Jamiyat
O‘zbekistondagi 26 ta ko‘prik ayanchli holatga kelib qolgan
«O‘zyo‘linspeksiya» O‘zbekistondagi 26 ta ayanchli holatga kelib qolgani, ularni saqlashga mas’ul bo‘lgan korxonalar ham zarur chora-tadbirlarni amalga oshirmaganini ma’lum qildi. Ayrim ko‘priklarga yaqin o‘zanlarda karerlar faoliyati hanuz tugatilmagan.
SSV koronavirus bo‘yicha rasmiy statistikadagi farqlarga izoh berdi
Sog‘liqni saqlash vazirligi koronavirusga ixtisoslashgan shifoxonalardagi bemorlar soni va davolanayotgan koronavirus bemorlari ko‘rsatkichlardagi farqlarga izoh berdi. Unga ko‘ra, rasmiy statistikaga faqatgina maxsus laborator tekshiruvlarda koronavirus tasdiqlanganlar kiritiladi. Shifoxonalar statistikasida esa kasallik belgilari mavjud yoki pnevmoniya bo‘lganlar, lekin infeksiya tasdiqlanmagan bemorlar ham kiritilgan bo‘ladi.
«So‘x voqealari» bo‘yicha navbatdagi sud majlisi bo‘lib o‘tdi
«So‘x voqealari» bo‘yicha 22 nafar shaxsga nisbatan navbatdagi sud majlisi bo‘lib o‘tdi. Davlat ayblovchisi So‘x voqealarida bir qancha avtomashina va yashash xonadonlariga moddiy zarar yetganini aytdi. Ayblanuvchilarning bir qismi aybiga iqror bo‘lmagan, ayrimlari esa qisman iqrorligini ma’lum qilgan.
Endi yashash joyida ro‘yxatdan o‘tganlar haqida ma’lumotnomani elektron olish mumkin
«Doimiy yashash joyida ro‘yxatdan o‘tib yashovchilar soni to‘g‘risida ma’lumotnoma»ni [17 forma] elektron tarzda, bir necha daqiqalar ichida olish imkoniyati yaratildi.
Guljahon Yo‘ldoshevaga nisbatan tergov yakunlanib, jinoyat ishi sudga yuborildi
Toshkent viloyati bosh infeksionisti Guljahon Yo‘ldoshevaga nisbatan tergov yakunlandi. Sud ishini Jinoyat ishlari bo‘yicha Chirchiq shahar sudi raisi ko‘rib chiqadi. Yo‘ldoshevaning advokati ayblovlar asossiz ekanini aytmoqda. «Hozir taqdim qilingan ayblov bo‘yicha 20 ta epizod taqdim qilingan», — dedi advokat. U, shuningdek, tarqatilayotgan xabarlar Yo‘ldoshevaning oilasiga ruhim bosim o‘tkazayotganini aytmoqda.
Uch yilda hunarmandchilik loyihalariga 100 mln dollarlik kreditlar ajratilgan
Hunarmandchilik loyihalarini amalga oshirish uchun 3 yil ichida 100 mln AQSH dollariga teng kredit resurlari ajratildi. Ushbu mablag‘ evaziga 158 ming hunarmandlar ish bilan ta’minlandi va 28 mingta loyihalar amalga oshirildi. Bundan tashqari barcha xunarmandlarga QR kodli maxsus guvohnomalar berildi.
Surxondaryoda sport maktabi tarbiyalanuvchilari uyushtirgan «samosud» bo‘yicha izoh berildi
Tergov departamenti ijtimoiy tarmoqlarda tarqalgan «Surxondaryoda bir guruh sport maktabi tarbiyalanuvchilari „samosud“ uyushtirib, katta janjal keltirib chiqardi» nomi ostida tarqalgan video yuzasidan munosabat bildirdi. «Samosud» uyushtirganlarga «qamoqqa olish» ehtiyot chorasi qo‘llanildi.
2020−2025 yillarda sog‘lom ovqatlanish dasturi indikatorlari belgilandi
2025 yilga kelib aholining umr ko‘rish davomiyligini 75,1 yoshdan 76,4 yoshgacha oshirish hamda semizligi bo‘lgan aholi ulushining o‘sishini 23,5% darajasida to‘xtatish rejalashtirilgan. Ushbu rejalar sog‘lom ovqatlanishni shakllantirish dasturida belgilanadi.
COVID-19 ni davolash uchun qayta jihozlangan Virusologiya klinikasi odatdagi ish rejimiga qaytdi
15 martdan beri koronavirus bemorlarini davolash uchun qayta profilga kiritilgan Virusologiya ilmiy-tadqiqot instituti klinikasi odatdagi ish rejimiga qaytib, boshqa yuqumli kasalliklarga chalinganlarga xizmat ko‘rsatishni boshladi. Hozirda faqatgina «O‘zekspomarkaz»dagi saralash va taqsimlash markazi hamda Zangiota yuqumli kasalliklar shifoxonalari o‘z faoliyatini davom ettirmoqda.
O‘zbekistonlik erkak bir yil davomida Qozog‘istonda qul qilib ishlatildi
Qozog‘istonda 58 yoshli O‘zbekiston fuqarosi bir yil davomida mehnat qulligida o‘tkazdi. Hujjatlari olib qo‘yilgan va unga jismoniy zo‘ravonlik bilan tahdid qilingan.
