Jamiyat
Toshkentda 55 nafar fuqaroni xorijga sotib yuborgan korxona rahbari 8 yilga qamaldi
Toshkentda xususiy bandlik firmasi 100 ga yaqin fuqaroni xorijda ishga joylashtirishga va’da berib, aldov yo‘li bilan ularning 55 nafarini sotib yuborgan. Jinoyat ishlari bo‘yicha Mirzo-Ulug‘bek tuman sudi korxona rahbariga 8 yil 1 oy, qolgan 2 nafar xodimga 8 yil ozodlikdan mahrum qilish jazosini tayinladi.
Toshkentdagi Shimoliy temir yo‘l vokzali oldida joylashgan yer osti tunnelining bir tomoni 15 kunga yopiladi
Mirobod tumani Shimoliy temir yo‘l vokzali oldida joylashgan yer osti tunnelining bir tomoni 1 dekabrdan 15 dekabrga qadar yopiladi.
«10 oyda 25 nafar xodim vafot etgan» — IIV
AOKAda Ichki ishlar vazirligi mansabdorlari ishtirokida matbuot anjumani bo‘lib o‘tdi. Tadbirda ma’lum qilinishicha, 2022 yilning 10 oyida 25 nafar xodim: 9 nafari yo‘l-transport hodisasi oqibatida, 16 nafari xizmat vazifasini bajarish vaqtida vafot etgan.
Toshkentda 12 yoshli maktab o‘quvchisi o‘zini osib qo‘ydi
Toshkent shahri Mirzo Ulug‘bek tumanida 7-sinf o‘quvchi qiz yashash hovlisidagi daraxtga osilgan holda topildi. Bunga nima sabab bo‘lgani hozircha noma’lum. Holat yuzasidan tuman prokuraturasi tomonidan tergovga qadar tekshiruv olib borilmoqda.
O‘zbekistonda dekabr oyi sovuq kunlar bilan boshlanib, iliq harorat bilan tugaydi
O‘zgidromet prognoziga ko‘ra, respublikada dekabrning birinchi o‘n kunligi sovuq bo‘ladi. Harorat −4…−7 darajagacha pasayib, qor yog‘ishi mumkin. Oyning ikkinchi va uchinchi o‘n kunliklarida kechasi -7, kunduzi +15…+3 darajagacha o‘zgarib turishi kutilmoqda. O‘tgan yilning dekabr oyi juda iliq bo‘lgandi.
Korporativ ta’limni onlaynga o‘tkazishning oltita sababi
iSpring kompaniyasi eksperti Ilya Kedrovskiy korporativ onlayn-ta’lim qanday masalalarni hal etishga yordam berishi hamda uni hayotga tez va samarali tadbiq etish yo‘li haqida so‘zlab berdi.
O‘zbekistonlikning Qozog‘istonda ro‘yxatdan o‘tmasdan qolish muddati 30 kungacha uzaytirilishi mumkin
O‘zbekiston va Qozog‘iston fuqarolarning o‘zaro sayohatlari shartlarini yangilashni rejalashtirmoqda. Unga ko‘ra, bir davlat fuqarolari ikkinchi davlat hududida 30 kungacha ro‘yxatdan o‘tmasdan qolishlari mumkin bo‘ladi. Hozirda bu muddat atigi besh kunni tashkil etadi.
Kuz faslining so‘nggi kunida O‘zbekistonda sodir bo‘lgan eng muhim xabarlar dayjesti
Nukus voqealari ishi bo‘yicha sudlanuvchilar fikri, Toshkentda o‘tgan qaynonalar forumi, suvaraklarga o‘xshaydigan poraxo‘rlar, Andijon suv omborini boshqarish to‘g‘risidagi qonunlar, quruvchilarni nogironlar aravachasiga o‘tkizib ish sifatini tekshirgan Andijon hokimi va boshqalar — «Gazeta.uz»ning kun dayjestida.
«Fikrimni buzib, ko‘chaga chiqishga undadi». Nukus voqealari ishi bo‘yicha sudlanuvchilar nima dedi?
Nukus voqealari bo‘yicha sudda ayblanuvchilar voqealar rivojini so‘zlab bermoqda. Jarayonning uchinchi kunida sudlanuvchilar Dauletmurat Tajimuratovga adashib ergashgani va pushaymonligini aytib, xalq va prezidentdan kechirim so‘radi. Ulardan biri ko‘krak qismiga o‘q tegib vafot etgan tanishi haqida aytib berdi.
Samarqand Darvoza savdo markazi katta qishki chegirmalarni e’lon qildi
2, 3 va 4 dekabr kunlari Samarqand Darvoza savdo-ko‘ngilochar markazida Hot Winter Sale — 90% gacha chegirmalar taqdim etiladi.
