Jamiyat
Toshkent viloyatida 3 gektar yerni $350 mingga sotishga urinishdi
Toshkent viloyatida ikki fuqaro 3 gektar yer maydonini 350 ming dollarga sotishga uringanlikda gumonlanmoqda. Ular kelishilgan puldan 10 ming dollarini olganida huquq-tartibot organlari xodimlari tomonidan ushlangan. Gumondorlarga nisbatan jinoyat ishi qo‘zg‘atildi.
Tergov organini alohida qilish vaqti keldi — Rasul Kusherbayev
Prokuraturada bir vaqtning o‘zida tergov funksiyasi mavjudligi odil sudlovni amalga oshirishga halaqit beradi, degan fikrda Rasul Kusherbayev. Deputat DXX, IIV va prokuraturadan mustaqil bo‘lgan tergov organini tashkil etish vaqti kelgani va buni Konstitutsiyada aks ettirish zarurligini ta’kidladi.
Toshkent hokimi Shota Rustaveli ko‘chasini rekonstruksiya qilishni ma’qulladi
Toshkentdagi Shota Rustaveli ko‘chasini obodonlashtirish, drenaj va sug‘orish tizimi, yo‘l bo‘yida piyodalar va velosipedchilar yo‘laklarini barpo etish orqali rekonstruksiya qilish rejalashtirilmoqda. Poytaxt hokimi Jahongir Ortiqxo‘jayev tegishli qarorni imzoladi.
Qashqadaryoda «Jihodchilar» oqimi g‘oyalarini targ‘ib qilgan 29 yoshli ayol 3 yilga uy qamog‘iga hukm qilindi
Qarshi shahar sudi «Jihodchilar» oqimi g‘oyalarini targ‘ib qilgan 29 yoshli ayolni 9 oylik farzandi borligini hisobga olib, 3 yilga uy qamog‘iga hukm qildi. Bundan tashqari, DXX ekstremistik oqim g‘oyalarini tarqatganlikda gumonlab, yana ikki nafar fuqaroni qo‘lga oldi. Ularga nisbatan jinoyat ishi qo‘zg‘atildi.
“Xavfsiz va ravon yo‘l” umummilliy dasturi tasdiqlandi
Prezident qarori bilan 2022−202-yillarga mo‘ljallangan “Xavfsiz va ravon yo‘l” umummilliy dasturi tasdiqlandi. Unga ko‘ra, yo‘l infratuzilmasini takomillashtirish va xavfsiz harakatlanish sharoitlarini yaratish orqali yo‘llarda avariya va o‘limlar sonini qisqartirish ko‘zda tutilmoqda.
Ayrim AYOQSHlarda benzin kamroq quyilayotgani aniqlandi
«O‘zneftgazinspeksiya» ayrim AYOQSHlarda benzin kam quyilayotgani, sifatsiz yoqilg‘i sotilayotgani hamda boshqa qonun buzish holatlarini aniqladi. Jumladan, 10 ta holatda iste’molchilar haqidan har 10 litrda 750 millilitrgacha kam quyib berilayotgani ma’lum bo‘ldi.
«Yerusti halqa yo‘li»dagi metroning 5- va 7-bekatlari oralig‘ida vaqtincha avtobus qatnaydi
Metroning «Yerusti halqa yo‘li» yo‘nalishidagi 7-bekati yo‘l o‘tkazgich o‘rnatilishi tufayli metro harakati vaqtincha to‘xtatildi va uning o‘rniga «Rohat 5-metro bekati — Qo‘yliq 7-metro bekati» oralig‘ida vaqtincha ikkita avtobus qatnaydi.
O‘zbekistonda gumondorlarga nisbatan elektron brasletdan foydalanish yo‘lga qo‘yiladi
2024 yil 1 dekabrga qadar jinoyat sodir etganlikda gumonlanib ushlab turilgan shaxslarning qochishiga yo‘l qo‘ymaslik maqsadida elektron brasletdan foydalanish tizimi joriy etiladi.
Samarqandda «Muzeylar kvadrati» tashkil etiladi
O‘zbekistonda 9 ta yangi muzey tashkil etiladi, ulardan 7 tasi Samarqanddagi «Muzeylar kvadrati»da joylashadi. Qo‘qonda Zamonaviy san’at muzeyi, Urganchda Lazgi muzeyi tashkil etiladi.
Xonandalar daromad solig‘ini deklaratsiya asosida to‘lash tartibi belgilandi
Prezident farmoni bilan xonanda va ijrochilarga daromad solig‘ini deklaratsiya asosida to‘lash tartibi belgilandi. Shuningdek, to‘yxona va restoranlarda xizmat ko‘rsatuvchi ijrochilar 2024 yil 1 yanvargacha daromad solig‘ini to‘lashdan ozod etiladi.
