Jamiyat
Qariyb 100 mln so‘mlik Remdesivir dori vositasining noqonuniy aylanmasiga chek qo‘yildi
Davlat bojxona qo‘mitasi va DXX Toshkent shahrida o‘tkazilgan tezkor tadbirda 99 mln so‘mlik 99 dona Remdesivir dori vositasining noqonuniy aylanmasi to‘xtatib qoldi. Koronavirusga qarshi ushbu preparatlarning sifatini tasdiqlovchi hech qanday hujjatlari bo‘lmagani aytilmoqda.
Toshkentda yo‘lkira narxi Nyu-Yorkka qaraganda 2 barobar qimmatroq — Botir Qobilov
AARC xalqaro konsalting kompaniyasi «Toshshahartransxizmat» bo‘yicha hisobotida Toshkentdagi yo‘lkira narxlari Nyu-Yorkdagidan 20 barobar arzonroq ekani haqidagi ma’lumotni e’lon qildi. Iqtisodchi Botir Qobilov esa Toshkentdagi yo‘lkira narxi Nyu-Yorkdagidan barobar qimmatroq ekanini hisoblab berdi.
1 dekabrdan O‘zbekistonda nimalar o‘zgaradi?
Davlat organlari faoliyatining ochiqligi baholanishi hamda korrupsiyaga qarshi kurashish haqida hisobot berishi, ayrim sud ishlarining jonli efirda uzatilishi, ko‘chma savdo faoliyatini ro‘yxatdan o‘tkazish tizimi soddalashtirilishi, xarid komissiyasining ayrim vakolatlari bekor qilinishi, xorijdagi o‘zbekistonliklarga davlat xizmatlaridan foydalanishga imkoniyat yaratilishi — 1 dekabrdan O‘zbekiston qonunchiligida qanday o‘zgarishlar bo‘ladi?
Toshkentdagi avtobuslarda zo‘ravonlikka qarshi kampaniya boshlandi
Poytaxtdagi jamoat transportlarida tegajog‘lik va jinsiy zo‘ravonlikka qarshi kampaniya boshlandi. Avtobus salonlarida bannerlar va favqulodda to‘xtatish tugmalari joriy qilindi. «Gazeta.uz» xarassment qurbonlari qanday harakat qilishi lozimligi, qolaversa, haydovchi va chiptachi ushbu holatga qay tarzda munosabat bildirishi kerakligi hamda xorijda zo‘ravonlikka qarshi qanday kurash olib borilayotganini o‘rgandi. O‘zbekiston qonunchiligida tegajog‘liq uchun javobgarlik mavjud emas. Huquqbuzarni «haqorat qilish» moddasi bilan javobgarlikka tortish rejalashtirilgan.
Endi yakka tartibdagi tadbirkorlar 5 nafargacha xodim yollashi mumkin
Hukumat qarori bilan endilikda YATTlar 5 nafargacha xodim yollashi mumkin, ilgari 3 nafargacha ruxsat berilgandi. Bunda tadbirkor bank hisobvarag‘i ochganidan so‘ng xodim yollash huquqiga ega bo‘ladi. Qolaversa, xodim bilan mehnat shartnomasi ham tuziladi.
Toshkent viloyatida er-xotin is gazidan zaharlanib, vafot etdi
Oqqo‘rg‘on tumanida 26 yoshli fuqaro va uning 24 yoshli turmush o‘rtog‘i is gazidan zaharlanib, vafot etdi. Sud-tibbiy ekspertizaning dastlabki ma’lumotiga ko‘ra, ularning o‘limiga zaharlanish, o‘tkir yurak qon tomir nafas yetishmovchiligi, miya va o‘pkalar shishi sabab bo‘lgan. Vaziyat yuzasidan tuman prokuraturasi tergovga qadar tekshiruv o‘tkazmoqda.
Virusli infeksiyalarga chalingan bolalar uchun qo‘shimcha 6 mingga yaqin joy tayyorlandi
Sog‘liqni saqlash vazirligi respublika bo‘yicha bolalar orasida o‘tkir respirator virusli infeksiyalarning davriy ko‘tarilishi kuzatilayotgani sababli shifoxonalarda qo‘shimcha ravishda 5964 ta o‘rin-joy tashkil etilganini ma’lum qildi. Avvalroq, 10 kun ichida poytaxtning o‘zida «Tez yordam»ga bermor bolalar bo‘yicha 13 mingdan ortiq chaqiriq kelib tushgani aytilgandi.
Qoraqalpog‘istonda jazoni ijro etish xizmatining uch nafar xodimi YTHda vafot etdi
Qoraqalpog‘istonda payshanbadan jumaga o‘tar kechasi jazoni ijro etish xizmatining uch nafar xodimi YTH oqibatida vafot etdi. Ular videoselektor yig‘ilishidan chiqib, koloniyaga qaytayotgan bo‘lgan. Holat yuzasidan tergovga qadar tekshiruv ishlari olib borilmoqda.
Nima tayyorlaymiz: qatlama xamirdan pishiriqlar
Tovuqli, pishloqli, ismaloq va tuxumli, jem hamda bananli — Zira.uz qatlama xamirdan tayyorlanadigan pishiriqlar retseptlari ro‘yxatini taqdim etadi.
