini olish mumkin bo‘lgan 12 mingga yaqin jinoyat sodir etilgan. “Ayrim huquq-tartibot idoralari rahbarlari jinoyatchilikni oldini olishda jilovni qo‘yib yuborgan”, — dedi Shavkat Mirziyoyev.
Qo‘shimcha imkoniyatlarga ega bulish uchun saytda ro‘yxatdan o‘ting