19 noyabr kuni bo‘lib o‘tgan xalqaro veb-forumda Ziroat Mirziyoyeva nogiron bolalarning ta’limi, ularga inklyuziv muhitni yaratish va bunda paydo bo‘layotgan to‘sqinliklar haqida nutq so‘zladi. «Zamin» Xalqaro fondi Vasiylik kengashi raisi nogironligi bo‘lgan bolalar ta’limi masalasi hanuzgacha juda achinarli ahvolda ekanligini ta’kidlagan.
Chorshanba kuni kechqurungacha O‘zbekistonning markaziy va sharqiy hududlaridagi qor qoplamining balandligi 6−14 sm ni tashkil etdi. Shuningdek, yo‘llarni ko‘ra olish imkoniyati kamaydi, yo‘llar muzladi. Kun davomida havo harorati 5−3 darajadan oshmadi. Noyabr oyida bunday sovuq kunlar kamdan-kam uchraydi, deya izoh berdi sinoptiklar.
Rishton tumanida Qirg‘izistondan arzon temir mahsulotlarini olib kelishi uchun tanishiga $30 ming AQSH dollarini bergan fuqaro aldanib qoldi. Uning ishonchiga kirgan shaxs pullarni o‘z ehtiyojlari uchun sarflab yuborgan.
Toshkent shahri Shayxontohur tumani “Shayx Zayniddin” jome masjidi imom-xatibi Abdurahmonov Yahyo Ubaydullo o‘g‘li “Vaqf” xayriya jamoat fondi boshqaruv kengashi raisi vazifasiga tayinlandi.
23 noyabrdan boshlab Toshkentdan Sianga parvozlar to‘xtatilib, 4 hafta davomida reyslar bo‘lmaydi. Parvozlar bekor qilinishining sababi 5 noyabr kuni 11 ta yo‘lovchilarda koronavirus infeksiyasi aniqlanishi bo‘lgan.
Prezident qarori bilan 2021−2022 o‘quv yilidan O‘zbekiston Milliy universitetida Gidrometeorologiya fakulteti tashkil etiladi. Rossiya va boshqa xorijiy ta’lim muassasalari bilan hamkorlikda qo‘shma ta’lim dasturlari yo‘lga qo‘yiladi.
2020 yilda Global ochlik indeksida eng yaxshi deb topilgan mamlakatlar orasida O‘zbekiston o‘tgan yilgi ko‘rsatkichlarini yaxshilab, 30 o‘rinni egalladi. Belarus, Bosniya va Gersegovina, Braziliya davlatlari reytingda eng yuqori pog‘onada bo‘lsa, eng kichik ko‘rsatkichlar Madagaskar, Timor Leste va Chad mamlakatlarida kuzatilmoqda.
Samarqand viloyati Oqdaryo tumanida 20 nafar yo‘lovchisi bor avtobus yo‘l sirpanchiqligi oqibatida yo‘l-transport hodisasiga uchradi. Ikki nafar yo‘lovchi tan jarohati olib, tibbiyot birlashmasiga murojaat qilgan.
Davlat ekologiya qo‘mitasining xabar berishicha, Toshkentning Gagarin ko‘chasida oltita daraxt qonuniy ravishda kesilgan, chunki ular qurib, kasallangan deb topilgan. Ijtimoiy tarmoqlarda keng muhokamaga sabab bo‘lgan chinor noqonuniy ravishda kesilgan, buning zarari esa 43 mln so‘mga teng.
Qonunchilik palatasi spikeri o‘rinbosari Alisher Qodirov uch mingdan ortiq maktablarda oshxonaning o‘zi yo‘qligi, borining ham 60 foizga yaqini talab darajasida emasligini ta’kidladi. «Farzandlarimizni fiziologik-depressiv holatini yuzaga kelishini hisobga olsak, o‘qituvchilarga bo‘lgan munosabati keskinlashishi, maktabga jinoyatni kirib kelgani bu — albatta ovqatlanish bilan bog‘liq masala», — dedi Alisher Qodirov.
