Jamiyat
21 sentabr kuni O‘zbekistonda sodir bo‘lgan eng muhim xabarlar dayjesti
Shavkat Mirziyoyevning Qoraqalpog‘istonda saylovchilar bilan uchrashuvi, Jahongir Ortiqxo‘jayevning Toshkentning uchta tumani hokimiga “hayfsan” berishi, bolalarni poliomelitga qarshi ommaviy emlash boshlanishi — “Gazeta.uz"ning 21 sentabrdagi eng muhim xabarlari dayjestida.
Qishloq xo‘jaligi vazirligi uzum ko‘chatlarini yetkazib berish bo‘yicha tender yakunlarini o‘rganadi
1 mln dona uzum ko‘chatini yetkazib berish bo‘yicha 9,9 mlrd so‘mlik tender yakunlari Qishloq xo‘jaligi vazirligi komissiyasi tomonidan o‘rganiladi. «Gazeta.uz» savdolarda qishloq xo‘jaligi vaziri o‘rinbosarining o‘g‘liga tegishli kompaniya g‘olib bo‘lgani haqida yozgandi.
Qashqadaryoda bolalarni polga o‘tqazib dars o‘tgan o‘qituvchilarga hayfsan berildi
Qashqadaryo viloyatining Yakkabog‘ tumanidagi maktabning ikki o‘qituvchisiga bolalarni polda o‘tqazib dars o‘tgani uchun hayfsan berildi. Viloyat prokuraturasi o‘qituvchilarning jihozlangan xonalarda dars o‘tish imkoniyati bo‘la turib, maktab ma’muriyati kamchiliklarini bo‘rttirib ko‘rsatish maqsadida shu ishga qo‘l urganini ma’lum qildi. Maktab rahbariyatiga nisbatan ham intizomiy javobgarlik to‘g‘risida ish qo‘zg‘atildi.
«Bizda sitilarga ruju qo‘yilib, sog‘liq uchun foydali manbalardan voz kechilmoqda» — «Adolat» nomzodi
«Adolat» partiyasidan prezidentlikka nomzod Bahrom Abduhalimov shaharlarda «siti» qurishga ruju qo‘yilganligini tanqid qildi. Partiya rahbari havodagi changga qarshi kurashishda foyda berishi mumkin bo‘lgan sun’iy ko‘llar respublikada birin-ketin yo‘q qilinayotganligini taassuf bilan qayd etgan.
Toshkent shahar IIBB boshlig‘iga yangi o‘rinbosar tayinlandi
Toshkent shahar IIBB boshlig‘ining o‘rinbosari — IIBB huzuridagi tergov boshqarmasi boshlig‘i vazifasini bajaruvchisi lavozimiga Dilmurod Mirsodiqov tayinlandi.
Kelgusi yilda Qoraqalpog‘istonda 1−4 sinf o‘quvchilari uchun bepul tushlik beriladi — prezident
Shavkat Mirziyoyev Qoraqalpog‘istonda saylovchilar bilan uchrashuvda kelgusi yildan boshlab 1−4 boshlang‘ich sinf o‘quvchilari uchun bepul tushlik berish yo‘lga qo‘yilishini ta’kidladi.
Shavkat Mirziyoyev Qoraqalpog‘istonda kelgusi 5 yilda ish o‘rinlari qanday yaratilishi bo‘yicha ma’lumot berdi
Prezident Shavkat Mirziyoyev Qoraqalpog‘istonda saylovchilar bilan uchrashuvda 6 ming nafar ishsiz aholi uchun, ixcham issiqxonalar qurib berilishini ma’lum qildi. Aholi tomorqalarining suv ta’minotini yaxshilash orqali, 12 ming fuqaroning bandligi ta’minlanadi.
DXX Toshkent va Farg‘ona viloyatlarida firibgarlik holatlariga chek qo‘ydi
Parkent tumanida yashovchi shaxs fermer xo‘jaligi rahbariga bankdan 3 mlrd so‘m kredit ajratilishini aytib, undan kredit miqdorining 10 foizini berishini so‘radi. Shuningdek, Farg‘ona viloyatida mansabdor shaxs qum barxanlaridan litsenziyasiz foydalanishiga ruxsat berish uchun 5,6 ming dollar olgan vaqtida ushlandi.
Bolalarni poliomelitga qarshi emlash boshlandi
20 sentabrdan boshlab O‘zbekistonda bolalarni poliomelitga qarshi ommaviy emlash boshlandi. Bu Tojikiston va Afg‘oniston poliomelit holatlari aniqlanganligi bilan bog‘liq. Mamlakat hududlariga 1,2 million doza vaksinalar yetkazib berildi.
Jizzax va Samarqandda prokurorlar pora bilan qo‘lga tushdi
Jizzax viloyatidagi tuman prokurori jinoyat ishiga aloqador shaxsni kamoqqa olmaslik uchun 2 ming dollar so‘ragan. Samarqand viloyatidagi tuman prokurorlaridan birining o‘rinbosari sudlanuvchiga tayinlangan jazoni og‘irroq jazo turiga o‘zgartirishga harakat qilib, birinchi yengilroq jazoni o‘z kuchida qoldirish uchun 10 ming dollar talab qilgan. DXX boshqa shunga o‘xshash korrupsiya holatlari haqida ham xabar berdi.
