Jamiyat
O‘zbekistonda bolalarga nisbatan nojo‘ya harakatlar uchun javobgarlik kuchaytiriladi
Senatda xotin-qizlar va bolalar huquqlarini himoya qilish, voyaga yetmaganlarga nisbatan nomaqbul harakatlarni sodir etganlik uchun javobgarlikni kuchaytirish bo‘yicha ishchi guruh tuzildi.
Dehqonobodda qo‘ng‘ir ayiq bolasi o‘lik holda topilgani bo‘yicha ma’lumot berildi
25 aprel kuni Qashqadaryo viloyatining Dehqonobod tumanida ekologlar ona qo‘ng‘ir ayiqni ikki bolasi bilan uchratib qolgan edi. Bir kun o‘tib ijtimoiy tarmoqlarda bolalarning bittasi o‘ldirilgani to‘g‘risida xabar tarqaldi. Holat yuzasidan olib borilgan tezkor qidiruv natijasida gumonlanuvchi aniqlandi. Uning uyidan bir dona ayiq bolasining terisi topilgan. Lekin gumondor ayiq bolasini o‘lik holda topganini aytmoqda.
2021 yilda ayollarga nisbatan zo‘ravonlik holatlarining 87 foizi oilada sodir etilgan
2021 yilda huquqni muhofaza qiluvchi organlarga ayollar va qizlarga nisbatan tazyiq va zo‘ravonlik holatlari yuzasidan 39343 ta murojaat kelib tushgan. Ularning 34330 tasi yoki 87 foizi oilada sodir etilgan.
Milliy gvardiya qo‘mondoniga o‘rinbosarlar tayinlandi
Adxamjon Sormonkulov va Sarvar Mamayusupov Milliy gvardiya qo‘mondoni o‘rinbosarlari etib tayinlandi.
«OAV erkinligi uchun xalqaro tashkilotlar yordami kerak» — Komil Allamjonov
Mass-mediani qo‘llab-quvvatlash jamg‘armasi rahbari Komil Allamjonov BMTning Inson huquqlari bo‘yicha Oliy komissari Mishel Bachelet bilan uchrashuvda OAV erkinligini ta’minlash uchun xalqaro tashkilotlarning ko‘magi zarurligini ta’kidladi. U BMT boshqarmasi bilan hamkorlik matbuotni rivojlantirish va «aholini agressiv va shafqatsiz xorijiy tashviqotdan» himoya qilish uchun muhim deb atadi.
Farg‘ona vodiysida sel hodisalari kuzatilishi mumkin
O‘zgidromet 27 aprel kuni kuchli yog‘ingarchilik tufayli Farg‘ona vodiysining ayrim hududlarida sel kelishi mumkinligi haqida ogohlantirdi.
Jizzaxdagi sel qabristonning yarmini oqizib ketdi, yuqumli kasalliklar tarqalishiga qarshi choralar ko‘rilmoqda
Jizzax viloyati Egizbuloq mahallasiga kelgan sel 70 dan ortiq qabrni oqizib ketgan. SES xodimlari aholi orasida turli kasalliklar tarqalishining oldini olish uchun suv va tuproq namunalarini olishdi hamda aholiga dori va antiseptik vositalari tarqatdi.
26 aprel kuni O‘zbekistonda sodir bo‘lgan eng muhim xabarlar dayjesti
Ramazon xayitida 5 kun dam oladigan o‘zbekistonliklar, Antikorrupsiya agentligi devoriga korrupsiyaga atab chizib ketilgan graffiti, o‘zini haqiqiy andijonlik deb bilganlarni har kuni Andijon polkasiga raqsga tushishga chaqirgan hokim, turizm bo‘yicha hokim o‘rinbosarlariga sinov muddati bergan prezident va boshqalar — «Gazeta.uz» ning 26 apreldagi eng muhim xabarlari dayjestida.
Prezident O‘zbekiston bo‘ylab sayohatlar uchun turistik keshbek dasturini e’lon qildi
1 sentabrdan O‘zbekiston bo‘ylab sayohatlar uchun avia, temir yo‘l va avtobus chiptalarini xarid qilish, mehmonxona xarajatlari, muzeylar va boshqa madaniyat maskanlariga tashrif buyurish uchun keshbek tizimi joriy etiladi. Shuningdek, 1 iyuldan «Ziyorat turizmi» dasturi doirasida xorijiy aviakompaniyalarga ko‘rsatiladigan xizmatlarga 50 foizgacha chegirmalar joriy qilinadi.
Ramazon hayiti munosabati bilan o‘zbekistonliklar 5 kun dam oladi
Prezident kelgusi haftada Ramazon hayiti munosabati bilan ham aholiga 5 kunlik dam olish berilishini aytdi. Uning aytishicha, Navro‘z bayramidagi dam olish kunlarida Buxoro va Samarqandga qo‘shimcha 110 ming mahalliy turistlar borgan. 2022 yildan davlat tashkiloti xodimlariga yiliga bir marotaba mahalliy sayohatga chiqish xarajatlarining 20 foizini budjetdan tashqari mablag‘lar hisobidan qoplash amaliyoti yo‘lga qo‘yiladi.
