Hududlarning bosh va master rejalari 3 bosqichda ishlab chiqiladi
Prezident loyihalash va qurilish sohasida yangi tizimni e’lon qildi. Hududlarning bosh va master rejalarini ishlab chiqish bo‘yicha Respublika kengashi tuzilmoqda. Ular 3 bosqichda tashkil qilinadi. Bosh arxitektor lavozimi joriy etildi, shaharsozlik qoidalaridan 147 ta norma va boshqalar chiqarib tashlanmoqda.
Dunyoda koronavirus bilan kasallanish ikki hafta ichida 30 foizga oshdi — JSST
JSST so‘nggi ikki hafta ichida dunyoda COVID-19 bilan kasallanish sezilarli darajada oshganini e’lon qildi. Asosan omikron shtammining mavjud kichik turlari tarqaldi, ammo yangilari ham aniqlangan. Tashkilot buster vaksinatsiyaning ahamiyatini eslatdi.
Nukusda texnopark tashkil etiladi
Qoraqalpog‘istonda 30 gektar maydonda «Nukus texnoparki» maxsus sanoat zonasi tashkil etiladi. Energiya tejamkor ekologik xavfsiz ishlab chiqarish quvvatlarini barpo etish texnopark faoliyatining asosiy yo‘nalishlaridan biri bo‘ladi. Unga mahalliy va xorijiy investorlar jalb etiladi.
O‘zbekiston va YeI o‘rtasida hamkorlik bo‘yicha bitimni parafirlash marosimi o‘tkazildi
O‘zbekiston va Yevropa Ittifoqi o‘rtasida Kengaytirilgan sheriklik va hamkorlik to‘g‘risidagi yangi bitimni dastlabki imzolash marosimi o‘tkazildi. Ushbu hujjat 1996 yilda qabul qilingan bitimning o‘rnini egallashi va tomonlarning hamkorligini yangi bosqichga olib chiqishi kutilmoqda.
Metroning «Yerusti halqa yo‘li» yo‘nalishidagi 7-bekati bir haftaga yopiladi
Metroning «Yerusti halqa yo‘li» yo‘nalishidagi 7-bekati yo‘l o‘tkazgich o‘rnatilishi sababli 11 iyuldan 18 iyulga qadar yopiladi. Qolaversa, 11 iyuldan avgustga qadar yo‘nalishdagi poyezdlar soat 05:00 dan 23:00 gacha ishlaydi.
Andijonda 37 kishi ovqatdan zaharlandi
Andijon viloyatining Qo‘rg‘ontepa tumanidagi umumiy ovqatlanish shoxobchalaridan birida 37 kishi «nonburger» dan zaharlandi. Ularning 17 nafari shifoxonaga yotqizildi.
TIV Qoraqalpog‘istonda internet soxta xabarlar sababli cheklanganini tan oldi
O‘zbekiston Tashqi ishlar vazirligi Qoraqalpog‘istonda uyali aloqa va Internet «soxta yangiliklarni tarqatib, dushman kayfiyatdagi kuchlar fuqarolarni aksilkonstitutsiyaviy faoliyatga ommaviy ravishda jalb qilishga uringanlari» sababli cheklanganini ma’lum qildi.
Prezident kuchishlatar tuzilmalarning Nukusdagi harakatlariga baho berish bo‘yicha topshiriq berdi
Shavkat Mirziyoyev Qoraqalpog‘istondagi namoyishlarda o‘z yaqinlarini yo‘qotgan oilalarga hamdardlik bildirdi. Davlat rahbari voqealarda ishtirok etgan barcha tomonlar harakatiga adolatli baho berishni topshirdi. Kuch tuzilmalari tomonidan noto‘g‘ri kuch ishlatilgan bo‘lsa, jinoiy javobgarlik ta’minlanishi aytildi.
O‘zbek polvonlari Osiyo chempionatida to‘rtta medalni qo‘lga kiritdi
Bahraynda bo‘lib o‘tayotgan sport kurashlari bo‘yicha U20 Osiyo chempionatining birinchi kunida o‘zbekistonlik polvonlar to‘rtta — bitta oltin, ikkita kumush va bitta bronza medalini qo‘lga kiritdi.
Dollarning kursi ko‘tarilishda, rubl esa pasayishda davom etmoqda
AQSh dollarining so‘mga nisbatan rasmiy kursi 27,73 so‘mga qimmatlab, 10 887,87 so‘m etib belgilandi. Yevro va rubl kurslari esa yana pasaydi.
