O‘zbekiston yetakchi ayollar muloqoti o‘z ishini boshladi
BMTTD va Senat hamkorligida ayollarning huquq va erkinliklarini oshirishga qaratilgan O‘zbekiston yetakchi ayollar muloqoti o‘z ishini boshladi. Muloqot mamlakatdagi gender tenglik muammolarini hal qilish uchun 14 mintaqadan turli sohalardagi 180 dan ortiq ayollarni birlashtirishni maqsad qilgan.
O‘zbekiston va Ozarbayjon o‘rtasida deklaratsiya va 18 ta hujjat imzolandi
Shavkat Mirziyoyev va Ilhom Aliyev O‘zbekiston bilan Ozarbayjon o‘rtasidagi strategik sheriklikni chuqurlashtirish va har tomonlama hamkorlikni kengaytirish to‘g‘risidagi deklaratsiyani imzoladilar. Shuningdek, ikki mamlakat hukumatlari, vazirlik va idoralari o‘rtasida 18 ta hujjat imzolandi.
Toshkentda iyun oyida o‘rtacha oylik yog‘ingarchilikning 130 foizi kuzatildi — O‘zgidromet
Toshkentda o‘rtacha oylik miqdor 17 mm ni tashkil etgan bir vaqtda, oy boshidan buyon 22 mm yoki me’yordagidan 130 foiz ko‘proq yog‘ingarchilik yog‘di. 20 iyun kuni poytaxt markazida 15 mm, xalqaro aeroport hududida 21 mm yomg‘ir yog‘di.
Jurnalist va yozuvchi Ahmadjon Toshxo‘jayev vafot etdi
O‘zbekistonda xizmat ko‘rsatgan jurnalist Ahmadjon Toshxo‘jayev 70 yoshida vafot etdi.
O‘zbekiston oltin-valyuta zaxiralari qariyb $500 mlnga kamaydi
O‘zbekistonning xalqaro zaxiralari may oyida qariyb 500 mln dollarga kamayib, 35,4 mlrd dollarni tashkil etdi. Qimmatbaho metallarning fizik hajmi oshgan bo‘lsada, xorijiy valyuta va oltindagi zaxiralar qiymati kamaydi.
$40 ming evaziga AQShga jo‘natishni va’da qilgan shaxslar ushlandi
Samarqand va Toshkent shaharlarida fuqarolarni 40 ming dollar evaziga viza rasmiylashtirib berishni va’da qilib, AQShga jo‘natishga uringanlikda gumonlangan shaxslar qo‘lga olindi.
Tabiiy gazni markazlashgan tarzda xarid qilish va sotish uchun UzGasTrade kompaniyasi tashkil etilmoqda
O‘zbekistonda tabiiy gazni markazlashgan tartibda xarid qilish va sotish, shuningdek, yagona eksportchi vazifasini bajarish uchun UzGasTrade kompaniyasi tashkil etilmoqda. Hozir bu bilan «O‘ztransgaz» shug‘ullanadi. UzGasTrade ustav kapitali davlat budjetidan ajratiladigan subsidiya hisobidan shakllantiriladi.
Koreyaga ishga ketish uchun imtihonga boshqa fuqaroning o‘rniga kirish holatlari aniqlandi
Koreyaga ishga ketish uchun EPS-Topik test imtihonlariga boshqa fuqaroning o‘rniga kirish va qo‘shimcha vositalardan foydalanishga urinish bilan bog‘liq 23 ta holat aniqlandi. Tashqi mehnat migratsiyasi agentligi qoidabuzarlar 3 yilgacha qaytib imtihonda qatnasha olmasligidan ogohlantirmoqda.
Qumqo‘rg‘on tumanida hokim o‘zgardi
Surxondaryoning Qumqo‘rg‘on tumaniga Anvar Normamatov hokim etib tayinlandi. Sobiq hokim tumanning ijtimoiy-iqtisodiy ko‘rsatkichlari pastligi uchun tanqid qilingan edi.
Ruhiy salomatliksiz sog‘lom bo‘lish imkonsiz — JSST
JSST ruhiy salomatlik birlamchi tibbiy yordamning bir qismi bo‘lishi kerak deb hisoblaydi. Maktab o‘quvchilari ruhiy salomatlik uchun ijtimoiy va emotsional ta’lim dasturlariga, kattalar esa arzon yordam va ijtimoiy xizmatlarga muhtoj.
Foto: Ilhom Aliyev O‘zbekistonga davlat tashrifi bilan keldi
Ozarbayjon prezidenti Ilhom Aliyev O‘zbekistonga davlat tashrifini Ozarbayjon xalqining umummilliy yetakchisi Haydar Aliyev nomidagi ko‘cha va xiyobonni ochishdan boshladi. Oliy martabali mehmonga prezident Shavkat Mirziyoyev hamrohlik qildi.
