“Baxti Tashkentskiy” nima sabab hibsga olindi?
Huquq-tartibot idoralari xodimlari dastlab Baxtiyor Qudratullayev (“Baxti Tashkentskiy”)ni ma’muriy javobgarlik uchun hibsga olgan, bu haqda sud qarorida qayd etilgan. U 15 sutkaga hibsga olingan, shundan so‘ng poytaxt IIBB jinoiy ish qo‘zg‘atilganini ma’lum qildi.
Zarqand yangi shirinliklarni ishlab chiqardi
Zarqand qandolat fabrikasi yangi shirinliklar qatorini ishlab chiqardi, ular orasida turli xil asosga ega uch turdagi pryaniklar ham bor.
“Insonlarning sog‘lig‘i biznesga aylanib ketdi”. Erkinjon Turdimov bemorga ortiqcha dorilar yozish holatlari haqida gapirdi
Samarqand viloyati hokimi Erkinjon Turdimov moddiy manfaat evaziga bemorlarga kerak bo‘lmagan dori yozish holatlarini tanqid qildi. U viloyat sog‘liqni saqlash tizimini raqamlashtirish va standartni chetlab o‘tib retsept yozib bergan xodimlarni ishdan olish haqida ko‘rsatma berdi.
OAV: Salim Abduvaliyev (“Salimboy”)ga nisbatan tergovga qadar tekshiruv boshlandi
O‘zbekiston huquq-tartibot idoralari “Salimboy” laqabi bilan tanilgan, MOQ rahbari o‘rinbosari lavozimida ishlab kelayotgan tadbirkor Salim Abduvaliyevga nisbatan tergovga qadar tekshiruv o‘tkazmoqda, deb xabar berdi Kun.uz.
Iliq havo hafta o‘rtasigacha saqlanib turadi
Haftaning birinchi yarmida O‘zbekiston bo‘ylab quruq va o‘ta iliq ob-havo saqlanib turadi. Harorat kunduzi +15…+20 daraja bo‘ladi. Keyinchalik harorat foni pasayib, juma kuni kechasi 0…+5, kunduzi +7…+12 darajagacha tushishi kutilmoqda.
Farg‘ona viloyatida jinoiy guruhning 22 a’zosi ushlandi. Ular orasida MMA jangchisi ham bor
O‘zbekiston bo‘ylab “ko‘cha to‘dalari” va jinoiy guruhlarni aniqlash hamda qo‘lga olish bo‘yicha keng ko‘lamli reydlar o‘tkazilmoqda. Farg‘ona viloyatida 22 nafar jinoiy guruh a’zosi, shuningdek, MMA jangchisi Humoyun To‘xtamurodov (“Borz” laqabi bilan mashhur) qo‘lga olindi.
O‘zbekistonda kelasi hafta harorat -17 darajagacha pasayib, qor yog‘ishi mumkin
O‘zbekistonga 9-dekabrdan Rossiyaning shimoliy hududlaridan juda sovuq havo massasi kirib kelishi kutilmoqda. Harorat kechalari −17, kunduzi -10 darajagacha pasayishi, 10−11-dekabr kunlari respublika bo‘ylab qor yog‘ishi mumkin.
“Baxti Tashkentskiy” laqabi bilan tanilgan Baxtiyor Qudratullayev qo‘lga olindi
O‘zbekiston huquq-tartibot idoralari xodimlari “Baxti Tashkentskiy” laqabi bilan tanilgan Baxtiyor Qudratullayevni poytaxtda qo‘lga oldi. Shuningdek, yana ikki gumonlanuvchi ushlandi.
“Adaptatsiya muqarrar va zarur”. Markaziy Osiyo davlatlari prezidentlari SOR28`da nimalar haqida gapirdi?
Markaziy Osiyoning besh mamlakati prezidentlari SOR28 iqlim sammitida o‘z bayonotlari bilan ishtirok etdi. Ular iqlim o‘zgarishining mintaqaga salbiy ta’siri haqida gapirib, birgalikda harakat qilishga chaqirdi. Mamlakatlar yetakchilarining chiqishlaridan parchalar — “Gazeta.uz” sharhida.
Xorazmda 20 yoshli talaba pnevmoniyadan vafot etdi
Toshkent tibbiyot akademiyasining Urganch filiali talabasi pnevmoniyadan vafot etdi. 20 yoshli yigitning kasallikka chalinganiga bir hafta bo‘lgan. U shifokorlar yordamiga qaramay, o‘z uyida vafot etgani ma’lum qilindi.
ILMA elektron tijorat regulyatoriga aylanadi
Istiqbolli loyihalar milliy agentligi (ILMA) O‘zbekistonda elektron tijorat bozori hamda lotereyalar va bukmekerlik faoliyatini tashkil etish sohasida regulyatorga aylanadi. Tavakkalchilikka asoslangan o‘yinlar va kapital harakati bilan bog‘liq pul o‘tkazmalari banklar tomonidan bloklanishi mumkin.