Qurbon hayiti namozi vaqtlari e’lon qilindi
Musulmonlar idorasi Qurbon hayiti namozi vaqtlarini e’lon qildi. Hayit namozi Toshkent shahrida soat 05:20da, boshqa hududlarda namoz vaqtidagi tafovutni inobatga olib o‘qiladi.
SSV vaziri bolalarni massaj qildirish bo‘yicha ota-onalarga murojaat bilan chiqdi
SSV vaziri Behzod Musayev diplom va malakasi yo‘q shaxs yosh bolani qiynab, massaj qilgan holatga munosabat bildirdi. Vazir ota-onalardan «ruxsatnoma va malakaga ega bo‘lmagan kimsalarga farzandlarining taqdiri va salomatligini ishonib topshirmasliklarini» so‘radi.
OTMga kirish imtihonlari ochiq havoda o‘tkaziladi
Joriy yilda oliy ta’lim muassasalariga o‘qishga kirish uchun test sinovlari ochiq havoda o‘tkaziladi, deb xabar berdi Davlat test markazi.
Dam olish kunlarida Toshkent avtobuslari qisqartirilgan jadval asosida harakatlanadi
9 va 10 iyul kunlari poytaxt avtobuslari yakshanbalik, 11 va 12 iyul kunlari esa shanbalik jadval asosida harakatlanadi.
BMT Oliy komissari Qoraqalpog‘istonda internetni cheklamaslikka chaqirdi
BMT Inson huquqlari bo‘yicha Oliy komissari Mishel Bachelet Qoraqalpog‘istondagi voqealarni shaffof va mustaqil tergov qilish kerakligini ta’kidladi va internetga ulanishni cheklamaslikka chorladi.
IIBB Zo‘r TV telekanali binosi minalashtirilgani to‘g‘risidagi xabarni tekshirdi
6 iyul kuni Toshkent shahar IIBBga Yashnobod tumanidagi Zo‘r TV telekanali binosi minalashtirilgani to‘g‘risidagi xabar kelib tushdi. Hudud o‘rganilganda, xabar tasdiqlanmadi. Boshqarma tergov olib bormoqda.
Xorijda ishga joylashtirishni va’da qilayotgan aksariyat agentliklarning faoliyati noqonuniy — Mehnat vazirligi
Xorijda ishga joylashtirishni va’da qilayotgan xususiy bandlik agentliklarining aksariyati fuqarolarni aldaydi, deya xabar berdi Mehnat vazirligi. O‘zbekistonda atigi 6 ta xususiy agentlik xorijda ishga joylashtirish uchun litsenziyaga ega, yana 3 tasining faoliyati to‘xtatilgan.
Jizzaxda Xitoy fuqarosi kuchukka shavqatsiz munosabatda bo‘lgani aniqlandi
Jizzax viloyatida «Huaxin» o‘zbek-xitoy qo‘shma korxonasida mexanizator bo‘lib ishlovchi xitoylik fuqarosi Man Ming zavodda kuchukka shavqatsiz munosabatda bo‘lgani aniqlandi. Zafarobod tuman IIB uni ma’muriy jarimaga tortdi.
O‘zbekistonda 4 kunlik ish haftasiga o‘tish taklifi bildirildi
Davlat boshqaruvi akademiyasi rektori Adxam Bekmurodov xorij tajribasidan kelib chiqib, 4 kunlik ish haftasiga o‘tish taklifini bildirdi. Shuningdek, u Mehnat vazirligidan so‘rovnomalar orqali davlat tashkilotlarida mehnat unumdorligini baholab chiqishni so‘radi. Mazkur xabar Daryo nashridan o‘chirildi.
O‘zbekistonda avtomaktablarning reytingi tuziladi
1 sentabrdan barcha avtomaktablarning reytingi tuziladi. Bunda bitiruvchilarning «prava» uchun imtihondagi natijalari, jarima ballari, YTH sodir etganligi, qolaversa, ilmiy darajaga ega o‘qituvchilar soni inobatga olinadi. Yakunda maktablar «yashil», «sariq» va «qizil» toifalarga ajratiladi.
Qo‘shimcha imkoniyatlardan foydalanish uchun saytda ro‘yxatdan o‘ting