Jamiyat
Nodir kitoblar yo‘qolishi sababli sudlangan O‘zMU kutubxonasi direktori ozodlikka chiqarildi
Sudning apellyatsiya instansiyasi nodir qo‘lyozmalar yo‘qolishida ayblanib, 5 yilga qamalgan O‘zMU kutubxonasi direktori Irina Kislitsinaning jazosini yengillashtirdi. Unga qo‘llanilgan qamoq jazosi ozodlikni cheklash chorasiga almashtirildi.
Toshkent viloyatida temir yo‘l simlarini o‘g‘irlagan 3 kishi besh yilga ozodlikdan mahrum etildi
Sud tomonidan Toshkent viloyatida elektrovozlarini yuqori kuchlanishli elektr energiyasi bilan ta’minlovchi simlarning jami 140 metrini o‘g‘irlagan shaxslarga hukm o‘qildi. Ularning har biri besh yil 1 oy muddatga ozodlikdan mahrum etildi.
5 yilda o‘lim bilan bog‘liq YTHlar sonini eng kamida 50 foizga qisqartirish rejalashtirilgan — Olim Saidov
O‘zbekistonda yanvar-oktabr oylari davomida 7636 ta yo‘l-transport hodisasi (YTH) qayd etilgani, ular oqibatida 1931 kishi halok bo‘lgani aytilgandi. IIV YHXX boshlig‘i Olim Saidov ushbu ko‘rsatkichni 5 yilda kamida 2 barobarga qisqartirish rejalashtirilganini ma’lum qildi.
Andijondan qator hududlarga qo‘shimcha poyezdlar qatnovi yo‘lga qo‘yiladi
11 dekabrdan boshlab Andijon viloyatidan Xiva, Termiz va Qo‘ng‘irotga qo‘shimcha poyezdlar qatnovi yo‘lga qo‘yiladi.
Shavkat Mirziyoyev Qirg‘iziston prezidentini tug‘ilgan kuni bilan tabrikladi
O‘zbekiston prezidenti Shavkat Mirziyoyev Sadir Japarov bilan telefonda suhbatlashib, uni tavallud kuni bilan tabrikladi. Shuningdek, Qirg‘iziston nashrlari 9 dekabr kuni Shavkat Mirziyoyevning mamlakatga tashrifi haqida xabar berdi.
O‘rmon xo‘jaligi qo‘mitasi: 10 oyda 3 mlrd so‘mdan ziyod zarar yetkazildi
2022 yilning o‘n oyida 694 ta holatda o‘rmon huquqbuzarliklari aniqlanib, jami 3 mlrd 153,4 mln so‘m zarar keltirilgan. O‘rmon xo‘jaligi davlat qo‘mitasi rasmiysining aytishicha, 374 ta holat bo‘yicha 330 mln so‘mdan ortiq zarar va 85 mln so‘m jarima undirilgan. Hozirda qolganlarini undirish choralari ko‘rilmoqda.
Samarqandda pogonini o‘zi yulib, ayol kishini ayblashga uringan IIB xodimi hanuz tizimda ishlayotgani aytildi
2022 yilning yozida tarmoqlarda ikki ayolga kuch ishlatayotgan IIB xodimlaridan biri pogonini o‘zi yulib tashlab ayolni ayblagani aks etgan video tarqalgandi. IIV vakilining aytishicha, pogonini yulib tashlagan xodim hamon shu tizimda ishlamoqda, ayolga nisbatan bir yil muddatga axloq tuzatish ishlari tayinlangan.
Dushanba kuni Toshkent metropoliteni 620 ming yo‘lovchi tashidi
Poytaxtda 5 dekabr kunining o‘zida 620 ming yo‘lovchi metrodan foydalandi (bu odatiy kundan 105 ming (21%) nafarga ko‘p). Metropoliten xodimlari yo‘lovchi ko‘pligi sabab, fuqarolardan qoidalarga amal qilishni va kassalarda navbat kutib qolmaslik uchun bank yoki transport kartalardan foydalanishni so‘radi.
IIV fuqarolarni qiyin vaziyatlarda qolganda murojaat qilishga chaqirdi
IIO xodimlari 3 nafar — biri Navoiyda ko‘p qavatli uyning dahlizida uxlayotgan, ikki nafari Toshkentdagi yer osti quvuri yonida isinayotgan boshpanasizga yordam berdi. IIV shaxsiy tarkibni kuchaytirilgan rejimga o‘tkazdi. Aholi qiyin va xavfli vaziyatlarda 102, 1102 va 1173 raqamlariga qo‘ng‘iroq qilishi so‘raladi.
O‘zbekistonda koronavirus yuqtirganlar soni biroz kamaydi
5 dekabr kuni respublikada koronavirus yuqtirganlar soni biroz kamayib, 120 kishini tashkil etdi. (Bir kun oldin 153 kishida aniqlangan.)
