Toshkent viloyatida yuk mashinasi bilan to‘qnashgan Matiz haydovchisi halok bo‘ldi
Ohangaron tumanida Matiz o‘zi bilan bir yo‘nalishdagi yuk mashinasining orqa qismiga urildi. Oqibatda yengil avtomobil haydovchisi halok bo‘ldi.
Ko‘prik to‘sinlari qulagani haqida reportaj tayyorlamoqchi bo‘lgan Zo’r TV jurnalistlari kaltaklandi
Zo’r TV muxbiri va operatori Toshkent aeroporti yaqinidagi yo‘l o‘tkazgich to‘sinlari qulagani haqida reportaj tayyorlamoqchi bo‘lganida kaltaklandi. Operator burni singan holda kasalxonaga yotqizilgan. AOKA mazkur hujumni qoraladi. “O‘zbekiston temir yo‘llari” esa zo‘ravon ishdan bo‘shatilganini ma’lum qildi.
14-avgust kuni O‘zbekistonda sodir bo‘lgan eng muhim voqealar dayjesti
Mashina shartnomalari bo‘yicha UzAuto Motors va’dalari, 2022-yilgi budjet ijrosi, “gaz ittifoqi” bo‘yicha bayonotlardan xavotir olayotgan Turkmaniston, IIBBdan o‘ligi chiqqan fuqaro bo‘yicha jinoyat ishi, Zo’r TV jurnalistiga tashlangani uchun ishdan olingan O‘TY xodimi va boshqalar — “Gazeta.uz”ning kun dayjestida.
Na Rossiya, na O‘zbekistondan rasmiy takliflar kelib tushgani yo‘q — Qozog‘iston uch tomonlama gaz ittifoqi haqida
Qozog‘iston Energetika vazirligi uch tomonlama gaz ittifoqi tuzilayotgani haqidagi xabarlar yuzasidan bergan izohida na Rossiya, na O‘zbekiston tomonidan rasmiy takliflar bo‘lmaganini ma’lum qildi. Avvalroq Turkmaniston bu boradagi xavotirlarini bildirgan edi.
Fuqarolar uchun 2022-yilgi budjet ijrosi e’lon qilindi. Asosiy ma’lumotlar
Iqtisodiyot va moliya vazirligi fuqarolar uchun 2022-yilgi budjet ijrosi yuzasidan ma’lumotlarni e’lon qildi. Foyda solig‘i o‘tgan yilgidan kamaydi, bilvosita soliq tushumlari prognozga nisbatan past bo‘ldi. “UzGasTrade”ga gaz narxi o‘rtasidagi tafovutni qoplash uchun 6,6 trln so‘m ajratildi.
Toshkentda avtobus beton to‘siqqa urilishi oqibatida haydovchi va 3 yo‘lovchi jarohatlandi
Sergeli tumanida 184-sonli avtobus haydovchisi boshqaruvni yo‘qotishi oqibatida avval stolbaga, so‘ng beton to‘siqqa urildi. “Toshshahartransxizmat” hodisa oqibatida faqat haydovchi, YHXB esa jami 4 kishi jarohatlanganini ma’lum qildi.
Toshkent viloyatida ekoinspektorni kaltaklagan shaxsga nisbatan jinoyat ishi qo‘zg‘atildi
Ohangaron tumanida somondan bo‘shagan yerlar yoqib yuborilganini o‘rganish uchun borgan inspektor kaltaklandi. Xodimga kuch ishlatgan fuqaroga nisbatan jinoyat ishi ochildi. Inspektorning ahvoli yaxshi deb baholanmoqda.
Yunusobodda tadbirkor ikki chinorni kestirib tashladi
Toshkent shahar Yunusobod tumanida mebel ishlab chiqarish bilan shug‘ullanuvchi tadbirkor ikki dona chinor daraxtini kestirib tashladi. Oqibatda tabiatga 204 mln 105 ming so‘m zarar yetkazildi.
UzAuto Motors 2024-yildan avtomobillarni uch oy ichida yetkazib berishga va’da bermoqda
UzAuto Motors kompaniyasi Lacetti, Cobalt, Damas va Labo avtomobillari uchun barcha shartnomalar to‘langani, yil oxirigacha 50 mingdan ortiq avtomobil egalariga topshirilishini ma’lum qildi. 2024-yildan esa avtomobillar shartnoma tuzilgan kundan boshlab uch oy ichida yetkazib berilishi va’da qilinmoqda.
Ombudsman Toshkent shahri IIBBda gumonlanuvchi o‘lgan holatni nazoratga oldi
O‘zbekiston qiynoqqa qarshi o‘zining mustahkam pozitsiyasiga ega, dedi ombudsman Toshkent shahri IIBBda gumonlanuvchining o‘lganiga munosabat bildirarkan. Uning so‘zlariga ko‘ra, jinoyat uchun jazo muqarrar, lekin bu jazo sud orqali tayinlanishi kerak.
