Jamiyat
Yunusobodda daraxtlar tagi betonlab ketilgan holat yuzasidan jinoyat ishi ochildi
3 fevral kuni poytaxtning Yunusobod tumanida tadbirkor qurilish uchun sotib olgan yer uchastkasida o‘sayotgan daraxtlarni tag qismidan betonlab tashlagandi. Yunusobod tuman prokuraturasi ushbu holat yuzasidan jinoyat ishi qo‘zg‘atdi. Gumonlanuvchilar maksimum 3 yilgacha ozodlikdan mahrum qilinishi mumkin.
Farg‘ona vodiysidagi metan zapravkalar vaqtincha faoliyatini to‘xtatadi
Farg‘ona vodiysida metan zapravkalar 15 fevral soat 13:00 dan 16 fevral 06:00 ga qadar o‘z faoliyatini vaqtinchalik to‘xtatadi. «O‘ztransgaz» kompaniyasi bundan maqsad sovuq ob-havo sharoitida aholi, iste’molchilar va ijtimoiy soha obyektlari, strategik ahamiyatga ega korxonalarni barqaror tabiiy gaz bilan ta’minlash ekanligini ta’kidlagan.
14-fevralda koronavirus aniqlanganlar soni 300 nafardan sal oshdi
Dushanba kuni O‘zbekistonda 302 kishining koronavirusga qarshi topshirgan testi musbat natijani qayd etgan (oldingi kun 322 ta holat). 57 kishi pnevmoniyaga chalingan (61 kishi). Yana 3 kishi koronavirusdan vafot etdi.
Gulnora Karimovaning xorijdagi aktivlarini qaytarish uchun trast jamg‘arma tashkil etiladi
Gulnora Karimovaga nisbatan jinoyat ishi doirasida musodara qilingan aktivlarni qaytarish uchun BMTning ko‘ptomonlama trast jamg‘armasi tashkil etiladi. Adliya vazirligi mablag‘lar O‘zbekiston aholisi farovonligini yaxshilash uchun ijtimoiy sohaga sarflanishini ma’lum qildi. Shuningdek, Fransiyadan yana 10 mln dollar qaytarildi, qolaversa, 131 mln dollarlik aktivlar O‘zbekistonga qaytarilishga tayyor.
Uzbekistan Airways uzoq masofaga mo‘ljallangan ilk A321LR havo kemasiga ega bo‘ldi
Uzbekistan Airways kompaniyasi uzoq masofaga uchuvchi Airbus A321neo (LR) havo kemasini qabul qilib oldi. 188 yo‘lovchiga mo‘ljallangan samolyot LEAP-1A dvigatellari bilan jihozlangan. Yil oxirigacha yana to‘rtta samolyot yetkazib berilishi rejalashtirilgan.
O‘zbekiston terma jamoasining birinchi murabbiyi vafot etdi
Futbol bo‘yicha O‘zbekiston milliy terma jamoasining birinchi murabbiyi Rustam Akramov 73 yoshida vafot etdi. U 1992−1994-yillardagi faoliyati davomida jamoa bilan Markaziy Osiyo chempionati va 1994-yil Xirosimada o‘tgan Osiyo o‘yinlarida g‘alaba qozongan. Keyingi ikki yilda esa Hindiston terma jamoasini boshqargan.
Kosmonavtlar maydonidagi rekonstruksiya ruxsatsiz boshlangan
Madaniy meros agentligi kosmonavt Vladimir Janibekov haykali atrofidagi marmar plitalar ruxsatsiz demontaj qilinayotganini ma’lum qildi. Hokimiyat topshirig‘iga asosan uni rekonstruksiya qilayotgan «Mimar Group» kompaniyasi esa ogohlantirish oldi. Ish to‘xtatildi.
14 fevral kuni O‘zbekistonda sodir bo‘lgan eng muhim xabarlar dayjesti
Import avtomobillar uchun bojxona boji 2 baravarga pasaytirilishi, UzAuto Motors avtomobillariga oldindan to‘lov 50 foizgacha kamaytirilishi, martda Toshkentga keladigan Turkiya prezidenti, Andijonda uzrbozlik ortidan ishdan bo‘shatilgan tuman hokimi o‘rinbosari hamda hayfsan olgan hokim, diplomlari imtihonsiz tan olinadigan xorijiy OTMlarning top-1000 taligi va boshqalar — «Gazeta.uz» ning 14 fevraldagi eng muhim xabarlari dayjestida.
Prezident import avtomobillar uchun bojxona bojini 2 baravarga pasaytirish bo‘yicha ko‘rsatma berdi
Prezident dushanba kungi yig‘ilishda Vazirlar Mahkamasiga 3 kun muddatda import avtomobillari uchun bojxona boji stavkalarini 2 barobarga — 30 foizdan 15 foizgacha pasaytirish bo‘yicha qaror loyihasini kiritishga topshiriq berdi.
Toshkentdagi Bobur ko‘chasida qatnov qismini ajratib turuvchi yashil maydon qayta tashkil etiladi
Toshkent shahar hokimligi Bobur ko‘chasida qatnov qismini ajratib turuvchi yashil maydonlar joyiga qaytarib qo‘yilishini ma’lum qildi. Ushbu yashil maydon 2016 yilda yo‘q qilinib, uning o‘rniga betondan yo‘l ajratmasi bunyod etilgandi.
