Jamiyat
«Onlayn maktab» doirasida amerikalik mutaxassis ingliz tilidan dars o‘tadi
«Onlayn maktab» doirasidagi yuqori sinf o‘quvchilari uchun ingliz tili darslarini o‘tishga AQSHlik mutaxassis jalb etildi. XTVning «Gazeta.uz»ga ma’lum qilishicha, xorijdan yana boshqa o‘qituvchilar ham jalb etilishi kutilmoqda.
Yakshanba kuni havo salqinlashadi
Noyabr oyining birinchi haftasidagi iliq harorat hafta so‘ngida havoning salqinlashishi bilan yakunlanadi. Yakshanba kuni yomg‘ir yog‘ishi kutilmoqda va harorat pasayishni boshlaydi. Keyingi haftaning boshida kunduzi havo harorati 10−15 daraja bo‘ladi.
O‘zbekistonning bir qator hududlarida yer silkinishi sezildi
Epimarkazi Qirg‘iziston bo‘lgan zilzila O‘zbekiston shaharlarida ham sezildi. Zilzila kuchi Farg‘onada 5 ballni, Toshkentda 2 ballni tashkil etdi.
Haydovchilar istalgan harf kombinatsiyalari bilan «chiroyli» raqamlarni sotib olishi mumkin
Avtomobil raqamlarining 1−3-toifalari istalgan harf kombinatsiyalari bilan auksionga qo‘yilishi mumkin. Bunday raqamlarning boshlang‘ich narxi Toshkent shahrida 300 dan 900 BHMgacha, boshqa hududlarda 200 dan 500 BHMgacha bo‘ladi. 6 oy ichida sotilmagan «chiroyli» raqamlar arzon narxda auksionga qo‘yiladi.
«Milliy gvardiya» harbiy kiyimini kiyib, zo‘ravonlik qilgan shaxslar qo‘lga olindi
Toshkent viloyatida bir guruh fuqarolar «Milliy gvardiya» harbiy kiyimini kiyib, qurollangan holda yo‘lda ketayotgan shaxsga zo‘rlik ishlatgan. Bosqinchilik qilgan shaxslar voqea joyida qo‘lga olinib, ularga nisbatan jinoiy ish qo‘zg‘atilgan.
O‘g‘lining to‘yiga 53 kishini taklif qilgan Buxoro viloyat SEX rahbari jarimaga tortildi
O‘g‘lining to‘yida 53 kishi qatnashgan Buxoro viloyat Sanitariya-epidemiologiya xizmati rahbari 4,4 mln so‘m miqdorida jarimaga tortildi.
Qashqadaryoda o‘rmon yong‘ini yuz berdi
Qashqadaryoda o‘rmon yong‘ini yuz berdi. Salkam 600 ta Zarafshon archasi yonib ketgan.
O‘zbekistonda faqat Xitoy vaksinasi sinovi o‘tkazilmaydi
Covid-19 ga qarshi vaksina nafaqat Xitoy, balki vaksina ishlab chiqilayotgan boshqa davlatlardan ham keltirilishi rejalashtirilmoqda. Innovatsion rivojlanish vaziri aholiga har qanday vaksinani olib kelish uchun bir necha vaksinalarning sinovini parallel ravishda o‘tkazish zarurligini ta’kidladi.
Toshkentda kamerunlik shaxsni qiynoqqa solganlar 5 yilga qamaldi
Toshkentda kamerunlik fuqaroni to‘rt kun davomida tutqunlikda saqlab, unga turli tan jarohatlari yetkazgan jinoiy guruhga 5 yillik qamoq jazosi belgilandi.
Davlat soliq qo‘mitasi huzurida Fiskal institutni tashkil etish rejalashtirilmoqda
Davlat soliq qo‘mitasi huzuridagi Malaka oshirish markazi negizida Fiskal institut tashkil etish rejalashtirilmoqda. Institutda darslar 2021/2022 o‘quv yilidan boshlanadi.
