Jamiyat
Haj va Umra ziyoratini faqat Musulmonlar idorasi tashkil etishi taklif etilmoqda
Haj va Umra ziyoratini faqat O‘zbekiston Musulmonlari idorasi tomonidan tashkil etilishi taklif qilinmoqda. Taklifga binoan, O‘zbekistonda boshqa tashkilotlarning ushbu tadbirlarini tashkil etishiga yo‘l qo‘yilmaydi.
Sirdaryoda yosh kelin-kuyov is gazidan zaharlanib vafot etdi
Sirdaryo viloyatida turmush qurishganiga bir oy ham bo‘lmagan yosh kelin-kuyov qo‘lbola pechdan is gazi sizib chiqishi oqibatida zaharlanib vafot yetdi.
Maktablar tajriba tariqasida xususiy boshqaruvga o‘tishni boshlaydi
Tajriba sifatida maktablar xususiy boshqaruvga o‘tkaziladi. Ularda ta’lim bepul qolishi va maktab boshqaruvchisi o‘quv muassasasini ta’mirlash ishlarini amalga oshirishi kerak bo‘ladi. Davlat byudjetidan ta’lim muassasalarini ta’minlash uchun ajratiladigan mablag‘lar kamaytirilmaydi.
Tuz, shakar va yog‘ miqdori yuqori bo‘lgan mahsulotlarga tovar belgilari qo‘yiladi
Prezident tuz, shakar va yog‘ miqdori yuqori bo‘lgan mahsulotlarni belgilash taklifini ma’qulladi. Belgilash ikki bosqichda amalga oshiriladi — birinchisida ixtiyoriy, ikkinchisida majburiy bo‘ladi.
2021 yil 1 apreldan boyitilmagan oliy navli un sotuvi cheklanadi
2021 yil 1 apreldan boyitilmagan oliy navli un sotuvi cheklanib, faqat mikronutriyentlar bilan boyitilgan un sotuviga ruxsat beriladi. Shu maqsadda xorijdan olib kelinadigan mikronutriyentlar uchun nol bojxona stavkasi belgilandi.
Morgenshternga Mercedes-Benz`ni O‘zbekistonga olib kelish qanchaga tushadi?
Rossiyalik reper Morgenshtern tanlovda g‘olib bo‘lgan buxorolik yigitga Mercedes-Benz mashinasini sovg‘a qilish uchun O‘zbekistonga tashrif buyurishni rejalashtirayotgan edi. Musiqachi qimmat «rastamojka»dan shikoyat qilgan edi. Davlat bojxona qo‘mitasi ma’lumotiga ko‘ra, Morgenshtern kamida 353,8 mln so‘m ($34 ming) boj to‘lashiga to‘g‘ri keladi.
Samarqand viloyati hokimi «Avtomashinasiz 10 kun» aksiyasini o‘tkazishni taklif qildi
Samarqand viloyatida «Avtomashinasiz 10 kun» aksiyasini o‘tkazish rejalashtirilmoqda. Viloyat hokimi Erkinjon Turdimov taklifiga binoan 11 noyabrdan 21 noyabrgacha hokimlardan tortib, byudjet tashkilotlari rahbar va xodimlari ishga piyoda borib keladi. Velosiped yoki jamoat transportidan ham foydalanish mumkin.
Xorazmda temir yo‘lda uxlab yotgan mast fuqaro sababli poyezd shoshilinch to‘xtatildi
Mast fuqaro temir yo‘lda uxlab yotgani sababli «Xiva-Urganch-Toshkent» poyezdi 16 daqiqaga to‘xtab qoldi. Hozirda hodisa yuzasidan surishtiruv ishlari o‘tkazilmoqda.
«Biror vazirlik yoki hokimiyat moliyaviy nazoratdan ustun bo‘lmasligi kerak» — Timur Ishmetov
«Biror vazirlik yoki hokimiyat davlat moliyaviy nazoratidan ustun bo‘masligi kerak, ungacha foydasi yo‘q», — dedi moliya vaziri Timur Ishmetov. Ma’lum bo‘lishicha so‘nggi ikki yilda 2477 nafar shaxs 371 mlrd so‘m byudjet mablag‘larini talon-toroj qilgan. Hozirda ular qonun oldida javob bermoqda.