Qirg‘iziston Qozog‘istonga sug‘orma suv yetkazib berishni to‘xtatdi
Qirg‘iziston suv kamayishi fonida Qozog‘istonning Jambil viloyatiga sug‘orma suvni yetkazib berishni to‘xtatdi. Qozog‘iston Ekologiya vazirligi hudud dalalarida suv taqchilligi sababli “noqulay vaziyat” yuzaga kelgani, mamlakatda sug‘oriladigan yerlar inventarizatsiyadan o‘tkazilishi haqida xabar berdi.
Toshkentdagi issiqlik tarmoqlari texnik auditdan o‘tkazilmoqda
Veolia Energy Tashkent kompaniyasi poytaxtdagi issiqlik tarmoqlarida texnik audit o‘tkazmoqda. Bu ma’lumotlar issiqlik tarmoqlarining texnik holatini aniqlash imkonini beradi va Toshkent shahridagi issiqlik ta’minoti tizimini modernizatsiya qilish bo‘yicha investitsiya dasturini optimallashtiradi.
Turkmaniston Rossiyaning O‘zbekiston va Qozog‘iston bilan “gaz ittifoqi” bo‘yicha bayonotlardan xavotir bildirdi
Turkmaniston Rossiyaning O‘zbekiston va Qozog‘iston bilan “gaz ittifoqi” bo‘yicha bayonotlardan xavotirda. Ularda ittifoq kengayishi mumkinligi aytilgan, ammo kimlar hisobiga ekani tushunarsiz, Turkmaniston quvurlari orqali esa boshqa davlat gazi tranziti rejalashtirilmagan, dedi “Turkmangaz” rasmiysi.
“Ummon” guruhining sobiq solisti Zohid Risqiyevga sud hukmi o‘qildi
Sud inson halok bo‘lgan YTHni sodir etganlikda ayblangan “Ummon” guruhining sobiq solisti Zohid Risqiyevga nisbatan shartli ravishda 2 yil sinov muddati berib, ozodlikda qoldirdi, qolaversa, uni 3 yilga transport vositasini boshqarish huquqidan mahrum qildi.
Banklarda dollar kursi 12 050−12 120 so‘m etib belgilandi
Tijorat banklari 14-avgust kuni aholidan 1 AQSh dollarini 11 980−12 020 so‘mdan sotib olmoqda, sotuv kursi esa 12 050−12 120 so‘m.
Toshkent viloyatida daraxtga urilgan Spark haydovchisi halok bo‘ldi
Qibray tumanida daraxtga urilgan 18 yoshli Spark haydovchisi voqea joyida halok bo‘ldi, bir yo‘lovchi shifoxonaga yotkizildi. Voqeaga yo‘lning xavfli burilish qismida haydovchining boshqaruvni yo‘qotishi sabab bo‘lgan.
O‘quvchi qizlarga tegajog‘lik qilgan maktab psixologi muddatidan oldin ozodlikka chiqdi
Nemolchi.uz loyihasi 3−5-sinf o‘quvchilarini axloqsiz harakatlar qilishga majburlagan va 2 yilga ozodlikdan mahrum etilgan maktab psixologi Azad Gasanov muddatidan oldin ozod etilgani haqida xabar berdi. Toshkent shahri ta’lim boshqarmasi esa u hozirda hech qaysi maktabda ishlamayotganini ma’lum qildi.
Toshkent IIBBda fuqaro vafot etgani yuzasidan jinoyat ishi qo‘zg‘atildi
Toshkent shahar IIBBda tergov vaqtida fuqaro vafot etgani yuzasidan jinoyat ishi qo‘zg‘atildi. Ichki ishlar xodimlari mansab vakolatidan chetga chiqish va qiynoqqa solishda gumonlanmoqda.
Hafta davomida harorat me’yordan past bo‘ladi
Dushanba, seshanba kunlari harorat kunduzi +27…+32 daraja bo‘ladi. Bu avgust oyi o‘rtasi uchun me’yoriy qiymatlardan 2−4 darajaga past. Hafta o‘rtasidan salqin havo asta-sekin chekinib, harorat ko‘tariladi va kunduzi +37 daraja atrofida bo‘ladi.
Toshkentning ayrim hududlarida gaz va issiq suv vaqtincha o‘chiriladi
14-avgust kuni soat 20:00 gacha Toshkentning Shayxontohur va Uchtepa tumanlarining ayrim joylarida gaz, Shayxontohur, Olmazor va Chilonzor tumanlarining ba’zi hududlarida esa issiq suv o‘chiriladi.
Qo‘shimcha imkoniyatlardan foydalanish uchun saytda ro‘yxatdan o‘ting