«Andijon polkasi» raqsini YUNESKO nomoddiy madaniy meros ro‘yxatiga kiritish taklif qilindi
Prezident raisligidagi turizm sohasini yanada rivojlantirish bo‘yicha videoselektorda «Andijon polkasi» raqsini YUNESKO nomoddiy madaniy meros ro‘yxatiga kiritish bo‘yicha taklif berildi. Davlat rahbari ushbu tashabbusni qo‘llab-quvvatladi.
DBQda Bojxona hududida/tashqarisida qayta ishlash bojxona rejimini takomillashtirish boshqarmasi tashkil etildi
Davlat bojxona qo‘mitasida Bojxona hududida/tashqarisida qayta ishlash bojxona rejimini takomillashtirish bo‘yicha boshqarma tashkil etildi. Shuningdek, bojxona hududida qayta ishlash rejimi soddalashtiriladi.
Dambami yoki kuchli yog‘ingarchilik: Jizzaxning Egizbuloq qishlog‘idagi talofatli selga nima sabab bo‘ldi?
Jizzax viloyati Favqulodda vaziyatlar boshqarmasi boshlig‘i Ravshan Ibragimov Egizbuloqdagi selga avvaliga do‘l, uning ortidan kuchli yomg‘ir yog‘gani sabab bo‘lganini ma’lum qildi. Mahalliy aholi esa tog‘da «Huaxin» sement zavodi karer uchun yo‘l qurgan va soy yo‘lida damba hosil qilgan degan fikrda. «Gazeta.uz» ushbu masala yuzasidan surishtiruv olib bordi.
Davlat bojxona qo‘mitasi raisiga o‘rinbosar tayinlandi
Investitsiyalar va tashqi savdo vaziri o‘rinbosari bo‘lib ishlab kelgan Otabek Choriyev Davlat bojxona qo‘mitasi raisi o‘rinbosari lavozimiga tayinlandi.
Buxorodan Istanbulga aviaqatnovlar yo‘lga qo‘yiladi
Uzbekistan Airways Buxorodan Istanbulga muntazam aviaqatnovlarni yo‘lga qo‘yadi. Parvozlar haftada ikki marta amalga oshiriladi.
Farg‘ona viloyatida yashovchi yana bir fuqaro o‘z tomorqasida ko‘knori yetishtirayotgani aniqlandi
Farg‘ona viloyatining Furqat tumanida fuqaro o‘z tomorqasida 55 tup ko‘knori yetishtirayotgani aniqlandi. Bu aprel oyida ushbu tumanda aniqlangan ikkinchi holat.
Shuhrat Abdurahmonov o‘zini haqiqiy andijonlik deb bilganlarni har kuni Andijon polkasiga raqsga tushishga chaqirdi
Shuhrat Abdurahmonov viloyatda «Andijon polkasi» oyligini e’lon qilib, tashkilot va idoralar rahbarlari, o‘zini haqiqiy andijonlik deb bilgan barchani butun jamoasi, hamkasblari bilan har kuni Andijon polkasi raqsiga tushishga chaqirdi.
Budjet ochiqligini ta’minlamagan 2 ta tashkilot rahbari ma’muriy javobgarlikka tortildi
Hisob palatasi 133 ta vazirlik va idoralar tomonidan budjet jarayonining ochiqligini ta’minlovchi ma’lumotlarni veb-saytlarga joylashtirilganini o‘rgandi. Yakunda 2021 yilning III choragida 91 ta, IV chorakda 54 ta tashkilot ochiq ma’lumotlarni umuman joylashtirmagani aniqlandi. Ilk bor 2 ta tashkilot rahbari sud qarori bilan ma’muriya javobgarlikka tortildi.
Akmal Burxonov Antikorrupsiya agentligi devoriga chizilgan graffitini qo‘llab-quvvatladi
Rassom Inkuzart Korrupsiyaga qarshi kurashish agentligi hovlisining tashqi devoriga «Korrupsiya» mavzusidagi graffitini chizdi. Agentlik direktori Akmal Burxonov art-obyektni qo‘llab-quvvatlab, uni «murosasiz kreativ yondashuv» deb atadi va aholini korrupsiyaga qarshi faol kurashishga chaqirdi.
Samarqandda qariyb 5 ming dona kuchli ta’sir qiluvchi dorilarni sotmoqchi bo‘lgan shaxslar ushlandi
Samarqanddagi mehmonxonada 4892 dona «Repagen» kuchli ta’sir qiluvchi dori vositasini $7500 va 4,5 mln so‘mga sotishda gumon qilingan shaxslar ushlandi.
Qo‘shimcha imkoniyatlardan foydalanish uchun saytda ro‘yxatdan o‘ting