UNICEF O‘zbekistonda ayollar va bolalarga nisbatan zo‘ravonlik holatlari bo‘yicha xavotirini bildirdi
UNICEF O‘zbekistonda ayollar va bolalarga nisbatan zo‘ravonlik holatlaridan xavotirda: ayrim hodisalar, jumladan, go‘daklar bilan bog‘liq bo‘lganlari jamoatchilik ko‘z oldida va kuzatuvchilar ishtirokida sodir bo‘lmoqda. Tashkilot ijtimoiy ishchilar institutini tashkil etish kerakligini aytdi.
Giyohvand moddalar savdosida qatnashgan uch nafar shaxs 11 yildan 13 yilgacha qamaldi
Samarqandda ikkita holatda qariyb 16 kilorgammga yaqin giyohvandlik vositalarini yetkazib berish va sotish bilan shug‘ullangan uch nafar shaxsga sud hukmi o‘qildi. Ularga nisbatan 11 yildan 13 yilgacha qamoq jazosi tayinlandi.
Samarqandda aholiga ajratilgan qariyb 85 tonna un qimmat narxlarda sotilgani aniqlandi
Ishtixon tumanida tadbirkor aholiga ajratilgan arzon narxdagi 84,5 tonna un mahsulotini belgilangan mahallalarga yetkazib bermasdan, savdo nuqtalari orqali qimmat narxlarda sotib yuborgani aniqlandi. Unga nisbatan jinoyat ishi qo‘zg‘atildi.
Sardor Umurzakov Ozarbayjon iqtisodiyot vaziri bilan uchrashdi
Investitsiyalar va tashqi savdo vaziri Sardor Umurzakov va Ozarbayjon iqtisodiyot vaziri Mikail Jabborov uchrashib, investitsiyalar, savdo, transport va logistika sohasidagi hamkorlik salohiyatini muhokama qildi. Tomonlar o‘zaro va tranzit yuk tashishni ko‘paytirish bo‘yicha hamkorlik yo‘llarini ko‘rib chiqishdi.
O‘zbekiston dzyudo akademiyasi tashkil etiladi
Denov va Urganch dzyudo maktablari, Milliy universitetda alohida ta’lim yo‘nalishi hamda O‘zbekiston dzyudo akademiyasi tashkil etiladi, mamlakatda jahon chempionati va beshta turnir o‘tkaziladi — prezident dzyudo sportini rivojlantirish bo‘yicha qarorni imzoladi.
Dmitriy Muratovning Nobel medali auksionda $103,5 mlnga sotildi
«Novaya Gazeta» bosh muharriri Dmitriy Muratov 2021 yilda tinchlik bo‘yicha qo‘lga kiritgan Nobel mukofotini auksionga qo‘ydi. Boshlang‘ich narxi $700 minglik lot bir necha daqiqada $16,6 mlnga ko‘tarildi, yakunda esa $103,5 mlnga sotildi. Mablag‘lar ukrainalik qochqinlarning oilalariga yordam berishga sarflanadi.
Kosondagi 10-sonli koloniyada tibbiyot xodimlari yetishmayapti — Ombudsman
Qashqadaryo viloyati Koson tumanidagi 10-sonli koloniyada tibbiyot xodimlari yetishmaydi. U yerda har kuni 70−80 nafar mahkumga tibbiy yordam ko‘rsatilmoqda. Ombudsman ofisi muassasadagi mahkumlarni saqlash va qarindoshlari bilan uchrashish uchun yaratilgan sharoitlarni o‘rgandi.
Andijonda 2 nafar bolani 27 yoshli ayol o‘ldirgani aytilmoqda
Andijon shahrida 2 nafar bolaning o‘limida gumonlanib, 27 yoshli ayol hibsga olindi. Bosh prokuraturaning ma’lum qilishicha, u ushbu jinoyatni oilasi buzilib ketishiga sababchi bo‘lgan xolavachchasi bilan tortishib qolgani uchun sodir etganini tan olgan. U shu yo‘l orqali xolavachchasidan qasd olgani aytilmoqda.
Ra’no Jo‘rayeva — Farg‘ona vodiysiga nima uchun yagona aeroport kerakligi haqida
Uzbekistan Airports rahbari Ra’no Jo‘rayeva Farg‘ona vodiysidagi aeroportlarni rivojlantirishning ikkita ssenariysi haqida gapirib o‘tdi. Ular aeroportlarning hozirgi joylashgan o‘rinlarida yangi aeroportlarni rekonstruksiya qilish va qurish hamda uchta viloyat uchun yagona havo bandargohini qurishdan iborat.
Qo‘shimcha imkoniyatlardan foydalanish uchun saytda ro‘yxatdan o‘ting