Jamiyat
Andijonda olti erkak yosh kelinchakni zo‘rlaganlikda gumon qilinmoqda
Andijon tumanida 20 yoshli kelinchak guruh tomonidan zo‘rlandi. Holat yuzasidan jinoyat ishi qo‘zg‘atildi, gumondorlar — olti erkak.
Botanika bog‘i hududida yong‘in sodir bo‘ldi
Toshkentda Botanika bog‘i orqa tomonidagi ochiq maydonda yong‘in sodir bo‘ldi. Bog‘ning o‘rmon fondi zarar ko‘rmadi.
Yunusobod tumani soliq inspeksiyasining katta inspektori qo‘lga olindi
Yunusobod tumani soliq inspeksiyasining katta inspektori 3500 dollarni olgan vaqtida qo‘lga olindi. U kameral tekshiruvlar yakunida ijobiy hulosa berishni va’da qilgani aytilmoqda. Bundan tashqari, Bulaqboshi tuman davlat soliq inspeksiyasi bosh inspektori, Jizzax shahri hamda Yangiqo‘rg‘on tumani hokimlari o‘rinbosarlari ham ushlangan.
O‘zbekiston xalq artisti, rejissyor Bahodir Yo‘ldoshev vafot etdi
O‘zbekiston xalq artisti, taniqli rejissyor Bahodir Yo‘ldoshev 76 yoshida vafot etdi. U nufuzli tadbirlar, shu jumladan, prezident ishtirok etgan bayram shodiyonalari, Mustaqillik kuni va Navro‘z bayramiga bag‘ishlab o‘tkazilgan konsertlar, «Sharq taronalari», Mirzo Ulug‘bekning 600 yilligi va Amir Temurning 660 yilligi munosabati bilan o‘tkazilgan tantanalarda bosh rejissyor sifatida faoliyat ko‘rsatgan.
Badbo‘y hid tufayli beshta charm sanoat korxonasi Toshkent tashqarisiga ko‘chiriladi
Hukumat qarori loyihasi bilan Sergeli tumanida yoqimsiz hid tarqalishiga sababchi bo‘lgan korxonalarning lokal tozalash inshootlarida rekonstruksiya qilish hamda beshta charm sanoat korxonasini Toshkentdan tashqariga ko‘chirish rejalashtirilmoqda. Avvalroq, tumanning Bo‘zsuv kanaliga turli korxona va tashkilotlar tomonidan oqova suvlar va chiqindilar oqizilayotgani xabar qilingan edi.
«Hech kimning bunga aralashishiga haqqi yo‘q». IIV «soqol» tadbiri bo‘yicha xabarni inkor etdi
IIV matbuot kotibi Shohrux G‘iyosov ichki ishlar organlari «soqol» tadbirini o‘tkazayotgani haqidagi xabarlarni rad etdi. Internetda IIO xodimlariga soqol qo‘ygan fuqarolarni aniqlash va ularni soqol olishdan oldin va keyin suratga olish bo‘yicha ko‘rsatmalar aytilgan audioyozuv tarqaldi.
Nukus va Norindagi avtohalokatlarda sakkiz kishi vafot etdi
Nukusda uchta avtomobil to‘qnuvi natijasida olti kishi, Norin tumanida uchta mashina ishtirokidagi YTHda ikki kishi qurbon bo‘ldi, har ikki avariyada besh kishi jiddiy tan jarohatlari oldi.
«Ko‘ngillaringiz bo‘linmasin. Bir o‘zlaringiz emassizlar». Prezident Toshkentdagi gematologiya markaziga tashrif buyurdi
Prezident Shavkat Mirziyoyev Respublika ixtisoslashtirilgan gematologiya ilmiy-amaliy tibbiyot markaziga tashrif buyurib, davolanayotgan bolalar va ularning onalari bilan suhbatlashdi. Shifoxona uchun yangi bino barpo etish, unda Rossiyaning D.Rogachyov nomidagi tibbiy tadqiqot markazi tajribasi asosida bolalar onkogemotologiyasi markazi tashkil qilish bo‘yicha ko‘rsatmalar berildi. «Ko‘ngillaringiz bo‘linmasin. Bir o‘zlaringiz emassizlar.Hammamiz hamdardmiz», — dedi u.
Bolalar ustidan pul sochgan urgutlikka ma’muriy bayonnoma rasmiylashtirildi
Urgut tumanida bolalar ustiga pul sochgan fuqaro bilan profilaktik suhbat o‘tkazildi. Unga nisbatan karantin qoidalarini buzganlik uchun ma’muriy bayonnoma rasmiylashtirildi.
Foto, video: O‘zbekistonda Hayit namozining o‘qilishi
Ramazon hayiti namozi munosabati bilan O‘zbekiston masjidlarda 2,5 mlndan ortiq kishi, shu jumladan Toshkent shahrida — qariyb 500 ming kishi to‘plandi. «Gazeta.uz» poytaxtdagi Minor masjididan fotoreportaj tayyorladi.
