Jamiyat
Toshkent aeroportida yangi taksi xizmatlari faoliyati yo‘lga qo‘yiladi
Uzbekistan Airports Toshkent aeroporti uchun yana uchta taksi operatorini jalb qilmoqchi — xalqaro terminalning umumiy zali va CIP-zal hamda mahalliy terminal uchun. Hozirda xalqaro terminalning uchib kelish zaliga birgina aeroport taksi operatori xizmat ko‘rsatmoqda.
Oy materiali — “Qishloqdagi abituriyent do‘stimga” fotohikoyasi qanday tayyorlangan?
“Gazeta.uz” o‘zbek tahririyati e’lon qilinayotgan maqolalar orasidan har oy eng yaxshisini tanlab, uning mualliflari bilan alohida videosuhbat uyushtirishga qaror qildi. Iyul yakuniga ko‘ra, jurnalist Xolida Musulmonning “Qishloqdagi abituriyent do‘stimga” fotohikoyasi oy materiali deb topildi.
Toshkentda Malibu avtobus bilan to‘qnashib ketdi
Toshkentning Mirzo Ulug‘bek shohko‘chasida Malibu yengil avtomobili qayrilib olmoqchi bo‘lgan Yutong avtobusi bilan to‘qnashib ketdi.
Iyulda O‘zbekistonda harorat +40 darajadan yuqori kunlar soni ko‘p bo‘ldi
Iyul oyida O‘zbekistonda harorat ko‘p yillik o‘rtacha qiymatlarga nisbatan +40 daraja va undan yuqori kunlar ko‘p bo‘ldi: Toshkentda 8 kun (me’yor 2 kun), Termizda 24 kun (me’yor 16 kun), Nukusda 8 kun (me’yor 4 kun). Eng issiq iyul oyi reytingida esa 2019 va 2021-yillarning iyul oylaridan so‘ng uchinchi bo‘ldi.
2030-yilga kelib avtobuslarning barchasi elektrobus bo‘ladimi?
“O‘zbekiston — 2030” strategiyasi loyihasida mamlakat jamoat transportini “elektrobus va elektromobillar” bilan yangilash taklif etilgan. Shuningdek, jamoat transportini ekologik toza yoqilg‘iga o‘tkazish nazarda tutilgan. Hujjatda elektrda harakatlanuvchi transportlarning boshqa turlari keltirilmagan.
Sayrga chiqqan Sibir tog‘ echkisi, yovvoyi cho‘chqa va bo‘rilar — Chotqol qo‘riqxonasidan yangi kadrlar
Toshkent viloyati Ekoboshqarmasi Maydontol hududida Sibir tog‘ echkisi, yovvoyi cho‘chqa va bo‘rilarning fotoqopqonga muhrlangan tasvirlarini e’lon qildi. Video.
Oliy sudda ko‘riladigan ishga da’vogar sifatida borgan erkak yurak xurujidan vafot etdi
Oliy sudning Fuqarolik ishlari bo‘yicha sudlov hay’atida shikoyati ko‘rilishi uchun da’vogar sifatida borgan 66 yoshli erkak kutish xonasida yurak xurujidan vafot etdi. Oliy sud majlis o‘z vaqtida boshlanganini ma’lum qildi.
Shavkat Mirziyoyev 4-avgustda Turkmanistonga boradi
O‘zbekiston prezidenti 4-avgust kuni amaliy tashrif bilan Ashxobod shahrida bo‘ladi. U yerda oliy darajada uchrashuvlar o‘tkazish hamda O‘zbekiston, Tojikiston va Turkmaniston prezidentlarining uch tomonlama sammitida ishtirok etish rejalashtirilgan.
Farg‘onada taksi haydovchisi va fuqaroning janjaliga tomoshabin bo‘lib turgan IIB xodimlari ishdan bo‘shatildi
Farg‘onada haydovchisi va fuqaro janjali vaqtida bezoriga nisbatan chora ko‘rmagan IIB xodimlari ishdan olindi. Patrul-post xizmati bataloni komandiriga nisbatan hayfsan intizomiy jazosi qo‘llanildi.
Namanganda soliq inspeksiyasi boshlig‘i o‘rinbosari pora bilan ushlangani aytilmoqda
Namangan shahri soliq inspeksiyasi boshlig‘i o‘rinbosari tadbirkorning yopib qo‘yilgan hisobraqamini ochib berish evaziga 2000 dollar pora talab qilgani, pulni olishda yurist (sobiq DSI xodimi) yordamlashgani aytilmoqda. Hozirda 2 shaxsga nisbatan jinoyat ishi ochilgan.
