Jamiyat
Ishlab chiqarish korxonalari xodimlariga milliy qo‘shiqlar va maqom eshittirish taklif etilmoqda
O‘zbekistondagi ishlab chiqarish korxonalarida ish kuni boshlanishi va tugashi paytida milliy kuy va qo‘shiqlar, shu jumladan, maqomning eshitilib turishini yo‘lga qo‘yish taklif qilinmoqda. Hujjat loyihasida bu tashabbus prezidentning Namanganga tashrifida berilgan topshiriqlar asosida ishlab chiqilgani qayd etilgan.
OTMlarga kirish imtihonlari yana yopiq binolarda o‘tkaziladi
O‘zbekistonda 2023/2024 o‘quv yili uchun test sinovlari o‘tkaziladigan 92 ta yopiq inshoot tanlab olindi. Pandemiya tufayli jarayon 3 yildan buyon ochiq havoda tashkil etilayotgandi. May oyi boshida JSST koronavirus global favqulodda holat maqomini yo‘qotganini ma’lum qilgan.
Milliy gvardiyaga yangi vakolatlar berildi
Prezident Milliy gvardiya xodimlarining vakolatlarini kengaytirish, jumladan, ularga jamoat joyida spirtli ichimlik ichganlik, voyaga yetmaganlarni g‘ayriijtimoiy xatti-harakatlarga jalb qilganlik uchun jarima solish imkonini beruvchi qonunni imzoladi.
IBA afsonaviy bokschi Rufat Risqiyevga umrbod ming dollar miqdorida oylik moddiy yordam tayinladi
Xalqaro boks assotsiatsiyasi (IBA) prezidenti Umar Kremlyov afsonaviy bokschi, “Toshkent yo‘lbarsi” Rufat Risqiyevga chempionlik kamari, “G‘alabaga bo‘lgan iroda” mukofoti hamda 10 ming dollar mablag‘ topshirdi. Shuningdek, unga ming dollar miqdorida oylik moddiy yordam ham tayinlandi.
O‘zbekiston xalq shoiri Oydin Hojiyeva 81 yoshida vafot etdi
O‘zbekiston xalq shoiri Oydin Hojiyeva 81 yoshida vafot etdi. Shoira uzoq yillar “Saodat” jurnalida bo‘lim mudiri va bosh muharrir lavozimlarida faoliyat yuritgan.
Mayning 13 lahzasi. Andijonning 18 yil avvalgi va hozirgi manzaralari
2005-yilning 13-mayga o‘tar kechasi O‘zbekiston tarixiga “Andijon voqealari” nomi bilan kirgan eng qonli hodisalardan biri boshlangan edi. “Gazeta.uz” ushbu hodisa oqibatlari aks etgan 13 manzarani tanlab olib, ularni 2023-yil may oyida yana o‘sha nuqtalarda olingan suratlar bilan taqqosladi.
Toshkent viloyatida 2 yoshli farzandini qiynoqqa solib, videoga olgan ota ushlandi
Tarmoqlarda erkak o‘z farzandlarini qiynoqqa solayotgani aks etgan video tarqaldi. Bosh prokuraturaga ko‘ra, yangiyo‘llik 30 yashar erkak oilaviy kelishmovchilik sababli turmush o‘rtog‘idan o‘ch olish maqsadida 2 yoshli farzandini qiynoqqa solib, jarayonni videoga olgan. Unga nisbatan jinoyat ishi qo‘zg‘atilgan.
Nima o‘qiymiz? Jurnalist Aziza Qurbonova tavsiya qiladi
“Gazeta.uz” kitobxonlikni targ‘ib etishga qaratilgan “Nima o‘qiymiz?” loyihasini davom ettiradi. Sara asarlar, o‘qilishi maqsadga muvofiq hisoblangan kitoblar ro‘yxati haqida olim, tadqiqotchi, yozuvchi-shoir, tarjimon, jurnalist va jamoat faollarining tavsiyalarini sizga yetkazamiz.
Buxoroda 3 erkak bir ayolni zo‘rlashda gumonlanib ushlandi
G‘ijduvon tumanida 3 erkak cho‘l hududida bir ayolni jinsiy aloqa qilishga majburlanganlikda gumonlanib ushlandi. Ish yuzasidan dastlabki tergov harakatlari ketmoqda.
Nima tayyorlaymiz: Qovoqchadan taomlar
Tovuq va qovoqchadan salat, quymoqlar, qovoqcha va pomidorli gazak, qiymali pirojkalar, koreyscha salat, shokoladli maffinlar va boshqalar — Zira.uz qovoqchadan (kabachki) tayyorlangan mazali taom va shirinliklar ro‘yxatini taqdim etadi.
