Jamiyat
Prezident hududlar rahbarlariga oziq-ovqat zaxiralarini shakllantirishni buyurdi
Shavkat Mirziyoyev global bozorlardagi narxlarning keskin tebranishini hisobga olib, ichki bozorda narxlar barqarorligini saqlash, aholini yetarli miqdorda oziq-ovqat mahsulotlari bilan ta’minlash lozimligini ta’kidladi. Hududlar rahbarlariga oziq-ovqat mahsulotlari zaxiralarini shakllantirish vazifasi qo‘yildi. Shuningdek, tovarlarni eksportga yetkazishda logistika masalalarini tezkor hal qilish bo‘yicha ko‘rsatmalar berildi.
O‘zbekistonda ishsizlik darajasi 9,6 foizni tashkil etdi
2022 yil 1 yanvar holatida O‘zbekistondagi mehnat resurslari soni 19 million 345 ming kishini tashkil etdi. Mamlakatda 1 million 441,8 ming kishi ishga muhtoj bo‘lib, ishsizlik darajasi 9,6 foizga yetdi. Yoshlar orasida ishsizlik darajasi 15,1 foizni, ayollar orasida esa 13,3 foizni tashkil etdi.
Moldovadagi o‘zbekistonliklar evakuatsiyasini ishlab chiqish boshlandi — TIV
Polshaning Katovitse aeroporti orqali Ukrainadan evakuatsiya qilingan o‘zbekistonliklar soni 4787 nafarga yetdi. Moldovada bo‘lib turgan O‘zbekiston fuqarolarini olib chiqish masalasini ishlab chiqish boshlanganligi aytildi.
7 mart kuni O‘zbekistonda sodir bo‘lgan eng muhim xabarlar dayjesti
Ukrainadandan evakuatsiya qilingan 4359 nafar o‘zbekistonlik, «Olmaliq KMK» dan 117,5 mln so‘mlik qimmatbaho metallarni o‘g‘rilashga uringanlar, tuman hokimi bo‘lgan birinchi hokim yordamchisi, talaba qizlarga 7 yil muddatga beriladigan foizsiz ta’lim krediti, koloniyada turib 31 kishi bilan Suriyaga ketishni rejalashtirgan sirdaryolik mahkum va boshqalar — «Gazeta.uz» ning 7 martdagi eng muhim xabarlari dayjestida.
Surxondaryoda Mirzo Ulug‘bek hukmronligi davriga oid mis tangalar topildi
Surxondaryodagi To‘palang daryosi qirg‘og‘idan Mirzo Ulug‘bek hukmronligi davriga oid mis tangalar topildi. Tangalarning bet tarafida «Samarqand», «Adliyya» so‘zlari, hijriy 823 va 832 kabi zarb qilingan yillari aks etgan.
Yevropada gaz narxi 3950 dollargacha ko‘tarildi
Londonning ICE birjasida aprel oyi uchun ming kubometr gazning fyuchers narxlari 3950 dollargacha ko‘tarildi. Bir soat ichida narxlar 1000 dollarga pastladi va ayni paytda 2900 dollar atrofida bo‘lib turibdi.
Hafta davomida yomg‘ir yog‘ishi kutilmoqda
O‘zbekistonga Eron va Kaspiy dengizi hududlaridan bir qator nam havo massalari kirib kelishi hisobiga mamlakatda beqaror ob-havo saqlanib turadi. 10 mart sanasidan tashqari hafta davomida turli jadallikda va tanaffus bilan yomg‘ir yog‘ishi kutilmoqda.
Sirdaryolik mahkum koloniyada turib 31 kishi bilan Suriyaga ketishni rejalashtirganlikda gumonlanmoqda
Gulistondagi koloniyada jazo o‘tayotgan fuqaro turli viloyatlardagi koloniyalarda jazo o‘tayotgan 20 nafar mahkum va 11 nafar ozodlikdagi kishi bilan Suriyaga chiqib ketishni rejalashtirganlikda gumonlanmoqda.
O‘zbekiston va Rossiya o‘rtasida aviaqatnovlar to‘xtatilmaydi — Uzbekistan Airways
Uzbekistan Airways O‘zbekiston va Rossiya o‘rtasida aviaqatnovlar to‘xtatilmasligi va jadvalga muvofiq uzilishlarsiz amalga oshirilishini ma’lum qildi.
Toshkent shahar hokimi o‘rinbosari Muxtor Muhitdinov lavozimidan ozod qilindi
2020 yildan beri Toshkent shahar hokimining o‘rinbosari sifatida ishlab kelgan Muxtor Muhitdinov boshqa ishga o‘tganligi munosabati bilan lavozimidan ozod etildi. Hokimlikning «Gazeta.uz» ga aniqlik kiritishicha berishicha, u mahalla vaziri o‘rinbosari sifatida faoliyatini davom ettiradi.
