Jamiyat
Milliy gvardiyaga ayrim huquqbuzarliklar uchun jarima qo‘llash huquqi berilmoqda
Milliy gvardiyaga qo‘shimcha vakolatlar berilmoqda. Senatorlar ma’qullagan qonunga ko‘ra, endi ular mayda bezorilik yoki sovuq qurol olib yurishga oid ma’muriy huquqbuzarliklarni ko‘rib chiqa oladi hamda bayonnomalar tuzadi. Shuningdek, ular ayrim ma’muriy huquqbuzarliklar bo‘yicha jarima qo‘llashga haqli.
O‘zbekistonda kuchsiz zilzila sezildi
Chorshanba kuni tushdan keyin Toshkentda kuchsiz zilzila sezildi. Uning epitsentri Afg‘onistonda bo‘lib, u yerda zilzila kuchi 5 ballni tashkil etgan.
Nemolchi.uz loyihasi muallifi unga qilingan tahdidlar sababli O‘zbekistonni vaqtincha tark etdi
Zo‘ravonlikka qarshi kurashuvchi Nemolchi.uz loyihasi asoschisi Irina Matviyenko unga noma’lum shaxslar o‘lim bilan tahdid qilgani sababli O‘zbekistonni vaqtincha tark etganini ma’lum qildi. U bu haqda huquq-tartibot idoralariga ham ariza bilan murojaat yo‘llagan.
Senat tadbirkorlar hisobvaraqlaridagi mablag‘lar daxlsizligi to‘g‘risidagi qonunni ma’qulladi
Senat tadbirkorlik subyektlarining bank hisobvaraqlaridan pul mablag‘larini ularning roziligisiz qonunga xilof ravishda o‘tkazganlik yoki olib qo‘yganlik yoxud ortiqcha undirilgan mablag‘larni o‘z vaqtida qaytarmaganlik uchun ma’muriy va jinoiy javobgarlik choralari belgilashni ko‘zda tutuvchi qonunni ma’qulladi.
O‘zbekistonda daraxtlarni raqamlashtirish loyihasi 3 bosqichda amalga oshirilmoqda
O‘zbekistonda daraxtlarni raqamli inventarizatsiyadan o‘tkazish rejalashtirilmoqda. Loyiha 3 bosqichdan iborat. Birinchi bosqichda Tabiat resurslari vazirligi sun’iy yo‘ldoshdan olingan suratlarni tahlil qilib, mamlakatning “Yashil indeks”ini aniqlamoqchi. Hozir Sirdaryo viloyatida sinov ishlari ketmoqda.
Elektromobillarning uzluksiz harakatlanishi uchun TOK BOR infratuzilma yaratishni rejalashtirmoqda
TOK BOR tarmoqni rivojlantirish va O‘zbekistonning yirik shaharlari va chekka burchaklarini tez quvvatlantirish stansiyalari bilan jihozlashning birinchi bosqichi yakunlanganini e’lon qildi.
O‘zbek-qirg‘iz davlat chegarasidan o‘tuvchi yashirin yerosti yo‘li ochganlarga sud hukmi o‘qildi
O‘zbek-qirg‘iz chegarasida maxfiy yo‘l ochgan farg‘onalik shaxs va yana 5 kishiga sud hukmi o‘qildi. Yo‘l orqali Qirg‘izistonda noqonuniy tovarlar, O‘zbekistondan esa xorijiy valyutalar o‘tkazib turilgan. Sud hukmi bilan 3 nafar ayblanuvchi 6−7 yilga qamaldi, yana 3 nafariga axloq tuzatish ishlari jazosi tayinlandi.
Toshkentda o‘zi va yosh bolasini kanalga tashlagan ayol qutqarib qolindi
Yunusobod tumanidagi Bo‘zsuv kanaliga 1,5 yoshli bolasi bilan o‘zini tashlagan ayolni PPX xodimlari qutqarib qoldi. Ushbu harakatga “og‘ir hayotiy vaziyat” sabab bo‘lgan. 20 yoshli ayol ishidan afsusdaligi va ularni qutqarganlardan minnatdor ekanini aytdi. Bola vaqtincha mehribonlik uyiga topshirildi.
Daraxt va butalarga shikast yetkazgan va bunga yo‘l qo‘yganlar ham javobgarlikka tortilishi mumkin
Senat endilikda daraxtlar va butalarni shikastlantirganlar va bu borada loyihalar tayyorlaganlarni ham javobgarlikka tortish ko‘zda tutilgan qonunni ma’qulladi.
Inkuzart Orol dengizining qurigan qismiga tinchlik ramzini chizdi
Rassom Inkuzart Orol dengizining qurigan qismida diametri 100 m bo‘lgan tinchlik ramzini chizib, o‘sha yerga ming tupdan ortiq saksovul ko‘chatlarini o‘tqazdi. “Gazeta.uz”ga bergan intervyusida u buning uchun hech kimdan moddiy yordam so‘ramagani va loyiha uchun avvaldan pul yig‘ib yurganini aytdi.