50 dan ortiq chegara bojxona postlarida elektron navbatlar joriy etiladi
O‘zbekistondagi 50 dan ortiq chegara bojxona postlarida elektron navbatlar joriy etiladi, haydovchi o‘tkazish punktiga kelmasdan turib telefon orqali ham navbatga yozilishi mumkin. Bunda birinchi navbatda tez buziluvchan bo‘lgani uchun qishloq xo‘jaligi mahsulotlarini ortgan avtomobillarga ustunlik beriladi.
13 iyul kuni O‘zbekistonda sodir bo‘lgan eng muhim xabarlar dayjesti
Qoraqalpog‘istonda qisqartirilgan komendantlik vaqti, 200 ming so‘mlik banknota, kutilayotgan jazirama kunlar, YPX postlarida jarimali transportlarning to‘xtatilishi, O‘zbekistonga keladigan Turkmaniston prezidenti, soxta eksponat va boshqalar — «Gazeta.uz»ning 13 iyuldagi eng muhim xabarlari dayjestida.
YTH: Toshkentda elektrosamokatdan yiqilgan fuqaro shifoxonada olamdan o‘tdi
Toshkentda elektrosamokat boshqaruvini yo‘qotgan fuqaro ariqqa yiqilib tushib, olgan tan jarohatlari oqibatida shifoxonada hayotdan ko‘z yumdi.
Farg‘onadagi muzeyda 70 ta eksponat soxta bo‘lib chiqdi
Farg‘ona viloyati tarixi va madaniyati davlat muzeyida o‘tkazilgan nazorat tadbirlarida umumiy bahosi 2,5 mlrd so‘mlik 70 dona noyob eksponat qalbakilari bilan almashtirilgani aniqlandi.
Jazirama issiqda qanday jon saqlash mumkin? — tavsiyalar
Jazirama issiq ko‘pchilikning hayotiga xavf solishi mumkin. Bunday sharoitda tanani, xonadonimizni qanday salqin holda saqlashimiz va sog‘lig‘imizni qanday himoya qilishimiz mumkin? «Gazeta.uz» ushbu maqolada bu boradagi tavsiyalarni e’tiboringizga havola etadi.
Xiva restavratsiya maktabi tashkil etiladi
Hukumat qarori bilan Xiva restavratsiya maktabi tashkil etiladi. Soha mutaxassislarining malakasini oshirish, «ustoz-shogird» an’analarini rivojlantirish, ilmiy tadqiqot olib borish hamda xorijlik ekspertlar ishtirokida ilmiy anjumanlar tashkil etish maktabning asosiy vazifalari hisoblanadi.
17−22 iyul kunlari harorat 47 darajagacha isib ketishi kutilmoqda — O‘zgidromet
17−22 iyul kunlari O‘zbekistonning turli hududlarida havo xarorati +41 darajadan +47 darajagacha, xususan, Toshkent shahrida +45 darajagacha ko‘tarilishi kutilmoqda. Buni sinoptiklar mintaqadan jaziramani «surib haydab yuboradigan» sovuq antitsiklon oqimlari mavjud emasligi bilan izohlashmoqda.
Qoraqalpog‘istonda favqulodda holat rejimi yumshatildi
Qoraqalpog‘istonda komendantlik vaqti 23 dan soat 5 ga qadar etib qisqartirilmoqda, bunga qadar soat 21 dan soat 7 gacha edi. Respublikadagi vaziyat barqarorlashgani tufayli prezident hududda favqulodda holat rejimini yumshatish to‘g‘risidagi farmonni imzoladi.
Samarqandda o‘z joniga qasd qilgan ayolning eriga nisbatan jinoyat ishi qo‘zg‘atildi
Toyloq tumanida 30 yoshli ayol o‘z joniga qasd qilgandi. Sud-tibbiy ekspertiza marhumaning tanasida yengil tan jarohatlari mavjudligini aniqladi. Marhumaning turmush o‘rtog‘iga nisbatan o‘zini o‘zi o‘ldirish darajasiga yetkazish moddasi bilan jinoyat ishi ochildi.
Jarimasi mavjud transportlar YPX postlarida to‘xtatiladi
Hukumat qarori bilan 13 iyuldan YPX postlarida transportlar jarimalari bor yoki yo‘qligiga qarab, «yashil» va «qizil» yo‘laklarga yo‘naltiriladi. Qarzdorligi bor haydovchilar shu joyning o‘zida to‘lovni amalga oshirsa, harakatda davom etishiga ruxsat beriladi, aks holda esa mashina jarima maydonchasiga qo‘yiladi.
Eng ko‘p o‘qilgan xabarlar | So‘nggi yangiliklar
- O‘zbekistonda chorva hayvonlarini identifikatsiya qilish rejalashtirilmoqda
- UzAuto Motors bosh direktori Bu Andersson jarimaga tortildi
- Ohangaron o‘rmon xo‘jaligining ijaradagi 2 gektar yerini 61 ming dollarga sotmoqchi bo‘lgan shaxslar qo‘lga olindi
- O‘zbekistonga oq tovus va qirg‘ovullarni noqonuniy olib kirayotgan fuqaro to‘xtatib qolindi
Qo‘shimcha imkoniyatlarga ega bulish uchun saytda ro‘yxatdan o‘ting