Jamiyat
Qashqadaryoda erkakni shafqatsizlarcha kaltaklagan fuqarolarga nisbatan jinoyat ishi qo‘zg‘atildi
Qashqadaryo viloyatida bir erkak 3−4 nafar fuqarolar tomonidan vahshiylarcha qiynoqqa solindi. Erkaning qo‘l-oyog‘i bog‘liq holda, badani pichoq va issiq kapkir bilan kuydirilib, arqon bilan bo‘g‘ilgani aytilmoqda.
2020 yilda O‘zbekistonga 50 mln dollarlik gaz import qilingan va eksport 4,7 baravarga kamaygan
2020 yilda O‘zbekistonga 50,4 mln dollarlik gaz import qilingan, bu 2019 yilga nisbatan 237 marta ko‘proq. Eksport esa qiymat jihatidan 4,7 baravar kamaygan.
Sobiq aloqa vaziri Toxir Rahimov vafot etdi
Sobiq aloqa vaziri, undan oldin esa tashqi iqtisodiy aloqalar vaziri sifatida faoliyat yuritgan Toxir Rahimov 74 yoshida olamdan o‘tdi.
Samarqandda 4 ta mashina ishtirokida YTH ro‘y berdi
Samarqand viloyatida «Nexia-2» va «Lacetti» mashinalari ishtirokida YTH sodir bo‘ldi. To‘qnashuv zarbidan svetoforda turgan «Nexia» va «Cobalt» mashinalari bilan ham to‘qnashib ketgan. Hodisa natijasida jarohat olganlar yo‘q.
Quvada 19 yoshli qiz o‘g‘irlanib, bir oy davomida uch kishi tomonidan zo‘rlangani aytilmoqda
Farg‘ona viloyati Quva tumanida yashovchi 19 yoshli qiz 2020 yilning mart oyida o‘g‘irlab ketilganini ma’lum qildi. U bir oy davomida uch nafar shaxs tomonidan zo‘rlanib, nomusiga tegilganligini, ulardan biri voyaga yetmagan 16 yoshli yigit bo‘lganligini aytmoqda. Uyga qaytgach, qizning homiladorligi bilinadi va voqeadan xabar topgan otasi uni uydan haydab yuboradi. Holatni o‘rganib chiqqan tuman IIBsi bunda jinoyat alomati yo‘qligini aytib, jinoyat ishi qo‘zg‘atishni rad etgan.
2020 yilda ajralishlar bo‘yicha sud ishlarining 14 481 tasida da’vo talablarini qanoatlantirish rad etilgan
2020 yilda O‘zbekiston fuqarolik ishlari bo‘yicha sudlari tomonidan 291 182 ish ko‘rib chiqilgan, ularning asosiy qismini bitimlar, ajralishlar va binolarni ruxsatsiz buzish bilan bog‘liq ishlar tashkil qilgan.
Sergelida yuz bergan janjalga rasmiy munosabat bildirildi
Sergeli tumanida muqaddam sudlangan ikki nafar shaxs mast holatda avtoturargohda turgan mashinani to‘sgan. Fuqarolar o‘rtasida o‘zaro janjal yuzaga kelib, tan jarohatlari yetkazilgan. Holat yuzasidan jinoyat ishi qo‘zg‘atildi.
Sardoba fojeasida zarar ko‘rgan masjidlar uchun xayriya qilingan pullar Suriyaga yuborilgani aniqlandi
Sardoba fojeasida zarar ko‘rgan masjidlarni qayta qurish uchun «Telegram» da xayriya guruhi ochib, undan tushgan mablag‘larni Suriyada terrochilik faoliyatini moliyalashtirishga jo‘natilgani aniqlandi. Shuningdek, buni uyushtirgan shaxslar ekstremistik g‘oyalarni targ‘ib qilib, Suriyaga chiqishni rejalashtirilganlikda gumon qilinmoqda. Hozirda ular ushlanib, ularga nisbatan jinoyat ishi ochildi.
Issiqlik ta’minoti masalalari bo‘yicha 24 soat ishlaydigan dispetcherlik xizmati joriy etildi
Issiqlik tarmoqlarida baxtsiz xodisalar, isitishning uzilish xolatlarida issiqlik ta’minoti tashkilotlarining uzluksiz ishlaydigan shoshilinch dispetcherlik xizmati yo‘lga qo‘yildi.
