Toshkentda bog‘cha direktorining o‘g‘li 4 nafar qizchaga tegajog‘lik qilgani bo‘yicha jinoyat ishi ochildi
“Gazeta.uz” surishtiruvidan so‘ng Toshkentdagi bog‘cha direktorining 15 yoshli o‘g‘li 4 nafar qizchaga tegajog‘lik qilgani bo‘yicha jinoyat ishi ochildi. IIV tergov davom etayotganini, Bosh prokuratura va Maktabgacha ta’lim agentligi holat qat’iy nazoratga olinganini bildirdi.
Toshkentda harbiy-vatanparvarlik ruhidagi “Men G‘olib” ommaviy yugurish musobaqasi bo‘lib o‘tadi
O‘zbekiston Yengil atletika federatsiyasining anjumanlar zalida 14-may kuni bo‘lib o‘tadigan “Men G‘olib” ommaviy yugurish musobaqasini o‘tkazishga bag‘ishlangan matbuot brifingi bo‘lib o‘tdi.
“Xavotirlar o‘rinli”. MB rahbari — AQShning Ohangaronsement va uning asoschisiga qarshi sanksiyalari to‘g‘risida
“Ohangaronsement” va uning ta’sischisiga nisbatan AQSh sanksiyalarining joriy etilishi korxona faoliyatini to‘xtatib qo‘yishni anglatmaydi, deya ma’lum qildi Markaziy bank rahbari Mamarizo Nurmuratov. Uning aytishicha, bu masalani hal etish bo‘yicha prezident topshirig‘iga binoan ishchi guruh tuzilgan.
Markaziy bank bankrot bo‘lgan “Turkistonbank” omonatchilarining mablag‘lari qaytarilishiga izoh berdi
“Turkistonbank”ning bankrot bo‘lishi sabab 52 nafar mijoz 53 mlrd so‘m omonatlarini qaytarish bo‘yicha murojaat qilgan bo‘lib, uning bir qismi bank tomonidan subordinativ kredit sifatida berilgan. MB sud qarori bilan 18 nafar fuqaroning 29 mlrd so‘mlik mablag‘lari omonat sifatida tan olinganini ma’lum qildi.
“Iste’molchilarning suvdan qarzdorligi 1,36 trln so‘mga yetdi” — “O‘zsuvta’minot”
O‘zbekistonda suvdan qarzdorlik miqdori 1,36 trln so‘mga yetdi. Shundan 1,13 trln so‘m jismoniy, 224 mlrd so‘m yuridik iste’molchilar hissasiga to‘g‘ri kelmoqda. Qarzdorligi eng yuqori hududlar poytaxt, Andijon va Toshkent viloyatlari bo‘lib turibdi.
Humo va Uzcard bankomatlarini integratsiyalash 7−10 kun ichida yakunlanadi — Markaziy bank raisi
Markaziy bank raisi Humo va Uzcard to‘lov tizimlari bankomatlarini integratsiyalash 7−10 kun ichida yakunlanishini ma’lum qildi. Shuningdek, Korzinka supermarketlar tarmog‘ida virtual kassalarni ishga tushirishga tayyorgarlik ko‘rilayotganini, pulni naqdlashtirish uchun komissiya foizi muhokama qilinayotganini aytdi.
AKT vazirligi va “Aloqabank” binolari sotuvi bekor qilindi — Markaziy bank raisi
Raqamli texnologiyalar vazirligi va “Aloqabank”ning Toshkent shahri markazidagi ma’muriy binolarini sotish va Black Gold Industry News`ga 390 mlrd so‘mlik imtiyozli kredit ajratish bo‘yicha kelishuvlar bekor qilindi, deya ma’lum qildi Markaziy bank raisi Mamarizo Nurmurotov.
Poytaxtda ayrim yashil maydonlar “pala-partish” sug‘orilyapti. Bunga nima sabab bo‘lmoqda?
Ekobloger “O‘rikguli” poytaxtdagi daraxtlar “pala-partish” sug‘orilib, suv “isrof qilinayotganini” tanqid qildi. “Gazeta.uz” bunga mas’ul tashkilot bilan bog‘landi. Boshqarma boshlig‘i buni tizimda xodim yetishmasligi, qolaversa ko‘plab yangi obyektlar boshqarma balansiga hali beri kiritilmagani bilan izohladi.
Toshkentdagi bog‘cha direktorining 15 yoshli o‘g‘li 4 nafar qizchaga tegajog‘lik qilgani aytilmoqda
Chilonzordagi 230-sonli bolalar bog‘chasida direktorning 15 yoshli o‘g‘li 4 nafar qizchaga, ular uxlashga yotgan vaqtida tegajog‘lik qilgani aytilmoqda. Bunga kamida 3−4 nafar bola guvoh bo‘lib qolgan. Direktor esa buni “tuhmat” deb atamoqda va qizchalarning o‘zini tarbiyasizga chiqardi. “Gazeta.uz” surishtiruvi.
