Buxoroda ikki ayol o‘zini osib qo‘yib vafot etdi
Peshku tumanida 21 va 24 yoshli ayollar uyida o‘zini osib qo‘ydi. Ularning ikkisi ham vafot etdi. Tuman prokuraturasi tomonidan tekshiruv boshlandi.
Bo‘stonliq tog‘laridagi soyga tushib ketgan fuqaro qutqarildi
Bir guruh fuqarolar Bo‘stonliq tumanidagi tog‘ga dam olish maqsadida chiqib, ulardan biri soyga tushib ketdi. FVV xodimlari uni qutqarib qoldi va pastga olib tushdi.
O‘zbekistonda kelasi hafta anomal sovuq bo‘lishi kutilmoqda
9 yanvardan O‘zbekistonga Volgabo‘yi hududlaridan sovuq havo massasi kirib kela boshlaydi. 10−15 yanvar kunlari havo harorati kechalari −12…−17 darajagacha, kunduz kunlari −5…−8 darajacha, cho‘l hududlarda esa −25…−27 darajagacha pasayadi.
Toshkent shahri va Navoiy viloyatida tibbiy sug‘urta tizimi ishga tushadi
1 iyuldan Toshkent shahrida tibbiy sug‘urta tizimi mexanizmlari joriy etiladi. Poytaxtdagi 72 ta poliklinika va 40 ta shifoxona kompyuter jihozlari, zarur tibbiy uskunalar bilan ta’minlash uchun 30 mlrd so‘m beriladi. Navoiy viloyatida bu tizimni ishga tushurishni vazirlik o‘ziga majburiyat sifatida oldi.
Sobiq bosh prokuror Rashitjon Qodirov qamoqdan ozod etildi
2019-yilda 10 yilga qamalgan O‘zbekiston sobiq bosh prokurori Rashitjon Qodirov shartli ravishda ozodlikka chiqarildi. U tovlamachilik, hokimiyat yoki mansab vakolatini suiiste’mol qilish, pora olish va boshqa jinoyatlarni sodir etishda ayblangan.
Andijonda YTH oqibatida maktab o‘quvchisi vafot etdi
Andijon viloyatida 17 yoshli bola to‘rt nafar sinfdoshi bilan Spark mashinasida boshqaruvni yo‘qotib, yo‘l chetidagi yuk mashinasiga borib urildi. Oqibatda ulardan biri tan jarohatlari bilan shifoxonada vafot etdi.
Banklarda dollarning sotish va sotib olish kurslari yana oshdi
Tijorat banklari 5 yanvar kuni aholidan 1 AQSh dollarini 11 200 — 11 290 so‘mdan sotib olmoqda, sotish kursi esa 11 320 so‘m.
OAV: Qirg‘iziston prezidentining garderobi narxi uning yillik daromadidan 2,5 baravar qimmatroq
2022 yilda jamoatchilik Qirg‘iziston prezidenti Sadir Japarov garderobidagi deyarli 2,5 mln somlik (qariyb $29,2 ming) yoki uning yillik daromadining 2,5 barobariga teng kiyimlariga e’tibor qaratdi. Misol uchun, o‘tgan yilning oktabrida prezident $15,3 minglik italyan kurtkasida ko‘rinish berdi.
4 yanvar kuni O‘zbekistonda sodir bo‘lgan eng muhim xabarlar dayjesti
Ishdan ketgan Toshkent bosh imom-xatibi, Sirdaryoda 7 bolaga nojo‘ya ta’sir qilgan «Dok-1 Maks», Putin bilan telefonda gaplashgan Mirziyoyev, 348 mln so‘mga sotilgan eng qimmat avtoraqam, shartnoma tuzishni vaqtincha to‘xtatgan UzAuto Motors, YTHda vafot etgan 4 kishi va boshqalar — «Gazeta.uz»ning kun dayjestida.
O‘zbekistonda 2022 yilning eng qimmat avtoraqami 348 mln so‘mga sotib olindi
2022 yilda onlayn-auksionlar orqali umumiy qiymati 304 mln so‘mdan ortiq bo‘lgan qariyb 120 mingta avtomobil davlat raqamlari xarid qilindi. Eng qimmat raqam avtomobil egasiga 348 mln so‘m, eng arzoni 494 ming so‘mga tushgan.