Shavkat Mirziyoyev Buxoroga jo‘nab ketdi
Prezident Shavkat Mirziyoyev hududlar rivoji, aholi hayoti bilan yaqindan tanishish maqsadida Buxoro viloyatiga jo‘nab ketdi.
3,7 mln dollarga yerni rasmiylashtirib berishini aytgan fuqaro ushlandi
Toshkent viloyatidagi korxona rahbari Q.T. 460 ga yerni bir tadbirkorga noqonuniy rasmiylashtirib berishni taklif qiladi. Evaziga esa 3 mln 720 ming AQSH dollari talab qiladi. Tadbirkordan aytilgan summani olayotgan vaqtida Q.T. ashyoviy dalil bilan qo‘lga olinadi.
Prezidentga ajrashishni cheklash va teletsenzura taklif etildi. U bu bilan muammo yechilmasligini aytdi
Yunusobod tumanidagi mahalla raisining birinchi o‘rinbosari prezident bilan uchrashuvda nikohdan keyin 2−3 yil muddatga ajrashishlarni taqiqlashni va televideniyega senzura qo‘yishni taklif etdi. U «o‘zbek mentalitetiga umuman to‘g‘ri kelmaydigan» deb hisoblaydigan Yor-Yor dasturini misol qilib keltirdi. Shavkat Mirziyoyev cheklash va taqiq qo‘yish bilan muammo hal bo‘lmasligini aytdi.
Toshkent shahrida YTH oqibatida ikki kishi vafot etdi va ikki kishi jarohatlandi
Toshkent shahrining Yuzrabod va Kozeva ko‘chalari kesishmasida Damas va VAZ-2115 avtomashinalari to‘qnashishi oqibatida ikki kishi vafot etdi va ikki kishi jarohatlandi.
Toshkent shahar IIBBda yangi tayinlovlar amalga oshirildi
Polkovnik Timur Xolmatov Toshkent shahar IIBB boshlig‘ining o‘rinbosari — Xavfsiz turizmni ta’minlash boshqarmasi boshlig‘i etib tayinlandi. Poytaxt IIBBsi Moliya va moddiy-texnika ta’minoti boshqarmasi boshlig‘i esa polkovnik Xusniddin Shamsutdinov bo‘ldi.
2020-yilda 7 110 nafar shaxs ozodlikdan maxrum qilingan
Oliy sud ma’lumotlariga ko‘ra, 2020 yilda 38 149 nafar shaxsga nisbatan 30 284 ta jinoyat ishi ko‘rilgan. Sudlanganlar esa 27 999 nafarni tashkil etgan. Shundan 7 110 nafariga qamoq jazosi tayinlangan. Yil davomida 781 nafar shaxs oqlangan.
Voyaga yetmagan qizni zo‘rlaganlikda gumonlangan shaxs vafot etdi, qiz bedarak yo‘qoldi
Samarqand viloyatida 2 nafar fuqaro voyaga yetmagan qizni zo‘rlaganlikda gumonlanmoqda. Gumondorlardan biri o‘z uyida vafot etdi, jabrlangan qiz bedarak yo‘qoldi.
Yangi — Angren IESdagi portlash oqibatida 3 kishi vafot etdi
Yangi — Angren IES 5 blokidagi rejali xizmat ko‘rsatish paytida portlash yuz berdi. Hodisa natijasida uch kishi olingan jarohatlar sababli vafot etdi.
Jahongir Otajonov prezident saylovlarida qatnashmoqchi ekanligini ma’lum qildi
Sobiq xonanda Jahongir Otajonov O‘zbekiston prezidenti saylovlarida qatnashish istagi borligini ma’lum qildi. «Kerak bo‘lsa, partiya tuzaman», — dedi u.
Samarqand viloyatida «Shavkat Miromonovich Mirziyoyev» nomli oilaviy korxona ochilgan
Samarqand viloyati Kattaqo‘rg‘on tumani Payshanba shaharchasida «Shavkat Miromonovich Mirziyoyev» oilaviy korxonasi faoliyat yuritadi. Ma’lumotlarga ko‘ra, korxona 2020 yil 14 fevral kuni Davlat xizmatlari markazi tomonidan ro‘yxatga olingan va ustav fondi 1000 so‘mni tashkil etadi.
«O‘zbekiston metallurgiya kombinati»ga yangi rahbar tayinlandi
Rashid Pirmatov «O‘zbekiston metallurgiya kombinati» aksiyadorlik jamiyati rahbari etib tayinlandi.
Qo‘shimcha imkoniyatlardan foydalanish uchun saytda ro‘yxatdan o‘ting