Toshkentda startaplarni qo‘llash uchun Plug and Play markazi ochiladi
Toshkentda startaplarni qo‘llab-quvvatlash uchun Plug and Play markazi tashkil etiladi. AKT vaziri Sherzod Shermatovning so‘zlariga ko‘ra, ushbu markaz startaplarni saralab, ularni o‘sishiga yordam beradi, katta korporatsiyalar bilan bog‘laydi hamda venchur kapital sarmoyalarini jalb etishga ko‘maklashadi.
Xorazmda 40 sotix yerni $100 mingga olib berishga uringan shaxslar qo‘lga olindi
Gurlan tumanida ikki fuqaro tanishlari orqali 100 ming dollar evaziga 40 sotix yer maydonini omborxona qurish uchun olib berishga uringanlikda ayblanmoqda. Gumondorlar oldindan 25 ming dollar va 65 mln so‘mni olganida ushlangan. Ularga nisbatan jinoyat ishi qo‘zg‘atildi.
Senatorlar Kinematografiya agentligi faoliyatini tanqid qildi
Senatorlar Kinematografiya agentligi rahbari hisobotini tinglab, uning faoliyatini tanqid qildi. Aytilishicha, qaroqchilikka qarshi kurash va mualliflik huquqi himoyasida muammolar bor, Kinematografiya akademiyasi va hududiy kinoteatrlar tashkil etilmagan, «Kinematografiya to‘g‘risida»gi qonun ishlab chiqilmagan.
Pokiston, Eron va Qatar Afg‘onistonga gumanitar yordam yubordi
Afg‘onistonda chorshanba kuni sodir bo‘lgan kuchli zilziladan talofat ko‘rgan aholiga Pokiston, Eron va Qatardan gumanitar yordam yuklari yetib keldi. Shifoxonada jabrlanuvchilardan biri oilasining 19 nafar a’zosini yo‘qotganini so‘zlab berdi. Bundan tashqari, Paktikada suv toshqini ham kuzatildi.
Yuriy Shatunov vafot etdi
“Laskoviy may” guruhining sobiq solisti, 48 yoshli rossiyalik qo‘shiqchi Yuriy Shatunov vafot etdi. Uning o‘limiga o‘tkir yurak yetishmovchiligi sabab bo‘lgani aytilmoqda.
Tug‘uruqxonaga $1400 evaziga ishga kiritib qo‘yishga uringan mansabdor qo‘lga tushdi
RSHTTYOIM Samarqand filiali direktorining o‘rinbosari fuqaroni tug‘uruqxonaga hamshira lavozimiga ishga kiritib qo‘yishga uringanlikda gumonlanmoqda. U buning evaziga 1400 dollarni olgan vaqtida ushlandi. Unga nisbatan jinoyat ishi qo‘zg‘atildi.
O‘zbekistonda kadrlar bilan ishlash tizimi to‘liq raqamlashtiriladi
Davlat tashkilotlarining shtat tuzilmalari, ish jadvali, kadrlar zaxirasi, mukofotlar, xizmat safarlari xarajatlari va boshqalardan iborat hrm.argos.uz platformasi yaratildi. Davlat xizmatini rivojlantirish agentligi platforma yordamida kadrlar bilan ishlash tizimini to‘liq raqamlashtirishni ko‘zlamoqda.
Toshkentda daraxtlar tagiga dizel quyib, quritishga urinishdi
Poytaxtning Katta Mirobod mahallasida taxminan 5 ta daraxtni sun’iy ravishda quritish uchun ularning tagiga dizel yoqilg‘isi quyilgani aniqlandi. Davlat ekologiya qo‘mitasi holat yuzasidan surishtiruv olib bormoqda. Bu ishni shu yerda qurilish ishlarini olib borayotgan kompaniya qilgan bo‘lishi mumkin.
Termez Cargo Center`ga xalqaro xab maqomi berildi
Prezident qarori bilan Termez Cargo Center`ga gumanitar yordam ko‘rsatish bo‘yicha xalqaro ko‘p funksiyali transport-logistika xabi maqomi berildi. Markazda endi barcha xizmatlar «bir darcha» tamoyili asosida ko‘rsatiladi, gumanitar yordamlar esa bojxona ko‘rigidan soddalashtirilgan tartibda o‘tkaziladi.
BMTTD va BMT YeIK «Yashil makon» loyihasini qo‘llab-quvvatlaydi
BMT Taraqqiyot dasturi va BMT Yevropa iqtisodiy komissiyasi O‘zbekistonda «Yashil makon» loyihasini amalga oshirishga qo‘shildi. Ular loyihani bosh-rejalashtirish va unga innovatsion moliyaviy yechimlarni joriy etishda yordam beradi.
