O‘zbekiston hukumati ikki davlat chegaralari o‘zgarishi munosabati bilan Qirg‘iziston bilan chegarada yashovchi 130 ga yaqin oilani ko‘chirishni rejalashtirmoqda. Kompensatsiya to‘lovlariga 50 mlrd so‘m (taxminan 4,5 mln dollar) — har bir oilaga o‘rtacha 384,6 mln so‘mdan ajratiladi.
Shavkat Mirziyoyev sud sohasidagi muammolarga bag‘ishlangan yig‘ilishda sudlarda ishlarni ko‘rib chiqish eskicha davom etayotgani, advokatlarning o‘rni yuqori emasligi, tergovchilar o‘z ustida ishlamay qo‘yganini ta’kidladi. U sudyalar hamjamiyati vakolatlarini kuchaytirish, sudyalar sonini oshirish taklifi ma’qullandi.
O‘zbekiston va Qirg‘izistonning radiorele antennalari joylashgan O‘ng‘or tog‘i Qirg‘izistonga o‘tadi. Bosh vazir Abdulla Aripov evaziga o‘zbek tomoni O‘zbekiston tomondan chiqish mumkin bo‘lmagan tog‘ga chiqish imkoniyatiga ega bo‘lishini aytdi.
Jurnalist Aziza Qurbonova yakshanba kuni gaz bosimi pastligi, choy ham qaynatolmayotganini tanqid qilgandi. Uning Facebook`dagi postida Uchtepa hokimligi sahifasi nomidan shunday izoh qoldirishdi: «Bas qiling xalqning g‘azabini qo‘zg‘atishni. Siz nima qilib berdingiz Uchtepaga?».
Vazirlar, hokimlar va boshqa davlat organlari rahbarlari Chirchiqdagi harbiy poligonda besh kunlik o‘quv-mashg‘ulot yig‘inida ishtirok etmoqda. Ular o‘z bilim va ko‘nikmalarini yangilaydi, jangovar tayyorgarlik, hududiy mudofaa va fuqarolarni himoya qilish bo‘yicha nazariy va amaliy mashg‘ulotlarda qatnashadi. Foto.
Fransiya, Germaniya, Buyuk Britaniya va AQShning YeXHTdagi elchilari O‘zbekiston va mintaqa davlatlariga tashrif buyurdi. Ular o‘z maqolalarida xavfsizlik masalalarini birgalikda ko‘rib chiqish va uning barcha — iqtisodiy, ekologik, insoniy va harbiy jihatlarini hisobga olish kerakligini yozadi.
2023 yilning 1 sentabrgacha O‘zbekistonda internet xizmatlari sifati va uzatish tezligini o‘lchaydigan tizim joriy etish taklif qilinmoqda. Uning veb-servis havolasi va mobil ilovasi ochiq manbalarda hamda internet xizmatlarini ko‘rsatuvchi kompaniyalarning rasmiy saytlarida joylashtirilishi ham belgilangan.
Jizzax viloyatida epitsentri Zarbdor tumani bo‘lgan yer silkinishi sodir bo‘ldi. Zilzila kuchi 3 ballni tashkil etdi. 14 noyabr hisobidan bu O‘zbekiston hududida qayd etilgan uchinchi yer qimirlashi.
Qo‘qonda 14 yoshli o‘smirning IIB Voyaga yetmaganlarga yordam markazida vafot etishi ortidan ikki nafar sobiq IIB xodimiga nisbatan jinoyat ishi qo‘zg‘atildi. Avvalroq markaz rahbari lavozimidan ozod etilgandi, yana ikki xodimi janjalning oldini olmagani uchun ishdan olingandi.
O‘zbekiston Davlat bayrog‘i qabul qilingan kuni munosabati bilan tashkil etilgan Yangi Nafas sport tadbirida mamlakatning 15 shahridan 50 mingdan ortiq kishi ishtirok etdi.
Toshkent vaqti bilan 13:01 Qirg‘izistonda zilzila qayd etildi. Uning kuchi Andijon viloyatining Xo‘jaobod, Buloqboshi va Jalaquduq tumanlarida sezildi.
Davlat xavfsizlik xizmati va Bosh prokuratura xodimlari tomonidan qalbaki 8300 dollar muomalaga chiqarilishining oldi olindi.
Andijon shahridagi 50-maktab stadioni o‘rnida ko‘p qavatli turar-joy binosi qurilmoqda. Yozda hibsga olingan shahar hokimining yer ajratish haqidagi tegishli qarori soxta bo‘lib chiqdi.
Metro bekatlari yaqinidagi veloturargohlar xavfli degan qarashlar bor. Bekatlarda velosipedlarini qoldirib, o‘z manziliga metroda yetib oluvchilarning turargohlar haqidagi fikrlari — «Gazeta.uz» muxbiri Madina A’zam fotoreportajida.
Buxoro — Samarqand — Toshkent yo‘nalishida harakatlangan Afrosiyob poyezdi 18 bosh qo‘yni urib yubordi. Holat yuzasidan tergovga qadar tekshiruv ishlari boshlandi. Hozirda qo‘ylarning egasi hamda yetkazilgan zarar miqdori aniqlanmoqda.
O‘zbekistonga chorshanba kuni Volga bo‘yidan sovuq havo massalari kirib keladi. Ayrim joylarda yomg‘ir yog‘adi, ba’zi hududlarda qorga aylanishi mumkin. Kechasi harorat -2 daraja, kunduzi +10 daraja atrofida bo‘ladi. 14−18 noyabr kunlari tog‘oldi va tog‘li hududlarda sel-suv toshqinlari kuzatilishi mumkin.
Davlat OTMlarining magistraturasida qo‘shimcha to‘lov asosida o‘qish imkoniyati yaratildi. Qolaversa, qishki qabulda xorijiy tilni bilish darajasidan qat’i nazar sertifikati borlar hujjat topshirishi mumkin bo‘ladi.
14 noyabr kuni Farg‘ona xalqaro aeroportida noqulay ob-havo sharoiti tufayli rejalashtirilgan bir qator parvozlar majburiy kechiktirildi.
Qo‘shko‘pir tumanida imom masjid qurilishi uchun yig‘ilgan 40 mln so‘mni o‘zlashtirgani aytilmoqda. Holat yuzasidan jinoyat ishi qo‘zg‘atildi.
Dushanba kuni soat 03:07 da Tojikistonda 3,8 magnitudali zilzila sodir bo‘ldi. Epitsentri Toshkentdan 149 km uzoqliqda bo‘lgan yer qimirlashi Bekobod, Shirin, Yangiyer va Guliston shaharlarida sezildi.
Qo‘shimcha imkoniyatlarga ega bulish uchun saytda ro‘yxatdan o‘ting