Qashqadaryodagi avariyada yetti kishi vafot etdi. Ular orasida bir va to‘rt yoshli bolalar bor
Qashqadaryo viloyatida «VAZ 21−01» va Nexia avtomashina to‘qnashuvi oqibatida yetti kishi vafot etdi. Ulardan ikki nafari bir va to‘rt yoshli bola bo‘lgan. YTHga haydovchilarning yuqori tezlikda harakatlanishi bilan birga yo‘llarning nosozligi sabab bo‘lgani aytilmoqda. Holat bo‘yicha viloyat hokimi Zoir Mirzayev yig‘ilish o‘tkazdi. «Barchaga bu holat ibrat bo‘lsin. Yo‘l erkalikni ko‘tarmaydi», — dedi u.
Surxondaryo viloyati hokimiga yangi o‘rinbosar tayinlandi
Kasaba uyushmalari federatsiyasi tasarrufidagi korxona direktori Alisher Xidirov Surxondaryo viloyati hokimi o‘rinbosari etib tayinlandi.
O‘zbekiston Isroil va Falastinni zo‘ravonlikka chek qo‘yishga chaqirdi
O‘zbekiston TIV Isroil-Falastin mojarosi ishtirokchilarini zo‘ravonlikka chek qo‘yish, Al-Aqso masjidi va Quddusdagi boshqa muqaddas qadamjolarning daxlsizligini — status-kvoga rioya etilishini ta’minlashga chaqirdi.
Xorazmda haydovchilik guvohnomasi bo‘lmagan maktab o‘quvchisi sodir etgan YTHda uch kishi halok bo‘ldi
Xorazmda 10-sinf o‘quvchisi Lacetti avtomashinasida qarama-qarshi yo‘lga chiqib ketib, Damas rusumli avtomashinaga borib urilgan. Natijada uch kishi vafot etdi. Lacetti boshqargan o‘quvchining haydovchilik guvohnomasi bo‘lmagan.
Focus kino-operatorlari ustaxonasiga qabul boshlandi
Focus san’at maktabi kinooperator Umid Malikov badiiy rahbarligida kino-operatorlari ustaxonasiga qabul boshlanganini e’lon qildi.
«Maktabdagi ahvollarni ko‘rsa, odam tavba deb yuboradi» — Shavkat Mirziyoyev
Prezident respublikadagi maktablar sharoitining yomon ahvoldaligi masalasi dolzarbligicha qolayotganini ta’kidladi. «Maktabdagi ahvollarni ko‘rsa, odam tavba deb yuboradi. Kamchiliklarni 27 yil ko‘rib-ko‘rmaslikka olganmiz. Surxondaryo, Qashqadaryo, Samarqanddagi maktablarning ahvolini yaxshi bilaman», — dedi u.
Jahon internet kompaniyalari O‘zbekistonda serverlarini joylashtirishi zarurligi to‘g‘risida ogohlantirildi
Telegram, Facebook, TikTok, Google va Yandex kabi ijtimoiy tarmoqlar va internet-kompaniyalar 16 apreldan boshlab O‘zbekiston fuqarolarining shaxsiy ma’lumotlarini mamlakat ichida joylashgan serverlarda qayta ishlashga majbur. Tegishli xatlar allaqachon ularga yuborilgan, dedi Davlat personallashtirish markazi rahbari Ulug‘bek Toshxo‘jayev.
Homilador ayolni «propiska» sababli poytaxt tug‘ruqxonasiga qabul qilishmadi
Toshkent shahridagi 1-sonli tug‘ruqxonada Yangiyo‘l tumanida ro‘yxatda bo‘lgan homilador ayolni qabul qilishmadi. Vaziyat o‘rganilgach, poytaxt sog‘liqni saqlash boshqarmasi boshlig‘ining o‘rinbosari va tug‘ruqxona kompleksining bosh shifokori ishdan bo‘shatildi.
Jizzax shahri hokimining birinchi o‘rinbosari v.b. $2000 pora bilan qo‘lga tushdi
DXX va prokuratura xodimlari Jizzax shahar moliya bo‘limi boshlig‘i, shahar hokimining birinchi o‘rinbosari vazifasini bajaruvchi Oybek Nurmatovni qo‘lga olishdi. U shahardagi ijtimoy soha ob’ektlarini qurish va ta’mirlash bo‘yicha o‘tkaziladigan tender savdolarini olib berish evaziga tadbirkordan 2000 dollar talab qilgani aytilmoqda.
Ekologiya qo‘mitasi raisining ruxsati bilan “Qizil kitob"dagi qo‘ng‘ir ayiq rossiyalik ovchi tomonidan o‘ldirildi
Ekologiya qo‘mitasi raisining ruxsati bilan “Qizil kitob"ga kiritilgan Tyanshan qo‘ng‘ir ayig‘i rossiyalik ovchi tomonidan o‘ldirilgani haqida xabarlar tarqaldi. Ekologiya qo‘mitasi ruxsatnoma berish jarayoni qonunchilikka to‘liq rioya qilingan holda amalga oshirilganligini ta’kidlamoqda.
Eng ko‘p o‘qilgan xabarlar | So‘nggi yangiliklar
Qo‘shimcha imkoniyatlardan foydalanish uchun saytda ro‘yxatdan o‘ting