Sirdaryoda haydovchining telefonini olib qo‘ygani uchun YPX xodimi ishdan bo‘shatildi
Sirdaryoda o‘zini tasvirga olishga qarshilik ko‘rsatgan va haydovchining telefonini olib qo‘ygan YPX xodimi uchun xizmat tekshiruvi tayinlangan edi. Natijada Sirdaryoda YPX inspektori lavozimidan ozod etildi.
Orolbo‘yida 12 trillion so‘mlik investitsiya loyihalari amalga oshiriladi
2020−2022 yillarda Orolbo‘yida umumiy qiymati 12 trln 300 mlrd so‘m bo‘lgan investitsiya loyihalari amalga oshiriladi. Shundan 523 mln dollarlik to‘g‘ridan-to‘g‘ri xorijiy investitsiyalar o‘zlashtiriladi va qariyb 20 mingta yangi ish o‘rni yaratiladi.
20 noyabrdan 30 noyabrga qadar kollej va texnikumlarga kirish imtihonlari bo‘lib o‘tadi
20 noyabrdan 30 noyabrgacha kollej va texnikumlarga kirish imtihonlari o‘tkaziladi. 195 mingdan ortiq abituriyent uchun test sinovlari, 50 ming nafar abituriyent uchun esa yozma imtihon o‘tkazilishi rejalashtirilgan.
Ixtisoslashtirilgan maktablar negizida inklyuziv ta’lim rivojlantiriladi
Prezident, ijod, ixtisoslashtirilgan maktablarni rivojlantirish agentligi hamda «Zamin» xalqaro jamoat jamg‘armasi o‘rtasida hamkorlik memorandumi imzolandi. Hujjat o‘z ichiga aholining zaif qatlamlarini ijtimoiy himoya qilish va inklyuziv ta’limni rivojlantirish kabi masalalarni oldi.
«G‘afur G‘ulom» bog‘i o‘rnida turar-joy majmuasi qurilmaydi — Madaniyat vazirligi
Toshkentdagi «G‘afur G‘ulom» nomli istirohat bog‘i o‘rniga turar-joy majmuasi qurilishi haqidagi xabarlar rad etildi. Madaniyat vazirligi hozirda bog‘ hududida rekonstruksiya ishlari olib borilayotganini, jumladan, yengil konstruksiyali inshootlar buzilayotganini ma’lum qildi. Eskirgan attraksionlar ham demontaj qilinadi.
Hafta o‘rtasida keskin havo pasayishi kutilmoqda
18−20 noyabrda barcha joylarda harorat kechalari 8−13 darajagacha va shimolda 10−15 darajagacha sovuq bo‘ladi. Kunduz kunlari harorat 0−5 darajagacha pasayishi kutilmoqda.
Namangandagi xalqaro biznes markazi qurilishi Alisher Usmonov tomonidan moliyalashtiriladi
Namangan viloyatida Alisher Usmonov ko‘magida Xalqaro biznes markazi quriladi. Mazkur markaz Kongress-xoll, biznes maktabi, mehmonxona, ekopark, sport-sog‘lomlashtirish inshootlaridan tashkil topadi. Qurilish ishlarini bahorda boshlash rejalashtirilgan.
Sherzod Shermatov hududlarda ta’limni yaxshilash uchun eng yaxshi tandemni ma’lum qildi
Xalq ta’limi vaziri hududlarda ta’limni yaxshilash uchun eng yaxshi tandem — fidoyi xalq ta’limi boshqarmasi rahbari va uni doim qo‘llab-quvvatlovchi hokim ekanini ma’lum qildi. «Hokim tomonidan e’tibor berilmasa yoki xalq ta’limi rahbari muammolarni to‘g‘ri tushuntira olmasa, ijobiy o‘zgarish juda qiyin bo‘lishi mumkin», — dedi Sherzod Shermatov.
English Speaking Nation: Secondary Teacher Training dasturiga ariza topshirish 30 noyabrgacha davom etadi
Ingliz tilini o‘rgatish bo‘yicha malaka va ko‘nikmalarini mustahkamlash maqsadida bo‘lgan ingliz tili o‘qituvchilari English Speaking Nation: Secondary Teacher Training (ESN: STT) dasturiga 30 noyabr kuni soat 17:00 gacha ariza to‘ldirishlari mumkin. Bugungi kunga kelib, dastur uchun 1500 dan ortiq o‘qituvchi ariza topshirgan.
2023 yildan davlat tilini bilish bo‘yicha sertifikat rahbarlarga majburiy etib belgilanishi mumkin
2023 yildan rahbar kadrlar o‘zbek tilini bilish darajasi bo‘yicha sertifikatga ega bo‘lishi majburiy etib belgilanishi mumkin. Shuningdek, mansabdorlardan o‘zbek adabiy tili me’yorlari va davlat tilida ish yuritish bo‘yicha qisqa muddatli o‘quv kurslarida malaka oshirishlari talab etiladi.
Qo‘shimcha imkoniyatlardan foydalanish uchun saytda ro‘yxatdan o‘ting