Jamiyat
O‘zbekistonda 6−12-yanvar kunlari ob-havo qanday bo‘ladi? “Gazeta.uz” sharhi
O‘zbekistonda joriy hafta boshi iliqroq, o‘rtalari bulutli va sovuq (ba'zi viloyatlarda qor), oxirida esa harorat asta ko‘tarilib, quruq bo‘lishi kutilmoqda. 8-yanvarga o‘tar kechasi Toshkent, Sirdaryo, Jizzax, Samarqand viloyatlarida qor yog‘ishi, harorat tunda -10 darajagacha pasayishi mumkin.
Ukrainaga qarshi Rossiya tomonida jang qilgan 22 yoshli o‘zbekistonlik shartli 5 yil ozodlikdan mahrum qilindi
Sud Rossiya tomonida Ukrainaga qarshi kurashgan 22 yoshli o‘zbekistonlikni shartli jazoga hukm qildi. Ayblanuvchining aytishicha, u deportatsiya o‘rniga, shuningdek, moddiy ahvoli tufayli armiyaga qo‘shilishni tanlagan. Harbiy harakatlardagi ishtiroki uchun u medal va Rossiya fuqaroligini olgan.
4-yanvar kuni e’lon qilingan eng muhim yangiliklar dayjesti
Davlat organlari ochiqligini monitoring qilish tartibi, mahalla ichki yo‘llarida yetishtiriladigan agromahsulotlar, aholi uchun ijara to‘lovining yangi minimal stavkalari, Toshkentda 40 mln dollarga sotilgan yer uchastkasi va boshqalar — “Gazeta.uz"ning kunlik dayjestida.
Samarqandda 1,3 mlrd so‘mlik gazdan noqonuniy foydalanish holati aniqlandi
Samarqand viloyati Toyloq tumanidagi novvoyxona yashirin ravishda tarmoqqa ulanib, qariyb 1,33 mlrd so‘mlik tabiiy gazdan noqonuniy foydalangani ma’lum bo‘ldi. Holat bo‘yicha dalolatnoma tuzildi, daliliy ashyolar tegishli organlarga yuborildi.
Rossiya tomonida Ukrainaga qarshi jang qilgan O‘zbekiston fuqarosi 10 dan ortiq ukrainalik askarni o‘ldirganini tan oldi
O‘zbekiston sudi Rossiya tomonida turib Ukrainadagi urushda qatnashgan 39 yoshli erkakni 4 yil 2 oyga ozodlikdan chekladi. Ayblanuvchining aytishicha, janglarda u 10 dan ortiq ukrainalik askarni o‘ldirgan. Hukm, xususan, aybiga iqror bo‘lgani uchun yumshatildi.
Limitdan oshgan elektr uchun qo‘shimcha to‘lov miqdori aholi uchun emas, yuridik shaxslar uchun o‘zgardi — Energetika vazirligi
Ijtimoiy tarmoqlarda elektr energiyasi iste’moli 200 kVt/soatdan oshsa, har bir kilovatt uchun 900 so‘m emas, 540 so‘m to‘lanishi bo‘yicha yolg‘on ma’lumotlar tarqalmoqda, deya xabar qildi Energetika vazirligi. Limitdan oshgandagi qo‘shimcha to‘lov miqdori aholiga emas, tadbirkorlarga kamaygan.
Gaz holatidagi yoqilg‘ida ishlovchi apparatlarning xavfsizligi bo‘yicha reglament tasdiqlandi
Hukumat qarori bilan gaz holatidagi yoqilg‘ida ishlovchi apparatlarning xavfsizligi bo‘yicha texnik reglament tasdiqlandi. Hujjat bilan gaz yoqilg‘isida ishlovchi apparatlarning ro‘yxati tasdiqlanmoqda.
Reportaj: Toshkent avtobuslariga endi naqd pul o‘tmaydi
Toshkent avtobuslarida yo‘l haqi endi faqat karta va QR-kodli chiptalar bilan to‘lanadi. Bir martalik QR-kodli chiptani Paynet, MultiPay yoki Oson infokiosklaridan sotib olish mumkin. “Gazeta.uz” avtobus bekatida chipta olish amaliyotini sinab ko‘rdi. Bu vaqtda tizimdagi ayrim kamchiliklar ham yuzaga chiqdi.
Davlat bog‘chalarida davomat tizimi avtomatlashtiriladi
Hukumat qarori bilan maktabgacha ta’lim tizimini raqamlashtirish bo‘yicha chora-tadbirlar rejasi belgilandi. Unga ko‘ra, xodimlar va tarbiyalanuvchilar davomati, oziq-ovqat xarajatlari “Bolalar bog‘chasi” axborot tizimi orqali hisobga olib boriladi.
