Jamiyat
Xorazmda 17 yoshli qiz bir necha erkak tomonidan zo‘rlangani aytilmoqda
Yangiariq tumanida 2006-yilda tug‘ilgan qiz 2022-yilda bir necha erkak tomonidan zo‘rlangan bo‘lishi mumkin. Bolalar ombudsmani holatni o‘rgandi. Hozircha ish bo‘yicha gumonlangan 3 kishi hibsga olingan.
Endi fuqarolarga ma’muriy va fuqarolik ishlarida ham davlat hisobidan yuridik yordam ko‘rsatiladi
Senat ma’muriy va fuqarolik ishlarida ham davlat hisobidan yuridik yordam ko‘rsatilishini ko‘zda tutuvchi qonunni ma’qulladi. Bungacha davlat hisobidan yuridik yordam faqat jinoyat ishlarini yuritishda ko‘rsatilib kelinardi.
Sirdaryoda 530 bosh baliq noqonuniy ovlangani aniqlandi
Sardoba suv omborida fuqarolar 3 kun davomida 530 bosh baliqni noqonuniy ovlagani aniqlandi. Buning oqibatida hayvonot dunyosiga 280 mln so‘m zarar yetgan.
Yer kuni munosabati bilan Toshkent viloyatida poyga bo‘lib o‘tadi
22-aprel — Yer kunida Toshkent viloyatida maxsus poyga o‘tkaziladi. Tashkilotchilar o‘zbekistonliklarni shaxsiy avtomobillardan ko‘ra ko‘proq jamoat transportidan foydalanish va piyoda yurishga chorlamoqda.
Farhod Mannopovni operatsiya qilgan shifokorda malakaviy toifa bo‘lmagan — SSV
SSV vayner Farhod Mannopovning o‘limi yuzasidan Star Med Center klinikasida o‘tkazilgan tekshiruv natijalarini e’lon qildi. Xususan, bemorga tibbiy xizmat ko‘rsatishda qator litsenziya talab va shartlari buzilgani, uni operatsiya qilgan shifokorda malakaviy toifa bo‘lmagani aniqlandi.
DXX O‘zbekiston orqali olib o‘tilishi rejalashtirilgan 40 kg narkotik moddani aniqladi
DXX poytaxtda 40 kilogrammga yaqin giyohvand moddani O‘zbekiston orqali boshqa davlatga olib o‘tmoqchi bo‘lgan ikki o‘zbekistonlik va bir nafardan Tojikiston va Qozog‘iston fuqarolarini ushladi. Tergov harakatlari ketmoqda.
Navoiyda o‘qituvchilarni Open budget`ga ovoz to‘plashga majburlagan maktab direktori jazolandi
Navbahor tumanidagi 9-maktab direktori o‘qituvchilarni Open budget`ga 100 tadan ovoz yig‘ishga majburlagani aytilgan ovozli xabar tarqaldi. Unga nisbatan intizomiy jazo chorasi qo‘llanib, xatti-harakatlarida ma’muriy huquqbuzarlik alomatlari bor-yo‘qligi o‘rganilmoqda.
Uzbekistan’s Club platformasi ishga tushirildi
Xorijda turli sohalarda muvaffaqiyatga erishgan hamda yoshlar uchun o‘rnak bo‘luvchi vatandoshlarni birlashtirishga qaratilgan Uzbekistan’s Club onlayn platformasi ishga tushirildi.
Yotoqxonadagi yashirin kamera ortidan Qo‘qondagi OTM prorektori va uch mas’ul xodim ishdan bo‘shatildi
Qo‘qon pedagogika institutining qizlar yotoqxonasiga o‘rnatilgan yashirin kamera ortidan prorektor va uch mas’ul xodim ishdan bo‘shatildi, deya ma’lum qildi Oliy ta’lim vazirligi. Avvalroq OTM rektori xonaga talabalarning psixologik muamolari bilan ishlash maqsadida kamera o‘rnatilganini qayd etgandi.
5-aprel kuni O‘zbekistonda sodir bo‘lgan eng muhim xabarlar dayjesti
Konstitutsiya bo‘yicha referendum byulleteni, Qashqadaryodagi qishloqda yurgan ayiq, 2025-yilgacha bojxona bojidan ozod etilgan yog‘och va oyna importi, maydan daromadi yetarli bo‘lmagan aholiga ham ipoteka kreditlari berilishi, asrab olgan 13 yoshli qizini zo‘rlagan erkak va boshqalar — “Gazeta.uz”ning kun dayjestida.
Toshkent viloyatida 2,5 mingta oila uchun “Mening birinchi uyim” loyihasi boshlanadi
Toshkent viloyatining Zangiota tumanida 36 gektarlik maydonda “Mening birinchi uyim” dasturi amalga oshiriladi. Dastur doirasida 2,5 mingta oila uchun 58 ta ko‘p qavatli uy quriladi. Ushbu uylardagi 2 va 3 xonali xonadonlar uchun oylik to‘lov miqdori amaldagi subsidiyali ipoteka to‘lovlaridan arzon bo‘ladi.