O‘zbekistonda 5,5 yil ichida ko‘pxotinlilik uchun 38 kishi sudlandi
O‘zbekistonda so‘nggi 5,5 yil ichida 38 nafar erkak ko‘p xotinli bo‘lishda ayblanib sudlandi, ularning 4 nafari 2023-yilning birinchi yarmiga to‘g‘ri keldi.
Farg‘onada taksi haydovchisining mashinasini shikastlagan erkak ushlandi, IIB xodimlariga esa xizmat tekshiruvi tayinlandi
Farg‘onada telefoniga javob bermagani uchun Yandex haydovchisi mashinasining oynalarini tosh bilan sindirgan erkakka jinoyat ishi qo‘zg‘atildi va gumonlanuvchi ushlandi. Ushbu voqeaga guvoh bo‘lib, biror chora ko‘rmagan IIB xodimlariga xizmat tekshiruvi tayinlandi.
“Xalqi savodsiz davlat — kuchsizdir”. Vyetnam qanday qilib ta’limda ilg‘or mamlakatga aylandi?
Ta’limning qiymatini o‘z vaqtida anglagan, eng murakkab davrlarda ham sohani o‘z holiga tashlab qo‘ymagan, ko‘p sonli aholisi va nisbatan kichik iqtisodiyoti bilan ta’limga yuqori ustuvorlik bergan Vyetnam bugun aksariyat ko‘rsatkichlarda mintaqada yetakchilik qilib, rivojlangan davlatlar bilan raqobatlashmoqda.
2-avgust kuni O‘zbekistonda sodir bo‘lgan eng muhim voqealar dayjesti
Samarqandda suv omborida cho‘kib ketgan 4 nafar yigit, mamlakatdagi uy-joy narxlari, yana qimmatlagan Ai-92 benzini narxi, Buxoroda o‘qishga kiritib qo‘yish uchun pora, Toshkentdagi maktabda chiqqan yong‘in, odamlarning o‘rtacha maoshi tahlili va boshqalar — “Gazeta.uz"ning kun dayjestida.
Angrenda olti kunlik ish haftasiga qarshi bo‘lgan fabrika xodimlari yo‘lni to‘sdi
Angrenda olti kunlik ish haftasiga qarshi bo‘lgan tekstil fabrikasi xodimlari yo‘lni to‘sib qo‘ydi. Mahalliy hokimiyat organlarining aralashuvidan keyin vaziyat xodimlar foydasiga hal qilindi.
Toshkentda O‘zbekiston va Ozarbayjon harbiylari qo‘mondonlik-shtab o‘quv mashg‘ulotlari o‘tkazdi
Toshkent shahrida O‘zbekiston va Ozarbayjon harbiylari qo‘shma UZAZ-2023 kompyuter qo‘mondonlik-shtab o‘quv mashg‘ulotlarini o‘tkazdi.
Termiz hamda Urganch davlat pedagogika institutlariga rektorlar tayinlandi
Hukumat qarori bilan Termiz davlat pedagogika institutiga Azizbek Xasanov rektor bo‘ldi. Urganch davlat pedagogika institutini esa Feruza Madraximova boshqaradi.
Samarqandda 4 nafar yigit suv omborida cho‘kib ketdi
Shanba kuni Kattaqo‘rg‘on suv omborida qayiq ag‘darilib ketishi oqibatida 7 nafar yigitdan 4 nafari cho‘kib ketdi. Hozirgacha bir yigitning murdasi topilgan, qolganlari qidirilmoqda. Holatga yigitlarning fotosuratga tushish maqsadida tartibsiz harakatlar qilgani sabab bo‘lgan.
Toshkent shahridagi 50-maktabda yong‘in sodir bo‘ldi
Toshkent shahri markazidagi 50-maktabda yong‘in sodir bo‘ldi. Uning maydoni 10 kvadrat metrni tashkil etdi. Qurbonlar yo‘q, deb xabar berdi FVV.
Otorinolaringologiya ilmiy-amaliy tibbiyot markazi tashkil etiladi
1-sentabrdan yuridik shaxs maqomiga ega bo‘lgan Respublika ixtisoslashtirilgan otorinolaringologiya va bosh-bo‘yin kasalliklari ilmiy-amaliy tibbiyot markazi tashkil qilinadi. 2024/2025 o‘quv yilidan markazda otorinolaringologiya ixtisosligi bo‘yicha kadrlarni klinik ordinatura orqali tayyorlash tashkil qilinadi.
Eng ko‘p o‘qilgan xabarlar | So‘nggi yangiliklar
Qo‘shimcha imkoniyatlardan foydalanish uchun saytda ro‘yxatdan o‘ting