Jamiyat
13-oktabr kuni O‘zbekistonda sodir bo‘lgan eng muhim voqealar dayjesti
Bishkekdagi MDH sammitida qatnashgan Shavkat Mirziyoyev, tog‘larda yog‘gan qor, metroda o‘zini relsga tashlagan talaba qiz, yana avtobus bilan to‘qnashuv, O‘zbekiston konlarida quduqlarni burg‘ilashda ko‘maklashuvchi Rossiya kompaniyasi, bolalarni himoyalovchi qonun loyihasi va boshqalar — “Gazeta.uz"ning kun dayjestida.
Toshkentda dam olish kunlari qayerlarga borish mumkin?
Sakkizta kinopremera, Welcome to Dreamsland ko‘rgazmasi, Mirshakar Fayzulloyev shousi, “Bravo” konserti, teatrlardagi spektakllar, ijodiy mahorat darslari, do‘konlardagi chegirmalar va dam olish kunlaridagi boshqa qiziqarli tadbirlar — Afisha.uz jamlanmasida.
Toshkent metrosida talaba qiz o‘zini rels ustiga tashladi
“Alisher Navoiy” metro bekatida poytaxtdagi OTMlardan birida o‘qiydigan 18 yoshli talaba qiz poyezd yaqinlashib kelayotgan vaqtda o‘zini rels ustiga tashladi. Mashinist poyezdni to‘xtata oldi, IIO xodimlari qizni platforma ustiga olib chiqishdi. Qiz jarohat olmadi.
Toshkentda Lenovo Day yirik sanoat tadbiri bo‘lib o‘tdi
Lenovo Day Tashkent sanoat forumida IDC, Intel hamda Veeam kompaniyalari vakillari ishtirok etib, Markaziy Osiyodagi IT-bozorining tendensiyalari va mavjud muammolarinini muhokama qildilar.
Bolalarni zo‘ravonlikdan himoya qiluvchi qonun loyihasi jamoatchilik muhokamasiga qo‘yildi
Zo‘ravon ota-onadan farzandini olib qo‘yish, bolaga himoya orderi berish va individual himoya rejasini ishlab chiqish, ta’lim muassasalarida bolalar o‘rtasida zo‘rlik qilish va kamsitishga yo‘l qo‘ymaslik — O‘zbekistonda bolalarni zo‘ravonlikdan himoyalash uchun qanday choralar ko‘rish taklif etilyapti? “Gazeta.uz” sharhi.
Toshkentda ayol farzandini kaltakladi
Mirobod tumanida ayol farzandiga qo‘pol munosabatda bo‘lib, uni kaltakladi. Ayol o‘sha vaqtda yaqinlaridan noxush xabar eshitib, asabiy holatda bo‘lganini aytdi. Tuman IIB xodimlari tomonidan surishtiruv ishlari boshlandi.
Toshkentda yana avtobus ishtirokida YTH sodir bo‘ldi
Yunusobod tumanida 82-sonli yo‘lovchi avtobusi Nexia-3 bilan to‘qnashib, xavfsizlik orolchasiga chiqib ketdi. “Toshshahartransxizmat” YTH asosiy yo‘ldan avtobus yo‘liga o‘tib ketgan yengil avtomobilning xatosi tufayli sodir bo‘lganini ma’lum qildi. Jarohatlanganlar yo‘q.
Shavkat Mirziyoyev Qirg‘izistonda Aleksandr Lukashenko bilan uchrashdi
Juma kuni O‘zbekiston prezidenti MDH sammitida ishtirok etish uchun Qirg‘izistonning Bishkek shahriga yetib bordi. Sammit doirasida Shavkat Mirziyoyev Belarus rahbari Aleksandr Lukashenko bilan muzokara o‘tkazdi. Ular savdo-iqtisodiy va gumanitar hamkorlikni yanada kengaytirishni muhokama qildi.
Dam olish kunlari yog‘ingarchiliksiz o‘tadi
O‘zbekistonda dam olish kunlari yog‘ingarchiliksiz ob-havo saqlanib turadi. Ertalab harorat +3 darajagacha pasayadi, yakshanba kuni kunduzi +20 darajagacha isiydi. Kechasi va ertalab ba’zi joylarga tuman tushishi mumkin.
O‘zbekistonda 1,5 mingdan ortiq bola zo‘ravonlikka uchrash xavfi ostida qolmoqda
O‘zbekistonda Mehribonlik va “Muruvvat” uylari, tutingan oilalarda tarbiyalanayotgan 1,5 mingdan ortiq bolaga nisbatan zo‘ravonlik sodir etish xavfi yuqori hisoblanadi. Bundan tashqari, so‘nggi 3 yilda 2072 nafar shaxs ota-onalik huquqidan mahrum qilindi, ularning 86 foizi ota-onalik majburiyatini bajarmagan.
O‘zbekistonning tog‘li hududlarida qor yog‘di. Video
13-oktabrning erta tongidan Qashqadaryo va Toshkent viloyatlarining tog‘li hududlarida qor yog‘a boshladi. Qamchiq dovonida qorning yerga yuqishi tezlashgan. YHXX haydovchilardan oraliq masofani saqlab, tezlikni me’yoridan oshirmaslikni so‘radi.