Toshkentda mototsiklda 310 km/soat tezlikda harakatlangan bloger jarimaga tortildi
Haydovchi Toshkentda BMW sport mototsiklida soatiga 310 km tezlikda harakatlanib, bu haqda ijtimoiy tarmoqlarda video joylashtirdi. U tezlikni oshirgani uchun jarimaga tortildi.
Xonanda Baxtiyor Sultonov 60 yoshida vafot etdi
“Bedana” qo‘shig‘i bilan xalqqa tanilgan xonanda Baxtiyor Sultonov 60 yoshida vafot etdi.
Qoraqalpog‘istonda mast askar 5 kishini pichoqladi, ulardan biri vafot etdi
Nukus shahridagi FVVga qarashli harbiy qismda bir yillik xizmatni o‘tayotgan 19 yoshli askar 5 kishini pichoqladi. Oqibatda ulardan biri vafot etdi, qolganlariga shifoxonada tibbiy yordam ko‘rsatilmoqda. Ish Harbiy prokuratura yurituviga olindi.
Men G‘olib Run vatanparvarlik ommaviy yugurish musobaqasiga ro‘yxatdan o‘tish boshlandi
3-yanvar kuni Yugur.uz platformasida Men G‘olib Run ommaviy yugurish musobaqasiga ro‘yxatdan o‘tish boshlanadi. Har yillik sport tadbiri Vatan himoyachilari kuni va O‘zbekiston Qurolli Kuchlari tashkil etilganining 33 yilligini nishonlashga bag‘ishlanadi.
Nima tayyorlaymiz: tortlar
Shokolad va yalpizli tort, medovik, “Graf vayronalari”, “Napoleon” va boshqa tort retseptlari — Zira.uz jamlanmasida.
2025-yilda Mahmudxo‘ja Behbudiy tavalludining 150 yilligi nishonlanadi
Prezident 2025-yilda Turkiston jadidlik harakati asoschisi, atoqli adib va jamoat arbobi Mahmudxo‘ja Behbudiy tavalludining 150 yilligini keng nishonlash to‘g‘risidagi qarorni imzoladi. Mutafakkir hayotiga oid ijodiy uchrashuv, ilmiy konferensiya va tanlovlar o‘tkazilib, Qarshidagi ko‘chaga uning nomi beriladi.
3-yanvar kuni e’lon qilingan eng muhim yangiliklar dayjesti
O‘zbekistonda 2024-yildagi inflyatsiya, G‘ayrat Do‘stovning apellyatsiya sudi yakunlari, AES qurilishi bo‘yicha jamoatchilik eshituvlari, elektr va gazda biznes uchun oshirilgan limit va boshqalar — “Gazeta.uz"ning kunlik dayjestida.
Toshkent shahrida 5-yanvar kuni harbiy parad o‘tkaziladi
Toshkent shahrida 5-yanvar kuni Qurolli Kuchlar 33 yilligi munosabati bilan Mudofaa vazirligi va Milliy gvardiya harbiy bo‘linmalarining namoyishkorona piyoda yurishlari o‘tkaziladi. Parad “G‘alaba bog‘i”dan boshlanib, Magic City’gacha davom etadi. Soat 11:00 dan 13:00 gacha bir qator ko‘chalar yopiladi.
Foto: Botanika bog‘ida Markaziy Osiyo Yangi yil marafoni
Poytaxtdagi Botanika bog‘ida 1-yanvar kuni Markaziy Osiyo Yangi yil marafoni bo‘lib o‘tdi. U o‘ninchi yildirki, yangi yilning ilk kunida sportchi va havaskorlarni start chizig‘iga olib chiqib, o‘z orzulari sari yugurishga kuch bag‘ishlamoqda. Marafon ishtirokchilari va sehrli, do‘stona muhit — “Gazeta.uz” reportajida.
G‘ayrat Do‘stov ozod etildi: apellyatsiya sudi hibs muddatini qisqartirdi
Sud apellyatsion instansiyasi metan-zapravka yopilgani haqidagi keskin nutqidan so‘ng 15 sutkaga qamalgan haydovchi G‘ayrat Do‘stovning hibs muddatini 8 sutkaga qisqartirdi va ozod qildi. Sudyaning qilgan ishidan pushaymonligi va holat janjalga arzishi haqidagi savoliga u “yo‘q, arzimaydi”, deb javob berdi.
Bekoboddagi IIB binosida fuqaroni urib o‘ldirgan IIB xodimi 9 yilga qamaldi
Bekobod shahri IIB binosida 43 yoshli fuqaroni kaltaklab o‘ldirgan IIB xodimiga nisbatan sud hukmi o‘qildi. U 9 yil muddatga ozodlikdan mahrum qilindi.
Qo‘shimcha imkoniyatlardan foydalanish uchun saytda ro‘yxatdan o‘ting