Fuqarolardan o‘zlarini uylarni koronavirus infeksiyasidan dezinfeksiya qiluvchi deb tanishtirayotgan noma’lum shaxslarni uyga kiritmaslik so‘ralmoqda. Bunday holatlarda «102» raqamiga yoki profilaktika inspektoriga qo‘ng‘iroq qilish lozim.
Poytaxtning Yunusobod tumanida Lacetti tartibga solinmagan piyodalar yo‘lakchasidan yo‘lni kesib o‘tayotgan erkakni urib yubordi. Piyoda olgan tan jarohatlari natijasida shifoxonada vafot etdi.
«Oltinsoy tumanida mansabdor shaxslar tomonidan o‘z vazifalariga loqaydlik yoki vijdonsizlarcha munosabatda bo‘lishi oqibatida sug‘oriladigan yer maydonlari talon-toroj qilingan» — Bosh prokuratura
Koronavirus epidemiyasi sababli bolalar o‘yin zallari, diskoteka va diskobarlar, massaj salonlari faoliyati to‘xtatiladi.
Toshkent hayvonot bog‘i karantin sababli vaqtinchalik yopildi. Botanika bog‘i esa hali faoliyat yuritmoqda.
Shavkat Mirziyoyev mahallalarda oilaviy hayotga tayyorlash kurslarini tashkil etish, xotin-qizlar o‘rtasida biznes loyiha bo‘yicha tanlov o‘tkazib, g‘oliblarga grantlar, kredit va joy ajratish bo‘yicha topshiriqlar berdi. Endilikda mahalladagi vaziyatga profilaktika inspektori bilan birga Milliy gvardiya ham javob beradi.
O‘zbekistonga mulklarni Gulnora Karimovaning o‘zi qaytarganligi haqidagi ta’kidlar huquqiy asosga ega emas va shu bois haqiqatga to‘g‘ri kelmaydi, deya ma’lum qildi Adliya vazirligi. 1,3 mlrd dollardan ortiq miqdordagi mulklarni qaytarish bo‘yicha ish olib borilmoqda.
Misrdan O‘zbekistonga olib kelingan 181 nafar fuqaro Karmana tumanidagi NKMK sanatoriyasiga karantinga joylashtirildi.
Toshkentda sifat sertifikati bo‘lmagan 123 mln so‘mlik 62 ming dona tibbiy niqoblar savdoga chiqarilgani aniqlandi va vaqtincha olib qo‘yildi.
Eshitish qobiliyati past bo‘lgan odamlarning ijtimoiylashuvini yaxshilash bo‘yicha sinov loyiha ishga tushirildi — banklar, hokimiyatlar va davlat xizmatlari markazlariga surdotarjimonlar onlayn markaziga ulangan planshetlar o‘rnatiladi. Ular yordamida kar-soqov tashrif buyuruvchilar operator bilan muloqot qilishlari mumkin.
“O‘zbekkino” yaqin ikki haftada premyerasi o‘tkazilishi rejalashtirilgan 30 ta yangi filmni telekanallarga bepul taqdim etdi. Filmlar Navro‘z bayrami kunlari namoyish etiladi.
Gulnora Karimova va u tomonidan tashkil etilgan jinoiy uyushma a’zolariga nisbatan jinoyat ishini ko‘rib chiqish bo‘yicha sud jarayoni nihoyasiga yetdi va sud hukmi e’lon qilindi.
Matematika muammolari yechimini ilgari surgan olimlarga 100 ming dollarlik Al-Xorazmiy xalqaro mukofotini taqdim etish taklif qilinmoqda.
2020/2021 o‘quv yili bakalavriatga 145 ming, magistraturaga esa 10 ming talaba qabul qilish rejalashtirilmoqda. «Matematika» va «Tabiiy fanlar» ta’lim sohalari bo‘yicha magistratura to‘liq davlat granti asosida o‘qitiladi.
Jarimalarni ilk 15 kun ichida to‘laganlarga 30 foiz miqdorida chegirma taqdim etiladi. Yangi tartib qo‘llanilmaydigan holatlar ham bor.
To‘ylar, oilaviy tantanalar, ma’raka va marosimlar o‘tkazish tartibiga doir talablarga rioya etmaslik uchun jarimalar miqdori belgilandi.
Prezident «Aholini ro‘yxatga olish to‘g‘risida"gi qonunni imzoladi. Unda ro‘yxatga olish varag‘i, shaxsga doir ma’lumotlarni yig‘ish tartiblari va respondentning huquqlari kabi masalalar belgilangan. Endilikda 10 yilda kamida bir marta aholini ro‘yxatga olish o‘tkaziladi.
Prezident qarori bilan noshirlik va matbaa sohasi yanada erkinlashtiriladi. Jumladan, darsliklarni chop etish narxlari davlat tomonidan tartibga solinmaydi, tushumdan «Ijod» fondi uchun ajratmalar bekor qilinadi.
Davlat soliq qo‘mitasi huzurida Fiskal institut tashkil etish taklifi e’lon qilindi. 2020−2021 o‘quv yilida 420 kishi bakalavriat yo‘nalishiga o‘qishga qabul qilinishi kutilmoqda.
Samarqand viloyatining Narpay tumanida yirik YTH sodir bo‘ldi. Ikki kishi vafot etdi va 11 kishi jarohat oldi.
Qo‘shimcha imkoniyatlarga ega bulish uchun saytda ro‘yxatdan o‘ting