Jizzaxda soxta Green Card tayyorlash bilan shug‘ullangan shaxs 9 yilga qamaldi
Jizzax viloyatida 3 nafar shaxs soxta Green Card hujjatlarini tayyorlab, 103 kishining 2 mlrd 597 mln so‘mini firibgarlik bilan qo‘lga kiritgani aniqlandi. Ularning biri 9 yilga qamaldi, 2 nafariga qidiruv e’lon qilindi.
Qashqadaryoda “Jiguli” haydovchisi bilan birga yonib ketdi
Qarshi tumanida “Jiguli” yonib ketdi. Haydovchi o‘rindig‘ida 22 yoshli yigitning jasadi borligi aytilmoqda. Holat yuzasidan jinoyat ishi qo‘zg‘atildi, marhumning o‘limi sabablarini aniqlash bo‘yicha ekspertizalar tayinlandi.
Toshkentda 3-may kuni kuchli ultrabinafsha nurlanish kuzatilishi mumkin
3-may kuni Toshkent shahrida quyoshning ultrabinafsha nurlanish indeksi 12 balli shkalada 10 ball bo‘lishi kutilmoqda. Nurlanish qoq tush payti maksimal darajaga yaqinlashadi. SSV soat 11:00 dan 16:00 gacha quyosh nurlari ostida uzoq vaqt yurmaslik va boshqa tavsiyalarni berdi.
AQSh elchisi “Mushtum” jurnalini 100 yillik yubileyi bilan tabrikladi
AQSh elchisi Jonatan Henik “Mushtum” jurnalini 100 yillik yubileyi bilan tabriklash maqsadida jurnal tahririyatida bo‘ldi. U “Mushtum”ning muxlisi ekanini va elchixona jurnalga obuna bo‘lganini aytgan. “Elchining tashrifidan boshimiz osmonga yetdi”, — dedi jurnal bosh muharriri Nosirjon Toshmatov.
Farg‘onada o‘qituvchini kaltaklagan ayol 6 mln so‘m jarima to‘laydigan bo‘ldi
Toshloq tumanida qiziga ota-onasi bilan maktabga kelishini talab qilgani uchun sinfxonada pedagogni haqoratlab, kaltaklagan ayolga nisbatan sud hukmi o‘qildi. Ayol qilmishi uchun uzr so‘ramagan va endilikda 6 mln so‘m miqdorida jarima to‘laydigan bo‘ldi.
“Surxon” qo‘riqxonasidan noyob Buxoro tog‘ qo‘yini olib ketishga uringan brakonerlar ushlandi
“Surxon” davlat qo‘riqxonasidan Buxoro tog‘ qo‘yining bolasini noqonuniy olib ketishga uringan ikki erkak ushlandi. Tezkor reyd tadbiri davomida qo‘lga olingan huquqbuzarlar Qashqadaryoning Dehqonobod tumanida istiqomat qilishi aniqlandi. Ularga nisbatan ma’muriy bayonnoma rasmiylashtirildi.
Ombudsman tadbirkorlar qiynoqqa solingani haqidagi xabarlarni alohida nazoratga oldi
Ombudsman idorasi tadbirkorlar Dilshod To‘raxo‘jayev va Xasanboy Abdunabiyevning qiynoqqa solingani haqidagi xabarlarni alohida nazoratga oldi. “O‘zbekiston inson qadr-qimmatini yerga uradigan, insoniylikka zid bo‘lgan qiynoqlarning har qanday ko‘rinishiga qarshi kurash yo‘lini tanlagan”, — deyiladi bayonotda.
2-may kuni O‘zbekistonda sodir bo‘lgan eng muhim xabarlar dayjesti
Buxoroda 4 kishi tomonidan zo‘rlangani aytilgan 13 yoshli qiz, O‘zbekistonda referendum yuqori darajada o‘tganini qayd etgan MDH missiyasi, 42 nafar nepallikni $124,5 mingga aldab ketgan buxoroliklar, Toshkentga kelgan yangi avtobuslar atrofidagi muammolar va boshqalar — “Gazeta.uz”ning kun dayjestida.
Toshkent ko‘chalari “garmoshka” avtobuslarning harakatiga mos keladi — Transport boshqarmasi boshlig‘i
Toshkent shahar transport boshqarmasi boshlig‘i Anvar Jo‘rayevning aytishicha, ikkita “garmoshka” avtobus daraxt shoxlariga urilgan ko‘chada yo‘l tasmalari chaproqqa surib qaytadan chiziladi. Shuningdek, u poytaxt ko‘chalarining parametrlari ushbu avtobuslarning o‘lchamlariga to‘liq mos kelishiga ishontirdi.
Ikkinchi jahon urushi qatnashchilariga 18 mln so‘mdan mukofot puli beriladi
Ikkinchi jahon urushi qatnashchilari va nogironlarining har biriga 18 mln so‘m miqdorida bir martalik pul mukofot beriladi.
Eng ko‘p o‘qilgan xabarlar | So‘nggi yangiliklar
Qo‘shimcha imkoniyatlardan foydalanish uchun saytda ro‘yxatdan o‘ting