Tavalludiga 120 yil to‘lgan adib — G‘afur G‘ulom uy-muzeyiga sayohat
Muqimiy teatri oldidan boshlanadigan Arpapoya ko‘chasi bo‘ylab biroz yursangiz, G‘afur G‘ulom yashagan ikki qavatli g‘ishtin binoga duch kelasiz. Xalq shoirining uyi 1983-yili xalqqa taqdim etilgan — muzeyga aylantirilgan. Adib tavalludiga 120 yil to‘lishi munosabati bilan “Gazeta.uz” muxbirlari muzeyda bo‘ldi.
12-may kuni O‘zbekistonda sodir bo‘lgan eng muhim xabarlar dayjesti
Chuy viloyatida qurilayotgan avtomobil zavodi, prezidentlikka XDPdan Ulug‘bek Inoyatov, “Adolat” partiyasidan Robaxon Mahmudova, O‘zLiDePdan Shavkat Mirziyoyev nomzodi, ko‘mir qazib olishni oshirishga topshiriq bergan prezident, dam kunlaridagi o‘zgaruvchan ob-havo va boshqalar — “Gazeta.uz”ning kun dayjestida.
Toshkent rahbarlari ota-onalardan farzandlariga har kuni hech bo‘lmasa 10 daqiqa vaqt ajratishlarini so‘radi
Toshkent hokimi v.b., prokurori, IIBB boshlig‘i va soliq boshqarmasi rahbari (shaharning “to‘rt sektor” rahbarlari) ota-onalarni bolalarga ko‘proq e’tibor qaratishga chaqirib, o‘z yordamlarini taklif qilishdi: “Biz doimo siz bilan yelkadoshmiz”
Jizzaxda bedarak yo‘qolgan 5 yoshli bolaning murdasi kanaldan topildi
3-may kuni Baxmal tumanida 5 yoshli bola uyidan chiqib ketib, bedarak yo‘qoldi. Oradan ikki kun o‘tib, uning murdasi “Tuyatortar” kanalidan topildi. Holat yuzasidan tergovga qadar tekshiruv olib borilmoqda.
Toshkent viloyatida 2 ta arxeologiya yodgorligiga 495 mln so‘mlik zarar yetkazildi
Oqqo‘rg‘onda “Shoxruxiya shaxristoni” va “Qiyritepa” arxeologiya yodgorliklarining xususiy korxonalarga berib yuborilishi oqibatida obyektlarga jami 495 mln so‘m zarar yetkazilgani aniqlandi. Holatga sababchi mansabdorlarga nisbatan jinoyat ishi qo‘zg‘atildi.
O‘zbekistonda dam olish kunlari havo o‘zgarib turadi
Shanba kuni O‘zbekistonning katta qismida yomg‘ir yog‘adi. Yakshanba kuni esa havo ochiq va quyoshli bo‘lishi prognoz qilinmoqda. Harorat kechalari +13…+20 daraja, kunduzi +27…+35 daraja atrofida bo‘ladi.
Moskvadagi kafega qilingan hujumda O‘zbekiston fuqarolari ishtirok etmagan — Migratsiya agentligi
Moskvadagi “Monro” kafesiga 30 nafar o‘zbekistonlik migrant hujum uyushtirib, o‘g‘riliklar sodir etgani aytilgandi. Migratsiya agentligi Rossiyadagi huquq-tartibot idoralari ma’lumotlariga tayanib, bu voqea gumonlanuvchilari o‘rtasida O‘zbekiston fuqarolari bo‘lmaganini ma’lum qildi.
O‘zbekistonda 14−17-may kunlari nam va salqin havo bo‘lishi kutilmoqda
14−17-may kunlari O‘zbekiston hududiga Kaspiy dengizining janubiy hududlaridan nam havo, so‘ngra Volga bo‘yi hududlaridan salqin havo kirib keladi. Ko‘plab hududlarda kuchli yomg‘ir, ayrim joylarda do‘l yog‘ishi mumkin. Havo harorati +17 darajagacha pasayadi.
Yuqori natijalarga erishgan pedagoglarga 50 foizgacha ustama to‘lanishi mumkin
Prezident qarori loyihasiga ko‘ra, o‘qituvchilarning lavozim maoshlari o‘rtacha 20 foizga oshishi, fidoiy, tashabbuskor hamda yuqori natijalarga erishgan pedagoglarining bazaviy tarif stavkalariga har oylik 50 foizgacha ustama to‘lash tizimi joriy etilishi mumkin.
Surxondaryoda IIB xodimi qo‘l-oyog‘i bog‘langan erkakka kuch ishlatdi
Muzrabot tumanida IIB xodimi mastligi aytilgan va qo‘l-oyog‘i bog‘langan erkakni kaltaklagani aks etgan video tarqaldi. Surxondaryo viloyati IIB erkak begona ayolning tinchini buzgani, chaqiruvga asosan borgan xodimga qarshilik qilganini bildirdi. Xodimning harakatlari yuzasidan xizmat tekshiruvi o‘tkazilmoqda.
Eng ko‘p o‘qilgan xabarlar | So‘nggi yangiliklar
Qo‘shimcha imkoniyatlardan foydalanish uchun saytda ro‘yxatdan o‘ting