Jahon sog‘liqni saqlash tashkiloti bachadon bo‘yni saratonini bartaraf qilishni tezlashtirish bo‘yicha Global strategiyani ishlab chiqdi. Strategiyada taqdim etilgan tavsiyalarni amalga oshirish 2050 yilga kelib kasallanish holatlarini 40 foizga kamaytirishga va 5 million o‘limning oldini olishga imkon yaratadi.
Antimonopoliya qo‘mitasi UzAuto Motors ishi bo‘yicha Toshkent shahar ma’muriy sudi qarori ustidan apellyatsiya shikoyatini kiritdi. 30 oktyabr kuni Toshkent shahar ma’muriy sudi qo‘mita maxsus komissiyasining 19 avgustdagi qarorini haqiqiy emas deb topgan edi.
O‘zbekiston Qirg‘izistonga 200 o‘ringa mo‘ljallangan ixtisoslashtirilgan shifoxona konteynerlarini yubordi. Shuningdek, mamlakatga COVID-19ga qarshi kurashda yordam berish uchun o‘zbekistonlik shifokorlarni yuborish rejalashtirilgan.
So‘nggi 9 oy ichida korrupsiya holatlari yuzasidan 838 ta jinoiy ishlari qo‘zg‘atilgan bo‘lib, ular bo‘yicha 647 nafar mansabdor shaxs jinoiy javobgarlikka tortilgan. Jinoiy javobgarlikka tortilganlarning 4 nafari respublika miqyosidagi, 15 nafari viloyat miqyosidagi, 626 nafari esa shahar-tuman miqyosidagi mansabdor shaxslarni tashkil qiladi. Ushbu korrupsion jinoyatlar oqibatida 200 mlrd so‘mdan ortiq moddiy zarar yetkazilgan.
Noqulay ob-havo sharoiti sababli Toshkentdan qatnaydigan barcha shaharlararo avtobus qatnovlari 19-noyabr sanasi uchun bekor qilindi.
2019−2020 o‘quv yilida AQSHdagi o‘zbekistonlik talabalar soni 546 nafarni tashkil etdi, bu o‘tgan yilga nisbatan 4,4 foizga kamroq.
Uzauto Motors kompaniyasi 9 oy mobaynida davlat byudjetiga 582,6 mlrd so‘m yig‘imni to‘lamagan. Mazkur holat bo‘yicha deputat Rasul Kushnerbayev munosabat bildirib, kamiga keyingi yil ham shunday 3 foizlik yig‘imni to‘lamaslik imtiyozini saqlab qolishi mumkinligini ma’lum qildi. «Biz bunday imtiyoz berilishiga qarshimiz», — dedi u.
Koronavirus pandemiyasi odamlarning odatlariga, moddiy ahvoliga va hatto to‘y an’analariga ta’sir ko‘rsatdi. «Gazeta.uz» uch nafar juftlik bilan suhbatlashdi va nima uchun ular kichik to‘y o‘tkazishga qaror qilishgani, qanday qiyinchiliklarga duch kelishgani va karantin davrida oilaviy hayotni qanday boshlaganliklari haqida suhbatlashdi.
Qozog‘iston Ichki ishlar vazirligining ma’lumotlariga ko‘ra bir yil davomida mehnat qulligida bo‘lgan O‘zbekiston fuqarosi ish beruvchiga nisbatan hech qanday da’vosi yo‘qligini, ish sharoitlari va ish haqidan qoniqqanini aytdi. U O‘zbekistonga qaytish niyatida emas. Qo‘zg‘atilgan jinoyat ishi yopilgan.
«Pandemiya davrida yotgan ayrim qariyalarga oyog‘ini tog‘oraga suv solib, sovun bilan yuvish emas, balki sumkada tashilgan yeguliklar kerak edi», — deya Komil Allamjonov Toshkent hokimining volontyorlik haqidagi so‘zlariga fikr bildirdi. Toshkent shahar hokimligi Jahongir Ortiqxo‘jayevning javobi aks etgan to‘liq videoni taqdim etib, hokim «yolg‘iz qolgan, kambag‘allarga yordam berishga bo‘lgan samimiylik va firibgarliklar o‘rtasidagi nozik chiziqni» ko‘rsatishga urinayotganini ta’kidladi.
Qo‘shimcha imkoniyatlarga ega bulish uchun saytda ro‘yxatdan o‘ting