Farg‘onada profilaktika inspektori o‘zini otib qo‘ydi
Toshloq tumanida profilaktika inspektori tabel quroli bilan o‘zini otib qo‘ydi. U mashinasida koma holatida topilgan va tibbiy muassasaga joylashtirilgan. Xodim 1xbet orqali 45 mln so‘m yutqazib qo‘ygani uchun jazolangan va viloyat IIB qoshidagi intizomiy Kengashning nazoratida bo‘lgan.
O‘zbekiston va Qirg‘iziston pasport nazoratini osonlashtirishga kelishib oldi
O‘zbekiston va Qirg‘iziston pasport nazoratini osonlashtirishga kelishib oldi. Endilikda ikki davlat fuqarolari ID-kartani ko‘rsatish orqali chegaradan o‘tishi mumkin. Tegishli bayonnoma O‘zbekiston prezidentining 9 dekabr kuni Qirg‘izistonga davlat tashrifi chog‘ida imzolanadi.
Toshkentda uydagi yong‘in oqibatida 2 kishi vafot etdi
Toshkent shahrining Yangihayot tumanida 12 ta xonadondan iborat bo‘lgan uyda yong‘in sodir bo‘ldi. Uydan 9 nafar fuqaro evakuatsiya qilindi, biroq 2 nafar fuqaro halok bo‘ldi. Hozirda holat yuzasidan tergovga qadar tekshiruv harakatlari olib borilmoqda.
Buxoro viloyatida 5 kishilik oila is gazidan halok bo‘ldi
Buxoro viloyatining Jondor tumanida er-xotin hamda ularning 2, 7 va 11 yoshli farzandlari yong‘in natijasida vujudga kelgan is gazidan zaharlanib vafot etdi.
Toshkentda qozonxonalar gaz yetishmasligi sababli kerakli issiqlikni ishlab chiqara olmayapti
Veolia Energy Tashkent poytaxtning ayrim tumanlarida tabiiy gaz yetishmasligi sababli qozonxonalarda zaruriy haroratdagi issiqlikni ishlab chiqara olmayotgani, bu esa isitish sifatining yomonlashishiga olib kelayotganini ma’lum qildi.
5 dekabr kuni O‘zbekistonda sodir bo‘lgan eng muhim xabarlar dayjesti
O‘zbekistonda gazsiz qolgan 14 ming iste’molchi, qorli Toshkent, yil boshidan buyon eksport qilingan 4 mlrd kubometr gaz, Chinozda is gazidan vafot etgan oila, talabalar uchun 15 kunlik qishki ta’til, Nukus voqealari tafsilotlari, sovuq ob-havo va boshqalar — «Gazeta.uz»ning kun dayjestida.
Xo‘jakent tog‘larida sog‘lig‘i to‘satdan yomonlashgan sayyohga yordam ko‘rsatildi
FFV qutqaruvchilari Toshkent viloyatidagi Xo‘jakent tog‘larida 1700 metr balandlikda ahvoli yomonlashib qolgan sayyohga yordam ko‘rsatdi.
O‘zbekiston yil boshidan buyon 4 mlrd kubometr gaz eksport qildi
10 oy davomida O‘zbekiston 841 mln dollarga 4 mlrd kubometr gaz eksport qildi. Bu mamlakatdagi umumiy ishlab chiqarishning deyarli o‘ndan bir qismidir. Gazning deyarli butun hajmi Xitoyga yuboriladi, ammo ikki mamlakat statistikasi bir-biriga to‘g‘ri kelmayapti.
Samarqandda mast holatda janjallashgan fuqarolardan biri vafot etdi
29-noyabr kuni Samarqand viloyati Nurobod tumanidagi kafelarning birida mast holatda bo‘lgan ikki kishi o‘rtasida janjal sodir bo‘ldi. Oqibatda ulardan biri oradan bir kun o‘tib olgan tan jarohati sabab vafot etdi. Holat yuzasidan tergov harakatlari olib borilmoqda.
«U xotin-qizlarni emas, zo‘ravonlarni himoya qilmoqda». Himoya orderining muammolari haqida
O‘zbekistonda 2019 yilda zo‘ravonlikdan jabrlangan xotin-qizlar uchun «himoya orderi» instituti joriy etildi. Ekspertlar uning afzalliklarini e’tirof etsa-da, amalda u haqiqiy himoyachiga aylanolmaganini ta’kidlamoqda. Sabablari ko‘p, ulardan biri — zo‘ravonga nisbatan jazoning yengilligidir, deydi ular.
Eng ko‘p o‘qilgan xabarlar | So‘nggi yangiliklar
Qo‘shimcha imkoniyatlardan foydalanish uchun saytda ro‘yxatdan o‘ting