“Bu birinchisi emas”. “Dok-1 Maks” ishi bo‘yicha sudlanuvchi advokatlariga bosim o‘tkazilayotgani aytilmoqda
“Dok-1 Maks” ishi bo‘yicha sudlanuvchi, Farmatsevtika agentligining sobiq rahbari S.K.ning advokatlari ularga tergovchi tomonidan bosim bo‘layotganini aytib, suddan ularni himoyaga olishni so‘radi. S.K.ga uning himoya pozitsiyasiga ta’sir qiladigan holatlar bo‘lsa, murojaat qilishi mumkinligi bildirildi.
Temir yo‘l vokzallariga kutib oluvchi va kuzatuvchilarning pasportsiz kirishlariga ruxsat beriladi
O‘zbekistonda endilikda kutib olish va kuzatib qo‘yishda fuqarolarga vokzallarga pasportsiz kirishga ruxsat etiladi. Perron va poyezdlar bundan mustasno.
12-oktabr kuni O‘zbekistonda sodir bo‘lgan eng muhim voqealar dayjesti
Kuzgi daraxt ekish mavsumini e’lon qilgan prezident, O‘zbekistonni Rossiyaning Ukrainaga bostirib kirishini qoralashga chaqirgan Yevroparlament, sobiq eri tomonidan 5 soat kaltaklangan ayol, 16-oktabrdan tiklanadigan shimoliy vokzal faoliyati va boshqalar — “Gazeta.uz”n ing kun dayjestida.
YeI va BMTTD O‘zbekistonda afg‘onlarni o‘qitish va kasbga tayyorlash loyihasining ikkinchi bosqichini boshladi
YeI va BMT Taraqqiyot dasturi amalga oshirgan O‘zbekistonda vaqtincha yashayotgan Afg‘oniston fuqarolarini o‘qitish va kasbga tayyorlash bo‘yicha loyihaning birinchi bosqichida 330 dan ortiq kishi ishtirok etdi. Termizda loyihaning 400 nafar Afg‘oniston fuqarosini qamrab olgan ikkinchi bosqichi boshlandi.
Yana chigit ishi: Tadbirkor Qashqadaryodan 60 tonna chigitini olib chiqishda taqiqqa uchraganini aytmoqda
Jizzaxlik tadbirkor Qashqadaryodan 60 tonna chigitini olib chiqishda taqiqqa uchradi. Uning “Gazeta.uz”ga ma’lum qilishicha, viloyat hokimining og‘zaki buyrug‘i bilan yuk mashinasi 5 kundan beri “Umakay” YPX maskanida ushlab turilibdi. Bunday holat Qashqadaryoda birinchi marta yuz berayotgani yo‘q.
Surxondaryodagi ayrim bog‘chalarda UNICEF dasturi asosida ko‘p tilli guruhlar ochildi
UNICEF Surxondaryoda bolalarning kengaytirilgan va inklyuziv ta’lim olishi uchun Termiz shahri, Termiz va Muzrabot tumanlaridagi ayrim bog‘chalarda ko‘p tilli guruhlar ochdi. Unga Yevropa Ittifoqi 1,6 mln yevro moliyaviy yordam ko‘rsatdi.
San’at muzeyida Tashkent Modernism.Index ko‘rgazmasi bo‘lib o‘tadi
17-oktabr kuni O‘zbekiston davlat san’at muzeyida ilk bor aprel oyida Milanda taqdim etilgan Tashkent Modernism.Index ko‘rgazmasi ochiladi. Xohlovchilar ikki hafta davomida ko‘rgazmaga borishlari mumkin va kirish bepul.
“Nafaqat zo‘ravonlik qurboni, balki voqeaga guvoh bo‘lgan bolalar bilan ham ishlash kerak”
O‘zbekistonda bolalarga nisbatan zo‘ravonlikning 78 foizi begonalar, 14 foizi ota-onalari, qolgani qarindosh va tanishlari tomonidan sodir etilmoqda. Prokuror Laylo Fayzimurodovaning ta’kidlashicha, nafaqat zo‘ravonlik qurboni, balki voqeaga guvoh bo‘lgan va ruhiy jabrlangan bolalar bilan ham ishlash kerak.
Toshkent shimoliy vokzali faoliyati 16-oktabrdan tiklanadi
Toshkent shimoliy vokzali 16-oktabrdan o‘z faoliyatini tiklaydi. U yerdan “Afyrosiyob”, “Sharq”, “Nasaf”, “O‘zbekiston” poyezdlari va “Toshkent-Volgograd” poyezdi harakatlanadi. 16-oktabrdan Janubiy vokzaldan Xo‘jakent, Guliston, Angren, Xovos va Bekobodga poyezdlar jo‘naydi.
Qo‘shimcha imkoniyatlardan foydalanish uchun saytda ro‘yxatdan o‘ting