Sud Sof.uz nashridan Anorbank foydasiga 3,7 mlrd so‘m undirish to‘g‘risida qaror chiqardi
Anorbank “ishchanlik obro‘siga putur yetkazuvchi ma’lumotlar tarqatilgani uchun” Sof.uz nashri ustidan sudga da’vo kiritgan edi. 2022-yilning noyabridan beri ko‘rilayotgan iqtisodiy nizo yakuniga yetdi. Sud sof.uz nashriga Anorbank foydasiga 3,7 mlrd so‘m miqdorida zarar to‘lashga qaror chiqardi.
Qashqadaryodagi qishloqda yurgan ayiqni harakatsiz holga keltirib, tabiatga qaytarish rejalashtirilmoqda
Chiroqchi tumanidagi qishloqlardan biriga ayiq kelib qoldi, tarmoqlarda uning yurgani aks etgan videolar tarqaldi. Mahalliy aholi uni mashinada urib yubormoqchi ham bo‘ldi. Tabiat resurslari vazirligi va Toshkent hayvonot bog‘i xodimlari poytaxtdan voqea joyiga jo‘nab ketdi.
Qashqadaryoda erkak asrab olgan 13 yoshli qizini zo‘rlagani aytilmoqda
Chiroqchi tumanida 52 yoshli erkak mehribonlik uyidan asrab olgan 13 yoshli qizni zo‘rlab, homilador qilib qo‘ygani aytilmoqda. Oliy sud holat bo‘yicha jinoyat ishi 7-aprel kuni yopiq sud majlisida ko‘rilishini ma’lum qildi.
Toshkent aeroportida mehmonxona ochiladi. Foto
Toshkent aeroportida sharqona ko‘rinishdagi mehmonxona ochiladi. Unga tashrif buyuruvchilar uchun ma’lumot tablosi, hammom va dush xonasi taqdim etiladi, qabulxona kechayu kunduz ishlaydi va har bir yo‘lovchiga samolyotga chiqish uchun individual taklifnoma taqdim etiladi.
9 ta viloyatda qurilishga mas’ul “zamhokimlar” va MBning hududiy rahbarlari hayfsan oldi
Prezident “Yangi O‘zbekiston” massivlari bo‘yicha uylarni topshirish ishlari cho‘zilib ketgani uchun 9 ta viloyatda hokimlarning qurilishga mas’ul o‘rinbosarlari va Markaziy bankning viloyat bo‘linmalari rahbarlariga hayfsan e’lon qildi.
“Dmitriy Rilov O‘zbekiston chegarasini kesib o‘tmagan” — Bosh prokuratura
O‘zbekiston Bosh prokuraturasi Sankt-Peterburgdagi kafeda “harbiy ofitser” Maksim Fomin (Vladlen Tatarskiy) halok bo‘lgan portlashga aloqadorlikda gumonlangan Darya Trepovaning turmush o‘rtog‘i Dmitriy Rilov O‘zbekiston chegarasini kesib o‘tmagani va shunga ko‘ra mamlakatda bo‘lishi mumkin emasligini ma’lum qildi.
Ispaniyalik opera xonandasi Plasido Domingo Toshkentda konsert beradi
26-aprel kuni Toshkentda afsonaviy Plasido Domingoning Alessandro Safina va boshqalar ishtirokidagi fusunkor opera kechasi bo‘lib o‘tadi.
Muddati o‘tgan, kontrafakt va yaroqsiz tovarlar haqida xabar berganlar rag‘batlantiriladi
Prezident qaroriga ko‘ra, saqlash muddati o‘tib ketgan, kontrafakt va iste’molga yaroqsiz tovarlar haqida xabar berganlar rag‘batlantiriladi. Shuningdek, o‘zganing tovar, xizmat ko‘rsatish belgisidan yoki firma nomidan qonunga xilof ravishda foydalanganlik uchun javobgarlik kuchaytiriladi.
BAA vaziri al-Gargaviyga “Do‘stlik” ordeni topshirildi
O‘zbekiston prezidenti BAA hukumat ishlari bo‘yicha vaziri Muhammad al-Gargaviy bilan texnologiyalar, sun’iy intellekt, raqamlashtirish, shahar infratuzilmasini modernizatsiya qilish, kadrlar tayyorlash bo‘yicha loyihalarni muhokama qildi. Vazirga “Do‘stlik” ordeni topshirildi.
Eng ko‘p o‘qilgan xabarlar | So‘nggi yangiliklar
Qo‘shimcha imkoniyatlarga ega bulish uchun saytda ro‘yxatdan o‘ting