Jamiyat
27-aprel kuni O‘zbekistonda sodir bo‘lgan eng muhim xabarlar dayjesti
Oltin qazib olishni 1,5 barobarga oshirmoqchi bo‘lgan O‘zbekiston, Rossiyadan yana 56 ta metro vagoni olinishi, ITB bilan imzolangan 400 mln dollarlik bitimlar, Andijon, Namangan, Buxoro va Urganch aeroportlari boshqaruvi xususiy sektorga topshirilishi va boshqalar — “Gazeta.uz”ning kun dayjestida.
O‘zbekistonda IELTS imtihonida yuqori natija ko‘rsatgan 10,3 mingdan ortiq yoshlarning to‘lovi qaytarildi
2021-yildan buyon 14 102 ta yuqori natijali xorijiy til sertifikatlarini qo‘lga kiritgan yoshlarga imtihon uchun qilgan to‘lovi qaytarib berildi. Ularning 10 356 tasi IELTS uchun to‘langan kompensatsiyadir. Bunda talabgor 7 balldan yuqori natija ko‘rsatishi talab etiladi.
AQSh elchisi tabiatni asrash uchun second-hand kiyimlar sotib olishini aytdi
Xalqaro Yer kuniga bag‘ishlab o‘tkazilgan tadbirda AQShning O‘zbekistondagi elchisi Jonatan Henik nutq so‘zladi. U tabiatni asrash uchun barcha tashkilot va fuqarolar birga harakat qilishi kerakligini aytdi. “Deyarli barcha kiyimlarimni second-hand`dan xarid qilaman, bu odatga aylangan”, — dedi elchi.
Davlat ijrochisi faoliyati yuzasidan shikoyatlar endi faqat ma’muriy sudlar tomonidan ko‘rib chiqiladi
Davlat ijrochisining har qanday qarorlari yoki harakatlari ustidan shikoyat endi faqat ma’muriy sudga yoxud bo‘ysunuv tartibida yuqori turuvchi organga, mansabdor shaxsga beriladi.
Qashqadaryoda gaz taqsimlash stansiyalari salkam 23 mlrd so‘mlik gazni talon-toroj qilgani aniqlandi
Qashqadaryoda 15 ta gaz taqsimlash punkti va stansiyasi salkam 23 mlrd so‘mlik suyultirilgan gazni talon-toroj qilgani aniqlandi. Ular gazni qabul qilish va yetkazishda hukumat qarori talablariga rioya etmagan.
2023-yildan xususiy maktablarning ham reytingi tuziladi
Maktabgacha va maktab ta’limi vazirligi 2023-yildan nodavlat ta’lim tashkilotlari faoliyatini ham baholashni rejalashtirmoqda.
Toshkentdan Samarqand va Qarshiga qo‘shimcha “Afrosiyob” poyezdlari qatnovi yo‘lga qo‘yiladi
28-aprel — 1-may kunlari Toshkentdan Samarqand va Qarshi shaharlariga qo‘shimcha “Afrosiyob” yo‘lovchi poyezdlari qatnovi yo‘lga qo‘yiladi.
Namanganda “Jiguli” kanalga tushib ketdi
Kosonsoy tumanidan oqib o‘tuvchi “Chust” kanaliga “Jiguli” tushib ketdi. Voqeaga haydovchining boshqaruvni yo‘qotishi sabab bo‘lgan. Mashina FVB xodimlari tomonidan chiqarib olindi.
Interpol qidiruviga berilgan shaxs Polshadan O‘zbekistonga ekstraditsiya qilindi
Polsha xalqaro qidiruvda bo‘lgan va 2022-yil martida Interpolning Qizil xabarnomasi asosida hibsga olingan shaxsni O‘zbekistonga ekstraditsiya qildi. U yirik firibgarlikda ayblanmoqda.
Uzbekistan Airways bortida chaqaloq dunyoga keldi
Uzbekistan Airways aviakompaniyasining Toshkentdan Istanbulga uchgan samolyoti bortida o‘g‘il chaqaloq tug‘ildi.
O‘zbekistonliklar iyundan Chernogoriyaga vizasiz borishi mumkin bo‘ladi
Iyun oyidan boshlab O‘zbekiston va Chernogoriya o‘rtasida doimiy to‘g‘ridan-to‘g‘ri aviareyslar yo‘lga qo‘yiladi. Ushbu mamlakatga kirishda O‘zbekiston fuqarolaridan viza talab qilinmaydi.
26-aprel kuni O‘zbekistonda sodir bo‘lgan eng muhim xabarlar dayjesti
Litiy qazib olishga tayyorgarlik ko‘rayotgan O‘zbekiston, Putin bilan qo‘ng‘iroqlashgan Mirziyoyev, bemorning eri tomonidan kaltaklagan shifokor, maktab qizlarining navbatdagi janjali, O‘zbekiston va Turkmanistonning 2 ta chegara posti qayta tiklanishi mumkinligi va boshqalar — “Gazeta.uz”ning kun dayjestida.