26 noyabr kuni O‘zbekistonda sodir bo‘lgan eng muhim xabarlar dayjesti
Toshkent viloyati hokimligi binosi panjaralari olib tashlanishi, Xalq ta’limi vaziri Jomboydagi maktab o‘quvchilarini vaqtincha boshqa binoga ko‘chirish bo‘yicha topshiriq berishi, “O‘zbekneftegaz"ga tegishli AYOQSHlarda Ai-80 markali benzin narxi tushirilishi — “Gazeta.uz"ning 26 noyabrdagi eng muhim xabarlari dayjestida.
Avstriyadan O‘zbekistonga 150 ming doza vaksina jo‘natildi
Avstriyadan O‘zbekistonga COVID-19'ga qarshi kurashni qo‘llab-quvvatlash maqsadida 150 ming doza «AstraZeneca» vaksinasi jo‘natildi. Qayd etilishicha, ushbu jo‘natma Avstriya hukumati tomonidan beg‘araz yordam va mustahkam do‘stlik ramzi sifatida taqdim etilgan.
Xalq ta’limi vaziri Jomboydagi maktab o‘quvchilarini vaqtincha boshqa binoga ko‘chirish bo‘yicha topshiriq berdi
Xalq ta’limi vaziri Baxtiyor Saidov juma kuni tunda Samarqand viloyati Jomboy tumanidagi o‘quvchilar sig‘imi 2 koeffitsentdan oshib ketgan 28 umumta’lim maktabiga bordi. U qishki mavsumda o‘quvchilarning munosib sharoitlarda ta’lim olishini ta’minlash uchun yaqin hududda joylashgan kasb-hunar kollejiga qisqa muddatda ko‘chirish chorasini ko‘rishni so‘radi.
Samarqandda 13 yoshli maktab o‘quvchisi homiladorligi holati yuzasidan jinoyat ishi qo‘zg‘atildi
Samarqandda 13 yoshli maktab o‘quvchisi 25 haftalik homilador ekani aniqlandi. Ushbu holat yuzasidan jinoyat ishi qo‘zg‘atildi.
Asakada 9 yoshli qizchaning o‘limida gumon qilingan ayol qamaldi
Asakada 2020 yilning iyunida 9 yoshli qizaloqni o‘ldirishda gumonlangan qo‘shni ayol aybdor deb topilib, 12 yil 4 oy 24 kun ozodlikdan mahrum qilindi.
Qashqadaryoda qotillik qilib, qidiruvda bo‘lgan shaxs Toshkent viloyatida ushlandi
Qashqadaryoda qotillik sodir etib, 2020 yilning sentabr oyidan qidiruvda bo‘lgan shaxs Toshkent viloyatida qo‘lga olindi. Hozirda ushbu shaxsga nisbatan yuritilgan qidiruv ishi tugatilgan.
MIB 3000 nafardan ko‘proq qarzdorni qidirmoqda. Ularning mingdan ortig‘i xorijda
Majburiy ijro byurosi tomonidan 2021 yilning o‘tgan davrida qarzdorligi tufayli qidiruvga berilgan 7 800 dan ortiq fuqarodan 4 500 nafardan ko‘prog‘i topilgan, 3 264 nafar fuqaro qidirilmoqda. Ushbu shaxslarning 2 149 nafari respublika hududida yashirinib yurganligi, 1 115 nafari chet elga turli maqsadlarda chiqib ketganligi aniqlangan. Shuningdek, qidiruv e’lon qilingan 4 222 ta avtotransport vositalarining 3 073 tasi topilgan.
Toshkent viloyati hokimligi binosi panjaralari olib tashlandi. O‘rniga daraxtlar ekiladi
Toshkent viloyatida «Yashil makon» umummilliy loyihasi doirasida yashil bog‘ tashkil etish maqsadida hokimlik binosi atrofidagi panjaralar olib tashlandi. Ularning o‘rniga daraxt ko‘chatlari ekiladi.
Poytaxtda o‘quvchilarning sumkalari Milliy gvardiya tomonidan tekshirilgani bo‘yicha izoh berildi
Milliy gvardiya axborot xizmati Toshkentning Yakkasaroy tumanida Milliy gvardiya xodimlari pirotexnika vositalarini yashirgan maktab o‘quvchilarining sumkasidan ularni olib qo‘yganini ma’lum qildi. Voyaga yetmagan shaxslarning ota-onalari voqea haqida zudlik bilan xabardor qilinganligi aytildi.
Toshkentda 12 gektar yerni 1,5 mln dollar evaziga olib bermoqchi bo‘lgan shaxslar ushlandi
Olmazor tumani hokimligining mansabdor shaxslaridan biri 2 nafar sherigi bilan boshqa fuqaroga 12 gektar yerni 1 mln 560 ming dollar evaziga olib bermoqchi bo‘lganida ushlandi. Shuningdek, bank xodimi poytaxtdan fuqaroga uy-joy olishida ko‘maklashish evaziga 2000 dollar olganida qo‘lga olindi.
Farg‘onada 86 mln so‘mlik pirotexnika vositalari savdosi to‘xtatildi
Farg‘ona viloyatida Nexia avtomashinasida 25 mln 200 ming so‘mlik pirotexnika vositalari aniqlandi. Yana bir holatda 61 mln 240 ming so‘mlik pirotexnika vositalari ushlab qolindi.
Qo‘shimcha imkoniyatlardan foydalanish uchun saytda ro‘yxatdan o‘ting