Deputat UzAuto Motors’ni 85 foizlik oldindan to‘lov qilish sharti uchun tanqid qildi
Deputat Rasul Kusherbayevning aytishicha, qonunchilikka ko‘ra shartnoma shartlari kuchga kirishi uchun 15% oldindan to‘lov kifoya bo‘lganligi sababli, xaridorlar UzAuto Motors bilan shartnomalar tuzishda oldindan 85 foizdan kamroq miqdorida to‘lov qilishlari mumkin. «Qonun bo‘yicha bunga haqli bo‘lsangiz ham aslo buning iloji yo‘q, chunki ular monopolist diktovkasi bilan tuzilgan shartnomaning bitta harfini ham o‘zgartirishmaydi», — deya ta’kidladi deputat.
Rossiyadagi yong‘in oqibatida O‘zbekiston fuqarosi jarohat oldi
Rossiyaning Samara shahrida uy yonib ketishi oqibatida 4 kishi vafot etdi, 5 nafar odam jarohat oldi. Jarohat olganlar ichida O‘zbekiston fuqarosi ham bor.
Ilmiy nashrlar bo‘yicha milliy bazaning elektron platformasi tashkil etiladi
Hukumat qarori bilan ilmiy nashrlar bo‘yicha milliy bazaning elektron platformasi yaratilishi belgilanmoqda. Unga respublikada nashr qilingan ilmiy jurnallardagi maqolalarning elektron shakli kiritiladi.
2021 yildan «Oltin davr» xalqaro musiqa yarmarkasi o‘tkaziladi
2021 yildan respublikada o‘tkaziladigan xalqaro musiqa festivallari va anjumanlari doirasida «Oltin davr» xalqaro musiqa yarmarkasi o‘tkaziladi. Unda asosiy e’tibor mahalliy va xorijiy san’atshunoslarning o‘zaro hamkorligiga qaratiladi.
Buxoroda sanitariya-epidemiologiya nazorati boshqarmasi boshlig‘i pora bilan ushlandi
Buxoro viloyati Davlat sanitariya-epidemiologiya nazorati boshqarmasi boshlig‘i pora olayotganida ushlangan. U karantin qoidalarini buzgan korxonaga jarima tayinlamaslik evaziga 400 AQSH dollari va 500 ming so‘m pora talab qilgan.
Maktabgacha ta’lim muassasalarida xitoy tili o‘rgatiladi
Davlat maktabgacha ta’lim muassalarida xitoy tilini qo‘shimcha chet tili sifatida o‘rgatishni yo‘lga qo‘yish, shuningdek, Toshkentda raqamli bolalar bog‘chasining pilot loyihasini ishga tushirish taklif qilinmoqda.
Hafta o‘rtasida tog‘li hududlarda qor yog‘ishi kutilmoqda
10−11 noyabr kunlari mamlakat hududi sovuq havo massalari ta’sirida bo‘lib, quruq ob-havo kuzatiladi. 12 noyabr kuni Volga bo‘yidan sovuq antitsiklon respublikaga kirib keladi. O‘zbekiston hududining ba’zi joylarida yomg‘ir yog‘ishi, tog‘li hududlarda qorga aylanishi kutilmoqda.
Yomg‘irdan qochib, do‘lga tutilamizmi?
Maktab ta’limiga yangiliklar kiritish taklif etilmoqda: maktab direktorlarini mahalliy deputatlar kengashi roziligi bilan ishga tayinlash va lavozimidan ozod etish, shuningdek, universitetga kirishda o‘quvchining maktab davridagi o‘rtacha baholarini hisobga olish fikri ilgari surilmoqda. «Gazeta.uz» kolumnisti Komil Jalilov taklif etilayotgan o‘zgarishlar qanday oqibatlarga olib kelishi mumkinligini tahlil qiladi.
Xitoy vaksinasi O‘zbekistonga olib kelindi
Klinik sinovlari o‘tkazilishi rejalashtirilayotgan Xitoy vaksinasi Toshkentga olib kelindi. Vaksina maxsus sharoitlarda saqlanmoqda. Rejaga asosan ular 5000 nafar ko‘ngillida sinovdan o‘tkaziladi.
Pillachilik qo‘mitasi bir qancha avtomobil, jumladan Chevrolet Tahoe va Malibu xarid qildi
Yangi tashkil etilgan Pillachilik va qorako‘lchilikni rivojlantirish qo‘mitasi davlat xaridlari doirasida 1,5 mlrd so‘mga Chevrolet Tahoe, ikkita Malibu va Lacetti sotib oldi.
Orol dengizining abadiy tarixi — Azamat Matkarimov suratlarida
Azamat Matkarimov Mo‘ynoqqa va qisqarib borayotgan Orol sohillariga ko‘p tashrif buyuradi. U har doim o‘zi bilan kamerani olib, inson va tabiat o‘rtasidagi abadiy munosabatlarni suratga oladi.
Qo‘shimcha imkoniyatlardan foydalanish uchun saytda ro‘yxatdan o‘ting