O‘zbek-xitoy olimlari hammuallifligidagi ZF-UZ-VAC2001 vaksinasining yana 500 ming dozasi O‘zbekistonga olib kelindi.
1 sentyabrdan boshlab ID kartalari bor haydovchilar yo‘l patrul xizmati inspektoriga notarial tartibda tasdiqlangan ishonchnoma, texnik ko‘rikdan o‘tkazilganligi to‘g‘risidagi ma’lumot hamda «tonirovka» uchun ruxsatnomani shaxsan taqdim etishi shart bo‘lmaydi. 19 maydan boshlab ID karta yordamida tekshirish amaliyoti Toshkent shahrida sinov tariqasida joriy etildi.
Tibbiy sug‘urtani joriy qilish muhimligini ta’kidlagan prezident, Jahon banki va O‘zbekiston o‘rtasidagi yangi bitimlar, metroda ish soatlarining o‘zgarishi, hokimning mahfiy qarori sababli tovon puli ololmagan tadbirkor hamda poytaxt hokimining o‘rinbosari mahalla raisiga nisbatan kuch ishlatgani — «Gazeta.uz»ning 18 maydagi eng muhim xabarlari dayjestida.
Samarqand viloyatida fuqaroga 13 ming AQSH dollari evaziga 15 gektar yer maydonini olib bermoqchi bo‘lgan tuman soliq inspektori va fermer qo‘lga olindi.
Ro‘mol o‘ragan qizlarga saylov sababli ularga indashmayotgani, saylovdan keyin «qanaqadir tashkilotlar» ota-onalarini surishtirishini aytgan Chinozdagi 45-maktab direktori bu haqda hech qanday organlardan topshiriq bo‘lmaganini bildirdi. U jamoatchilik va ota-onalardan uzr so‘radi.
Toshkent shahar hokimining birinchi o‘rinbosari Baxtiyor Rahmonov Toshkent viloyati Oqqo‘rg‘on tumanidagi mahallalardan birining raisini haqorat qildi va jismoniy kuch ishlatdi, deb xabar berdi Mahalla vazirligi.
Toshkent shahar hokimligi poytaxtdagi Navoiy, Nukus va Shota Rustaveli ko‘chalarida 300 ga yaqin bino fasadlarini ta’mirlamoqda. «Gazeta.uz» loyiha tafsilotlarini va ko‘p qavatli uylarda istiqomat qilayotgan aholi fikrini o‘rgandi.
Sirdaryo viloyatida yuk mashinasi yo‘lning piyodalar yo‘lakchasidan o‘tayotgan maktabning 2 sinf o‘quvchisini urib yubordi. Bola olgan tan jarohatlaridan shifoxonada vafot etgan.
Samarqand viloyatida 42 yoshli Turkiya fuqarosi o‘z boshqaruvidagi yuk avtomashinasida piyodani urib yubordi. 39 yoshli piyoda voqea joyida vafot etgan.
Poytaxt metrosining Chilonzor va O‘zbekiston liniyalari 21 maydan boshlab yangi jadval asosida ishlaydi.
«Ijtimoiy fikr» so‘rovnomasida ishtirok etganlarning ko‘pchiligi oilada kuch ishlatish mumkin emas deb hisoblaydi. Lekin 10,3 foiz respondentlar «ayol o‘z xatti-harakati bilan erini kuch ishlatishga majbur qilgan hollarda» kuch ishlatish mumkin, deb hisoblaydilar.
O‘zbekistonga xitoy-o‘zbek vaksinasining navbatdagi partiyasi 1 million dozada olib kelindi. Ertaga ushbu vaksinadan yana 500 ming doza vaksina olib kelinishi aytilmoqda.
Shavkat Mirziyoyev 14 may kuni Respublika ixtisoslashtirilgan gematologiya ilmiy-amaliy tibbiyot markaziga tashrifida Andijon viloyatidan noyabr oyida davolanish uchun kelgan 11-sinf o‘quvchisi Roziya Bozorboyeva bilan uchrashdi. Prezident Roziyaning Andijon tibbiyot institutiga kirish orzusiga javoban “Andijon tibbiyot institutiga bugun kirdi!” deya ta’kidladi.
Pastdarg‘om tumanidagi kanalda 17 yoshli qizning murdasi topildi. Qizning yaqinlari uning nomusiga tegib, keyin o‘ldirganini gumon qilishayotganini bildirgan. Sud tibbiy ekspertizasining dastlabki ma’lumotlariga ko‘ra, marhumaning o‘limi, suvga cho‘kishdagi mexanik asfiksiyadan kelib chiqqanini va jinsiy a’zolarida tan jarohatlari aniqlanmaganligi aytilmoqda.
Samarqand viloyatida tuman IIB boshlig‘iga signal chalgan haydovchining mashinasi jarima maydonchasiga joylanishi yuzasidan xizmat tekshiruvi o‘tkazildi. Unga ko‘ra, Paxtachi tumani IIB Yo‘l harakati xavfsizligi guruhi katta inspektori M.Tog‘ayevga hayfsan, YPX inspektori safdor F.Haitovga tanbeh intizomiy jazosi berildi. Tuman IIB boshlig‘ining harakatlari esa «Intizomiy kengash»da ko‘rib chiqiladi.
«Sizlarga tepadan vahiy tushdimi? Hozir indashmayotganining sababi — saylov o‘tishini kutishayapti, saylov o‘tib olsin, ko‘rasizlar. Qanaqadir tashkilotlar kelib surishtirishi kerakmi ota-onalaringni?» — Ijtimoiy tarmoqlarda Chinoz tumanidagi 45-maktab direktori ekani aytilayotgan ayolning ro‘mol o‘ragan o‘quvchi qizlar bilan suhbati aks etgan audioyozuv tarqaldi.
Respublika ixtisoslashtirilgan gematologiya ilmiy-amaliy tibbiyot markaziga Miralisher Islomov direktor etib tayinlandi.
Senatning Xotin-qizlar va gender tenglik masalalari qo‘mitasi Andijon tumanida yosh kelinchakning olti erkak tomonidan zo‘rlangani holatini nazoratga oldi.
Rossiyalik ovchiga berilgan ikkinchi Tyan-Shan qo‘ng‘ir ayig‘ini otish uchun berilgan ruxsat bekor qilindi, dedi Ekologiya davlat qo‘mitasi vakili. Qaror jamoatchilikning noroziligini inobatga olgan holda qabul qilindi.
Dispanser kuzatuvida turgan ruhiy holati buzilgan shaxslarning yagona elektron reyestri yuritiladi. Unga faqat Sog‘liqni saqlash vazirligi tomonidan aniqlangan shaxslarga va unda saqlangan ma’lumotlarning maxfiyligini ta’minlagan holda kirish ruxsat etiladi.
Qo‘shimcha imkoniyatlarga ega bulish uchun saytda ro‘yxatdan o‘ting