«Maktablarning qariyb 6 foizida harakat xavfsizligi sinfxonalari tashkil etilgan, xolos» — senator
Senator Qutbiddin Burxonov avtomobil yo‘llarida inson xavfsizligini ta’minlash bo‘yicha prezident qarori ijrosida qator kamchiliklar kuzatilayotganini aytdi. Uning ta’kidlashicha, maktab o‘quvchilariga yo‘l harakati qoidalarini o‘rgatish ishlari ham talab darajasida emas.
“Zahmati ko‘p, maoshi haminqadar, tarixi uzun kasb egasi”. Pochtalyonlar qanday ishlaydi?
“Gazeta.uz” yangi — “Professional” loyihasini boshladi. Bunda ba’zan e’tibor berilmaydigan, lekin zahmati va mas’uliyati boshqalarniki bilan baravar kasb egalarining faoliyati haqida batafsil hikoya qilinadi. Ilk mehmon — el orasida pochtachi sifatida tanilgan Ikromovlar oilasi.
Shavkat Mirziyoyev Qirg‘iziston bilan chegara va Andijon suv omborini birgalikda boshqarish to‘g‘risidagi qonunlarni imzoladi
O‘zbekiston va Qirg‘iziston o‘rtasida Andijon (Kampirobod) suv omborining suv resurslarini birgalikda boshqarish to‘g‘risidagi bitimni ratifikatsiya qilish bo‘yicha qonunlar imzolandi.
Farg‘onada 30 kg giyohvand moddalarining noqonuniy aylanmasiga chek qo‘yildi
DXX Farg‘ona viloyatida giyohvand moddalarining noqonuniy savdosi bilan shug‘ullangan shaxslarni aniqladi. Ulardan 30 kgdan ortiq taqiqlangan moddalar musodara qilindi.
Poraxo‘r shaxslar suvaraklarga o‘xshaydi — Akmal Burxonov
Korrupsiyaga qarshi kurashish agentligi rahbari Akmal Burxonov korrupsionerlarni suvaraklarga o‘xshatib, ularni yegulik ko‘p joyda bo‘lishini aytdi.
Toshkentda qaynonalar forumi o‘tkazildi
30 noyabr kuni poytaxtdagi Temiryo‘lchilar madaniyat saroyida qaynonalar forumi o‘tkazildi. Unda Oila va xotin-qizlar davlat qo‘mitasi raisi Zulayho Mahkamova, jamoatchilik faollari va qaynonalar qatnashgan. Forumda 30 noyabrni Qaynonalar kuni, deb e’lon qilish taklifi bildirilgan.
«Mohir aloqachi» ko‘krak nishoni va «O‘z kasbining ustasi» belgisi ta’sis etildi
Vazirlar Mahkamasining tegishli qarori bilan axborot-kommunikatsiya texnologiyalari sohasida «Mohir aloqachi» ko‘krak nishoni va «O‘z kasbining ustasi» belgisi ta’sis etildi.
Andijon hokimi quruvchilarni nogironlar aravachasiga o‘tirg‘izib ishining sifatini tekshirdi
Andijon viloyati hokimi Shuhrat Abdurahmonov Yangi Andijon shahridagi qurilish ishlari bilan tanishish chog‘ida quruvchilarni nogironlar aravachasiga o‘tirg‘izib ishining sifatini tekshirdi. «Bitta nogironni hech qaysing uyingga olib kirolmaysan. Qilayotgan ishimiz bir tiyin bo‘lmaydimi?», — dedi Shuhrat Abdurahmonov.
Davlat aktivlarini boshqarish agentligi binosida quyosh elektr stansiyasi ishga tushirildi
Davlat aktivlarini boshqarish agentligida ishga tushirilgan quyosh elektr stansiyasi muassasaning binosini kunduz kuni elektr energiya bilan to‘liq ta’minlaydi. Shuningdek, ehtiyojdan ortgan qismini hududiy elektr tarmoqlariga uzatish imkoniyati ham yaratildi.
Deputat mahalla raisi daraxt kesish bo‘yicha arizani muhrlamagani uchun so‘kingani aytilmoqda
Uchtepa tumani deputati uy qurilishiga xalaqit bergan 2 daraxtni kesishga ruxsat olish uchun ariza yozib, MFY raisidan uni muhrlab berishni so‘ragan. U buni inkor qilgani uchun deputat xonadan haqorat aytib chiqib ketgan. Rais uning ustidan arz qildi. Deputat esa uni so‘kmagani, o‘ziga-o‘zi noliganini aytmoqda.
Eng ko‘p o‘qilgan xabarlar | So‘nggi yangiliklar
Qo‘shimcha imkoniyatlardan foydalanish uchun saytda ro‘yxatdan o‘ting