O‘zbekistonda dushanbadan jumagacha havo harorati iliq bo‘ladi. Faqat chorshanba kuni ba’zi joylarda biroz yomg‘ir yog‘ishi mumkin. Harorat asosan kechalari +2…+7, kunduzi +13…+18, ayrim kunlarda +20…+22 darajagacha isiydi.
Oliy ta’lim vaziri Ibrohim Abdurahmonov talabalarni odobiga ko‘ra guruhlarga ajratish topshirig‘ini bergandi. Vazirlik buni «ma’naviy-moddiy muammolarni bartaraf etish, murabbiylar bilan do‘stlik muhitini yaratish» deya izohladi. Tartiblar OTMlarning ichki qoidalariga aloqador ekani aytildi.
Turkmanistondan O‘zbekistonga yordam sifatida yuborilgan 2 ming tonna bepul suyultirilgan gazning yarmi Qoraqalpog‘iston aholisiga tarqatilmoqda. Qolgan ming tonna gaz Xorazm viloyatiga yuboriladi.
Sharqiy harbiy okrugga qarashli garnizonda rejalashtirilgan jangovar-taktik o‘quv mashg‘ulotlari boshlandi. Bu vaqtda shahar atrofida mashg‘ulotlar rejasiga muvofiq jangovar texnikalar harakatlanadi. Sinovlarni ma’sullar kuzatib boradi.
Sergeli va Yunusobod tumanlarida ro‘y bergan 2 YTHda jami 5 kishi jarohat oldi. Mashinalardan biri yonib ketdi. Holatlar yuzasidan surishtiruv harakatlari olib borilmoqda.
Toshkent metropolitenining «Novza» bekatidagi piyodalar o‘tish yo‘lagida savdo shoxobchalari tiklanadi. Bekat shaharsozlik normalariga javob berishi va yo‘lovchi oqimining me’yoridaligi sabab tanlangan. Pandemiyada faoliyati to‘xtatilgan shoxobchalarni tadbirkorlarga ijaraga berish bo‘yicha aniq tartib hozircha yo‘q.
Toshkent shahri Ichki ishlar bosh boshqarmasi poytaxtga kelgan xorijiy va mahalliy sayyohlar xavfsizligini ta’minlash uchun yordamchi sifatida ko‘ngillilarni jalb qilmoqda. Bunda volontyorlar bir nechta talablarga javob berishi kerak bo‘ladi.
2022 yilning kuzida o‘z xotinini «bir necha bor qilgan xiyonatlari tufayli» 19 marta pichoqlab o‘ldirgan erkak 10 yilga qamaldi. «Xotinimni bunaqa yo‘l tutishi menga juda yomon ta’sir qildi», — dedi erkak sud zalida.
“Bu „Mushtum“ — zo‘rliq mushtumi emas, haqliq mushtumidir; bu „Mushtum“ — zolimlar mushtumi emas, mazlumlar mushtumidir. Shuning uchun buning ma’nosi ham boshqachadir… Tumshug‘ingiz ustiga yangi mehmon muborak bo‘lsin, afandilar!..”
Oliy ta’lim vaziri Ibrohim Abdurahmonov barcha OTM rektorlariga talabalarni jinoyatchilikka moyil, yot g‘oyalar ta’siriga tushish arafasida va qoidalarga rioya etmaydigan kabi guruhlarga ajratish topshirig‘ini bergani aytilmoqda. «Shoshilinch» topshiriq ijrosi bo‘yicha ma’lumotlar 3 kunda yuborilishi so‘ralgan.
O‘tgan yomg‘irli kunlardan so‘ng O‘zbekiston bo‘ylab hafta boshida havo ilishni boshlaydi va 18 darajagacha ko‘tariladi. Mamlakatning aksariyat hududlarida yog‘ingarchilik kutilmaydi. Tog‘oldi va tog‘li hududlarda qor ko‘chishi xavfi bor.
Zangiota tumanida «Volga» avtomobili haydovchisi tezlikni oshirib, boshqaruvni yo‘qotishi oqibatida Bo‘zsuv kanaliga tushib ketdi. 23 yoshli haydovchi mashinadan chiqolmay, suvda cho‘kib vafot etdi.
Ichki kiyimlar do‘konini tanqid qilgan chirchiqlik bloger jarimaga tortildi. Bu ishni «o‘zining diniy qarashlaridan kelib chiqib» qilganini aytgan fuqaroga tadbirkorlik faoliyati erkinligi kafolatlari tushuntirildi. Poytaxt IIBB jamiyatda o‘zini tutish qoidalari va qonunchilikka itoatkor bo‘lishga chaqirdi.
Toshkentning Mirzo Ulug‘bek tumanida firmaga berilgan hududda 35 tup daraxt noqonuniy kesib tashlangani aniqlandi. Buning oqibatida o‘simlik dunyosiga 196 mln so‘m zarar yetgani ma’lum bo‘ldi. Holat bo‘yicha jinoyat ishi qo‘zg‘atildi.
Yakkabog‘ tumanida Gentra avtomobili haydovchisi piyodani urib qochib ketdi. Oqibatda jabrlanuvchi voqea joyida vafot etdi. Tezkor surishtiruv davomida YTHni 27 yoshli yigit sodir etgani aniqlandi.
Toshkent viloyatining Oqqo‘rg‘on tumanida bir oiladan to‘rt kishi halok bo‘ldi, yana uch nafari kasalxonaga yotqizildi. O‘lim sababi oziq-ovqat yoki is gazidan zaharlanish bo‘lishi mumkin. Tekshiruv uchun ovqat qoldiqlaridan namunalar olindi.
100 yoshga to‘lgan “Mushtum"ning ko‘plab adabiy qahramonlari, doimiy ruknlari bor. ““Mushtum” medallari” — shunday ruknlardan biri. “Gazeta.uz” 1972 yilda jurnalning 15 ta soni davomida e’lon qilingan “medallar"ni bir sahifaga jamladi. Bu “medallar"ga loyiqlar hali ham oramizda bo‘lishi mumkin.
100 yil avval — 1923 yil 18 fevralida Qodiriy asos solgan «Mushtum»ning ilk soni chiqqan. Tanqidiy hajviyalar istalgan nashrda chiqishi mumkin, ammo bu jurnalni ajratib turuvchi jihat — uning o‘tkir karikaturalari edi. «Gazeta.uz» «Mushtum»da chiqqan hajv-suratlar to‘plamini e’tiboringizga havola qiladi.
Toshkentning Amir Temur ko‘chasida yana bir yirik YTH sodir bo‘ldi — birdaniga to‘rtta avtomobil to‘qnashdi, ulardan biri yonib ketdi. Ikki haydovchi jarohatlangan.
Toshkentdagi Eski-Juva bozorida sotuvchi ayollar o‘rtasida yuzaga kelgan o‘zaro janjal vaqtida 29 yoshli ayol hamkasbini do‘pposlab, qulog‘ining bir qismini tishlab, uzib oldi. JIB Shayxontohur tumani sudi tomonidan hamkasbining qulog‘ini tishlagan ayolga 3 yil muddatga ozodlikni cheklash jazosi tayinlandi.
Qo‘shimcha imkoniyatlardan foydalanish uchun saytda ro‘yxatdan o‘ting