O‘zbekistonda «Xonadon dori qutisi» nazoratdan o‘tkaziladi
SSVga ko‘ra, «Dok-1 Maks» dorisidan bolalarning ommaviy o‘limi kuzatilganidan so‘ng uyma-uy yurgan holda «Xonadon dori qutisi» nazoratdan o‘tkaziladi. Quramax Medical kompaniyasining barcha dori vositalarini qabul qilmaslik va iste’moldan chiqarish yuzasidan zarur choralar ko‘riladi.
Angren IES ishonchli boshqaruvdan chiqarildi. Uch yil davomida u ko‘p mlrd so‘mlik zarar ko‘rdi
Vazirlar Mahkamasi Angren issiqlik elektr stansiyasini ishonchli boshqaruvdan chiqardi. 2019 yildan beri IES hukumatning yopiq qarori asosida Central Asia Energy kompaniyasi tomonidan boshqarilayotgan edi. Uch yil davomida stansiya ko‘p mlrd so‘mlik zarar ko‘rdi, vaholanki avval u foyda keltiruvchi korxona bo‘lgan.
Qashqadaryoda tanishi tomonidan kaltaklangan ayol shifoxonada vafot etdi
Shahrisabz tumanida erkak tanishi tomonidan kaltaklangan ayol tuman shifoxonasida vafot etdi. Gumonlanuvchi hibsga olindi. Unga nisbatan jinoyat ishi qo‘zg‘atildi.
Toshkent shahri bosh imom-xatibi Rahmatulloh Sayfuddinov ishdan olindi
Rahmatulloh domla Sayfuddinov o‘z arizasiga binoan Toshkent shahar bosh imom-xatibi vazifasidan ozod etildi. Uning o‘rniga «Abu Saxiy» jome masjidi imom-xatibi Abduqahhor domla Yunusov shahar bosh imom-xatibi vazifasini bajaruvchisi etib tayinlandi.
«O‘zgidromet» 6 ta viloyatda qor ko‘chish xavfini e’lon qildi
O‘zbekistonning 6 ta viloyatida 5−10 yanvar kunlari kutilayotgan vaqti-vaqti bilan yog‘ingarchilik hamda havo haroratidagi o‘zgarishlar sababli qor ko‘chish xavfi e’lon qilindi.
Shuhrat G‘aniyev prezident maslahatchisiga o‘rinbosar bo‘ldi
Shuhrat G‘aniyev prezidentning iqtisodiyot sohalarini rivojlantirish, investitsiya va tashqi savdo siyosatini amalga oshirish masalalari bo‘yicha maslahatchisi o‘rinbosari etib tayinlandi. U bungacha bosh vazir o‘rinbosari sifatida ishlab kelayotgandi.
Shavkat Mirziyoyev Vladimir Putin bilan telefon orqali muloqot qildi
Shavkat Mirziyoyev Vladimir Putin bilan telefon orqali gaplashdi. Muloqotda ittifoqchilik va strategik sheriklik munosabatlarini mustahkamlash, tovar ayirboshlash hajmini oshirish, turli sohalarda, jumladan, energetika sohasida manfaatli hamkorlikni kengaytirish masalalari muhokama etildi.
Samarqandda AUDI urib ketishi oqibatida ikki piyoda vafot etdi
Samarqand tumanida AUDI ikki nafar piyodani urib ketdi. Oqibatda ularning ikkisi ham vafot etdi. Gumonlanuvchi hibsga olindi.
O‘zbekiston muftiysiga yangi o‘rinbosarlar tayinlandi
O‘zbekiston musulmonlar idorasi raisiga yangi o‘rinbosarlar etib Jaloliddin Hamroqulov va Uyg‘un G‘ofurov hamda Toshkent islom institutiga yangi rektor etib Muhammadolim Muhammadsiddiqov tayinlandi.
UzAuto Motors shartnoma tuzish va avtomobillar topshirishni vaqtincha to‘xtatdi
UzAuto Motors hisob dasturiy ta’minotini amalga oshirish munosabati bilan shartnoma tuzish, avtomobillarni topshirish va to‘lovlarni qabul qilishni vaqtincha to‘xtatdi. Kompaniya jarayon 4−5 kundan ortiq davom etmasligini ma’lum qildi.
Qo‘shimcha imkoniyatlarga ega bulish uchun saytda ro‘yxatdan o‘ting