Joriy yilda OTMga kirish imtihonlari yopiq binolarda o‘tkazilishi mumkin
Joriy yilda OTMga kirish uchun test sinovlari to‘liq yopiq binolarda o‘tkazilishi rejalashtirilmoqda, deb ma’lum qildi DTM boshqarma boshlig‘i Javlon Nurmatov. Uning so‘zlariga ko‘ra, bu davlat komissiyasining yoki maxsus komissiyaning taklif va cheklovlariga bog‘liq.
Namanganda qalbaki 10 600 dollarni muomalaga kiritmoqchi bo‘lgan shaxslar ushlandi
Namanganda Qirg‘izistondan aylanma yo‘llar orqali olib kelingan qalbaki 10 600 dollar muomalaga kiritilishining oldi olindi. Mazkur mablag‘larni saqlab kelayotgan va kelgusida Toshkent shahrida sotishni rejalashtirgan ikki fuqaro qo‘lga olingani aytilmoqda. Ularga nisbatan jinoyat ishi qo‘zg‘atildi.
O‘zbekiston Yerni masofadan zondlash sun’iy yo‘ldoshini yaratishni rejalashtirmoqda
«O‘zbekkosmos» agentligi Fransiyaning «Airbus DS GEO Intelligence» kompaniyasi bilan Yerni masofadan zondlash sun’iy yo‘ldoshini yaratishni rejalashtirmoqda. Buning evaziga kompaniya sun’iy yo‘ldosh ma’lumotlarini birgalikda sotish imkoniyatiga ega bo‘ladi.
«Kvars» kompaniyasidagi davlat ulushi sotuvga qo‘yildi
UzAssets investitsiya kompaniyasi «Kvars» AJdagi 89,78 foiz aksiyalar paketini sotuvga qo‘ydi. Shisha qadoqlari, listlar va bankalar ishlab chiqarishga mo‘ljallangan korxonaning daromadi o‘tgan yili 423 mlrd so‘mni tashkil qilgan.
DXX Surxondaryodagi yig‘ilish vaqtida 8 nafar davlat xizmatchisini hibsga oldi
DXX Surxondaryoda korrupsiyaga qarshi kurashishga bag‘ishlangan yig‘ilishda 1 nafar sobiq bank xodimi va 7 nafar turli tashkilot xodimini hibsga oldi. Ular budjet va kredit mablag‘larini o‘zlashtirganlikda ayblanmoqda.
O‘zbekistonlik velosportchilar Osiyo chempionatida 9 ta medalni qo‘lga kiritdi
O‘zbekistonlik atletlar velotrek bo‘yicha o‘tkazilgan Osiyo chempionatida 1 ta oltin va 8 ta bronza medalini qo‘lga kiritishdi. Terma jamoa hisobidagi yagona oltin medalga raqiblarini uchta aylanaga ortga qoldirgan Farruh Bobosherov sazovor bo‘ldi.
Sirdaryoda yo‘llarni ta’mirlashda 1,5 mlrd so‘m talon-toroj qilingani aniqlandi
Boyovut tumani yo‘llardan foydalanish unitar korxonasi rahbarlari yo‘l infratuzilmalarini ta’mirlashda qo‘shib yozish orqali 1,5 mlrd so‘m mablag‘ni talon-toroj qilgani aytilmoqda. Korxona mansabdorlariga nisbatan jinoyat ishi qo‘zg‘atildi.
22 iyun kuni O‘zbekistonda sodir bo‘lgan eng muhim xabarlar dayjesti
To‘palangdagi to‘polon, osilgan holda topilgan Boyovut qishloq xo‘jaligi bo‘limi xodimi, Surxondaryoda aniqlangan soxta At Termiziy University, Evos filiallarining birida chiqqan yong‘in, sel xavfi va boshqalar — «Gazeta.uz» ning 22 iyundagi eng muhim xabarlari dayjestida.
«Gazeta.uz» fotograflari Jahon banki tanlovida sovrindor bo‘ldi
Jahon banki O‘zbekistonda qashshoqlikka qarshi kurashish va ijtimoiy-iqtisodiy rivojlanish masalalariga bag‘ishlangan yosh fotosuratchilar o‘rtasidagi qo‘shma tanlov natijalarini sarhisob qildi. «Gazeta.uz» fotograflari Madina A’zam va Yevgeniy Sorochin tanlovning asosiy va maxsus sovrinini qo‘lga kiritdi.
Toshkent viloyatida arxeologiya yodgorligiga 5 mlrd 668 mln so‘m zarar yetkazilgan — DXX
Toshkent viloyatida madaniy meros obyektlarini qayta ta’mirlashda soxta hisob-kitoblar yo‘li bilan 670 mln so‘mga yaqin davlat mablag‘lari o‘zlashtirilgani aniqlandi. Bundan tashqari, Qibray tumanidagi arxeologiya yodgorligi yaqinidagi qurilish ishlari ushbu obyektga 5 mlrd 668 mln so‘m zarar yetkazgani ma’lum bo‘ldi.
Qo‘shimcha imkoniyatlardan foydalanish uchun saytda ro‘yxatdan o‘ting