Reabilitatsiya markazlariga deyarli 170 nafar erkak murojaat qilgan
O‘zbekistonda zo‘rlik ishlatishdan jabr ko‘rgan shaxslarni reabilitatsiya qilish va moslashtirish markazlariga nafaqat ayollar, balki erkaklar va bolalar ham murojaat qilishadi. Yanvar-sentyabr oylari davomida ushbu markazlar tomonidan jismoniy zo‘ravonlikka uchragan 18 nafar bola va 168 nafar erkaklar murojaati qabul qilingan.
8 oy ichida 1 mln so‘mgacha ish haqi oluvchilar soni 5,5 foizga kamaydi
O‘zbekistonda 1 mln so‘mgacha ish haqi oluvchilar soni 42,8 foizni, 5,5 mln so‘m va undan yuqori oluvchilar soni 6 foizni tashkil etadi.
Toshkentda yoshlar festivali oyligi boshlanadi: tadbirlar ro‘yxati
Poytaxtda «Toshkent yoshlarni sevadi!» shiori ostida bir oy davom etadigan yoshlar festivali o‘tkaziladi. Festival doirasida mahorat darslari, badiiy ko‘rgazmalar, ta’lim va sport tadbirlari, konsertlar, muvaffaqiyatli tadbirkorlar bilan uchrashuvlar, ekskursiyalar, viktorinalar, fleshmoblar va boshqa tadbirlar o‘tkaziladi.
Test sinovlari uchun sarflangan mablag‘lar haqida ma’lumot berildi
Davlat test markazi oliy ta’lim muassasalariga kirish imtihonlari uchun sarflangan mablag‘lar miqdorini oshkor qildi. Avvalroq abituriyentlardan 80 mlrd so‘mdan ziyod mablag‘ kelib tushgani xabar qilingan edi.
Tashkent City hududida qurilayotgan binolarning birida yong‘in sodir bo‘ldi
Tashkent City hududida qurilayotgan binolarning birida qurilish jihozlari saqlanayotgan maydonda yong‘in sodir bo‘ldi. Hodisadan jarohat olgan yoki vafot etganlar yo‘q.
«Islom sivilizatsiyasi markazi» qurilishi uchun 237 ta uy buzildi
Olmazor tumanida «Islom sivilizatsiyasi markazi» qurilishi uchun hududdagi 241 ta xonadon buzilishga tushgan. Ularning 237 tasi buzib bo‘lindi, qolgan 5 ta xonadon egalariga uy-joy ajratish ishlari olib borilmoqda.
Olmaliqda bo‘sh ish o‘rinlari uchun kelganlar orasida tiqilinch yuzaga keldi
Olmaliqda bo‘sh ish o‘rinlari yarmarkasi bo‘lib o‘tayotgan madaniyat saroyida fuqarolar sonining ortib ketishi katta tiqilinchga olib keldi. Yarmarka boshqa hududga ko‘chirildi.
Toshkentdagi 11ta DXMda surdo-online planshetlari ishga tushirildi
Toshkentdagi 11 ta tuman Davlat xizmatlari markazlarida tajriba tariqasida surdo-online planshetlari ishga tushirildi. Endilikda gapirish va eshitish bilan bog‘liq imkoniyati cheklangan shaxslar surdo tarjimonsiz istalgan davlat xizmatlaridan foydalanishlari mumkin.
O‘zAda sayt va logotip yangilandi, fotobank ishga tushdi
O‘zbekiston milliy axborot agentligi o‘z veb-sayti va logotipini yangiladi. Xususan, fotobank ishga tushirilib, sayt dizayni matnlarni oson o‘qishga moslashtirildi.
GTL zavodi quruvchilari «pogrom» davomida 480 mln so‘mlik zarar yetkazgani aniqlandi
Qashqadaryoda qurilayotgan Uzneftegaz GTL zavodi ishchilari 21 oktyabr kuni norozilik uyushtirib, qurilish kompaniyalari mol-mulkini talon-toroj qilishgandi. Viloyat IIB tomonidan tergov o‘tkazilib, yetkazilgan zarar o‘rganildi va noroziliklar ishtirokchilariga nisbatan jinoyat ishi qo‘zg‘atildi.
Eng ko‘p o‘qilgan xabarlar | So‘nggi yangiliklar
Qo‘shimcha imkoniyatlarga ega bulish uchun saytda ro‘yxatdan o‘ting