Jamiyat
Kuniga o‘rtacha 45−50 mingta PZR-test olinmoqda — SVV
O‘zbekistonda har kuni o‘rtacha 45−50 ming nafar fuqaro koronavirusni aniqlash maqsadida PZR-test topshirmoqda. Dekabrning so‘nggi haftasida ushbu ko‘rsatkich 15−20 mingtani tashkil qilgandi. Qolaversa, poytaxtning 12 ta tumanida 24 soat davomida kovidga bepul test topshirish mumkin bo‘lgan manzillar ro‘yxati e’lon qilindi.
Qoraqalpog‘istonda ikki yilga qirg‘ovullarni ovlash taqiqlandi
Qoraqalpog‘iston Vazirlar Kengashi qirg‘ovullar sonini ko‘paytirish maqsadida hududda 2 yil davomida ularni ovlashga taqiq e’lon qildi. Ekoqo‘mita va IIVga qirg‘ovullarni noqonuniy ovlanishning oldini olish va qoyidabuzarlarga nisbatan choralar ko‘rish vazifasi yuklatildi.
Asilbek Ashurov Paxtakor tumaniga hokim bo‘ldi
Jizzax viloyati prokurori o‘rinbosari Asilbek Ashurov Paxtakor tumani hokimi etib tayinlandi. U mazkur lavozimda 2018 yildan beri ishlab kelayotgan Shukrullo Boboyevning o‘rnini egalladi.
«90−95% bemorda o‘pka zararlanishi kuzatilmayapti» — Zangiota 1-son shifoxonasi direktori
Zangiota 1-son yuqumli kasalliklar shifoxonasi direktori Anvar Husanovning so‘zlariga ko‘ra, «5 yanvardan keyin murojaat qilgan bemorlarning 90−95 foizida o‘pkaning zararlanishi kuzatilmayapti». U davolanish muddati o‘rtacha 5 kunni tashkil qilayotgani va kasallik bemorlarda yengil kechayotganini ma’lum qildi.
«Bu ijodkorlarning buzuq fantaziyasi». Saida Mirziyoyeva — «Sabriya» seriali haqida
Mass-media fondi Vasiylik kengashi raisi o‘rinbosari Saida Mirziyoyeva Sevimli telekanalidagi «Sabriya» seriali yuzasidan munosabat bildirib, «hech qaysi filmda ayollarga nisbatan bu qadar nafrat ko‘rmaganman», — deya ta’kidladi. Qolaversa, u serialdagi ayollarga nisbatan zo‘ravonlik sahnalari va isnoddan qutulishning yagona «to‘g‘ri» yo‘li sifatida o‘z joniga qasd qilish ko‘rsatilgan epizodlar uchun ijodkorlarni tanqid qildi.
Suriyaga ketishga uringanlikda gumon qilingan fuqaro O‘zbekistonga qaytarildi
Rossiyaga ishlash uchun borgan qashqadaryolik fuqaro internet orqali xalqaro terrorchi tuzilmalar ta’siriga tushib qolib, Suriyadagi jangarilar safiga borib qo‘shilishni rejalashtirgani aytilmoqda. U O‘zbekiston DXX hamda Rossiya FXX tomonidan qo‘lga olinib, O‘zbekistonga olib kelindi.
Limon yetishtiruvchilarga subsidiyalar beriladi
Hukumat qarori bilan 2021 yildan limon yetishtiruvchi qishloq xo‘jaligi tashkilotlariga xarid qilgan tabiiy gazga nisbatan muqobil energiya qurilmalari qiymatining 30 foizgacha bo‘lgan qismi qoplab beriladi. Qolaversa, yangi limonzorlar barpo etish va ko‘chatlar xarid qilishga har bir sotix uchun 300 ming so‘mgacha miqdorda subsidiya beriladi.
