Siyosat
Shavkat Mirziyoyev YeOII doirasida savdodagi to‘siqlarni bartaraf etishga chaqirdi
Shavkat Mirziyoyev Oliy Yevroosiyo iqtisodiy kengashining navbatdagi yig‘ilishida nutq so‘zlab, YeOII doirasida o‘zaro savdodagi to‘siq va cheklovlarni bartaraf qilish, yangi transport yo‘laklarini barpo etish va «yashil» energetika loyihalarini amalga oshirish masalalariga to‘xtalib o‘tdi.
Davlat xizmatchilarining odob-axloq kodeksi loyihasi muhokamaga qo‘yildi
O‘zbekiston davlat xizmatchilarining odob-axloq kodeksi loyihasi jamoatchilik muhokamasi uchun e’lon qilindi. Unga ko‘ra, davlat xizmatchisining tashqi ko‘rinishi mehnat sharoitlari va xizmat turiga qarab, umumiy qabul qilingan ish uslubiga muvofiq bo‘lishi lozim. Davlat tashkilotlarida barcha xodimlarga ish joyida ularning siyosiy va mafkuraviy qarashlarini yoki dinga munosabatini aks ettiruvchi liboslarda bo‘lish yoki belgilarni taqib yurish taqiqlanadi.
Qonunchilik palatasi majlisining jonli efiri 50 daqiqadan kamroq davom etdi
Qonunchilik palatasi majlisining Uzreport TV telekanali orqali uzatilgan jonli efiri 48 daqiqa o‘tib to‘xtatildi. Palata buni kanalda boks bo‘yicha O‘zbekiston chempionati boshlanishi bilan izohladi. Prezident farmoniga asosan 1 dekabrdan quyi palata majlislari MTRK telekanallari va internet orqali jonli efirga uzatilishi kerak.
Shavkat Mirziyoyev dekabr o‘rtasida Janubiy Koreyaga boradi
17 dekabr kuni O‘zbekiston prezidenti Shavkat Mirziyoyev va Janubiy Koreya prezidenti Mun Chje In Seulda sammit o‘tkazadi. Ular davlatlar o‘rtasida «kelajakka qaratilgan va o‘zaro manfaatli» hamkorlikni kengaytirish chora-tadbirlarini muhokama qilishlari kutilmoqda.
Adliya vaziri o‘rinbosari Akbar Tashkulov lavozimidan ozod etildi
2017 yildan beri adliya vazirining o‘rinbosari sifatida ishlab kelayotgan Akbar Tashkulov lavozimidan ozod etildi. U Toshkent davlat yuridik universiteti rektori lavozimiga tayinlanishi kutilmoqda.
O‘zbekiston xalqaro hamjamiyatni Afg‘onistonga nisbatan sanksiyalarni bekor qilishga chaqirdi
O‘zbekiston TIV rahbari Abdulaziz Kamilov «Italiya — Markaziy Osiyo» shaklidagi ikkinchi vazirlar uchrashuvida jahon hamjamiyatini Afg‘onistonga nisbatan sanksiyalarni bekor qilishga, qolaversa, muzlatilgan xalqaro aktivlarni qaytarish va mamlakat bank tizimini tiklashda ko‘maklashishga chaqirdi.
Denovdagi portlash bo‘yicha jinoyat ishi qo‘zg‘atildi
Bosh prokuratura Denovdagi savdo markazidagi portlash yuzasidan Jinoyat kodeksining mehnatni muhofaza qilish va yong‘in xavfsizligi qoidalarini buzish bilan jinoyat ishi qo‘zg‘atildi. Biroq, moddalarning aynan qaysi bandlari bilan ish ochilgani ma’lum qilinmagan. Dastlabki ma’lumotlarga ko‘ra, portlashga bir necha soat davomida gaz sizib chiqishi sabab bo‘lgan.
Orzudagi Konstitutsiya
O‘zbekiston Konstitutsiyasi kuni kolumnist Komil Jalilov hokimiyat tarmoqlari o‘rtasida o‘zaro tiyib turish va muvozanatni saqlashning demokratik tizimini barpo etish, shu orqali jamiyat va davlatni korrupsiyadan xalos etish uchun poydevor yaratish maqsadida Asosiy qonunga qanday o‘zgartirishlar kiritish zarurligi haqida fikr yuritdi.
Konstitutsiya kuni arafasida 182 nafar mahkum afv etildi
Prezident farmoni bilan Konstitutsiya kuni arafasida bilib-bilmay jinoyat sodir etgan, qilmishiga chin dildan pushaymon bo‘lib, tuzalish yo‘liga qat’iy o‘tgan 182 nafar mahkum afv etildi. Ularning 6 nafarini chet el fuqarolari, 6 nafarini 60 yoshdan oshganlar, 9 nafarini ayollar va 25 nafarini taqiqlangan tashkilotlarga aloqador bo‘lganlar tashkil etdi.
Boysun tumani hokimligi 398 mln so‘mga Trailblazer xarid qildi
Surxondaryo viloyati Boysun tumani hokimi farmoyishi bilan texnik nosoz Captiva-2 xizmat avtomobili bepul tarzda tuman prokuraturasiga o‘tkazildi. Shundan so‘ng, hokimlik 398 mln so‘mlik Trailblazer mashinasini xarid qilish uchun shartnoma tuzgan. Biroq, hukumat qarori bilan tuman hokimlariga 270 mln so‘mgacha bo‘lgan xizmat avtomobilini xarid qilishga ruxsat etilgan.
