Ommaviy axborot vositalarining vazifasi — jamoatchilik fikrini yetkazib turish va muammolarni muhokama qilish orqali ularning hal qilinishiga hissa qo‘shishdan iborat. Ularning «og‘zini yopish»ga urinishlar hokimiyat uchun ham, butun jamiyat uchun ham halokatli oqibatlarga olib keladi. Komil Jalilov maqolasi.
Andijon shahrida fuqaroni qiynoqqa solib, uning o‘limiga sababchi bo‘lgan ichki ishlar organlari xodimlariga nisbatan Oliy sud hukmi o‘qildi. Aybdorlarga 10, 9 va 8,5 yilga ozodlikdan mahrum qilish jazosi tayinlandi.
Ma’muriy ishlarni ko‘rib chiqish vakolatining jinoyat ishlari bo‘yicha sudlarga o‘tayotgani, umumta’lim fanlarini bilish darajasini baholashning milliy test tizimi, kommunal sohadagi qoidabuzarliklar nazoratining Departamentga topshirilayotgani va boshqalar — 1 dekabrdan nimalar o‘zgaradi?
1,5 mln abituriyentning 23 foizini bu yilgi maktab bitiruvchilari tashkil etgan bo‘lsa, ular davlat granti kvotasining 50 foizini egallagan. «Abituriyentlarning natijasi maktab bitiruvchilarinikidan anchagina orqada», — dedi Sherzod Shermatov. Vazir, shuningdek, o‘z ishini eplay olmayotgan va «sohaga adashib kirib qolgan» pedagoglarga o‘ziga boshqa ish topishni tavsiya qildi.
Yadro tadqiqotlari birlashgan institutiga a’zo davlatlar Muxtor vakillar qo‘mitasi O‘zbekistonning to‘laqonli a’zoligini tikladi. Endilikda O‘zbekiston yadro texnologiyalari, yadroviy tibbiyot, axborot texnologiyalari va materialshunoslik yo‘nalishlarida kadrlar tayyorlay oladi.
Bo‘stonliq va Zominda quriladigan yangi dor yo‘llari qurilishini Avstriyaning Doppelmayr kompaniyasi amalga oshirishi ma’lum bo‘ldi. Xabar berilishicha, Zominda ikkita gondol-kreslo tipidagi dor yo‘li hamda tog‘-chang‘i trassalariga xizmat ko‘rsatish uchun uchta ko‘taruvchi moslama quriladi.
Fuqarolik jamiyati rivojlanishidagi ijobiy o‘zgarishlarga qaramay, jamoat tashkilotlarini ro‘yxatdan o‘tkazish hali ham o‘ta og‘riqli masala bo‘lib qolmoqda. Dilmurod Yusupov shu kungacha 18 marta (!) NNTni ro‘yxatdan o‘tkazishda rad javobini olgan volontyor yoshlarning tashabbuskor guruhi misolida bu masalaga aniqlik kiritishda davom etmoqda.
Bosh prokuratura UzAuto Motors`dan Lacetti, Equinox va Trailblazer sotib olgani haqidagi xabarlarga izoh berar ekan, Trailblazer sotib olinganini rad etdi. Shuningdek, ushbu avtomobillar qanday maqsadlarda va qaysi manbalar hisobiga olinganini oshkor qildi.
Farg‘ona viloyatidan Rossiyaga pomidor va qalampir olib kirishga taqiqni bekor qilish choralari ko‘rilayotgani ma’lum qilindi. Qayd etilishicha, ushbu mahsulotlarda aniqlangan ToBRFV o‘simliklar virusining yangi shtammi O‘zbekiston hududida ilgari aniqlanmagan.
Hukumat qarori loyihasiga ko‘ra, 2021 yil 1 yanvardan boshlab davlat xizmatchilari har uch yilda bir martta huquqiy savodxonlik bo‘yicha onlayn test sinovlaridan o‘tishadi. Normativ-huquqiy hujjatlarning minimal bazasini bilish sinovlaridan vazirlar, hokimlar, davlat qo‘mitalari, idoralar va boshqa davlat tuzilmalari rahbarlari o‘tkaziladi.