Yetim bolalar uchun «Mehr daftari» joriy etildi
Hukumat qaroriga muvofiq, yetim bolalar va ota-ona qaramog‘idan mahrum bo‘lganlarni qo‘llab quvvatlash maqsadida «Mehr daftari» tizimi joriy qilindi. Bolalar ushbu daftarga tuman yoki shahar hokimi qarori asosida kiritiladi va undan 25 yoshga to‘lganda chiqariladi. Bunda daftardan chiqarilayotgan shaxslarning bandligi ta’minlangan va uy-joyi mavjud bo‘lishi shart.
Lacetti va Cobalt mijozlarga vaqtincha magnitolasiz yetkazib beriladi
UzAuto Motors komponentlarni yetkazib berishdagi uzilishlar sababli mijozlarga Lacetti va Cobalt avtomobillarini magnitolasiz yetkazib beradi.
Poytaxtda vaksina olmagan 1044 nafar xodim vaqtincha ishdan chetlatildi
Dushanba kuni Toshkent shahridagi 508 ta budjet tashkiloti va tadbirkorlik subyektlarida tekshiruvlar o‘tkazildi. Buning natijasida koronavirusga qarshi emlanmagan 1044 nafar xodim vaqtincha ishdan chetlatildi, 200 nafari esa jarimaga tortildi. Yana bir tashkilot faoliyati vaqtincha to‘xtatildi.
Buxoroda fuqaro IIB binosida vafot etdi
G‘ijduvon tumanida giyohvandlik moddasi sotganlikda gumon qilinib, ichki ishlar boshqarmasiga olib borilgan fuqaro sog‘ligi yomonlashib, vafot etdi. Bosh prokuratura matbuot xizmatining «Gazeta.uz» ga ma’lum qilishicha, «murdada tan jarohati yoki uning izlari aniqlanmagan». Tibbiy ekspertiza o‘limga o‘tkir yurak qon tomir yetishmovchiligi sabab bo‘lganini aytmoqda.
Antirekord yana yangilandi: 1200 dan ortiq kishi koronavirucga chalindi
Seshanba kuni koronavirusning kunlik holati 1214 taga yetib, antirekord yana yangilandi. 3 nafar bemor esa vafot etdi. Bunga qadar, eng ko‘p holat 16 yanvar kuni — 1037 kishida virus qayd etilgandi.
Toshkentdagi Davlat san’at muzeyi va Samarqanddagi Ipak yo‘li muzeyi binolarining loyihalari namoyish etildi
Toshkentdagi Davlat san’at muzeyi va Samarqanddagi «Ipak yo‘li» muzeyining yangi binolari loyihalari taqdim etildi. Birinchisi 2022−2023-yillarda Alisher Navoiy haykali va Xalqlar do‘stligi saroyi o‘rtasida, ikkinchisi Universitet xiyoboni va Bobur Mirzo ko‘chasi oralig‘ida qurilishi rejalashtirilgan.
AOKA Sevimli telekanalidagi milliy serialga ekspertiza tayinladi
Ijtimoiy tarmoqlarda Sevimli telekanali orqali efirga uzatilayotgan «Sabriya» milliy serialidagi behayo sahna ko‘rinishlari jamoatchilik e’tirozlariga sabab bo‘lganidan so‘ng, AOKA serial ekspertizadan o‘tkazilishini ma’lum qildi.
Qariyb 10% fermerlar bilan uzoq muddatli ijara shartnomasi tuzilmagan — Adliya vazirligi
Adliya vazirligi «Fermerga madad» huquqiy aksiyasi doirasida qariyb 10 foiz fermer xo‘jaliklari bilan yer uchastkasining uzoq muddatli ijara shartnomasi tuzilmaganini aniqlandi. Shundan kelib chiqib, Qoraqalpog‘iston adliya vaziri hamda viloyatlar adliya boshqarmalari boshliqlariga fermerlar va tuman hokimlari o‘rtasida ijara shartnomasini tuzilishini ta’minlash vazifasi topshirildi.