AQSh senatorlari Davlat departamenti va prezidentni O‘zbekistonga bosim o‘tkazishga chaqirdi
AQSh senatorlar guruhi Oq uy va Davlat departamentini inson huquqlari bilan bog‘liq vaziyat sababli O‘zbekistonga bosim o‘tkazishga chaqirdi. Ularning fikricha, O‘zbekistondagi islohotlar sustlashgan, mamlakatda erkin so‘z huquqi cheklanmoqda. OAV faoliyatida ham muammolar kuzatilmoqda.
Mercedes`dan Cadillac`gacha: amaldorlar qanday mashinada yurishadi?
«Gazeta.uz» yirik vazirlik va idoralarning xizmat avtomashinalari parkini tahlil qilib, mamlakatning yuqori martabali amaldorlari qanday avtomobillardan foydalanishini aniqladi. Vazirlar orasida Mercedes-Benz, ularning o‘rinbosarlari orasida esa Malibu va Captiva eng ommabop avtomobil bo‘lib chiqdi. Hokimlar eng ko‘p Toyota avtomobillarida yurishar ekan.
«Afg‘onistondagi vaziyatda quruq so‘zdan amaliy ishlarga o‘tish vaqti keldi» — Abdulaziz Kamilov
Afg‘onistondagi vaziyatning beqarorlashishiga olib kelishi mumkin bo‘lgan gumanitar falokatning oldini olish uchun afg‘on xalqiga aniq yordam ko‘rsatish nihoyatda muhim hisoblanadi, deya ta’kidladi O‘zbekiston tashqi ishlar vaziri Abdulaziz Kamilov.
«O‘zbekiston va Qozog‘iston — iqtisodiyotlari raqobat qilmaydi, bir-birini to‘ldirib turadi» — Shavkat Mirziyoyev
Oqo‘rda qarorgohida Shavkat Mirziyoyev va Qasim-Jomart Toqayev tor doirada muzokaralar o‘tkazdi. Shavkat Mirziyoyev ikki davlat iqtisodiyotlari raqobat qilmasligini, aksincha bir-birini to‘ldirib turishini ta’kidladi. «Strategik sherikligimizni ittifoqchilik munosabatlari darajasiga ko‘tarish to‘g‘risida tarixiy qaror qabul qilamiz», — dedi O‘zbekiston yetakchisi.
Prezident Qozog‘istonga jo‘nab ketdi
O‘zbekiston prezidenti Shavkat Mirziyoyev Qozog‘iston prezidenti Qasim-Jomart Toqayevning taklifiga binoan davlat tashrifi bilan Nur-Sultonga jo‘nab ketdi.
3 dekabr kuni O‘zbekistonda sodir bo‘lgan eng muhim xabarlar dayjesti
O‘zbekistonda blokpostlar o‘rnatilishi haqidagi xabarlar yolg‘onligi ma’lum qilingani, korrupsiyani sodir etganlik uchun 20 yilgacha ozodlikdan mahrum qilish taklif etilgani, elektr energiyadagi o‘chishlar Toshkentda yana suv ta’minoti uzilishiga sabab bo‘lgani, Toshkent havosining ifloslanish darajasi yana keskin ko‘tarilgani — «Gazeta.uz»ning 3 dekabrdagi eng muhim xabarlari dayjestida.
Feruza Babashevaning deputatlik vakolatlari muddatidan ilgari tugatildi
Ijtimoiy tarmoqlarda tarqalgan behayo video ortidan Feruza Babashevaning deputatlik vakolatlari muddatidan ilgari tugatildi. O‘rta Chirchiq tumani Kengashining navbatdan tashqari sessiyasi uning hamkasblari tashabbusi bilan chaqirilgan hamda tegishli qarorni 24 nafar deputatdan 23 nafari qo‘llab-quvvatlagan.
Shavkat Mirziyoyevning saylovdan keyingi birinchi davlat tashrifi Qozog‘istonga bo‘ladi
O‘zbekiston prezidenti Shavkat Mirziyoyev 5−6 dekabr kunlari Qozog‘istonga davlat tashrifini amalga oshiradi. Bu oktabrdagi saylovdan keyin birinchi davlat tashrifi hisoblanadi.
Mahallabay ishlash va tadbirkorlikni rivojlantirish agentligi tashkil etiladi
Prezident Mahallabay ishlash va tadbirkorlikni rivojlantirish agentligi tashkil etilishini ma’lum qildi. Hokim yordamchilari esa 1 yanvarda faoliyatini boshlaydi. Har bir tuman va shaharga vazirlik va banklardan xodimlar biriktiriladi. Ular bir yilga xizmat safariga yuboriladi va maoshi saqlab qolinadi. Ularning eng yaxshilari esa «Yangi O‘zbekiston islohotchisi» ko‘krak nishoniga tavsiya qilinadi.
«Tolibon» O‘zbekistonni afg‘on samolyot va vertolyotlarini qaytarishga chaqirdi
Toliblar O‘zbekistonni Afg‘oniston hukumati qulaganidan keyin afg‘on uchuvchilari mamlakatni tark etgan samolyot va vertolyotlarni qaytarishga chaqirdi. Avgust o‘rtalarida Afg‘onistonning 22 ta harbiy samolyot hamda 24 ta harbiy vertolyoti Termiz xalqaro aeroportiga majburiy ravishda qo‘ndirilgan edi.
Eng ko‘p o‘qilgan xabarlar | So‘nggi yangiliklar
Qo‘shimcha imkoniyatlardan foydalanish uchun saytda ro‘yxatdan o‘ting