2020 yilda probatsiya xizmatlari 3000 ta elektron bilaguzukni tatbiq etadi, 18 ta jazoni ijro etish koloniyalarida 1833 dona videokuzatuv moslamasi va 36 komplekt shaxsiy videoregistratorlar o‘rnatiladi.
Hafta davomida quruq va quyoshli ob-havo hukmronlik qiladi. Kunduzgi harorat +12…+15 darajagacha chiqadi.
UzAuto Motors bir qator modellar narxlarini oshirdi: Spark va Damas — 10−21 foizga, Nexia — 15−19,4 foizga, Cobalt — 10−14,7 foizga, Lacetti — 3 foizga qimmatlashdi.
Taniqli shoir Azim Suyun 72 yoshda hayotdan ko‘z yumdi.
Eron-Turkmaniston chegarasi yopilgani sababli 11 nafar o‘zbekistonlik haydovchi «Lutfobod» (Eron) chegara postida qolib ketdi. TIV vaziyat nazorat ostida ekanini ma’lum qildi.
Parkent dehqon bozorida yirik yong‘in kelib chiqdi. Olovni bartaraf etishga 11 ta o‘t o‘chirish mashinasi va 10 dan ortiq yordamchi texnika jalb qilindi.
2021-yil 1-yanvardan boshlab barcha yangi tug‘ilgan chaqaloqlarga, O‘zbekiston fuqarolariga, fuqaroligi bo‘lmagan shaxslarga va O‘zbekiston hududida doimiy yashaydigan chet el fuqarolariga biometrik pasport o‘rniga 10 yil muddatga ID-karta beriladi.
Prezident Bosh prokuraturaga daraxtlar kesilishi masalasida hokimlar faoliyatini qat’iy nazorat qilish va javobgarlik muqarrarligini ta’minlashni topshirdi.
Toshkentdagi 51-avtobus yo‘nalishida Xitoyning Yutong elektrobusini sinovdan o‘tkazish boshlandi. U bir martalik quvvat bilan 300 km dan ziyod masofani bosib o‘ta oladi.
Vazirlar Mahkamasida koronavirus epidemiyasining O‘zbekiston turizmiga ta’sirlari muhokama qilindi. Sayyohlik operatorlariga soliq ta’tillari berish va ichki yo‘nalishlarda aviaqatnovlar sonini oshirish taklif qilindi.
Prezident farmoni bilan Xalqaro xotin-qizlar bayrami munosabati bilan jazo muddatini o‘tayotgan 83 nafar ayollar afv etildi.
Dam olish kunlari havo salqin bo‘lib, kechki harorat −1…−2 darajagacha tushadi. Ayrim hududlarda yomg‘ir yog‘ishi kutilmoqda.
«O‘zbekiston pochtasi» koronavirus tarqalgani sababli Xitoydan pochta jo‘natmalarini yetkazib berish kechikayotganini ma’lum qildi.
C.A.T. Science Accelerator ilmiy loyihalar startap-akseleratoriga kelib tushgan 253 ta arizadan 29 tasi tanlab olindi. O‘tgan yilgi akseleratorda ishtirok etgan uchta startap loyiha umumiy hisobda 200 ming dollar miqdoridagi investitsiyani qo‘lga kiritgan edi.
XTV ijtimoiy tarmoqlarda koronavirus tufayli maktab o‘quvchilari 15 martdan ta’tilga chiqarilishi haqidagi xabarlarni rad etdi. O‘quvchilar har doimgidek 21 martdan yetti kunlik ta’tilga chiqariladi.
O‘zbekistonliklar uzoq payt kutgan yangilik yangradi — propiska tizimi bekor qilinadi. Ammo uning o‘rnini nima egallaydi? Yangi tizimning propiskadan farqi bormi?
Senatorlar jarimalarni 15 kun ichida to‘laganlarga 30 foiz chegirma joriy etish va to‘lovlar muddatini 30 kungacha uzaytirish to‘g‘risidagi qonunni ma’qulladi. Qonun kuchga kirishi uchun prezident tomonidan imzolanishi lozim.
Deputat Bobur Bekmurodov hukumat fuqarolar xavfsizligini ta’minlash maqsadida qat’iy choralar ko‘rish vaqti kelganini ma’lum qildi. U ommaviy tadbirlarni o‘tkazishni cheklash hamda dorilar va tibbiy niqoblar eksportini ta’qiqlashni taklif qildi.
Norvegiyalik mutaxassis Arild Dirsert O‘zbekistondagi tabiiy gaz uchun ichki narxning pastligi muammolarga sabab ekanini aytdi. «Gazeta.uz»ning hukumatdagi manbasi gaz narxi tez orada oshirilishiga ishora bo‘layotganini bildirdi.
Vazirlik, idora, hokimiyat va xo‘jalik birlashmalari xodimlari Toshkent davlat o‘zbek tili va adabiyoti universiteti huzuridagi maxsus markazda davlat tilida ish yuritish bo‘yicha o‘qitiladi.
Qo‘shimcha imkoniyatlarga ega bulish uchun saytda ro‘yxatdan o‘ting