O‘zbekistonda birinchi marta AI-98 markali benzin ishlab chiqarildi
O‘zbekiston tarixida ilk bor Buxoro neftni qayta ishlash zavodi tomonidan AI-98 markali benzin ishlab chiqarildi. 380 tonna hajmdagi benzinning fizik-kimyoviy xususiyatlari standartga binoan muvaffaqiyatli sinovdan o‘tkazilgan.
Shavkat Mirziyoyev Qoraqalpog‘istonga jo‘nab ketdi
Shavkat Mirziyoyev saylovchilar bilan uchrashish maqsadida Qoraqalpog‘iston Respublikasiga jo‘nab ketdi.
O‘zbekistonda yurak va o‘pka transplantatsiyasi yo‘lga qo‘yiladi — Senat
O‘zbekistonda kelajakda buyrak ko‘chirib o‘tkazish amaliyotini yiliga 250 taga yetkazish, jigar transplantatsiyasini esa 50 taga yetkazish rejalashtirilgan, ma’lum qildi Senat matbuot xizmati. Shuningdek, yurak transplantatsiyasini joriy etish va yiliga 50 ta amaliyot hamda o‘pka transplantatsiyasini yo‘lga qo‘yish ko‘zda tutilmoqda.
Poyezd jo‘nab ketdi. Elektrichkalarda kimlar yuradi va nega yo‘lovchilar undan qoniqishmayapti?
Shahar atrofidagi temir yo‘l aloqasi — yirik shaharlar transport tizimini rivojlantirishning istiqbolli yo‘nalishi hisoblanadi, lekin Toshkent elektropoyezdlari yo‘lovchilari ko‘rsatilayotgan xizmatlardan qoniqish hosil qilayotgani yo‘q. “Gazeta.uz” fotomuxbiri Yevgeniy Sorochin ulardan buning sababini so‘rab ko‘rdi.
Qishloq xo‘jaligi vaziri o‘rinbosari o‘g‘lining kompaniyasi 9,9 mlrd so‘mlik tenderda g‘olib bo‘ldi
1 mln dona uzum ko‘chatlarini yetkazib berish bo‘yicha 9,95 mlrd so‘mlik tenderda qishloq xo‘jaligi vaziri o‘rinbosari, Qishloq xo‘jaligida milliy bilim va innovatsiyalar markazi (buyurtmachi) rahbari Alisher To‘rayevning o‘g‘liga tegishli kompaniya g‘olib bo‘ldi.
«Maroqand neft bazasi»da neft mahsulotlari o‘g‘rilanib, noqonuniy sotib yuborilgan
«Maroqand neft bazasi»da neft mahsulotlarining o‘g‘rilanib, noqonuniy sotib yuborilgani aniqlandi, deya xabar qildi «O‘zbeknaftgaz». Jumladan, neft bazasida 23,3 mlrd so‘mlik 3219 tonna avtobenzin birja savdolari orqali sotib olinmasdan, iste’molchilarga jo‘natib yuborilgan. Bundan tashqari, ayrim xodimlar yoqilg‘i sig‘imlarining kalibrovka jadvallarini o‘zgartirilib, zaxiralarni yashirgan, haydovchilar esa mexaniklar bilan kelishib, benzinni hisobdan chiqarishgan. 11 xodim ishdan bo‘shatildi, jinoiy ish qo‘zg‘atildi.
20 sentabr kuni O‘zbekistonda sodir bo‘lgan eng muhim xabarlar dayjesti
Prezidentlikka nomzodlarning saylovoldi kampaniyasi boshlanishi, Respublika maxsus komissiyasining qarorlari, YTH oqibatida jurnalistning halok bo‘lishi — “Gazeta.uz"ning 20 sentabrdagi eng muhim xabarlari dayjestida.
Texpasportlarni topshirish ishlari davom etmoqda — Toshkent IIBB
Toshkent IIBB YHXB bo‘linmalarida avtomototransport vositasini davlat ro‘yxatidan o‘tkazganlik to‘g‘risida guvohnoma berish ishlari qayta tiklandi. Texpasportlarni almashtirish bo‘yicha murojaatlar sonining ortib ketgani ularni berishda muammolarni keltirib chiqargani aytildi.
Fuqarolik sudlarida ishlar soddalashtirilgan tartibda ko‘rib chiqiladi
Qonunchilikka fuqarolik protsessida soddalashtirilgan tartibda ish yuritish instituti kiritildi. Da’voning bahosi yuridik shaxslarga nisbatan BHMning 20 baravaridan, YATTga nisbatan 10 baravaridan, jismoniy shaxslarga nisbatan esa 5 baravaridan oshmasa, ishlar soddalashtirilgan tartibida ko‘rib chiqiladi.
Prezident Toshkentdagi yangi qurilish loyihalari bilan tanishdi
Prezident Shavkat Mirziyoyev poytaxtda amalga oshirilayotgan qurilish loyihalari bilan tanishdi. Respublika onkologiya va radiologiya tibbiyot markazining 10 qavatli, 650 statsionar va 100 ambulator o‘ringa ega bino loyihasi taqdim etildi. Shuningdek, «Yangi O‘zbekiston» universitetining o‘quv kampusi va Alisher Navoiy nomidagi O‘zbekiston Milliy bog‘i hududidagi yangi kutubxona loyihasi ko‘rib chiqildi.
Eng ko‘p o‘qilgan xabarlar | So‘nggi yangiliklar
Qo‘shimcha imkoniyatlarga ega bulish uchun saytda ro‘yxatdan o‘ting