O‘zgidromet kuchli yomg‘irlar tufayli dushanbadan-jumagacha respublikaning tog‘ oldi va tog‘li hududlarida sel-suv toshqinlari bo‘lishi mumkinligi haqida ogohlantirdi.
Qibray tumanida davlat notarial idorasi notariusi ruhiy-asab kasalliklari dispanserida davolanayotgan shaxsning uyini sotib yuborganlikda gumon qilinmoqda.
Bahorda O‘zbekistonda varrak uchirish mavsumi boshlanadi. «Gazeta.uz» fotomuxbiri Yevgeniy Sorochin va fotosuratchi Mirzayor Erkinov Toshkentning eski shaharida varraklar uchirilishini kuzatishdi.
Surxondaryoning Uzun tumanida kuchli yog‘ingarchilik natijasida 40 ga yaqin uy suv ostida qoldi, 230 dan ortiq kishi maktab binosiga vaqtincha joylashtirildi. Hodisa oqibatida jabrlangan va halok bo‘lganlar yo‘q.
Turizm va sport vazirining birinchi o‘rinbosari lavozimida ishlab kelgan Ulug‘bek Azamov AOKA direktorining o‘rinbosari etib tayinlandi.
9 may kuni kechqurun Toshkentdagi «Yangi O‘zbekiston» bog‘ida «Xotira va qadrlash kuni»ga bag‘ishlangan bayram salyuti tashkil etiladi.
Bir qator oziq-ovqat mahsulotlari, jumladan, go‘sht, o‘simlik yog‘i va kartoshkani olib kirish va sotishda qo‘shilgan qiymat solig‘ining nol stavkasi muddati 2022 yil oxirigacha uzaytirildi. Shuningdek, Mo‘ynoq tumanidagi mahalliy sanoat, qishloq xo‘jaligi va xizmatlar sohalaridagi tadbirkorlar 2031 yilgacha ayrim soliqlarni 1 foizda to‘laydi.
Dam olish kunlari O‘zbekistonning katta qismida quruq va juda iliq ob-havo bo‘lishi, havo harorati +30…+35 darajagacha ko‘tarilishi kutilmoqda. 9-may kuni Qoraqalpog‘iston, Xorazm, Buxoro va Navoiyda yomg‘ir yog‘adi. 10-mayda esa respublika bo‘ylab kuchli jala quyishi mumkin, harorat esa +23…+28 darajagacha pasayadi.
Markaziy bank prezident Shavkat Mirziyoyev shaxsiga bag‘ishlangan qimmatbaho metallardan tayyorlangan tangalar yoki banknotlarni muomalaga chiqarmaganligini ma’lum qildi.
O‘zbekiston chegarachilari Qirg‘izistonning uch fuqarosiga qarshi qurol ishlatgani aytilmoqda. Qirg‘iziston chegara xizmati fuqarolarning barchasi olgan jarohatidan vafot etganini ma’lum qildi. Ikki davlat vakillari vaziyatga oydinlik kiritish uchun uchrashgan. Voqea yuzasidan tergov davom etmoqda.
“O‘zbekiston temir yo‘llari” Qamchiq dovonida sodir bo‘lgan sel oqibatida ketma-ket ikkinchi kun Farg‘ona vodiysiga harakatlanuvchi poyezdlar qatnovi to‘xtatilganini ma’lum qildi. 6 mayga mo‘ljallangan chiptalar puli yo‘lovchilarga 100 foiz qaytarib beriladi.
Soliq kodeksiga kiritilgan qo‘shimcha va o‘zgartishlarga binoan nogironligi bo‘lgan shaxslarning soliqqa tortilmaydigan daromadlari miqdori oshirildi. Shuningdek, soliq imtiyozi berilgan ayrim soliq to‘lovchilari mazkur soliqlarni 1 foizi miqdorida to‘laydi. Yangi barpo etilayotgan bog‘lar, tokzorlar va tutzorlar egallagan yerlarni yer solig‘idan ozod qilish muddati uzaytirildi.
O‘zbekistonda madaniy meros yodgorliklariga nisbatan sodir etilayotgan noqonuniy xatti-harakatlar yoki ularga yetishi mumkin bo‘lgan xavf-xatarlar haqida xabar berish uchun ishonch telefoni ishga tushirildi.
Bolalar gematologiyasi, onkologiyasi va klinik immunologiyasi markazida davolanayotgan bolalar uchun «Mehrli maktab» davlat ta’lim muassasasi tashkil etildi. Muassasada 2 yoshdan 7 yoshgacha bo‘lgan bolalar uchun maktabgacha ta’lim hamda 1−11-sinflar uchun umumiy o‘rta ta’lim beriladi.
XTV maktablar, maktab-internatlari va Mehribonlik uylarida ovqatlanishni autsorsingga topshirish bo‘yicha hukumat qarori loyihasini ishlab chiqdi. Autsorsing kompaniyalari foydalanadigan maktab o‘quvchilarining kunlik ratsional ovqatlanish normalari SSV tomonidan tasdiqlanadi.
Kuchli yomg‘ir tufayli suv ostida qolgan Toshkent ko‘chalari, poytaxt aeroportida bagaj bo‘linmasi ishini efirga uzatish boshlangani, Sportchi Elbek Rahimovning o‘limi bo‘yicha o‘qilgan sud hukmi, Osiyo va Paraosiyo o‘yinlari g‘oliblariga beriladigan mukofot, madaniy meros obyektiga aylantiriladigan Chorsudagi 7 gumbaz va boshqalar — 5 maydagi eng muhim xabarlari dayjestida.
Qarshida sportchi Elbek Rahimovning o‘limi bilan bog‘liq jinoyat ishi bo‘yicha sud hukmi o‘qildi. 26 nafar ayblanuvchi orasida uch nafar voyaga yetmagan bola va uch nafar ichki ishlar organlari xodimi ham bor. Ulardan 19 nafari 3 yildan 20 yilgacha muddatga ozodlikdan mahrum etildi. Ayblanuvchilar moddiy va ma’naviy zararni ham qoplashlari shart.
«Toshkent» xalqaro aeroportiga yetib kelgan yo‘lovchilar o‘z yuklarini endi kameralar orqali kuzatishlari mumkin. Bu yukchilarni intizomga chaqirishi va kutish vaqtini qisqartirishga xizmat qilishi kerak. Ilgari yo‘lovchilar chamadonlarning shikastlangani haqida ko‘p shikoyat qilishardi.
Madaniy meros agentligi Chorsu bozoridagi markaziy gumbazga hamohang tarzda qurilgan 7 ta kichik gumbaz davlat muhofazasiga olinganini ma’lum qildi. Agentlik rahbarining birinchi o‘rinbosari Tursunali Kuziyevning so‘zlariga ko‘ra, gumbazlar Toshkentning yuzi hisoblanadi. Ilmiy ekspert kengashi a’zosi Zafar Hakimovning fikricha, Eski-Juva makonini arxeologik yodgorlik sifatida saqlab qolish kerak. Agentlik Chorsu bozorini Eski shaharning tarixiy hududi sifatida ro‘yxatga olishni rejalashtirayapti.
Tashkent City`dagi Nest One osmono‘par binosi qurilish maydonchasida sodir bo‘lgan yong‘in o‘chirildi, jabrlanganlar yo‘q.
Qo‘shimcha imkoniyatlarga ega bulish uchun saytda ro‘yxatdan o‘ting