Jamiyat
Ish haftasining ikkinchi yarmida kam bulutli va quruq ob-havo bo‘ladi
20−21 aprelda O‘zbekiston hududiga Kaspiy dengizi hududlaridan nam havo massalari, so‘ng Ural hududlaridan deyarli sovuq antitsiklon kirib keladi. Respublikaning ayrim hududlarida yomg‘ir yog‘adi, momaqaldiroq bo‘lishi mumkin. Ish haftasining ikkinchi yarmida O‘zbekistonning barcha hududlari bo‘yicha kam bulutli va quruq ob-havo bo‘ladi.
«Karantin qoidalarini buzganlarga nisbatan eng qat’iy choralar qo‘llaniladi» — IIV
Agar ilgari ichki ishlar organlari xodimlari karantin qoidalarini buzgan fuqarolarni ogohlantirish bilan cheklanib qolishgan bo‘lsa, endi qoidabuzarlarga nisbatan eng qat’iy choralar qo‘llaniladi, deyiladi IIV xabarida. Birgina 18 aprelning o‘zida Toshkentda karantin qoidalariga rioya qilmaganlik to‘g‘risida 773 ta bayonnoma tuzildi.
Xitoy-o‘zbek vaksinasi «britaniya» va «braziliya» shtammlariga qarshi samarali ekanligi tasdiqlandi
Xitoy-o‘zbek ZF-UZ-VAS2001 vaksinasi koronavirusning yangi «britaniya» va «braziliya» shtammlariga qarshi samarali ekanligi qayd etildi. Bundan tashqari, mazkur vaksina «janubiy afrika» shtammiga ham qarshi aktiv neytral holatini saqlab qoldi.
65 yoshdan kattalar va yosh bolalarga taroveh namozlarini uyda ado etish so‘ralmoqda
Murakkab epidemiologik vaziyatni e’tiborga olib, juma va taroveh namozlarini amalga oshirishda 65 va undan katta yoshdagi fuqarolar, yosh bolalar hamda surunkali kasalligi mavjud shaxslardan ibodatlarni uyda amalga oshirish so‘ralmoqda.
Namangan tarkibida yana bitta tuman tashkil qilinadi
Namangan tarkibida yana bir tuman — Yangi Namangan tumanini tashkil etish rejalashtirilgan. Sentyabrda shaharda 2003 yilda tugatilgan Davlatobod tumani qayta tuzilgan edi.
O‘zgidrometning eng baland tog‘ meteostansiyasi — Oygaing qanday ishlaydi
Tog‘lardagi qor zaxirasi yetarlimi, daryolarda suv miqdori qancha bo‘ladi, qor ko‘chkisi xavfi mavjudmi? Texnologiya qanchalik taraqqiy etmasin, ayrim meteokuzatuvlarni odamlarning ishtirokisiz o‘tkazib bo‘lmaydi. «Gazeta.uz» O‘zgidromet taklifi bilan mamlakatdagi eng baland tog‘ meteostansiyasi — Oygaingga tashrif buyurdi. Bu maskanda bir necha mutaxassis oilasi bilan yashab, mehnat qiladi, qor qoplamasi holatini nazorat qilib, har 3 soatda ma’lumotlar jo‘natib turadi.
Angren MIB rahbari xodimlarini haqorat qilgani uchun xayfsan oldi
Angren Majburiy ijro byurosi rahbari Mohizoda Yusupova rejani bajarmagan xodimlarni nomaqbul so‘zlar bilan haqorat qilgani uchun hayfsan oldi. MIB kelgusida bu kabi holatlarning oldini olish uchun choralar ko‘rilishini ma’lum qildi.
O‘zbekistonda necha yoshlilarda ko‘proq COVID-19 yuqtirish holatlari kuzatilmoqda?
Ma’lum qilinishicha, O‘zbekistonda koronavirusdan kasallanganlarning 22−26 foizini 60 yosh va undan kattalar tashkil etmoqda. Shuningdek, 30−39 yoshdagilar 17−20 foizni, 14 yoshgacha bo‘lgan bolalar o‘rtacha 13−15 foizni tashkil qilmoqda.
O‘zbek olimlarining COVID-19ga qarshi ikki vaksinasi JSST nomzod vaksinalar ro‘yxatiga kirdi
O‘zbek olimlari tomonidan yaratilayotgan ikki vaksina — Innovatsion rivojlanish vazirligi huzuridagi Ilg‘or texnologiyalar markazi hamda FA Genomika va bioinformatika markazi vaksinalari Jahon sog‘liqni saqlash tashkilotining nomzod vaksinalar ro‘yxatiga kiritildi. Mazkur ikki vaksina hozirda klinik oldi sinovlaridan o‘tmoqda.
«Jasliq»da 100 ga yaqin mahkum saqlanmoqda — huquq himoyachisi
O‘zbekiston inson huquqlari «Ezgulik» jamiyati raisi Abdurahmon Tashanovning Kun.uz'ga bergan intervyusida ma’lum qilishicha, rasman yopilgani e’lon qilingan Jasliq qamoqxonasi faoliyat yuritishda davom etmoqda. Uning aytishicha, Navoiy viloyatining Qiziltepa tumanida umrbod qamoq jazosiga hukm qilingan shaxslarni saqlash uchun zamonaviy qamoqxona qurilmoqda. «Shu qamoqxona bitsa, hozir Jasliqda olib qolingan mahkumlar u yerga ko‘chirilarkan», — deydi u.