Markaziy bank O‘zbekistonda p2p o‘tkazmalari uchun elektron hisobvaraqalari joriy etilishiga qarshi chiqdi
Jismoniy shaxslar o‘rtasidagi pul o‘tkazmalari bo‘yicha elektron hisobvaraqalarni rasmiylashtirish, ya’ni bu ma’lumotlarni soliq organlariga o‘tkazish tartibiga Markaziy bank salbiy munosabatda, dedi Markaziy bank raisi. Mutaxassislarning aytishicha, bu norma bank siri to‘g‘risidagi qonun va Konstitutsiyaga zid.
Yirik savdo markazlariga ijara to‘lovlarini xorijiy valyutaga bog‘lashga ruxsat beriladi
Hukumat komissiyasi ijara to‘lovlarini xorijiy valyutaga bog‘lashga ruxsat berishi mumkin. Gap 200 mln dollardan ortiq sarmoya va 70 ming kvadrat metrdan ortiq ijara maydoniga ega yirik savdo va ko‘ngilochar markazlar haqida bormoqda. Toshkentda qurilayotgan birgina savdo markazi shunday talabga javob beradi.
Timur Muhamedjonov “O‘zkimyosanoat”ga rahbar bo‘ldi
“O‘zkimyosanoat” kompaniyasiga avval “O‘zkimyoimpeks” korxonasi direktori lavozimida ishlab kelgan Timur Muhamedjonov rahbar etib tayinlandi.
O‘zbekistonning 9 ta viloyatida sel-suv toshqini xavfi e’lon qilindi
5−7-may kunlari O‘zbekistonda kuzatiladigan kuchli yomg‘irlar sababli 9 ta viloyatda sel-suv toshqini yuzaga kelishi mumkin. Ayrim joylarda do‘l yog‘ishi, shamol tezligi kuchayib, chang-to‘zon ko‘tarilishi kutilmoqda.
O‘zbekistonda AQSh Global seysmik tarmog‘ining stansiyasi o‘rnatildi
AQSh Global seysmik tarmog‘ining (dunyo bo‘ylab 150 dan ortiq stansiyalarni o‘z ichiga oladi) bir qismi bo‘lgan stansiya Jizzax viloyatiga o‘rnatildi. Shuningdek, AQSh O‘zbekistonga seysmik xavflarni baholash va qurilish qoidalarini yaxshilashda yordam beradi.
Aprelda O‘zbekistonda 5,5 mlrd so‘mlik elektrdan noqonuniy foydalanildi
O‘zbekiston bo‘ylab aprel oyida 225 ta holatda iste’molchilar tomonidan 5,5 mlrd so‘mlik elektrdan noqonuniy foydalanildi. Ularning eng ko‘pi Andijon, Sirdaryo, Surxondaryo va Toshkent viloyatlari hissasiga to‘g‘ri keldi.
Markaziy bank asosiy stavkani yillik 14 foiz darajasida o‘zgarishsiz qoldirdi
Markaziy bank asosiy stavkani 14 foiz darajasida saqlab qoldi. Regulyator birinchi chorak yakunlariga ko‘ra, iqtisodiyotdagi aksariyat ko‘rsatkichlar makroiqtisodiy rivojlanishning bazaviy ssenariysi doirasida ekanligini ta’kidladi. Yil yakuni bo‘yicha inflyatsiya prognozi 8,5−9,5 foiz darajasida saqlanib qoldi.
Vochaxliklarning aksariyati tog‘ga chorva boqishga chiqib ketgani uchun referendumda qatnashmagan — MSK
Surxondaryoning Vochax qishlog‘ida 30-aprel kuni referendum o‘tkazilmagani, qishloq ahliga byulleten ham berilmagani aytilgandi. MSK mazkur hudud uchun ko‘chma quti yuborilgani, biroq aksariyat fuqarolar chorva mollariga qarash uchun tog‘ga chiqib ketgani sababli yashash manzilida bo‘lmaganini ma’lum qildi.
O‘zbekistondagi 58 ta bolalar bog‘chasida “Mehribonlik korpusi” ko‘magida kitob burchaklari tashkil etildi
“Mehribonlik korpusi” va MakGovern-Doul dasturi tomonidan Surxondaryo va Qoraqalpog‘istondagi 58 davlat maktabgacha ta’lim tashkilotlarida kitob burchaklari ochildi. Ushbu muassasalarga to‘rt tilda salkam 5800 ta kitob hadya qilingan.
Qirg‘iziston-O‘zbekiston chegarasidan ID-karta orqali o‘tishga ruxsat berildi
Qirg‘iziston Jogorku Keneshi Qirg‘iziston-O‘zbekiston chegarasidan ID-karta orqali o‘tishga ruxsat beruvchi qonun loyihasini qabul qildi. Endilikda fuqarolar har ikki davlat chegarasidan pasport ko‘rsatmasdan o‘tishlari mumkin bo‘ladi.
Senat xodimlarni kasbiy xavf-xatardan himoya qilish bo‘yicha xalqaro konvensiyani ma’qulladi
Senatorlar “Xalqaro mehnat tashkilotining xodimlarni ish joyidagi havoning ifloslanishi, shovqin va tebranishlar tufayli yuzaga keladigan kasbiy xavf-xatardan himoya qilish to‘g‘risidagi 148-sonli Konvensiyasini ratifikatsiya qilish haqida”gi qonunni ma’qulladi.
Qo‘shimcha imkoniyatlardan foydalanish uchun saytda ro‘yxatdan o‘ting