Har qanday urush va harbiy-siyosiy ziddiyatlar — og‘ir iqtisodiy oqibatlarga olib keladi
Har qanday siyosiy ziddiyat, qurolli to‘qnashuv va urushlar ijtimoiy-iqtisodiy yo‘qotishlarga olib kelib, insoniyat taraqqiyotining bir necha yillar ortda qolishiga sababchi bo‘ladi. Urush natijasida xalq kambag‘allashadi, iqtisodiyot, ta’lim, sog‘liqni saqlash tanazzulga yuz tutadi, butun boshli avlodlar, umrlar boy beriladi. Urushning iqtisodiyot va inson kapitaliga salbiy ta’siri haqida — «Gazeta.uz» kolumnisti, iqtisodchi Muqaddamxon Saidrasulova maqolasida.
Barcha talaba qizlarga 7 yil muddatga foizsiz ta’lim krediti beriladi
Shavkat Mirziyoyev 2022−2026 yillarga mo‘ljallangan Xotin-qizlar ta’limini qo‘llab-quvvatlash milliy dasturi qabul qilinganini aytdi. Unga ko‘ra, xotin-qizlar uchun alohida universitet va joylarda uning texnikumlari tashkil etiladi. Qolaversa, endi barcha talaba qizlarga ta’lim kontraktlarini to‘lash uchun 7 yil muddatga foizsiz kredit beriladi.
Sherzod Ismailov Xorazm viloyati hokimiga o‘rinbosar etib tayinlandi
O‘zbekistonning Indoneziyadagi elchixonasida maslahatchi lavozimida ishlagan Sherzod Ismailov Xorazm viloyati hokimiga o‘rinbosar bo‘ldi.
Ukrainadan evakuatsiya qilingan o‘zbekistonliklar soni 4359 nafarga yetdi
6−7 mart kunlari Polshaning Katovitse aeroportidan yana 674 nafar O‘zbekiston fuqarosi olib kelindi. Polsha hududida O‘zbekistonning 350 dan ortiq fuqarosi qolmoqda. 7 mart kuni yana bitta reysni amalga oshirish rejalashtirilgan.
“Olmaliq KMK"dan 117,5 mln so‘mlik qimmatbaho metallarni o‘g‘rilashga uringan shaxslar ushlandi
DXX fuqaro “Olmaliq KMK” ishchilari bilan kelishib, kiyim almashtirish xonasiga tarkibida 117,5 mln so‘mlik qimmatbaho metallar bo‘lgan 4,4 kg sanoat qumlarini yashirib qo‘yganini aniqladi. Gumondorning o‘zi kombinatning qo‘riqlash xizmatiga ishga kirish uchun suhbatga kelgan vaqtida qo‘lga olingan. Unga nisbatan jinoyat ishi qo‘zg‘atildi.
Poytaxt ko‘chalaridan biriga Mustafo Kamol Otaturk nomi berilishi mumkin
Toshkent ko‘chalaridan biriga Turkiyaning birinchi prezidenti Mustafo Kamol Otaturk nomi berilishi kutilmoqda. Mazkur nom ostidagi ko‘cha avval ham bo‘lgan, u 2011 yilda Zarafshon ko‘chasi etib o‘zgartirilgandi.
5 nafar o‘zbekistonlik yuk tashuvchi Ukraina-Rossiya chegarasida qolib ketdi
O‘zbekistonning Moskvadagi elchixonasi Ukrainaning Sumi, Xarkov viloyatlari hamda «Nexoteyevka» neytral hududida bo‘lgan 12 nafar yuk tashuvchini Rossiyaga kirishida yordam ko‘rsatdi. Yana 5 nafar O‘zbekiston fuqarosi 4 ta yuk mashinasida Ukraina chegarasi chizig‘idan uzoqroq masofada qolib ketdi.
Prezident Xalqaro xotin-qizlar kuni munosabati bilan bir guruh ayol-qizlarni mukofotladi
Prezident Shavkat Mirziyoyev davlat va jamiyat hayotida faol bo‘lgan bir guruh ayol-qizlarni turli unvon, orden va medallar bilan mukofotladi. Ular orasida tadbirkor, o‘qituvchi, san’at sohasi vakillari, hokim va prokuror lavozimida faoliyat yuritayotgan ayollar bor. Shuningdek, 28 nafar ayol-qizlar Zulfiya nomidagi Davlat mukofoti bilan taqdirlandi.
5−6 mart kunlari 440 nafar o‘zbekistonlik Ukrainadan evakuatsiya qilindi
28-fevraldan 5-martga qadar Ukrainadan Polsha orqali jami 3 685 nafar o‘zbekistonliklar evakuatsiya qilindi. Polsha hududida 850 dan ortiq O‘zbekiston fuqarosi qolayotgani aytilmoqda.
Toshkentda yo‘l harakati xavfsizligi bo‘yicha komissiya tashkil etilmoqda
Toshkentda jamoatchilik vakillari ham a’zo bo‘lgan Yo‘l harakati xavfsizligi komissiyasini tuzish rejalashtirilmoqda. Birinchi o‘rinda Vision Zero (nol o‘lim) konsepsiyasi asosida YTHlarda jarohatlanish va o‘lim holatlarini kamaytirish bo‘yicha dastur qabul qilinadi. Yagona organ — Yo‘l harakatini tashkil etish markazini tuzish ham ko‘zda tutilgan.
Eng ko‘p o‘qilgan xabarlar | So‘nggi yangiliklar
Qo‘shimcha imkoniyatlardan foydalanish uchun saytda ro‘yxatdan o‘ting