Andijonda 12 nafar ayol «Hizb ut-Tahrir» g‘oyalarini o‘rganishda gumon qilinmoqda
Andijonda 12 nafar ayol ijtimoiy tarmoqlar orqali «Hizb ut-Tahrir» g‘oyalarini o‘rganishda gumon qilinmoqda. Ularning Turkiyada bo‘lib turgan ayolning ko‘rsatmalari asosida tez-tez yig‘ilib turishgani aytildi.
Qoraqalpog‘istonda muqovasidagi xato sabab «Alipbe» metodik qo‘llanmalari qaytarib olinadi
Qoraqalpoq tilidagi o‘qituvchilar uchun «Alipbe» metodik qo‘llanmalari muqovadagi xatolik sababli qaytarib olinmoqda. Aniqlanishicha, qo‘llanmaning muqovasi tegishli komissiyaga ko‘rib chiqish uchun topshirilmasdan, to‘g‘ridan-to‘g‘ri nashriyotga yuborilgan.
18 yanvar kuni O‘zbekistonda sodir bo‘lgan eng muhim xabarlar dayjesti
O‘zbekistonda ishlab chiqarilayotgan LOCHIN droni, O‘zbekiston fuqarosi Qozog‘istonda qo‘lga olinganini rad etgan TIV, geografiya faniga ajratilgan soatlar qisqarganmaganini ta’kidlagan XTV, Farg‘onada is gazidan vafot etgan 3 kishi, 100 yoshdan oshgan 570 nafar nafaqaxo‘rga to‘lanadigan qo‘shimcha to‘lov, Do‘stlik bog‘i uchun kurash va boshqa xabarlar — «Gazeta.uz» ning 18 yanvardagi eng muhim xabarlari dayjestida.
Daraxt kesilishi bo‘yicha Andijon shahar obodonlashtirish boshqarmasi boshlig‘iga jinoyat ishi qo‘zg‘atildi
Andijon perinatal markazi hududidagi 12 tup qimmatbaho daraxt kesilgani yuzasidan shahar obodonlashtirish boshqarmasi boshlig‘iga jinoyat ishi qo‘zg‘atildi. Daraxtlarning qonunga xilof ravishda kesib yuborilganligi oqibatida tabiatga 115,5 mln so‘m miqdorida zarar yetkazilgan.
Do‘stlik bog‘i uchun kurash. Hokimiyat va fuqarolar o‘zaro til topishish uchun nimalar qilmoqda?
Bir necha yillik qarovsizlikdan so‘ng oktabr oyida Do‘stlik bog‘i qaytadan ochildi, biroq unda ko‘plab kamchiliklar mavjudligi ko‘rinib qoldi. Ko‘ngillilar bog‘da shikastlangan daraxtlar borligidan shikoyat qilmoqda va bog‘ni rivojlantirish uchun investor topishmoqchi. Hokimlik bog‘ni xalqqa qoldirish va’dasini bajarishga intilmoqda. Ko‘ngillilar qanday bog‘ni ko‘rishni xohlaydilar, tuman hokimi bu haqda qanday fikrda va pudratchilar qanday xatolarga yo‘l qo‘yganligiga “Gazeta.uz” muxbiri Sabina Bakayeva aniqlik kiritdi.
Eng ko‘p o‘qilgan xabarlar | So‘nggi yangiliklar
- O‘zbekistonda chorva hayvonlarini identifikatsiya qilish rejalashtirilmoqda
- UzAuto Motors bosh direktori Bu Andersson jarimaga tortildi
- Ohangaron o‘rmon xo‘jaligining ijaradagi 2 gektar yerini 61 ming dollarga sotmoqchi bo‘lgan shaxslar qo‘lga olindi
- O‘zbekistonga oq tovus va qirg‘ovullarni noqonuniy olib kirayotgan fuqaro to‘xtatib qolindi
Qo‘shimcha imkoniyatlarga ega bulish uchun saytda ro‘yxatdan o‘ting