24 yanvar kuni prezidentning parlamentga yo‘llagan murojaatnomasiga bag‘ishlangan tadbirni Xalqaro kongress markazida tashkillashtirish uchun 1,76 mlrd so‘m sarflangan. Xarajatlarning katta qismi — deyarli 1,5 mlrd so‘mi mehmonlarni ovqatlantirishga to‘g‘ri kelmoqda.
Yangi qurilayotgan Sergeli yer usti metro yo‘nalishida test rejimida poyezd harakati amalga oshirildi. Metroning yil oxirigacha to‘liq foydalanishga topshirilishi kutilmoqda.
Chinoz tumanidagi «Paxta Neftbazasi»da 5 ming tonna sig‘imli yoqilg‘i sisternasi yonib ketdi. Yong‘in sodir bo‘lgan joyga Toshkent viloyati Favqulodda vaziyatlar boshqarmasining yong‘in-qutqaruv ekipaji yetib borgan. Jabrlanganlar yo‘q.
Baxtiyor Ahmedov Navoiy viloyati prokurori lavozimiga tayinlandi. U bundan avval Sirdaryo viloyati prokurori o‘rinbosari vazifasida faoliyat yuritgan.
Rossiya Farg‘ona viloyatida yetishtirilgan pomidor va qalampirlarda tobamovirus aniqlangani uchun sabzavotlarni o‘z hududiga kiritilishiga taqiq qo‘ydi. Ushbu virusni yuqtirgan sabzavot boshqa o‘simliklarning nobud bo‘lishiga olib kelishi mumkinligi ta’kidlanmoqda.
Yaqin kunlarda havo harorati pasayib, yomg‘ir va qor yog‘ishi, tungi sovuqlar va shamol kuchayishi kutilmoqda. Havoning o‘rtacha kunlik harorati me’yordan 10−12 daraja past bo‘ladi.
2020 yilning 10 oyi davomida avtoraqamlarni sotib olish 2,6 barobarga ko‘paygan bo‘lib, avtoraqam.uzex.uz onlayn-auksioni orqali jami 218,8 mlrd so‘m qiymatda 80,5 mingdan ziyod «chiroyli» raqamlar xarid qilingan.
Toshkentning ikkita tumanida hokim o‘rinbosari bo‘lib ishlagan Xo‘jaakbar Fayzullaxo‘jayev va Azizbek Yunusov Tashqi mehnat migratsiyasi agentligi boshlig‘i o‘rinbosarlari etib tayinlandi.
Energetika vaziri Alisher Sultonov gaz va elektr ta’minoti ortidan jamoasi bilan iste’foga chiqish masalasida fikr bildirdi. «To‘g‘ri, kamchiliklar juda ham ko‘p. Lekin hozir hamma iste’foga chiqib ketadigan bo‘lsa, ishni kim qiladi? Mutaxassislar o‘zi qolmayapti. Siz o‘ylamang, hech kim o‘zini joyini ushlab olgani yo‘q, lekin qanday qiyin bo‘lmasin, hamma o‘zini ishini qilishi kerak», — dedi vazir.
Axborot va ommaviy kommunikatsiyalar agentligi «Gazeta.uz»ni COVID-kasalxonalari bemorlari statistikasi va SSVning koronavirus bemorlari to‘g‘risidagi ma’lumotlar taqqoslangan yangilikni e’lon qilgani uchun «jiddiy huquqiy oqibatlar» haqida ogohlantirdi. Biz ogohlantirish xatiga tahririyatni «noqulay» savollar berishdan to‘xtashga majbur qilishga urinishni eslatadigan keskin javob deb qaraymiz.
Qo‘shimcha imkoniyatlarga ega bulish uchun saytda ro‘yxatdan o‘ting