Toshkent metrosi yerusti Halqa yo‘lining beshta yangi bekati (8−12) yo‘lovchilar uchun ochildi. Stansiyalarning interer dizayni, tematik bezakli “Paralimpiya harakati” stansiyasidan tashqari, boshqalar bilan bir xil. Stansiyalar qanday ko‘rinishga egaligi — “Gazeta.uz” fotoreportajida.
1966-yil 26-aprelda Toshkentda vayronkor zilzila sodir bo‘lgandi. O‘shanda shahar hayvonot bog‘ida 200 dan ortiq hayvonlar va qushlar bo‘lgan. Bog‘ning haqiqiy ma’nodagi oqsoqoli Mahmadali Asqarov “Gazeta.uz”ga hayvonot bog‘i va uning jonzotlari tabiiy ofatni qanday boshdan kechirgani haqida gapirib berdi.
Buxorodagi Minorai Kalon yonida joylashgan Poi Kalon majmuasida Vladimir Spivakov rahbarligida Rossiya Milliy filarmoniya orkestrining ochiq osmon ostidagi xayriya konserti bo‘lib o‘tadi.
Harbiy havo kuchlari qo‘mondoni Atilla Gulan boshchiligidagi Turkiya harbiy delegatsiyasi Mudofaa vazirligida O‘zbekiston Havo hujumidan mudofaa qo‘shinlari va Harbiy havo kuchlari qo‘mondoni bilan uchrashuv o‘tkazdi. Qarshidagi Oliy harbiy aviatsiya bilim yurtiga tashrif ham kutilmoqda.
Bundan 37 yil avval tarixdagi eng yirik texnogen falokatlardan biri — Chernobil AESdagi portlash yuz bergan edi. O‘zbekistondan uzoqda bo‘lsa-da, bu hodisa uning fuqarolariga ham daxldor. “Gazeta.uz” Chernobil falokati oqibatlarini bartaraf etish ishlarida qatnashgan o‘zbekistonliklar bilan suhbatlashdi.
27−30-aprel kunlari yengil atletika bo‘yicha Toshkentda beshinchi Osiyo chempionati bo‘lib o‘tadi. Musobaqada 40 ta yo‘nalish bo‘yicha jami 524 nafar sportchi ishtirok etadi.
Tabiat resurslari vazirligi 10-mayga qadar davom etadigan “Toza havo” oyligi doirasida vazirlik, korxona va hokimliklarning barcha xodimlarini har jumani “Avtomobilsiz kun” sifatida o‘tkazishga chaqirdi.
24-aprel kuni Bobur nomli O‘sh davlat akademik o‘zbek musiqali drama teatri binosining ochilish marosimi bo‘ldi. Unda ikki mamlakat hukumatlari vakillari qatnashdi. O‘zbekiston ta’mirlash ishlariga 5 mln dollar mablag‘ ajratgandi.
Sergeli tumanida enaga qaramog‘ida qolgan 3 yoshli qiz vafot etdi. Marhumaning onasi bolani tanishinikida qoldirib ketganini ma’lum qildi. Holat yuzasidan jinoyat ishi qo‘zg‘atilib, tergov olib borilmoqda.
Chortoq tumanida talaba qizni va dugonalarini ko‘p bora bezovta qilib, hatto onasini o‘ldirish bilan qo‘rqitgan erkakka nisbatan 4,9 mln so‘m jarima jazosi qo‘llanildi.
Asaka tumanida 30 yashar shoshilinch tibbiy yordam shifokori bemorning eri va sheriklari tomonidan kaltaklandi. Bunga erning rashk qilishi sabab bo‘lgani aytilmoqda. Holat huquqni muhofaza qilish organlari tomonidan nazoratga olingan.
Hozirda bezovtalik va depressiya kabi ruhiy kasalliklar keng tarqalgan. JSST Markaziy Osiyo davlatlarini ruhiy salomatlik xizmatini yanada qulayroq qilish uchun oilaviy shifokorlar darajasida ruhiy salomatlik xizmatini joriy etishga taklif qilmoqda. Bu haqda “Gazeta.uz” tashkilot vakili bilan suhbatlashdi.
Shuhrat G‘aniyev Turkmaniston VM raisi o‘rinbosari bilan Turkmanistonda joylashgan O‘zbekiston suv xo‘jaligi obyektlarida ishlovchilar uchun “vaxta” rejimini bekor qilish, 2 ta chegara posti faoliyatini qayta tiklash, Amudaryo suv resurslarini birga boshqarishni avtomatlashtirish kabi masalalarni muhokama qildi.
Shayxontohur tumanidagi maktabning 5 nafar o‘quvchi qizi uy yerto‘lasida bir qizni kaltakladi. Holatga izoh bergan Toshkent shahri maktab ta’limi boshqarmasi ichki ishlar xodimlari tergov-surishtiruv ishlarini olib borayotganini bildirdi.
Denov tumanida ayol ko‘chaga o‘ynagani chiqqan qizini undan berkinib olgani uchun tayoqcha bilan kaltakladi. Qiz tuman markaziy kasalxonasida davolanmoqda. Holat bo‘yicha tergovga qadar tekshiruv o‘tkazilyapti.
DXX Chegara qo‘shinlari harbiy xizmatchisining qonuniy talablarini bajarmaslik va shunga da’vat qilish BHMning 1 baravaridan 20 baravarigacha miqdorda jarima solishga yoki 15 sutkagacha muddatga ma’muriy qamoqqa olishga sabab bo‘ladi.
Silk Avia ikki kun ichida 250 ga yaqin chiptani sotishga ulgurdi. Seshanba kuni u ilk tijoriy reysini amalga oshirdi. Toshkentdagi taqdimotda hududlar o‘rtasidagi qatnovni tiklashi aytilayotgan havo kompaniyasini jamoat transporti bilan taqqoslashdi — “o‘tirding va ketding”. “Gazeta.uz” sinov parvozida bo‘ldi.
Zilziladan keyingi vayronkor dovul, dovul ketidan yana 12 ming kishini uysiz qoldirgan navbatdagi zilzila, chodirlar shaharchasida Qur’on o‘qiyotgan otaxon, kamaygan jinoyatchilik, eng ko‘p beriladigan savol — “bugun tunda uyda uxlasak bo‘ladimi?”. 1966-yil may oyidagi Toshkentdan tarixiy reportaj.
Bo‘stonliq tumanida ikki fuqaro kvadrotsiklda jarlikka tushib ketdi. Voqeaga ehtiyotsizlik tufayli boshqaruvni yo‘qotish sabab bo‘lgani aytilmoqda. Hozirda ular shifokorlar nazoratida.
Yaponiyada 23-aprel kuni munitsipal saylovlarning ikkinchi turi bo‘lib o‘tdi. Uning yakunlariga ko‘ra, asli o‘zbekistonlik 37 yoshli Orzugul Boboxo‘jayeva Tokioning Setagaya okrugi deputatligiga saylandi. “Gazeta.uz” u haqda qisqacha ma’lumot beradi.
Qo‘shimcha imkoniyatlarga ega bulish uchun saytda ro‘yxatdan o‘ting