Foto: Toshkent yerusti metro halqa yo‘lining yangi stansiyalari (8−12) qanday ko‘rinishga ega?
Toshkent metrosi yerusti Halqa yo‘lining beshta yangi bekati (8−12) yo‘lovchilar uchun ochildi. Stansiyalarning interer dizayni, tematik bezakli “Paralimpiya harakati” stansiyasidan tashqari, boshqalar bilan bir xil. Stansiyalar qanday ko‘rinishga egaligi — “Gazeta.uz” fotoreportajida.
“Hayvonlar qo‘rqib qolgan edi”. Toshkent hayvonot bog‘i 1966-yilgi zilzila oqibatlarini qanday yengib o‘tgan edi?
1966-yil 26-aprelda Toshkentda vayronkor zilzila sodir bo‘lgandi. O‘shanda shahar hayvonot bog‘ida 200 dan ortiq hayvonlar va qushlar bo‘lgan. Bog‘ning haqiqiy ma’nodagi oqsoqoli Mahmadali Asqarov “Gazeta.uz”ga hayvonot bog‘i va uning jonzotlari tabiiy ofatni qanday boshdan kechirgani haqida gapirib berdi.
Buxoroda Vladimir Spivakov ishtirokida simfonik open-air bo‘lib o‘tadi
Buxorodagi Minorai Kalon yonida joylashgan Poi Kalon majmuasida Vladimir Spivakov rahbarligida Rossiya Milliy filarmoniya orkestrining ochiq osmon ostidagi xayriya konserti bo‘lib o‘tadi.
Toshkentda O‘zbekiston va Turkiya Harbiy-havo kuchlari qo‘mondonlari uchrashdi
Harbiy havo kuchlari qo‘mondoni Atilla Gulan boshchiligidagi Turkiya harbiy delegatsiyasi Mudofaa vazirligida O‘zbekiston Havo hujumidan mudofaa qo‘shinlari va Harbiy havo kuchlari qo‘mondoni bilan uchrashuv o‘tkazdi. Qarshidagi Oliy harbiy aviatsiya bilim yurtiga tashrif ham kutilmoqda.
“Doim aldanganmiz: ketishimizdan boshlab, nurlanishimizgacha” — o‘zbekistonlik chernobilchilarning 37 yillik dardi
Bundan 37 yil avval tarixdagi eng yirik texnogen falokatlardan biri — Chernobil AESdagi portlash yuz bergan edi. O‘zbekistondan uzoqda bo‘lsa-da, bu hodisa uning fuqarolariga ham daxldor. “Gazeta.uz” Chernobil falokati oqibatlarini bartaraf etish ishlarida qatnashgan o‘zbekistonliklar bilan suhbatlashdi.
Toshkentda yengil atletika bo‘yicha U18 V Osiyo chempionati bo‘lib o‘tadi
27−30-aprel kunlari yengil atletika bo‘yicha Toshkentda beshinchi Osiyo chempionati bo‘lib o‘tadi. Musobaqada 40 ta yo‘nalish bo‘yicha jami 524 nafar sportchi ishtirok etadi.
Tabiat resurslari vazirligi 10-mayga qadar har jumani “Avtomobilsiz kun” sifatida o‘tkazishga chaqirdi
Tabiat resurslari vazirligi 10-mayga qadar davom etadigan “Toza havo” oyligi doirasida vazirlik, korxona va hokimliklarning barcha xodimlarini har jumani “Avtomobilsiz kun” sifatida o‘tkazishga chaqirdi.
O‘zbekiston 5 mln dollarga ta’mirlab bergan Qirg‘izistondagi teatr ochildi — foto
24-aprel kuni Bobur nomli O‘sh davlat akademik o‘zbek musiqali drama teatri binosining ochilish marosimi bo‘ldi. Unda ikki mamlakat hukumatlari vakillari qatnashdi. O‘zbekiston ta’mirlash ishlariga 5 mln dollar mablag‘ ajratgandi.
Eng ko‘p o‘qilgan xabarlar | So‘nggi yangiliklar
- O‘zbekistonda chorva hayvonlarini identifikatsiya qilish rejalashtirilmoqda
- Qashqadaryoda “KamAZ” tirkamasi chiqib ketib, 3 ta transportga urildi, bir kishi jarohatlandi
- Xodimlariga kuch ishlatgan Inbazar kiyim do‘koni muhokama mavzusiga aylandi. Tafsilotlar
- Ohangaron o‘rmon xo‘jaligining ijaradagi 2 gektar yerini 61 ming dollarga sotmoqchi bo‘lgan shaxslar qo‘lga olindi
Qo‘shimcha imkoniyatlarga ega bulish uchun saytda ro‘yxatdan o‘ting