Sergeli metro yo‘nalishidagi texnik muammo avvaldan kutilgan edi — metropoliten rahbari
Toshkent metropoliteni rahbari Oybek Xudoyqulov Sergeli yo‘nalishida texnik muammo tufayli poyezdlar harakati to‘xtab qolgani kutilgan voqea bo‘lganligini aytdi. «Havo harorati oshganda relslarning uzayishini biz biluvdik, faqat havo 19−20 gradus bo‘lgani uchun, bu holat bir oydan keyin bo‘ladi deb o‘ylagandik», — dedi u.
«Menga sovug‘i ham, issig‘i ham yo‘q» — Qurilish vaziri oila a’zolari aloqador bo‘lgan kompaniya haqida
Qurilish vaziri aksionerlari orasida o‘g‘li va turmush o‘rtog‘i ham bo‘lgan «12-trest»ning davlat xaridlarini tendersiz qo‘lga kiritgani haqidagi xabarlarga izoh berdi. «51 foiz davlat ulushi bo‘lgandan keyin menga uning sovug‘i ham, issig‘i ham yo‘q», — dedi vazir.
Kerak bo‘lsa to‘ylarni ham to‘xtatamiz — bosh vazir karantin cheklovlari haqida
Respublika maxsus komissiyasining yig‘ilishida bosh vazir Abdulla Aripov karantin cheklovlari kuchaytirilishini ma’lum qildi. «Kerak bo‘lsa to‘ylarni ham to‘xtatamiz», — dedi u. Bundan tashqari, 200−300 kishilik to‘ylar o‘tkazilayotgani va ularda ayrim rahbarlar ham qatnashayotgani tanqid qilindi. Qolaversa, prezidentning yig‘ilishlarni 45 daqiqadan oshirmaslik bo‘yicha bergan topshirig‘iga amal qilmayotgan rahbarlar ishdan olinishi haqida ogohlantirildi.
Aviachiptalar narxining haddan ziyod yuqoriligi yuzasidan senator so‘rovi yuborildi
Aviachiptalar narxining haddan ziyod yuqoriligi yuzasidan Monopoliyaga qarshi kurashish qo‘mitasi raisiga senator so‘rovi yuborildi. Senat ma’lumotlariga ko‘ra, narx belgilashda fuqarolar tushib qolgan tanlovsiz, murakkab vaziyatdan insofsizlarcha foydalanilmoqda.
O‘zbekistonda koronavirusning «Janubiy Afrika» shtammi aniqlangan — bosh vazir
Bosh vazir Abdulla Aripov O‘zbekistonga koronavirusning Janubiy Afrikada aniqlangan shtammi ham kirib kelganini ma’lum qildi. Hukumat rahbari bolalar orasida kasallikning ko‘payyotganiga alohida e’tibor qaratish kerakligini ta’kidladi.
18 apreldan karantin qoidalariga amal qilinishini nazorat qilish yanada kuchaytiriladi
O‘zbekistonda koronavirus yuqtirish holatlari keskin oshayotganligi sababli, 18 apreldan karantin nazorati kuchaytiriladi, umumiy ovqatlanish muassasalarida va avtobuslarda o‘rinlar 50 foizgacha cheklanadi. Shuningdek, 1 maydan konsert va tomoshalar kabi ommaviy tadbirlarni yopiq madaniyat saroylarida o‘tkazish cheklanadi.
Saharlik va iftorlik uchun tavsiya etiladigan taomlar
Zira.uz saharlik va iftorlik uchun mazali va to‘yimli taomlar retseptlari ro‘yxatini taqdim etadi.
Samarqand beshta yo‘nalish bo‘yicha rivojlantiriladi
Shavkat Mirziyoyev Samarqanddagi yig‘ilishda shahar kelajagini yanada obod qilish va yoshlar uchun imkoniyatlarni kengaytirish vazifasini e’lon qildi. U Samarqand viloyatini rivojlantirishning beshta yo‘nalishini, shu jumladan sanoat, transport logistikasi va turizm sohalarini belgilab berdi.
Bolalarda tanqidiy fikrlashni qanday rivojlantirish mumkin
Bolalar mehnat bozorida muvaffaqiyatli raqobatlashishi uchun qanday ko‘nikmalar ularning sifatli o‘qishiga yordam beradi? Ota-onalar farzandlarida tanqidiy fikrlashni rivojlantirish uchun qanday usullardan foydalanishlari mumkin? Bola o‘qish vaqtini behuda o‘tkazmasligi uchun qanday qilib uni o‘qishga o‘rgatish mumkin? Bu va boshqa savollarga javoblar Leader School tomonidan tashkil etilgan xalqaro ta’lim mutaxassisi Liliya Muxametshinaning seminarida ko‘tarildi.
Rossiyada 330 mingdan ortiq o‘zbekistonlik noqonuniy muhojirlar mavjud
Rossiya ichki ishlar vazirligi 15 iyunga qadar MDH davlatlariga Rossiyada noqonuniy bo‘lib turgan muhojirlarni olib chiqib ketishni talab qilmoqda. Ma’lumotlarga ko‘ra, hozirda O‘zbekistondan 332 ming nafar muhojir Rossiya hududida noqonuniy bo‘lib turibdi.
Eng ko‘p o‘qilgan xabarlar | So‘nggi yangiliklar
Qo‘shimcha imkoniyatlarga ega bulish uchun saytda ro‘yxatdan o‘ting