Surxondaryoda internat direktori lavozimini 13 ming dollarga pullayotgan fuqarolar qo‘lga olindi
Surxondaryo viloyatida maktab internati direktorining o‘rinbosari va viloyat XTB kadrlar bo‘limi rahbari fuqaroga 13 ming dollar evaziga internat direktori lavozimini olib berishni va’da qilganligi aniqlandi. Ularning ikkisi ham so‘ralgan mablag‘dan 5 ming dollardan olayotgan vaqtda qo‘lgan olingan, holat bo‘yicha jinoiy ish qo‘zg‘atilgan.
Andijondagi uzrbozlik ortidan tuman hokimi o‘rinbosari ishdan bo‘shatildi, hokim esa hayfsan oldi
Andijon viloyati Marhamat tumanidagi 72-maktabda o‘qituvchilar uzr so‘rashga majburlangani ortidan tuman hokimi o‘rinbosari Muxtor Qurbonov ishdan bo‘shatildi, hokim Bobur Yo‘ldoshevga esa hayfsan berildi. Qolaversa, maktab direktori Muqaddamxon Hasanova va tuman xalq ta’limi bo‘limi mudiri Aliyaxon Abduvohidova lavozimlaridan ozod qilindi.
Chirchiqda tadbirkor soxta hujjatlar yordamida 4 mlrd so‘m kredit olgani aniqlandi
Chirchiq shahrida hujjatlari soxtalashtirilgan obyektni garovga qo‘yib, bankdan 4 mlrd so‘m kredit olgan tadbirkor aniqlandi. U barcha mablag‘larni o‘z ehtiyojlari uchun sarflab yuborgan. Tadbirkorga nisbatan jinoyat ishi qo‘zg‘atildi.
Toshkentda hayvonlarning pnevmatik quroldan otilishi bo‘yicha surishtiruv ishlari boshlandi
Toshkent shahrining Mirobod tumanida noma’lum erkak it va mushuklarni pnevmatik qurol yordamida otganligi aytilmoqda. Holat yuzasidan tergovgacha surishtiruv ishlari olib borilmoqda.
Shavkat Rahmonov Namangan viloyati IIBga boshliq etib tayinlandi
Samarqand viloyati IIB boshlig‘i lavozimida xizmat qilgan Shavkat Rahmonov Namangan viloyati IIB boshlig‘i etib tayinlandi. U mazkur lavozimda Adil Ataxodjayevning o‘rnini egalladi.
Maktablardagi tungi tadbirlarga o‘qituvchilarni majburiy jalb etish taqiqlanadi — XTV
Xalq ta’limi vazirligi kechki tadbirlarga pedagog xodimlar va o‘qituvchilarni majburiy jalb etish taqiqlangani haqida hududiy boshqarmalarni ogohlantirdi. Ta’kidlanishicha, ushbu tungi tadbirlar uyushmagan va 18−30 yosh orasidagi fuqarolarga mo‘ljallangan. Avvalroq, Andijon viloyatidagi maktablarda kechasi soat 22:00 ga qadar tadbirlar o‘tkazilayotgani xabar qilingandi.
Hafta davomida sovuq havo saqlanib qoladi
Hafta mobaynida O‘zbekistonda sovuq ob-havo bo‘lishi kutilmoqda, bir necha kun davomida tungi sovuqlar ham saqlanib qoladi. Dushanba kungi yomg‘ir va qordan keyin boshqa yog‘ingarchilik kutilmaydi. Hafta oxirida esa havo biroz isishi mumkin.
Andijondagi portlashda Qirg‘iziston fuqarosi halok bo‘lgani aniqlandi
Andijondagi portlashda halok bo‘lgan qurbon Qirg‘iziston fuqarosi ekanligi aniqlandi. FVV portlash oqibatida 1 kishi halok bo‘lgani, 11 kishi jarohatlangani haqida ma’lum qilgan edi. Voqea guvohlari halok bo‘lganlar soni bir kishidan ko‘proq bo‘lganligini ta’kidlagan edi.
Maktablarda kadr xizmati xodimlariga 16 mlrd so‘m kam oylik to‘langani aniqlandi
Adliya vazirligi maktablardagi kadr xizmati xodimining lavozim razryadlarini pasaytirib ko‘rsatish oqibatida oylik maosh 16 mlrd so‘mga kamroq to‘lab berilganini aniqladi. Hozirga qadar ko‘rilgan ta’sir choralari natijasida esa faqatgina 3 mlrd so‘m maosh to‘lanishiga erishilgan.
Kollej va texnikumlar o‘quvchilariga ham stipendiya to‘lanishi mumkin
Jamoatchilik muhokamasiga qo‘yilgan prezident qarori loyihasiga ko‘ra, dual ta’lim shakliga o‘tgan kollej va texnikumlar o‘quvchilariga ham stipendiya to‘lanishi mumkin. Qolaversa, dual ta’lim shaklini joriy qilgan eng yaxshi 100 ta professional ta’lim muassasasiga har yili 50 mln so‘mdan mablag‘ ajratiladi.
Eng ko‘p o‘qilgan xabarlar | So‘nggi yangiliklar
- Ozodbek Nazarbekov ishtirokidagi reklama roligi bo‘yicha o‘rganish ishlari boshlandi — Raqobat qo‘mitasi
- Navoiyda 8 yoshli qiz mashina bosib ketishi oqibatida halok bo‘ldi
- SES Afg‘oniston gazli ichimligining xavfsizligini qayta tekshiradi
- Farg‘onada fuqaro IIB xonasida hushini yo‘qotib, reanimatsiyaga yotqizildi
Qo‘shimcha imkoniyatlarga ega bulish uchun saytda ro‘yxatdan o‘ting