Oliy sudda 174 nafar qatag‘on qurbonining nomi oqlandi. Ular orasida Abdulla Qodiriy ham bor
Oliy sud 6 ta jinoyat ishi bo‘yicha qo‘zg‘olonlar va aksilinqilobiy bosmachilik qilishda ayblangan 174 nafar qatag‘on qurbonining nomini oqladi. Ularning aksariyati Surxondaryo, Buxoro, Samarqand va Qoraqalpog‘istonda yashagan. Xususan, oqlanganlar orasida taniqli adib Abdulla Qodiriy ham bor. Ro‘yxat.
Toshkent shahri va viloyatida 3 ta “zapravka” 34 mlrd so‘mlik gazdan noqonuniy foydalangani aniqlandi
Toshkent shahri va viloyatidagi 3 ta gaz “zapravka” 34 mlrd 640 mln so‘mlik tabiiy gazdan noqonuniy foydalangani aniqlandi. Ular hisobga olish priborini ulash tartibi hamda sxemalarini o‘zgartirgan.
O‘zbekiston va BAA haydovchilik guvohnomalarini o‘zaro tan olishga kelishdi
O‘zbekiston va BAA ichki ishlar vazirlari ikki mamlakat hukumatlari o‘rtasida haydovchilik guvohnomalarini o‘zaro tan olish to‘g‘risidagi anglashuv memorandumini imzoladi. Shuningdek, BAAda uzoq vaqtga yashash huquqini olgan o‘zbekistonliklarga haydovchilik guvohnomasini olish vaqtida imtiyoz beriladi.
“Gap xususiylashtirish haqida ketmayapti”. Davaktiv — Humo to‘lov tizimining ta’sischisi o‘zgargani haqida
Humo to‘lov tizimining Davlat aktivlarini boshqarish agentligiga o‘tkazilishi xususiylashtirish bilan bog‘liq emas, deya ma’lum qildi agentlik. Ta’kidlanishicha, Markaziy bank balansida banklararo protsessing markazining mavjudligi manfaatlar to‘qnashuviga olib kelishi mumkin.
Chirchiqdagi IIB hibsxonasida 22 yoshli yigit vafot etdi
Chirchiq shahri ichki ishlar bo‘limi hibsxonasida saqlanayotgan 22 yoshli yigit o‘z joniga qasd qilishi oqibatida vafot etdi, deya xabar berdi Toshkent viloyati IIBB. Biroq tarmoqlarda uning tanasida jarohatlar borligi aniqlangani aytildi. Ombudsman holatni o‘rganmoqda.
O‘zbekiston Masdar kompaniyasi bilan strategik sheriklik to‘g‘risida bitim imzoladi
O‘zbekiston prezidenti BAAning yetakchi korxonalari delegatsiyasi bilan uchrashuv yakunida Masdar kompaniyasi bilan strategik sheriklik to‘g‘risidagi shartnomani imzoladi, shuningdek, kompaniya rahbariga “Do‘stlik” ordenini topshirdi.
Toshkentda issiqlik ta’minoti xizmatlari narxi yuridik shaxslar va budjet tashkilotlari uchun oshdi
Toshkent shahar hokimi issiqlik ta’minoti xizmatlari uchun tartibga solinadigan yangi narxlarni tasdiqlash to‘g‘risida qarorni imzoladi. Unga ko‘ra, narxlar faqat yuridik shaxslar va budjet tashkilotlari uchun oshdi. Aholi uchun tarif narxi o‘zgarishsiz qoldi.
Insoniyat yangi bosqich sari qadam qo‘ymoqda: AI Journey 2023 konferensiyasi yakunlari
Moskvada 22−24-noyabr sanalarida AI Journey konferensiyasi bo‘lib o‘tib, unda sun’iy intellektning biznes va jamiyat rivojlanishidagi ahamiyati, hamda ilmiy kashfiyotlardagi roli muhokama qilindi.
Toshkentda “Saidaziz medgorodok” laqabi bilan tanilgan Saidaziz Saidaliyev qo‘lga olindi
Toshkent shahar IIBB xodimlari “Saidaziz medgorodok” laqabi bilan mashhur Saidaziz Saydaliyevni qo‘lga oldi. Boshqarma ma’lumotlariga ko‘ra, u va yana bir necha kishi tovlamachilik ishi bo‘yicha gumonlanuvchi sifatida hibsga olingan. Ma’lum qilinishicha, ular pul evaziga odamlarni qarzini undirib bergan.
Qo‘shimcha imkoniyatlardan foydalanish uchun saytda ro‘yxatdan o‘ting